1 Yohanɛɛsɩ 4:9 - New Testament

⁹ Ɛsɔ tiyi ɛ-Pɩyalʋ ɛgbamɩyɛ kedeŋa yɔɔ se ɛkɔɔ ɛha-ɖʋ wezuu. Ḿbʋ́ ɛwɩlɩɣnɩ-ɖʋ se ɛsɔɔlɩ-ɖʋ.

1 Yohanɛɛsɩ 4:9 ပူးပေါင်းရင်းမြစ်များ

Maarkɩ 12:6

Hayɩm tʋ ɛnʋ, ɛ-pɩyalʋ kʋsɔɔlʋ ɖeke koŋ pɩɩkazɩ ɛ-cɔlɔ. Ɛɛnaɣ se ɛla ɛzɩma lɛ, ɛtɛzɩ-ɩ tiyuu pɔ-cɔlɔ nɛ ɛhʋʋ ɛ-taa se: ‹Paa pɩɩla ɛzɩma, pañaŋ-ɩ.›

Luka 4:18

«Kɩpaɣlʋ lɩzɩ-m nɛ ɛha-m e-Fezuu Kiɖeɖeu. Toovenim, ɛlɩzɩ-m nɛ etiyi-m se monsusi kʋñɔndɩnaa Laŋhɛzɩyɛ Tɔm. Etiyi-m se meheyi salaka tɩnaa se pɛwɛ pa-tɩ yɔɔ! Meheyi ɖɔɖɔ yʋlʋmaa se pɔkɔŋ pɛ-ɛsɛ kuluu! Etiyi-m se moholi ajamaa mbá panazɩɣ-wɛ yɔ.

Yohanɛɛsɩ 10:10

Mɩlʋʋ nɛ kʋʋ nɛ wɛɛkʋʋ pe-ɖeke pɔ-yɔɔ mɩ́lʋ́ kɔŋ. Ma lɛ, mɔnkɔm se ɛyáa ihiɣ wezuu nɛ wezuu ŋ́gʋ́ kʋtɔyɩnɩ-wɛ.

Yohanɛɛsɩ 14:6

Ɛlɛ́, Yesu heyi-i se: «Ma lɛ nʋmɔʋ nɛ toovenim nɛ wezuu. Nɔɔyʋ fɛyɩ se ewoki Caa cɔlɔ nɛ ɛtatɩŋnɩ mɔ-yɔɔ.

Yohanɛɛsɩ 3:16

Mbʋ́ pʋyɔɔ yɔ, Ɛsɔ sɔɔlɩ ɛyáa siŋŋ. Pʋ-yɔɔ ɛha ɛ-Pɩyalʋ ɛgbamɩyɛ se weyi ɛwɛnɩ lidaʋ ɛ-yɔɔ lɛ, ɛtaatɛŋɛlɩ, ɛlɛ́, ehiɣ wezuu maatɛŋ.

Yohanɛɛsɩ 3:18

Weyi ɛwɛnɩ lidaʋ Ɛsɔ Pɩyalʋ yɔɔ yɔ, Ɛsɔ ɛɛhʋʋnɩ-ɩ nɛ ɛkʋ ɛ-tɔm. Ɛlɛ́, weyi ɛ́lɛ́ fɛyɩnɩ lidaʋ ɛ-yɔɔ yɔ, Ɛsɔ tɛm-ɩ hʋnaʋ nɛ ɛkʋ ɛ-tɔm. Mbʋ́ pʋyɔɔ yɔ, ɛfɛyɩnɩ lidaʋ ɛ-yɔɔ, ŋgʋ́ ɛnʋ lɛ ɛ-Pɩyalʋ ɛgbamɩyɛ.

Yohanɛɛsɩ 5:23

nɛ piyele patɩŋa paɖʋ Ɛsɔ Pɩyalʋ hɩɖɛ ɛzɩ paɖʋʋ Caa Ɛsɔ yɔ. Weyi ɛɛɖʋʋ Ɛsɔ Pɩyalʋ hɩɖɛ yɔ, ɛɛɖʋʋ-ɖɩ ɖɔɖɔ Caa Ɛsɔ weyi etiyi-i yɔ.

Yohanɛɛsɩ 6:29

Ecosi-wɛ se: «Tʋmɩyɛ nɖɩ́ Ɛsɔ liu wɛɛ se ɩla yɔ lɛ se ɩwɛnɩ lidaʋ weyi ma etiyaa yɔ mɔ-yɔɔ.»

Yohanɛɛsɩ 6:51

Ma lɛ wezuu tɔɔnaɣ ŋgá kalɩnɩ ɛsɔdaa yɔ. Yee nɔɔyʋ ɛtɔɔ-kɛ yɔ, ɛcakɩ wezuu tam. Tɔɔnaɣ ŋgá mɔnkɔŋ haʋ yɔ, ŋ́gá lɛ mon-tomnaɣ. Mahaɣ-kɛ se kedeŋa kpeekpe ɛyáa ehiɣ wezuu.»

Yohanɛɛsɩ 6:57

Caa weyi etiyini-m yɔ, ɛwɛnɩ wezuu, ɛ-yɔɔ mɛwɛnɩ wezuu ɖɔɖɔ. Ḿbʋ́ ɖɔɖɔ weyi ɛtɔkɩ-m yɔ, ɛwɛɣnɩ wezuu mɔ-yɔɔ.

Yohanɛɛsɩ 8:29

Weyi etiyi-m yɔ, ɛwɛ mɔn-cɔlɔ, eteyebi-m men-ɖeke. Mbʋ́ pʋyɔɔ yɔ, malakɩ mbʋ́ pɩkɛdɩnɩ-ɩ yɔ alɩwaatʋ tɩŋa.»

Yohanɛɛsɩ 8:42

Ɛlɛ́, Yesu heyi-wɛ se: «Yee toovenim Ɛsɔ ɛɛkɛ mɩ-Caa yɔ, ɩɩsɔɔlɩ-m. Mbʋ́ pʋyɔɔ yɔ, ɛ-cɔlɔ malɩnaa nɛ mɔnkɔɔ mɛwɛɛ cɩnɛ. Pɩtɛkɛ mon-ɖoŋ mɔnkɔmnaa, ɛlɛ́, ɛnʋ tiyini-m.

Yohanɛɛsɩ 9:3

Ɛlɛ́, ecosi-wɛ se: «Pɩtɛkɛ ɛ-kɩwɛɛkɩm yɔɔ yaa mbá palʋlɩ-ɩ yɔ pa-ñɩmbʋ yɔɔ. Ɛyʋlʋmɩ ḿbʋ́ se ɛyáa ɛpɩzɩ pana ɛzɩma mbʋ́ Ɛsɔ tɩŋɩɣnɩ ɛ-yɔɔ nɛ ɛla ɛ-tʋmɩyɛ yɔ.

Room 8:32

Ɛnʋ weyi etohuuzi ɛ-maɣmaɣ ɛ-Pɩyalʋ yɔɔ nɛ eyele palaa-ɩ ɖatɩŋa payɩ ɖɔ-yɔɔ yɔ, ɛzɩma ɛɛhaɣ-ɖʋ mbʋ́ pɩtɩŋa payɩ pʋwɛ ɛ-cɔlɔ yɔ falaa?

Ebree 1:5

Mbʋ́ pʋyɔɔ yɔ, wiɖiyi Ɛsɔ teheyi e-tiyiyaa taa nɔɔyʋ se: «Ña lɛ man-Pɩyalʋ. Pɩkpaɣʋnɩ sɔnɔ yɔ, ma lɛ ña-Caa.» Wiɖiyi eteheyi ɖɔɖɔ e-tiyiyaa taa nɔɔyʋ se: «Ma mɛnkɛɣ ɛ-Caa nɛ ɛnʋ ñɛkɛ man-Pɩyalʋ.»

1 Yohanɛɛsɩ 3:16

Mbʋ́ pɩwɩlɩɣ-ɖʋ sɔɔlɩm yɔ lɛ se: Yesu Krɩstʋ tisaa nɛ ɛsɩ ɖɔ-yɔɔ. Pʋ-yɔɔ lɛ, pʋwɛɛ se ɖa ɖɔɖɔ ɖɩsɩ ɖa-taabalaa yɔɔ.

1 Yohanɛɛsɩ 4:10

Mbʋ́ pɩwɩlɩɣ sɔɔlɩm ḿbʋ́ kpem yɔ lɛ se: ɛnʋ calɩnɩ-ɖʋ sɔɔlʋʋ nɛ etiyi ɛ-Pɩyalʋ se ɛkɔɔ ɛsɩ ɖɔ-yɔɔ nɛ ɛpɩzɩ ekpeɣ-ɖʋ ɖa-kɩwɛɛkɩm.

1 Yohanɛɛsɩ 4:16

Đa lɛ, ɖɩna ɛzɩma mbʋ́ Ɛsɔ sɔɔlɩ-ɖʋ yɔ nɛ ɖitisi-pʋ. Ɛsɔ lɛ sɔɔlɩm tʋ, weyi ɛwɛɛ ɛsɔɔlʋʋ Ɛsɔ nɛ ɛyáa lɛlaa yɔ, pɩwɩlɩɣ se ɛ nɛ Ɛsɔ pɛwɛ ɖama taa.

1 Yohanɛɛsɩ 5:11

Aseɣɖe ńɖɩ́ lɛ se: ɛtɩŋnɩ ɛ-Pɩyalʋ yɔɔ nɛ ɛha-ɖʋ wezuu maatɛŋ.

1 Yohanɛɛsɩ 5:13

Mbá mɩ ɩwɛnɩ lidaʋ Ɛsɔ Pɩyalʋ yɔɔ yɔ, mama-mɩ takayaɣ kanɛ se ɩtɩlɩ se ɩtɛm hiɣu wezuu maatɛŋ.