2 Kɔrɛntɩ 1:20 - New Testament

²⁰ Ɛnʋ wɩlɩɣnɩ-ɖʋ kaŋŋ se mbʋ́ pɩtɩŋa payɩ Ɛsɔ heyi-ɖʋ se ɛlakɩ-ɖʋ yɔ, ɛlakɩ pɩtɩŋa payɩ nɛ pɩtɩŋnɩ Krɩstʋ yɔɔ. Đɔɖɔ lɛ, ɛ-yɔɔ ɖɩtɩŋɩɣna nɛ ɖiheyi Ɛsɔ se: «Pɩla ḿbʋ́!» Nɛ pɩkɛnɩ Ɛsɔ ɛnʋ koboyaɣ.

2 Kɔrɛntɩ 1:20 ပူးပေါင်းရင်းမြစ်များ

Maatiyee 6:13

Taayele nɛ pɩtakɩ-ɖʋ, ɛlɛ́, lɩzɩ-ɖʋ Satanɩ nesi taa. [ Mbʋ́ pʋyɔɔ yɔ, ñatɩnɩ kewiyaɣ nɛ ɖoŋ nɛ koboyaɣ patɩŋa payɩ tam. Pɩla ḿbʋ́!]›

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Yohanɛɛsɩ 1:17

Toovenim lɛ, Mooyiizi yɔɔ Ɛsɔ tɩŋnaa nɛ ɛɖʋ-ɖʋ paɣtʋ. Ɛlɛ́, Yesu Krɩstʋ yɔɔ ɛtɩŋnaa nɛ ɛlabɩ-ɖʋ lootiye nɛ ɛwɩlɩ-ɖʋ toovenim.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Yohanɛɛsɩ 3:5

Yesu cosi-i se: «Toovenim lɛ, meheyiɣ-ŋ se weyi paɖaɣnɩɣ-ɩ lʋlʋʋ nɛ pɩtɩŋnɩ lɩm nɛ Fezuu Kiɖeɖeu pɔ-yɔɔ yɔ, e-ɖeke ɛkɛɣnɩ Ɛsɔ Kewiyaɣ taa tʋ.

Room 11:36

Mbʋ́ pʋyɔɔ yɔ, ɛ-cɔlɔ pɩtɩŋa pɩlɩɣna. Ɛnʋ yebina nɛ pɩtɩŋa pʋwɛɛ se pɩkɛ ɛ-ñɩm. Ɛsɔ hɩɖɛ ɛsɛɛ paa ɖooye! Pɩla ḿbʋ́!

Room 6:23

Kɩwɛɛkɩm kɩhɛyʋʋ lɛ sɩm. Ɛlɛ́, kʋjɔʋ ŋgʋ́ Ɛsɔ lakɩ-ɖʋ falaa yɔ lɛ wezuu maatɛŋ ŋgʋ́ ɖihiɣ ɖa nɛ ɖa-Kɩpaɣlʋ Krɩstʋ Yesu ɖɛ-kpɛndʋʋ taa yɔ.

1 Kɔrɛntɩ 14:16

Toovenim lɛ, yee ŋsaŋ Ɛsɔ nɛ ña-kalɩzaɣ ɖeke lɛ, ɛzɩma weyi ɛɛnɩɣ kʋnʋŋ ŋ́gʋ́ yɔ, ɛpɩzɩɣ etisi se: «pɩla ḿbʋ́» ñɛ-Ɛsɔ sam ḿbʋ́ pʋ-yɔɔ? Mbʋ́ pʋyɔɔ yɔ, ɛɛnɩɣ ndʋ́ ŋyɔɔdʋʋ yɔ.

2 Kɔrɛntɩ 4:15

Mɩ-yɔɔ pɩtɩŋa payɩ pɩlakɩ ḿbʋ́ se Ɛsɔ ɛtɩŋnɩ e-lootiye yɔɔ nɛ ɛya ɛyáa sakɩyɛ ñʋʋ. Ɛlakɩ ḿbʋ́ se mbá pasaŋ-ɩ se ɛ-hɩɖɛ ɛsɛɛ yɔ, pɛtɛzɩ ɖɔʋ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 3:22

Ɛlɛ́, Ɛsɔtɔm wɩlɩ kpayɩ se kedeŋa yɔɔ ɛyáa kpeekpe wɛ kɩwɛɛkɩm nesi taa se pɩtɩŋnɩ Yesu Krɩstʋ yɔɔ lidaʋ wɛnaʋ yɔɔ nɛ Ɛsɔ la mbá pɛwɛnɩ-kʋ yɔ mbʋ́ ɛɖʋwa se ɛlakɩ yɔ.

Efɛɛzɩ 1:6

Ɛlabɩ ḿbʋ́ se ɖɩsam-ɩ lootiye koboyaɣ ñɩnɖɛ nɖɩ́ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ yɔ ɖɩ-yɔɔ.

Efɛɛzɩ 2:7

Ḿbʋ́ wɩlɩɣnɩ e-lootiye cee wayɩ. Ńɖɩ́ kɩlɩnɩ pɩtɩŋa payɩ. Đa nɛ Krɩstʋ Yesu ɖɛ-kpɛndʋʋ yɔɔ ɛkaɣ pɩzʋʋ nɛ ɛla camɩyɛ lakasɩ ńzɩ́.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

2 Tesalooniki 1:10

Puwiye ńɖɩ́ lɛ, ɛkɔŋ se pɩtɩŋnɩ ɛ-ñɩma yɔɔ nɛ ɛ-hɩɖɛ sɛɛ nɛ mbá pɛwɛnɩ lidaʋ ɛ-yɔɔ yɔ, patɩŋa payɩ payɩɣyɩ-ɩ. Ŋgʋ́, mɩ mitisi aseɣɖe nɖɩ́ ɖɩlɩzaa yɔ.

Ebree 11:13

Mbá paawɛnɩ lidaʋ Ɛsɔ yɔɔ yɔ, pɔɖɔkɩ-kʋ ḿbʋ́ nɛ pʋcɔ pɔkɔɔ pasɩ patɩŋa payɩ. Ɛlɛ́, petehiɣ mbʋ́ Ɛsɔ kaɖʋwa se ɛhaɣ-wɛ yɔ. Polosi-pʋ kulosuu poliŋ taa nɛ pɔyɔɔdɩ se pɛkɛ agɔmaa nɛ ñɩtʋ sʋyaa yem kedeŋa yɔɔ cɩnɛ.

Ebree 13:8

Yesu Krɩstʋ wɛʋ yɔ, ɛɛlɛɣzɩɣ kaʋ. Ɛzɩma mbʋ́ ɛɛwɛ ɖooo lɔŋ yɔ, ḿbʋ́ ɛwɛɛ, ḿbʋ́ ɖɔɖɔ ɛwɛɣ tam.

Ebree 7:6

Mɛlkisedɛɛkɩ ɛnʋ, ɛtaakɛ Leevi liɖe taa tʋ. Paa ḿbʋ́ yɔ, Abraham tayɩ ɛ-ñɩm tam hiu nɛ ɛkpaɣ pʋ-hɔɔlʋʋ kʋɖʋmʋʋ nɛ ɛcɛlɩ-ɩ nɛ ɛ́lɛ́ wazɩ ɛ-yɔɔ. Ŋgʋ́ Abraham ɛnʋ, Ɛsɔ kɛtɛm ɖʋʋ se ɛlakɩ-ɩ pʋyʋ.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

1 Yohanɛɛsɩ 5:11

Aseɣɖe ńɖɩ́ lɛ se: ɛtɩŋnɩ ɛ-Pɩyalʋ yɔɔ nɛ ɛha-ɖʋ wezuu maatɛŋ.

Wɩlʋʋ 3:14

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Laodisee Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma payaɣ se Pɩla Ḿbʋ́ nɛ mɛnkɛ aseɣɖe tʋ weyi ɛlakɩ mbʋ́ pʋpɔzʋʋ yɔ nɛ ɛtɛ ɛkɛ toovenim tʋ yɔ, weyi ma mɛnkɛ mbʋ́ pɩtɩŋa payɩ Ɛsɔ laba yɔ pi-kiɖe yɔ, mɔntɔŋna se:

Wɩlʋʋ 7:12

se: «Pɩla ḿbʋ́! Đɛ-Ɛsɔ ɛtɩɣyɩ samtʋ nɛ koboyaɣ nɛ lɔŋsɩnɖɛ nɛ ɛsɩmɩyɛ nɛ hɩɖɛ ɖʋʋ nɛ ɖoŋ nɛ abalɩtʋ pɩnzɩ ɛgbaŋ ɛgbaŋ! Pɩla ḿbʋ́!»