1 Yohanɛɛsɩ 2:2 - New Testament

² Ɛ-maɣmaɣ ɛ-calɩm kpɛdɩnɩ se Ɛsɔ ɛtɩŋnɩ pʋ-yɔɔ nɛ ekpeɣ-ɖʋ ɖa-kɩwɛɛkɩm. Pɩtasɩɩnɩ ɖe-ɖeke, ɛlɛ́, ekpeɣ ɖɔɖɔ kedeŋa yɔɔ ɛyáa tɩŋa payɩ pa-ñɩmbʋ.

1 Yohanɛɛsɩ 2:2 ပူးပေါင်းရင်းမြစ်များ

Luka 14:22

Ɛlabɩ ḿbʋ́ lɛ, ɛpɩsɩ eheyi-i se: ‹Caa! Malabɩ mbʋ́ ŋheyi-m yɔ nɛ ɖɩjaɣyɛ kazɩ yem.›

Yohanɛɛsɩ 1:29

Tɛʋ fema lɛ, Yohanɛɛsɩ na Yesu wokaɣ ɛ-cɔlɔ. Peeɖe eheyi ɛyáa se: «Ɩna Ɛsɔ Heɣa. Ŋ́gá mʋʋnɩ ɛyáa tɩŋa payɩ kɩwɛɛkɩm.

Yohanɛɛsɩ 12:32

Ma lɛ, alɩwaatʋ ndʋ́ pakpazɩɣ-m ɖaʋ yɔɔ yɔ, meyeki nɛ ɛyáa tɩŋa kɔɔ mɔn-cɔlɔ.»

Yohanɛɛsɩ 4:42

Peeɖe peheyi halʋ ɛnʋ se: «Lɛɛlɛɛyɔ, pɩtɛkɛ tɔm ndʋ́ ŋheyi-ɖʋ yɔ, ti-ɖeke tɩ-yɔɔ ɖɩwɛnɩ lidaʋ Yesu yɔɔ. Ɛlɛ́, ɛyɔɔdaa nɛ ɖa-maɣmaɣ ɖɩnɩɩ nɛ ɖɩna se toovenim ɛkɛ ɛyáa tɩŋa payɩ ñʋʋ yaɖʋ, pʋ-yɔɔ ɖɩwɛnɩ lidaʋ ɛ-yɔɔ.»

Ebree 2:17

Pʋ-yɔɔ pɩɩkɛnɩ-ɩ kɩcɛyʋʋ se ɛpɩsɩ ɛ-tɩ kpem ɛzɩ ɛ-ñɩma yɔ pɩtɩŋa pɩ-taa. Ɛlabɩ ḿbʋ́ se ɛpɩsɩ cɔjɔ sɔsɔ weyi ɛnaɣ pa-pʋtɔdɩyɛ nɛ ɛlakɩ Ɛsɔ tʋmɩyɛ camɩyɛ se ɛ́lɛ́ ekpeɣ ɛyáa pa-kɩwɛɛkɩm yɔ.

1 Pɩyɛ 2:24

Pakam-ɩ kaamaŋkaɣ yɔɔ lɛ, ɛmʋ ɖa-kɩwɛɛkɩm nɛ pʋwɛɛ ɛ-yɔɔ. Ɛlabɩ ḿbʋ́ se ɖɩsɩ ɖa-kɩwɛɛkɩm labʋ taa nɛ ɖɩwɛɛ wezuu nɛ ɖɩla mbʋ́ pʋtʋʋzaa yɔ. Ɛ-kɩcɩkpɩŋ yɔɔ pɩtɩŋnaa nɛ mɩ-yɔɔ cɛ.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Yohanɛɛsɩ 1:7

Ɛlɛ́, yee ɖɩɖɔŋ ñalɩmɩyɛ taa ɛzɩ Ɛsɔ wɛʋ ɖɩ-taa yɔ yɔ, piyeki nɛ ɖa nɛ lɛlaa ɖɩla nɔɔ kʋɖʋmaɣ. Pʋbʋ, Ɛsɔ Pɩyalʋ Yesu calɩm ñalɩɣ ɖa-kɩwɛɛkɩm tɩŋa payɩ.

1 Yohanɛɛsɩ 3:5

Ŋgʋ́, ɩnawa se Yesu Krɩstʋ kɔm kedeŋa yɔɔ se ɛlɩzɩ ɛyáa pa-kɩwɛɛkɩm taa, ɛtala kɩwɛɛkɩm nabʋyʋ.

1 Yohanɛɛsɩ 4:10

Mbʋ́ pɩwɩlɩɣ sɔɔlɩm ḿbʋ́ kpem yɔ lɛ se: ɛnʋ calɩnɩ-ɖʋ sɔɔlʋʋ nɛ etiyi ɛ-Pɩyalʋ se ɛkɔɔ ɛsɩ ɖɔ-yɔɔ nɛ ɛpɩzɩ ekpeɣ-ɖʋ ɖa-kɩwɛɛkɩm.

1 Yohanɛɛsɩ 4:14

Đa lɛ, ɖɩnawa nɛ ɖɩlɩzɩɣ aseɣɖe se Caa Ɛsɔ tiyi ɛ-Pɩyalʋ kedeŋa yɔɔ se ɛya ɛyáa ñʋŋ.

1 Yohanɛɛsɩ 5:19

Đɩnawa se ɖɩkɛ Ɛsɔ ñɩma nɛ piyele kedeŋa ñɩma tɩŋa payɩ ñɛwɛɛ Satanɩ nesi taa.

Wɩlʋʋ 12:9

Coojo sɔsɔ ɛnʋ lɛ ɖʋm kɩbɩnʋ weyi payaɣ se Eleeu nɛ pɛtɛ patasɩ-ɩ se Satanɩ yɔ. Ɛnʋ cɛzɩɣnɩ ɛyáa kpeekpe kedeŋa yɔɔ. Potuzi ɛ nɛ e-tiyiyaa nɛ ɛsɔdaa nɛ pɛpɛɖɩ-wɛ kedeŋa yɔɔ.