2 Kɔrɛntɩ 10:14 - New Testament

¹⁴ Pʋ-yɔɔ lɛ, ɖɩkɔnaʋ Krɩstʋ Laŋhɛzɩyɛ Tɔm mɩ-tɛ yɔ, ɖɩtɛɖɛɛ kámaɣ́ ŋ́gá Ɛsɔ ɖʋ-ɖʋ yɔ kɔ-yɔɔ. Mbʋ́ pʋyɔɔ yɔ, ɖɛkɛnɩ kajalaɣ ñɩma mbá pɔkɔnɩ-mɩ-tʋ yɔ.

2 Kɔrɛntɩ 10:14 ပူးပေါင်းရင်းမြစ်များ

Maarkɩ 1:1

Ɩna ɛzɩma mbʋ́ Ɛsɔ Pɩyalʋ Yesu Krɩstʋ Laŋhɛzɩyɛ Tɔm pazaa yɔ.

Tʋma Labʋ 20:24

Ɛlɛ́, mañɩtaa mɛntɛ man-tʋmɩyɛ nɖɩ́ Kɩpaɣlʋ Yesu ɖʋ-m yɔ yɔ, me-wezuu tɛkɛnɩ-m pʋyʋ. Ńɖɩ́ lɛ se: monsusi Ɛsɔ lootiye Laŋhɛzɩyɛ Tɔm.

Room 1:16

Mbʋ́ pʋyɔɔ yɔ, fɛyɛ ɛɛkpaɣ-m nɛ Laŋhɛzɩyɛ Tɔm ńdʋ́: tɩkɛ ɖoŋ weyi Ɛsɔ tɩŋɩɣnɩ ɩ-yɔɔ nɛ ɛya mbá patɩŋa payɩ pɛwɛɣnɩ lidaʋ ɛ-yɔɔ yɔ pa-ñʋʋ yɔ. Ɛpazɩɣnɩ Yuda ñɩma nɛ pʋkɔɔ pɩtamnɩ mbá pɛtɛkɛ Yuda ñɩma yɔ.

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

1 Kɔrɛntɩ 2:10

Đa Ɛsɔ tɩŋnɩ e-Fezuu Kiɖeɖeu yɔɔ nɛ ɛwɩlɩ-pʋ. Toovenim lɛ se Fezuu Kiɖeɖeu sɩm pɩtɩŋa payɩ, halɩ pɩkpɛndɩnɩ mbʋ́ pʋwɛ ɖooo Ɛsɔ taa yɔ.

1 Kɔrɛntɩ 3:10

Ma lɛ, Ɛsɔ labɩ-m lootiye nɛ mɛwɛɛ ɛzɩ kuduyiŋ mayʋ kɩbanʋ weyi ɛsɩ tigiɖe nɛ lɛlʋ tɩnɩɣ ɖɩ-yɔɔ yɔ. Ɛlɛ́, pʋwɛɛ se paa weyi ɛtɩlɩ ɛzɩma mbʋ́ ɛtɩnɩɣ ɖɩ-yɔɔ yɔ.

1 Kɔrɛntɩ 4:15

Mbʋ́ pʋyɔɔ yɔ, paa ɩɩwɛnɩ wɩlɩyaa sakɩyɛ nɛ pawɩlɩɣ-mɩ Krɩstʋ tɔm yɔ, ɩɩpɩzɩɣ ɩwɛnɩ caanaa sakɩyɛ. Mbʋ́ pʋyɔɔ yɔ, mɔnkɔmnɩ monsusi-mɩ Krɩstʋ Yesu Laŋhɛzɩyɛ Tɔm nɛ pɩtɩŋnɩ pʋ-yɔɔ nɛ manpɩsɩ ɛzɩ mɩ-caa yɔ.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

Koloosi 1:5

Đaŋʋʋ mbʋ́ ɩɖaŋ mbʋ́ Ɛsɔ kɔñɔɔzaa nɛ ɛsɩɩ-mɩ ɛsɔdaa yɔ, pʋ-yɔɔ ɩwɛnɩ lidaʋ nɛ sɔɔlɩm ḿbʋ́. Đaŋʋʋ ḿbʋ́, pʋ-tɔm paacalɩ-mɩ heyuu alɩwaatʋ ndʋ́ posusaɣ-mɩ toovenim tɔm yɔ. Ńdʋ́ lɛ Laŋhɛzɩyɛ Tɔm.

1 Timootee 1:11

Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.