1 Yohanɛɛsɩ 4:2 - New Testament

² Mbʋ́ ɩpɩzɩɣ ɩnana se toovenim Fezuu Kiɖeɖeu wɛ nɔɔyʋ cɔlɔ yɔ lɛ se: yee nɔɔyʋ ɛkaɖɩ kpayɩ se Yesu Krɩstʋ pɩsɩ ɛyʋ nɛ ɛkɔɔ kedeŋa yɔɔ yɔ, pɩwɩlɩɣ se Fezuu Kiɖeɖeu ŋ́gʋ́ kɩwɛ pʋdʋ cɔlɔ.

1 Yohanɛɛsɩ 4:2 ပူးပေါင်းရင်းမြစ်များ

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

1 Kɔrɛntɩ 12:3

Pʋ-yɔɔ mankaɖɩɣ-mɩ se: nɔɔyʋ fɛyɩ se ɛyɔɔdʋʋnɩ Fezuu Kiɖeɖeu ɖoŋ nɛ ɛtɛ ɛtɔ se: «Ɛsɔ ɛwɩlɩ Yesu kpalʋʋ.» Nɔɔyʋ ɛɛpɩzɩɣ ɛyɔɔdɩ ɖɔɖɔ se: «Yesu lɛ Kɩpaɣlʋ» nɛ pɩtatɩŋnɩ Fezuu Kiɖeɖeu yɔɔ.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Yohanɛɛsɩ 1:2

Wezuu ŋ́gʋ́, pɩlɩzɩ-kʋ nɛ pɩwɩlɩ-ɖʋ nɛ ɖɩna-kʋ yɔɔ ɖɩlɩzɩɣ kɩ-aseɣɖe. Ŋ́gʋ́ lɛ wezuu maatɛŋ ŋgʋ́ kɩwɛ Caa Ɛsɔ cɔlɔ yɔ. Kʋ-tɔm ɖɩkɛdɩɣ-mɩ.

1 Yohanɛɛsɩ 2:23

Toovenim lɛ, weyi ekiziɣ Ɛsɔ Pɩyalʋ yɔ, ɛtasɩ ɖɔɖɔ Caa Ɛsɔ. Weyi ɛ́lɛ́ tisiɣ se ɛsɩm Ɛsɔ Pɩyalʋ yɔ, ɛsɩm ɖɔɖɔ Caa Ɛsɔ.

1 Yohanɛɛsɩ 4:15

Yee nɔɔyʋ ɛkaɖɩ kpayɩ se Yesu lɛ Ɛsɔ Pɩyalʋ yɔ, pɩwɩlɩɣ se ɛ nɛ Ɛsɔ pɛwɛ ɖama taa.

1 Yohanɛɛsɩ 4:3

Weyi ɛ́lɛ́ ɛɛkaɖɩɣ ɛyáa samaɣ taa kpayɩ ḿbʋ́ yɔ, Fezuu Kiɖeɖeu fɛyɩ ɛ-cɔlɔ. Ɛlɛ́, Krɩstʋ koyindu kalɩzaɣ wɛnɩ ɛ-cɔlɔ. Ɩtɛm nɩʋ se paa pɩɩla ɛzɩma ɛkɔŋ, lɛɛlɛɛyɔ ɛtɛm kɔm kedeŋa yɔɔ.

1 Yohanɛɛsɩ 5:1

Weyi etisiɣ se Yesu lɛ Weyi Ɛsɔ Lɩzaa Yɔ yɔ, ɛkɛ Ɛsɔ pɩɣa. Đɔɖɔ lɛ, weyi ɛsɔɔlʋʋ Caa Ɛsɔ weyi ɛha-ɩ wezuu yɔ, ɛsɔɔlʋʋ ɖɔɖɔ e-piya.

2 Yohanɛɛsɩ 1:7

Meheyiɣ-mɩ ḿbʋ́, mbʋ́ pʋyɔɔ yɔ, cɛtɩyaa sakɩyɛ lɩ kedeŋa yɔɔ nɛ paakaɖɩɣ kpayɩ se toovenim Yesu Krɩstʋ pɩsɩ ɛyʋ nɛ ɛkɔɔ kɔ-yɔɔ. Yee nɔɔyʋ ɛlakɩ ḿbʋ́ yɔ, pʋdʋ kɛ cɛtɩyʋ nɛ ɛtɛ ɛkɛ Krɩstʋ koyindu.