2 Kɔrɛntɩ 1:12 - New Testament

¹² Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

2 Kɔrɛntɩ 1:12 ပူးပေါင်းရင်းမြစ်များ

Tʋma Labʋ 23:1

Peeɖe Pɔɔlɩ kʋsɩ ɛsɛ nɛ ɛcɔnɩ tɔm hʋyaa ḿbá pɩŋŋ nɛ ɛtɔ se: «Man-taabalaa mɩ! Me-wezuu caɣʋ taa lɛ, man-taa wɛ ɖeu Ɛsɔ ɛsɩndaa halɩ nɛ sɔnɔ.»

Tʋma Labʋ 24:16

Pʋ-yɔɔ mañakɩ pana se man-taa ɛwɛɛ ɖeu Ɛsɔ nɛ ɛyáa pɛ-ɛsɩndaa tam.

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

1 Kɔrɛntɩ 1:17

Krɩstʋ tetiyi-m se mɔnkɔɔ mala ɛyáa lɩm sɔʋ sɔnzɩ. Ɛlɛ́, etiyi-m se monsusi Laŋhɛzɩyɛ Tɔm. Maasusuu-tʋ ɛyáa ɛzɩ weyi ɛyɔɔdʋʋnɩ ɛ-maɣmaɣ ɛ-lɔŋsɩnɖɛ camɩyɛ yɔ. Pɩtɛkɛ ḿbʋ́, sɩm mbʋ́ Krɩstʋ sɩbɩ kaamaŋkaɣ yɔɔ yɔ, pɩɩtasɩɣ wɛnaʋ wazaɣ nakɛyɛ.

1 Kɔrɛntɩ 12:8

Pʋ-yɔɔ kɩha ɖa-taa nabɛyɛ lɔŋsɩnɖɛ se pɔyɔɔdɩna, nɛ kɩha lɛlaa lɛɣtʋ se paba ɛyɔɔdɩna ɖɔɖɔ.

1 Kɔrɛntɩ 15:10

Ɛlɛ́, Ɛsɔ lootiye yɔɔ lɛ, mɛnkɛ mbʋ́ mɛnkɛnaa yɔ. Lootiye nɖɩ́ ɛlabɩ-m yɔ, ɖɩwɛnɩ kɛzɛɣa. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ Krɩstʋ tiyiyaa lɛlaa tɩŋa payɩ. Pɩtɛkɛ mon-ɖoŋ malabɩnaa, ɛlɛ́, lootiye nɖɩ́ ɛlabɩ-m yɔ ɖɩ-yɔɔ malabɩ-ɖɩ.

1 Kɔrɛntɩ 2:13

Đɩɩyɔɔdʋʋ pʋ-tɔm nɛ tɔm ndʋ́ kedeŋa lɔŋsɩnɖaa wɩlɩɣ yɔ. Ɛlɛ́, ndʋ́ Fezuu Kiɖeɖeu wɩlɩɣ yɔ ɖɩyɔɔdʋʋna. Pʋ-yɔɔ ɖɩlɩzɩɣ kʋ-tɔm ńdʋ́ tɩ-tɔbʋʋ mbá Ɛsɔ ha-wɛ-kʋ yɔ.

1 Kɔrɛntɩ 4:4

Mantatɩlɩ ɛzaɣ́tʋ ndʋ́ tɩwɛ mɔ-yɔɔ yɔ. Ɛlɛ́, pɩɩwɩlɩɣ se mantala ɛzaɣ́tʋ natʋyʋ. Kɩpaɣlʋ hʋʋnɩ mɔn-tɔm.

1 Kɔrɛntɩ 5:8

Pʋ-yɔɔ lɛ, ɖɩtɔɔ ɖa-kazandʋ ńdʋ́. Ɛlɛ́, pʋwɛɛ se ɖɩtɔɔ-tʋ nɛ tindine nɖɩ́ ɖɩ-taa fɛyɩ sɔsɔɔna yɔ. Pʋ-tɔbʋʋ se ɖɩwɛɛ cɩɖɩcɩɖɩ nɛ ɖɩkɛ toovenim tɩnaa. Điyele kɩwɛɛkɩm nɛ acɛyɛ mbá ɖɩlakaɣ yɔ, mbʋ́ pʋyɔɔ yɔ, pɛwɛ ɛzɩ sɔsɔɔna yɔ.

2 Kɔrɛntɩ 1:17

Mbʋ́ maaɖʋwa yɔ, pʋ-yɔɔ yem malaba-pʋ yaa we? Yaa ma-lɩmaɣza ana, ɛyáa lɩmaɣza akɛnaa se maapɩzɩ mɛwɛnɩ nɔsɩ naalɛ tɔm kʋɖʋmtʋ yɔɔ?

2 Kɔrɛntɩ 11:3

Ɛlɛ́, sɔɔndʋ kpaɣ-m se ɛzɩma mbʋ́ ɖʋm kowobi ɛcɛtɩ Ɛɛvɩ nɛ ɛ-lɛɣtʋ yɔ, nɔɔyʋ ɛɛtaakɔɔ eliɣti mɩ-lɩmaɣza nɛ iyele Krɩstʋ weyi ɩsɔɔlɩ-ɩ nɛ mɩ-laŋɩyɛ tɩŋa yem fɛɛɛ yɔ.

2 Kɔrɛntɩ 2:17

Đɩfɛyɩ ɛzɩ ɛyáa sakɩyɛ mbá pakpakɩɣ Ɛsɔtɔm nɛ palakɩnɩ tadɩyɛ yɔ. Ɛlɛ́, ɖa lɛ mbá Ɛsɔ tiyaa nɛ ɖɩyɔɔdʋʋ toovenim ɛ-ɛsɩndaa ɖa nɛ Krɩstʋ ɖɛ-kpɛndʋʋ taa yɔ.

2 Kɔrɛntɩ 4:2

Đikizi mɛsaɣ tɛɛ lakasɩ nzɩ́ sɩwɛ fɛyɛ yɔ. Điipeɣziɣ ɛyáa, ɖɩɩlɛɣzɩɣ Ɛsɔtɔm. Ɛlɛ́, ɖɩñɩnɩɣ se paa weyi ɛtaa-ɖʋ liu Ɛsɔ ɛsɩndaa yɔɔ ɖɩyɔɔdʋʋ toovenim kpayɩ ḿbʋ́.

2 Kɔrɛntɩ 8:8

Mɔyɔɔdʋʋ ḿbʋ́ yɔ, pɩtɛkɛ paɣtʋ natʋyʋ manɖʋʋ-mɩ. Ɛlɛ́, ɛzɩma mbʋ́ lɛlaa ñakɩ pana yɔ pʋ-tɔm meheyiɣ-mɩ se mana se ɩwɛnɩ sɔɔlɩm siŋŋ yaa ɩfɛyɩna.

Galaatɩ 6:4

Pʋwɛɛ se paa weyi ɛcɔnɩ ɛ-maɣmaɣ ɛ-lakasɩ nɛ ɛna. Yee ɛnawa se sɩwɛ ɖeu yɔ, ɛkʋndɩnɩ ɛ-maɣmaɣ ɛ-tɩ. Pɩfɛyɩ se ɛkɛdɩ ɛ-tɩ nɛ lɛlaa.

Efɛɛzɩ 6:14

Pʋ-yɔɔ lɛ, ɩwɛɛ mi-ɖeɖe ḿbʋ́: ɩkpaɣ toovenim ɛzɩ tambaɖɛ nɖɩ́ sɔɔja tɔɔlʋʋ yɔ nɛ tʋʋzʋʋ ɛzɩ ñɩ́ɣ́yʋ́ʋ ŋgʋ́ ehuuzuu e-lotu yɔɔ yɔ.

Filiipu 1:10

nɛ ɩpɩzɩ ɩlɩzɩ mbʋ́ pɩkɩlɩ ɖeu yɔ. Ḿbʋ́ yekina nɛ ɩwɛɛ cɩɖɩcɩɖɩ nɛ paanaɣ kawanaɣ nakɛyɛ mɩ-yɔɔ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ

1 Tesalooniki 2:10

Mbá mɩ ɩwɛnɩ lidaʋ Ɛsɔ yɔɔ yɔ, mɩ-ɛsɩndaa lɛ, ɖe-wezuu caɣʋ kɛwɛ cɩɖɩcɩɖɩ nɛ kʋtʋʋzɩ nɛ paanaɣ kawanaɣ nakɛyɛ pɩ-taa. Mɩ nɛ Ɛsɔ lɛ ɖa-aseɣɖe tɩnaa.

1 Timootee 1:5

Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Ebree 13:18

Ɩsɛɣ Ɛsɔ ɖɔ-yɔɔ tam. Mbʋ́ pʋyɔɔ yɔ, ɖɩnawa se ɖa-taa wɛ ɖeu. Đe-liu wɛɛ se ɖɩɖɔ ɖɔnɛ kɩbanɖɛ pɩtɩŋa pɩ-taa.

Yakubu 4:6

Ŋgʋ́, ɛnʋ lakɩnɩ-ɖʋ lootiye siŋŋ. Pʋwɛ ɛzɩ pamaʋ ka-taa ɖɔɖɔ yɔ. Pamawa se: «Ɛsɔ kʋyʋʋ mbá pakpazɩɣ pa-tɩ yɔ pɔ-yɔɔ. Ɛlɛ́, ɛlakɩ mbá paba ñetisiɣ pa-tɩ yɔ lootiye.»

1 Pɩyɛ 3:16

icosi-wɛ nɛ nɔɔ kɩbaŋga nɛ ñamtʋ. Mɩ-taa ɛwɛɛ ɖeu nɛ fɛyɛ kpa mbá pakʋyʋʋ mɩ-yɔɔ nɛ pɛwɛɛkɩɣ mɩ-hɩla se mɩ nɛ Krɩstʋ ɩkpɛndaa yɔ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.