2 Kɔrɛntɩ 1:4 - New Testament

⁴ Ɛhɛzɩɣ ɖa-laŋa ɖa-kʋñɔmɩŋ tɩŋa taa se pɩtɩŋnɩ ɖɔ-yɔɔ nɛ ɖɩpɩzɩ ɖɩhɛzɩ ɖɔɖɔ mbá pɛwɛ kʋñɔmɩŋ ndɩ ndɩ taa yɔ pa-ñɩna.

2 Kɔrɛntɩ 1:4 ပူးပေါင်းရင်းမြစ်များ

Yohanɛɛsɩ 14:16

Ma lɛ, mankaɣ tenduu Caa se ɛtasɩ-mɩ tiyinaʋ Sɩnɩyʋ nɔɔyʋ nɛ ɛwɛɛ mɩ-cɔlɔ tam:

Yohanɛɛsɩ 14:18

Maayeki-mɩ mi-ɖeke ɛzɩ solisi yɔ, mankaɣ pɩsʋʋ mɩ-cɔlɔ.

Yohanɛɛsɩ 14:26

Sɩnɩyʋ ɛnʋ lɛ Fezuu Kiɖeɖeu. Ŋ́gʋ́ Caa kɔŋ-mɩ tiyinaʋ nɛ mɔ-nɔɔ. Kɩkɔŋ-mɩ wɩlʋʋ pɩtɩŋa nɛ kɩtɔzɩ-mɩ mbʋ́ pɩtɩŋa payɩ meheyi-mɩ yɔ.

2 Kɔrɛntɩ 7:13

Pʋ-yɔɔ ɖa-laŋa hɛwa. Pɩtasɩɩnɩ ɖa-laŋa hɛʋ ɖeke. Ɛlɛ́, ɖa-taa kɛtɛzɩ hʋlʋmʋʋ alɩwaatʋ ndʋ́ ɖɩnawa se Tiiti taa hʋlʋmɩnɩ ɛzɩma mbʋ́ mɩtɩŋa payɩ iyeba nɛ ɛ-lɩmaɣza caɣ a-ɖeɖe yɔ.

2 Kɔrɛntɩ 7:4

Mɛwɛnɩ lidaʋ siŋŋ mɩ-yɔɔ, mankʋndʋʋnɩ-mɩ siŋŋ. Ma-laŋɩyɛ hɛ niɣ niɣ nɛ man-taa hʋlʋmɩ siŋŋ ɖa-kʋñɔmɩŋ tɩŋa taa.

Filiipu 1:14

Đɔɖɔ lɛ, mbá pɛkɛ ɖa-taabalaa pa nɛ Kɩpaɣlʋ pɛ-kpɛndʋʋ yɔɔ yɔ, pa-taa sakɩyɛ nawa se mɛwɛ salaka taa lɛ, pɩlabɩ-wɛ hʋnʋm nɛ pɛtɛzɩɣ susuu Ɛsɔtɔm kaalɛyɩtʋ.

1 Tesalooniki 4:18

Pʋ-yɔɔ lɛ, ɩsazɩ ɖama nɛ tɔm ndɩ ndɩ tʋnɛ.

1 Tesalooniki 5:11

Pʋ-yɔɔ lɛ, ɩsazɩ ɖama nɛ ɩsɩnɩ ɖama nɛ ɩkpa ɖoŋ ɛzɩ ɩtɛm pazʋʋ labʋ yɔ.

Ebree 12:12

Pʋ-yɔɔ lɛ, mbá mɩ pitibi mi-toma taa yɔ, ɩñaɣ pana.