2 Kɔrɛntɩ 1:23 - New Testament

²³ Ŋgʋ́, Ɛsɔ mankpakɩɣ se ɛkɛ ma-aseɣɖe tʋ, yee mɛncɛtɩɣ yɔ, ɛkʋ-m. Mbʋ́ pʋ-yɔɔ mantatasɩ pɩsʋʋ mɩ-tɛ Kɔrɛntɩ yɔ lɛ se: maasɔɔlaa se malɩzɩ-mɩ pɩ-taa.

2 Kɔrɛntɩ 1:23 ပူးပေါင်းရင်းမြစ်များ

Tʋma Labʋ 18:1

Pʋwayɩ lɛ, Pɔɔlɩ kʋyɩ Atɛɛnɩ nɛ ewolo Kɔrɛntɩ tɛtʋ taa.

Tʋma Labʋ 18:8

Krispuusi weyi ɛkɛ Ɛsɔ ɖɩsɛyɛ taa ñʋʋdʋ yɔ, ɛɛwɛnɩ lidaʋ Kɩpaɣlʋ yɔɔ nɛ pɩkpɛndɩnɩ ɛ-ñɩma tɩŋa payɩ. Kɔrɛntɩ ñɩma sakɩyɛ mbá pewelesaɣ Pɔɔlɩ tɔm yɔ, paawɛnɩ ɖɔɖɔ lidaʋ Kɩpaɣlʋ yɔɔ nɛ palabɩ-wɛ lɩm sɔʋ sɔnzɩ.

Room 1:9

Ɛsɔ weyi malakɩ ɛ-tʋmɩyɛ nɛ ma-lɩmaɣza tɩŋa nɛ monsusuu ɛ-Pɩyalʋ Laŋhɛzɩyɛ Tɔm yɔ, ɛnawa se mɛwɛɛ mamaɣzɩɣ mɩ-yɔɔ

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

1 Kɔrɛntɩ 4:21

Ɛbɛ mi-liu wɛɛ: mɔnkɔɔ mɩ-tɛ nɛ ɛgbazɩyɛ yaa mɔnkɔmnɩ sɔɔlɩm nɛ ma nɛ mɩ pʋwɛɛ leleŋ?

1 Kɔrɛntɩ 5:5

Peeɖe ɖɩɖʋzʋʋ pʋdʋ Satanɩ nesi taa nɛ ɛ́lɛ́ nuuti e-tomnaɣ nɛ Ɛsɔ ya ɛ-kalɩzaɣ ñʋʋ kɩyakʋ ŋgʋ́ Kɩpaɣlʋ hʋʋnɩ ɛyáa tɔm yɔ.

2 Kɔrɛntɩ 1:1

Ma Pɔɔlɩ weyi Ɛsɔ liu wɛɛ se mɛnkɛ Krɩstʋ Yesu tiyiyu yɔ nɛ taabalʋ Timootee ɖɩmaɣnɩ-mɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ nɛ Ɛsɔ ñɩma lɛlaa mbá patɩŋa payɩ pɛwɛ Akayɩ egeetiye tɩŋa taa yɔ.

2 Kɔrɛntɩ 1:18

Ɛzɩma mbʋ́ pɩkɛ toovenim se Ɛsɔ ɛɛlɛɣzɩɣ ɛ-tɔm kaʋ yɔ, ḿbʋ́ ɖɔɖɔ maayɔɔdʋʋnɩ-mɩ nɔsɩ naalɛ.

2 Kɔrɛntɩ 10:2

ɩtaala nɛ mañazɩ-mɩ alɩwaatʋ ndʋ́ mɔnkɔŋ mɩ-tɛ yɔ. Mbʋ́ pʋyɔɔ yɔ, mansɩm ɛzɩma mbʋ́ mɔnkɔŋ ñazʋʋ mbá pamaɣzɩɣ se ma nɛ man-taabalaa ɖɩcakɩ wezuu ɛzɩ kedeŋa ñɩma yɔ.

2 Kɔrɛntɩ 11:10

Ɛzɩma mbʋ́ Krɩstʋ toovenim wɛ man-taa yɔ, mankaɖɩɣ-mɩ se: nɔɔyʋ fɛyɩ Akayɩ hɔɔlʋʋ nakʋyʋ taa se ɛɖaŋɩɣ-m se mantaakʋndɩnɩ tɔm ńdʋ́.

2 Kɔrɛntɩ 11:11

Mɔntɔsɔɔlɩ-mɩ yɔɔ mɔyɔɔdɩ ḿbʋ́ yaa we? Aayɩ! Ɛsɔ nawa se mɔnsɔɔlɩ-mɩ.

2 Kɔrɛntɩ 11:31

Ɛsɔ weyi ɛkɛ Kɩpaɣlʋ Yesu Caa yɔ, ɛnawa se maacɛtɩɣ! Pasam-ɩ tam!

2 Kɔrɛntɩ 12:20

Mbʋ́ pʋyɔɔ yɔ, manpɩsɩɣ mɩ-tɛ. Ɛlɛ́, sɔɔndʋ kpaɣ-m se maamakɩnɩ-mɩ ɛzɩ me-liu wɛʋ yɔ nɛ mɩ-maɣmaɣ ɩɩnaɣ-m ɛzɩ mi-liu wɛʋ ɖɔɖɔ yɔ. Tɩkpaɣ-m ɖɔɖɔ se mamakɩnɩ you nɛ ɛsɩsɛmɩyɛ nɛ pana nɛ paɖɩyɛ nɛ tʋtʋ nɛ ɛyáa tɔm yɔɔdʋʋ nɛ tɩ kpazʋʋ nɛ yem yem lakasɩ mɩ-hɛkʋ taa.

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

2 Kɔrɛntɩ 13:2

Alɩwaatʋ ndʋ́ maakɔm mɩ-tɛ nabʋlɛ ɖeɖe yɔ, maatɛm paɣ́ʋ mbá paalabɩ kɩwɛɛkɩm yɔ nɛ ɛyáa lɛlaa tɩŋa payɩ. Lɛɛlɛɛyɔ mantatasɩ mɩ-cɔlɔ wɛʋ, paa ḿbʋ́ mantasɩɣ-wɛ paɣ́ʋ. Yee mantasɩ pɩsʋʋ mɩ-tɛ yɔ, maakpeɣu mɩ-taa nɔɔyʋ.

2 Kɔrɛntɩ 6:6

Đɔɖɔ lɛ, ɖɩtɩŋɩɣnɩ ɖa-cɩɖɩcɩɖɩ wɛtʋ nɛ ɖɔ-lɔŋsɩnɖɛ nɛ ɖa-tɩ ɖɔkʋʋ nɛ ɖa-camɩyɛ lakasɩ nɛ Fezuu Kiɖeɖeu nɛ ɖɔ-sɔɔlɩm siŋŋ

Galaatɩ 1:20

Ɛsɔ maɣmaɣ nawa se tɔm ndʋ́ meheyiɣ-mɩ yɔ tɩkɛ toovenim, maacɛtɩɣ-mɩ.

Filiipu 1:8

Ɛsɔ na sɔɔlɩm mbʋ́ mɔnsɔɔlɩ mɩtɩŋa siŋŋ yɔ. Ḿbʋ́ lɛ Krɩstʋ Yesu sɔɔlɩm kpem.

1 Tesalooniki 2:5

Ɩtɛm naʋ se ɖɩtaalabɩ-mɩ nɔɔ leleŋ kaʋ. Đɔɖɔ lɛ, liidiye laɣzaɣ tɔm natʋyʋ taawɛɛ ɖɔ-tɔm taa mɛsaɣ tɛɛ. Ɛsɔ lɛ ɖa-aseɣɖe tʋ.

1 Timootee 1:20

Pa-taa lɛ Imenee nɛ Alɛksandrɩ mbá mankpaɣ manɖʋzɩ Satanɩ nesi taa yɔ. Peeɖe panaɣ se pɩtamʋnɩ se pɛwɛɛkɩ Ɛsɔ hɩɖɛ.