2 Kɔrɛntɩ 10:13 - New Testament

¹³ Đa lɛ, tʋmɩyɛ nɖɩ́ Ɛsɔ cɛlɩ-ɖʋ yɔ, ɖi-ɖeke ɖɩkʋndʋʋna. Đɩɩkʋndʋʋnɩ nabʋyʋ ɖɔɖɔ. Ɛsɔ ɖʋzɩ ɖe-nesi taa tʋmɩyɛ nɖɩ́ yɔ, ńɖɩ́ lɛ se halɩ ɖɩkɔɔ ɖooo mɩ-tɛ.

2 Kɔrɛntɩ 10:13 ပူးပေါင်းရင်းမြစ်များ

Maatiyee 25:15

Ɛcɛlɩ kajalaɣ tʋ sika pɔɔyɩsɩ kapʋsɩ kagbaanzɩ nɛ naalɛ tʋ kapʋsɩ naalɛ nɛ tozo tʋ kʋɖʋmaɣ. Ɛcɛlɩ-wɛ ḿbʋ́ nɛ ɛmaɣzɩnɩ paa weyi e-ɖoŋ nɛ piyele ɛcaŋ ɛɖɛɛ.

Room 10:18

Ḿbʋ́ mɔnpɔzʋʋ se: Yuda ñɩma tanɩɩ tɔm ńdʋ́ yaa we? Panɩ-tʋ. Ḿbʋ́ pama Ɛsɔtɔm Takayaɣ taa se: «Ɛyáa nɩ pa-taŋ paa le kedeŋa yɔɔ, nɛ halɩ ndʋ́ pɔyɔɔdaa yɔ, tɩtalɩ ɖooo kedeŋa tɩnaɣ yɔɔ.»

Room 12:3

Lootiye nɖɩ́ Ɛsɔ labɩ-m yɔ ɖɩ-yɔɔ lɛ, pɩha-m waɖɛ se meheyi paa mɩ-taa weyi se ɛtaakpazɩ ɛ-tɩ ɖenɖe ɛtatalɩ yɔ. Ɛlɛ́, ɛwɛnɩ lɩmaɣza wena amaɣnaa yɔ. Paa weyi ɛsɩɩnɩ lidaʋ ŋgʋ́ Ɛsɔ ha-ɩ yɔ kɩ-kámaɣ́ yɔɔ.

Room 12:6

Ɛlɛ́, Ɛsɔ ha paa weyi nɛ e-ɖeɖe ɛzɩ ɛlabʋ-ɖʋ lootiye yɔ. Yee ɛha ɖa-taa nɔɔyʋ se ɛkɛ ɛ-náyʋ yɔ, pʋwɛɛ se pʋdʋ esusi tɔm ndʋ́ tɩlɩnɩ Ɛsɔ ɛnʋ ɛ-cɔlɔ yɔ nɛ pɩtalɩ lidaʋ ŋgʋ́ ɛha-ɩ yɔ kɩ-kámaɣ́ yɔɔ.

Room 15:20

Manɖʋwa siŋŋ se monsusuu Laŋhɛzɩyɛ Tɔm ɖenɖe pɔtɔyɔɔdɩdɩ Krɩstʋ tɔm yɔ nɛ mantaakɔɔ mantɩnɩ nɔɔyʋ tigiɖe yɔɔ.

1 Kɔrɛntɩ 12:11

Fezuu Kiɖeɖeu kʋɖʋmʋʋ ŋ́gʋ́ kɩlakɩnɩ pɩtɩŋa payɩ nɛ kɩha paa weyi e-ɖeɖe ɛzɩ ki-liu wɛʋ yɔ.

Efɛɛzɩ 4:7

Paa ḿbʋ́, Krɩstʋ labɩ paa ɖa-taa weyi kʋjɔʋ ɛzɩ ɛɖʋʋ se ɛhaɣ-ɩ yɔ nɛ kɩwɛnɩ ndɩ.

1 Pɩyɛ 4:10

Ɛsɔ labɩ paa mɩ-taa weyi kʋjɔʋ nɛ kɩ-ndɩ se ɛla tʋma ndɩ ndɩ. Pʋ-yɔɔ lɛ, pʋwɛɛ se paa weyi ɛkpaɣ-kʋ nɛ ɛlabɩnɩ tʋmɩyɛ camɩyɛ nɛ ɛsɩnɩ lɛlaa.