2 Kɔrɛntɩ 10:10 - New Testament

¹⁰ Nabɛyɛ yɔɔdʋʋ se: «Takayɩsɩ nzɩ́ Pɔɔlɩ maɣ yɔ sɩwɛ kaɖɛ, sɩ-tɔm wɛ ɖoŋ. Ŋgʋ́ ɖa nɛ ɩ ɖɩwɛɣ lɛ, ɛwɛ ɛjandʋ, tɔm ndʋ́ ɛyɔɔdʋʋ yɔ tɩɩwazɩɣ pʋyʋ.»

2 Kɔrɛntɩ 10:10 ပူးပေါင်းရင်းမြစ်များ

1 Kɔrɛntɩ 1:17

Krɩstʋ tetiyi-m se mɔnkɔɔ mala ɛyáa lɩm sɔʋ sɔnzɩ. Ɛlɛ́, etiyi-m se monsusi Laŋhɛzɩyɛ Tɔm. Maasusuu-tʋ ɛyáa ɛzɩ weyi ɛyɔɔdʋʋnɩ ɛ-maɣmaɣ ɛ-lɔŋsɩnɖɛ camɩyɛ yɔ. Pɩtɛkɛ ḿbʋ́, sɩm mbʋ́ Krɩstʋ sɩbɩ kaamaŋkaɣ yɔɔ yɔ, pɩɩtasɩɣ wɛnaʋ wazaɣ nakɛyɛ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

2 Kɔrɛntɩ 10:1

Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

2 Kɔrɛntɩ 10:11

Pʋwɛɛ se weyi ɛyɔɔdʋʋ ḿbʋ́ yɔ, ɛtɩlɩ camɩyɛ se: tɔm ndʋ́ ɖɩmaɣ-mɩ alɩwaatʋ ndʋ́ ɖɩfɛyɩ mɩ-cɔlɔ yɔ, tɩfɛyɩ ndɩ nɛ mbʋ́ ɖɩlakɩ alɩwaatʋ ndʋ́ ɖɩwɛɣ mɩ-cɔlɔ yɔ.

2 Kɔrɛntɩ 10:9

Maacaɣ se ɩmaɣzɩ se mamaɣ-mɩ takayɩsɩ se sɔɔndʋ ɛkpa-mɩ.

2 Kɔrɛntɩ 11:21

Ɩcɔnɩ ɩna ɛzɩma mbʋ́ pɩkpaɣ-m fɛyɛ kpem se mɔyɔɔdɩ se ɖɩɩkɛ ajamaa yɔɔ ɖɩtanazɩ-mɩ ḿbʋ́ yɔ! Paa ḿbʋ́ yɔ, yee pɩcɩbɩ nɔɔyʋ nɛ ɛkʋndɩnɩ nabʋyʋ yɔ, ma ɖɔɖɔ mankʋndʋʋnɩ-pʋ. Mɔyɔɔdʋʋ ɛzɩ kɩmɛlɛŋ yɔ.

2 Kɔrɛntɩ 11:6

Paa mɛnfɛyɩ nɔɔ leleŋ yɔ, mansɩm nabʋyʋ. Ḿbʋ́ ɖɩwɩlɩ-mɩ kpayɩ alɩwaatʋ kpeekpe pɩtɩŋa pɩ-taa.

2 Kɔrɛntɩ 13:3

Ɩcaɣ se mawɩlɩ-mɩ ɛzɩma mbʋ́ mɔyɔɔdʋʋnɩ Krɩstʋ nɔɔ yɔ yaa we? Mawɩlɩɣ-mɩ ɖɔɖɔ. Krɩstʋ tɛkɛ ɛjam mɩ-hɛkʋ taa: ɛwɩlɩɣ-mɩ e-ɖoŋ.