2 Kɔrɛntɩ 10:1 - New Testament

¹ Ma Pɔɔlɩ manawa se mɔn-tɔm ɛyáa yɔɔdʋʋ se mɛwɛɣ pɔ-cɔlɔ lɛ, mañaŋ pɛ-ɛsɛ. Mɛnɖɛɣ poliŋ lɛ, mañazɩɣ-wɛ. Ma-maɣmaɣ mantɩŋɩɣnɩ Krɩstʋ leleŋ nɛ ɛ-camɩyɛ lakasɩ pɔ-yɔɔ nɛ mentendiɣ-mɩ se:

2 Kɔrɛntɩ 10:1 ပူးပေါင်းရင်းမြစ်များ

Maatiyee 11:29

Peeɖe ɩkpakɩɣ mbʋ́ mawɩlɩɣ-mɩ yɔ se pɩkɛ mɩ-sʋʋtʋ nɛ ɩhɛzɩnɩ-pʋ. Mbʋ́ pʋyɔɔ yɔ, mɛwɛ leleŋ, mɔn-tɔm fɛyɩ kaɖɛ.

Maatiyee 21:5

«Iheyi Siiyɔɔ ñɩma se: ɩcɔnɩ ɩna, mi-wiyaʋ sɔsɔ kɔŋ! Ɛwɛ hɛɛɛ. Ɛcaɣ kpaŋaɣ nɛ ke-piye, kpaŋaɣ ŋgá kasɩɣlɩ sʋʋtʋ sakɩyɛ yɔ ke-piye.»

Tʋma Labʋ 8:32

Tɔm ndʋ́ Etiyoopii tʋ ɛnʋ ɛkalaɣ náyʋ Ezaayii takayaɣ taa yɔ, ńdʋ́ lɛ se: «Pakpa-ɩ nɛ powoni-i ɛzɩ alikizaŋnaa kpaʋ heu se powokini kʋʋ yɔ. Ɛwɛ ɖɔɖɔ ɛzɩ heɣa ŋgá kaawiliɣ alɩwaatʋ ndʋ́ pɛsɛtɩɣ kɛ-kpɛm yɔ. Etokuli ɛ-nɔɔ.

Room 10:20

Pʋwayɩ lɛ, Ezaayii ñakatɩ nɛ esusuu se: «Ɛsɔ yɔɔdaa se: ‹Mbá pataañɩnɩɣ-m yɔ, pana-m. Mawɩlɩ man-tɩ mbá pataasʋlʋmʋʋ-m pʋyʋ yɔ.› »

Room 12:1

Man-taabalaa, Ɛsɔ na ɖa-pʋtɔdɩyɛ naʋ mbʋ́ yɔ pʋ-yɔɔ lɛ, meheyiɣ-mɩ se pɩlabɩ-mɩ hʋnʋm nɛ ɩkpaɣ mɩ-maɣmaɣ mɩ-tɩ pilim mi-wezuu caɣʋ taa nɛ ɩha-ɩ nɛ ɩwɛɛ ɛzɩ kpɩna wena palaɣ-ɩ yɔ. Ɩkɛ Ɛsɔ ñɩma kpaagbaa kpem nɛ mɩ-tɔm kɛdɩnɩ-ɩ. Ḿbʋ́ pʋwɛɛ kpem se iluŋ ɛ-tɛɛ.

Room 15:15

Paa ḿbʋ́ yɔ, mama-mɩ-tʋ kpayɩ ɖoli ɖoli se mɔntɔzɩ-mɩ mbʋ́ ɩɩtɛm kpɛlɩkʋʋ nɛ pɩɖɛɛ yɔ. Lootiye nɖɩ́ Ɛsɔ labɩ-m yɔ, ńɖɩ́ hanɩ-m waɖɛ se mama-mɩ ḿbʋ́.

1 Kɔrɛntɩ 2:3

Man-tɩ tɩŋa maawɛʋ mɩ-cɔlɔ yɔ, mɛwɛ ɛjandʋ taa nɛ sɔɔndʋ kpaɣ-m pɩtɩɩfɛyɩ nɛ menseliɣ.

1 Kɔrɛntɩ 4:10

Ei! Đɛkɛ kɩmɛlɛmɩŋ Krɩstʋ yɔɔ nɛ mɩ mɩkɛ lɔŋsɩnɖaa mɩ nɛ ɩ mɩ-kpɛndʋʋ taa! Đɛkɛ ajamaa nɛ mɩkɛ ɖoŋ tɩnaa! Patakpaɣ-ɖa payaa pʋyʋ nɛ piyele pasaŋ-mɩ!

1 Kɔrɛntɩ 4:21

Ɛbɛ mi-liu wɛɛ: mɔnkɔɔ mɩ-tɛ nɛ ɛgbazɩyɛ yaa mɔnkɔmnɩ sɔɔlɩm nɛ ma nɛ mɩ pʋwɛɛ leleŋ?

2 Kɔrɛntɩ 10:10

Nabɛyɛ yɔɔdʋʋ se: «Takayɩsɩ nzɩ́ Pɔɔlɩ maɣ yɔ sɩwɛ kaɖɛ, sɩ-tɔm wɛ ɖoŋ. Ŋgʋ́ ɖa nɛ ɩ ɖɩwɛɣ lɛ, ɛwɛ ɛjandʋ, tɔm ndʋ́ ɛyɔɔdʋʋ yɔ tɩɩwazɩɣ pʋyʋ.»

2 Kɔrɛntɩ 10:2

ɩtaala nɛ mañazɩ-mɩ alɩwaatʋ ndʋ́ mɔnkɔŋ mɩ-tɛ yɔ. Mbʋ́ pʋyɔɔ yɔ, mansɩm ɛzɩma mbʋ́ mɔnkɔŋ ñazʋʋ mbá pamaɣzɩɣ se ma nɛ man-taabalaa ɖɩcakɩ wezuu ɛzɩ kedeŋa ñɩma yɔ.

2 Kɔrɛntɩ 10:7

Ɩnaɣ wondu ɛsɛ yɔɔ yem. Yee nɔɔyʋ ɛna ɛ-maɣmaɣ se ɛkɛ Krɩstʋ tʋ lɛ, pɩlabɩ ɛzɩma ɛɛnaɣ se: ɖa ɖɔɖɔ ɖɩkɛ Krɩstʋ ñɩma ɛzɩ ɛnʋ yɔ?

2 Kɔrɛntɩ 11:21

Ɩcɔnɩ ɩna ɛzɩma mbʋ́ pɩkpaɣ-m fɛyɛ kpem se mɔyɔɔdɩ se ɖɩɩkɛ ajamaa yɔɔ ɖɩtanazɩ-mɩ ḿbʋ́ yɔ! Paa ḿbʋ́ yɔ, yee pɩcɩbɩ nɔɔyʋ nɛ ɛkʋndɩnɩ nabʋyʋ yɔ, ma ɖɔɖɔ mankʋndʋʋnɩ-pʋ. Mɔyɔɔdʋʋ ɛzɩ kɩmɛlɛŋ yɔ.

2 Kɔrɛntɩ 11:30

Yee pʋwɛɛ se mankʋndɩ yɔ, mɛ-ɛjandʋ mankʋndʋʋna.

2 Kɔrɛntɩ 12:5

Mɔnkɔŋ kʋndɩnaʋ ɛyʋ ɛnʋ. Pɩtɛkɛ ma-maɣmaɣ mankʋndʋʋna. Pʋtɔmaɣ yɔ, mɛ-ɛjandʋ mankʋndʋʋna.

2 Kɔrɛntɩ 3:12

Đɩyɔɔdʋʋ kaalɛyɩtʋ, mbʋ́ pʋyɔɔ yɔ, ɖɩtaɣ liu mbʋ́ pʋwɛɣ tam yɔ.

2 Kɔrɛntɩ 5:20

Pʋ-yɔɔ lɛ, ɖɩkɛ Krɩstʋ tiyiyaa. Ɛsɔ tɩŋɩɣnɩ ɖɔ-yɔɔ nɛ etendiɣ ɛyáa alɩwaatʋ ndʋ́ ɖiheyiɣ-wɛ se: «Đitendiɣ-mɩ, itisi nɛ mɩ nɛ Ɛsɔ iceɣ Krɩstʋ yɔɔ.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

2 Kɔrɛntɩ 7:4

Mɛwɛnɩ lidaʋ siŋŋ mɩ-yɔɔ, mankʋndʋʋnɩ-mɩ siŋŋ. Ma-laŋɩyɛ hɛ niɣ niɣ nɛ man-taa hʋlʋmɩ siŋŋ ɖa-kʋñɔmɩŋ tɩŋa taa.

Galaatɩ 4:13

Ɩtɔzɩ se kʋdɔŋ taa maawɛɛ yɔɔ mancalɩ-mɩ susuu Laŋhɛzɩyɛ Tɔm.

Galaatɩ 5:2

Iwelesi nɛ ɩnɩɩ, ma Pɔɔlɩ meheyiɣ-mɩ se: yee itisaa nɛ pɛpɛlɩ-mɩ yɔ, pʋbʋ Krɩstʋ tatasɩ-mɩ wɛʋ wazaɣ nakɛyɛ.

Efɛɛzɩ 3:1

Tɔm ndʋ́ tɩtɩŋa payɩ meheyi-mɩ yɔ, tɩ-yɔɔ paɖʋ ma Pɔɔlɩ salaka se malakɩ Krɩstʋ Yesu tʋmɩyɛ mbá mɩ ɩtɛkɛ Yuda ñɩma yɔ mɩ-hɛkʋ taa.

Efɛɛzɩ 4:1

Ɛsɔ ya-mɩ se ɩɖɔ ɛzɩ pɩkɛdɩnaʋ-ɩ yɔ. Pʋ-yɔɔ weyi ma paɖʋ salaka se malakɩ Kɩpaɣlʋ tʋmɩyɛ yɔ, meheyiɣ-mɩ se ɩñaɣ pana nɛ ɩɖɔ pʋ-yɔɔ ḿbʋ́:

Filiipu 4:5

Iyele nɛ mɩ nɛ ɛyáa tɩŋa pʋwɛɛ leleŋ, Kɩpaɣlʋ wɩzɩ kɔm.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

2 Tesalooniki 3:17

Ma Pɔɔlɩ, ma-maɣmaɣ mamaɣnɩ tɔm pee anɛ nɛ me-nesi. Ana lɛ se: mɛnsɛ-mɩ. Ḿbʋ́ mañɩkɩɣ nesi man-takayɩsɩ tɩŋa taa. Ḿbʋ́ mamaɣ.

Fileemɔɔ 1:19

Ma-maɣmaɣ mamaɣnɩ se: ma Pɔɔlɩ mɔnkɔŋ-ŋ-ɖɩ hɛyʋʋ. Ŋgʋ́, pɩfɛyɩ se mɔntɔzɩ-ŋ kʋtɔzʋʋ se ŋtɔɔ-m kɩmɩyɛ ɖɔɖɔ. Ńɖɩ́ lɛ ña-maɣmaɣ ñe-wezuu.

Fileemɔɔ 1:9

sɔɔlɩm yɔɔ lɛ, mentendiɣ-ŋ se ŋlabɩ-pʋ. Đenɖe mɛwɛɛ yɔ, ma Pɔɔlɩ mankpadɩyaa. Đɔɖɔ lɛ, lɛɛlɛɛyɔ paɖʋ-m salaka Krɩstʋ Yesu yɔɔ.

1 Pɩyɛ 2:11

Mɛ-ɛgbaɣdɩnaa! Ɩkɛ agɔmaa nɛ nʋmɔɖɔnaa kedeŋa yɔɔ cɩnɛ. Pʋ-yɔɔ lɛ, ɩñaɣ pana nɛ ɩɖɔkɩ mɩ-tɩ nɛ mɩ-maɣmaɣ mɩ-wɛtʋ ɛtaahɔm-mɩ nɛ ɩla mbʋ́ ɩtaasɔɔlɩ yɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.