2 Kɔrɛntɩ 10:18 - New Testament

¹⁸ Mbʋ́ pʋyɔɔ yɔ, pɩtɛkɛ weyi ɛsaŋ ɛ-tɩ yɔ, ɛkɛnɩnɩ kɩbanʋ Kɩpaɣlʋ ɛsɩndaa. Ɛlɛ́, weyi Kɩpaɣlʋ saŋ-ɩ yɔ, ɛnʋ lɛ kɩbanʋ.

2 Kɔrɛntɩ 10:18 ပူးပေါင်းရင်းမြစ်များ

Luka 16:15

Pʋ-yɔɔ Yesu heyi-wɛ se: «Ɩcaɣ se ɛyáa ɩna-mɩ se ɩkɛ kʋtʋʋzaa, ɛlɛ́, Ɛsɔ ñasɩm mɩ-lɩmaɣza tɩŋa. Mbʋ́ ɛyáa maɣzɩɣ se pɩkɩlɩ pɩtɩŋa payɩ yɔ, Ɛsɔ ɛɛcaɣ se ɛna-pʋ ɛ-ɛsɩndaa kpem.

Yohanɛɛsɩ 12:43

Paasɔɔlaa se ɛyáa ɛyɩɣyɩ-wɛ nɛ pɩkɩlɩ Ɛsɔ yɩɣyʋʋ-wɛ yɔ.

Tʋma Labʋ 2:22

Peeɖe Pɩyɛ tasɩ-wɛ heyuu se: «Izrɛɛlɩ ñɩma mɩ! Iwelesi nɛ ɩnɩɩ ndʋ́ meheyiɣ-mɩ yɔ: mɩ-maɣmaɣ ɩtɛm sɩm ḿbʋ́ se Nazarɛɛtɩ tʋ Yesu lɛ weyi Ɛsɔ wɩlɩ-mɩ e-ɖoŋ yɔ. Mbʋ́ pʋyɔɔ yɔ, ɛtɩŋnɩ ɛ-yɔɔ nɛ ɛla hama lakasɩ ndɩ ndɩ nɛ ɛwɩlɩ kawɩlɩsɩ mɩ-hɛkʋ taa.

Room 14:18

Weyi ɛlakɩ Krɩstʋ tʋmɩyɛ ḿbʋ́ yɔ, ɛ-tɔm kɛdɩnɩ Ɛsɔ. Ɛyáa tɔŋ ɖɔɖɔ se ɛlakɩ ɖeu.

Room 16:10

Ɩsɛɛ Apelɛɛsɩ weyi pɩtɩŋnɩ takʋʋ yɔɔ nɛ ɛwɩlɩ se ɛwɛnɩ lidaʋ Krɩstʋ yɔɔ siŋŋ yɔ. Ɩsɛɛ ɖɔɖɔ Aristoobuuli hɔʋ taa ñɩma.

Room 2:29

Ɛlɛ́, mbʋ́ pʋwɛ ɛyʋ taa yɔ, ḿbʋ́ wɩlɩɣna se ɛkɛ Yuda tʋ siŋŋ. Pɛlʋʋ siŋŋ lɛ mbʋ́ pɩlɩnɩ Fezuu Kiɖeɖeu cɔlɔ nɛ pʋwɛɛ ɛyʋ taa yɔ. Pɩtɛkɛ mbʋ́ pɩlɩnɩ paɣtʋ taa yɔ. Yuda tʋ siŋŋ ɛnʋ, pɩtɛkɛ ɛyáa saŋnɩ-ɩ, ɛlɛ́, Ɛsɔ saŋnɩ-ɩ.

1 Kɔrɛntɩ 11:19

Pʋwɛɛ kpem se tayʋʋ ɛwɛɛ ḿbʋ́ mɩ-hɛkʋ taa nɛ papɩzɩ patɩlɩ mbá pɔɖɔkʋʋ pa-tɩ yɔ.

1 Kɔrɛntɩ 4:5

Pʋ-yɔɔ lɛ, ɩtaahʋʋnɩ ɖama nɛ pʋcɔ alɩwaatʋ ndʋ́ Ɛsɔ ɖʋwa se Kɩpaɣlʋ kɔŋ yɔ, tɩtalɩ. Ɛnʋ lɩzɩɣnɩ mbʋ́ pʋwɛ cɩkpɛndʋʋ taa yɔ nɛ ɛwɩlɩ. Ɛnʋ kuluuni ɖɔɖɔ mbʋ́ ɛyáa maɣzɩɣ pa-taa yɔ pʋ-yɔɔ. Peeɖe Ɛsɔ saŋ paa weyi mbʋ́ ɛlaba yɔ pʋ-yɔɔ.

2 Kɔrɛntɩ 10:12

Đɩɩcazɩɣ ɖa-tɩ kpaɣʋ se ɖɩkɛdɩna yaa ɖɩmaɣzɩnɩ mbá pawɩlɩɣ pa-tɩ yem yɔ. Pa-ñʋŋ taa fɛyɩ yɔɔ pɛkɛdɩɣnɩ pa-tɩ yaa pamaɣzɩɣnɩ pa-tɩ nɛ pa-maɣmaɣ.

2 Kɔrɛntɩ 13:7

Đɔɖɔ lɛ, ɖɩsɛɣ Ɛsɔ se mɩ-taa nɔɔyʋ ɛtaatasɩ kɩwɛɛkɩm nabʋyʋ labʋ. Đɩɩcaɣ se ɖɩtɩŋnɩ pʋ-yɔɔ nɛ ɖɩwɩlɩ se ɖɩmʋnaa. Ɛlɛ́, paa pɩlakɩ-mɩ ɛzɩ ɖɩtamʋna yɔ yɔ, mɩ mɩla mbʋ́ pʋwɛ ɖeu yɔ.

2 Kɔrɛntɩ 3:1

Đɩyɔɔdʋʋ ḿbʋ́ yɔ, pɩwɩlɩɣ se ɖɩɖaɣnɩɣ ɖa-tɩ wɩlʋʋ naa we? Yaa pʋpɔzʋʋ se pama takayɩsɩ ɛzɩ lɛlaa lakʋʋ yɔ nɛ pawɩlɩnɩ-mɩ mbʋ́ ɖɩkɛwa yɔ? Đɩɩpɔzʋʋ-mɩ ɖɔɖɔ se ɩma takayaɣ nakɛyɛ nɛ ɩwɩlɩnɩ-ɖʋ lɛlaa.

2 Kɔrɛntɩ 5:12

Đɩɩɖaɣnɩɣ ɖa-tɩ wɩlʋʋ mɩ-cɔlɔ. Ɛlɛ́, ɖɩhaɣ-mɩ waɖɛ se ɩkʋndɩnɩ-ɖʋ nɛ ɩpɩzɩ icosi mbá pakpazɩɣ pa-tɩ ɛsɛ yɔɔ yem nɛ paanɩɣnɩ mbʋ́ pʋwɛ ɛyʋ taa yɔ.

2 Kɔrɛntɩ 6:4

Ɛlɛ́, ɖɩtɩŋnɩ ɛzɩma mbʋ́ ɖɩɖɔkʋʋ ɖa-tɩ siŋŋ kʋñɔmɩŋ nɛ kɛtɛɖaɣ nɛ nɩɣzʋʋ pa-taa yɔ pʋ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa.

2 Timootee 2:15

Ñaɣ pana nɛ ŋkɛ ɛyʋ weyi pasɩm ɛ-yɔɔ yɔ Ɛsɔ ɛsɩndaa ɛzɩ tʋmlaɖʋ weyi fɛyɛ ɛɛkpaɣ-ɩ nɛ ɛ-tʋmɩyɛ nɛ esusuu toovenim tɔm camɩyɛ yɔ.

1 Pɩyɛ 1:7

Pɩlakɩ-mɩ ḿbʋ́ se pana ɛzɩma mbʋ́ ɩwɛnɩ lidaʋ siŋŋ Ɛsɔ yɔɔ yɔ. Sika wɛʋ yɔ, kɔkɔŋ mʋʋ́ʋ. Paa ḿbʋ́ yɔ, paɖʋʋ-kɛ miŋ taa se pana se kɛkɛ kɩbaŋga naa kɛtɛkɛ. Ḿbʋ́ ɖɔɖɔ Ɛsɔ maɣzɩɣ mbá mɩ mi-lidaʋ kɩlɩ sika wazaɣ yɔ se ɛna kɩ-tɩnaɣ. Ḿbʋ́ yekina nɛ ɛsam-mɩ nɛ ɛɖʋ-mɩ hɩɖɛ kɩyakʋ ŋgʋ́ Yesu Krɩstʋ lɩzɩɣ ɛ-tɩ nɛ ɛwɩlɩ yɔ.