1 Timootee 6:9 - New Testament

⁹ Ɛlɛ́, mbá pacaɣ se pɛkɛ ñɩm tɩnaa yɔ, pasʋʋ takʋʋ taa nɛ kaamʋʋ kpa-wɛ. Pe-liu wɛ kɩmɛlɛndʋ ndʋ́ tɩwɛɛkɩɣ-wɛ yɔ. Ńdʋ́ sʋzʋʋnɩ-wɛ asayʋʋ taa.

1 Timootee 6:9 ပူးပေါင်းရင်းမြစ်များ

Maatiyee 13:22

Lɛlaa wɛ ɛzɩ kpaŋsɔɔ taa ɖenɖe pee tɔlaa yɔ. Pɛtɛŋ Ɛsɔtɔm nɩʋ lɛ, kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩkɛdɩɣnɩ ɛyáa yɔ, pɩ-lɩmaɣza sʋʋ pa-taa nɛ paɖɩɣ-tʋ nʋmɔʋ nɛ paawɛɣnɩ kɛzɛɣa.

Maatiyee 19:22

Evebu ɛnʋ ɛnɩ ḿbʋ́ lɛ, ɛ-laŋɩyɛ wɛɛkɩ, mbʋ́ pʋyɔɔ yɔ, ɛwɛnɩ ñɩm pɩtɩɩfɛyɩ.

Maatiyee 26:15

nɛ ɛpɔzɩ-wɛ se: «Yee manpɩzaa mankpa Yesu nɛ mɛncɛlɩ-mɩ, ɛbɛ ɩhaɣ-m?» Kpaagbaa ḿbʋ́ lɛ, pakalɩ liidiye pɔɔyɩsɩ niidozo nɛ pɛcɛlɩ-ɩ.

Maatiyee 6:19

Yesu tasɩ-wɛ heyuu se: «Ɩtaañɩnɩ ñɩm nɛ ikpeɣli-pʋ kedeŋa yɔɔ. Mbʋ́ pʋyɔɔ yɔ, ŋgbam nɛ kálɩkɔ́daɣ pamʋʋ-pʋ yaa mɩ́láa yɔkʋʋ nɛ pamɩlɩ-pʋ.

Maarkɩ 4:19

kedeŋa yɔɔ cɩnɛ lɩmaɣza wena akʋʋ ɛyáa yɔ nɛ ñɩm mbʋ́ pɩcɛtɩɣ ɛyáa yɔ pɩ-lɩmaɣza nɛ mbʋ́ mbʋ́ ɛyáa liu wɛɛ se pɛwɛna kpem yɔ pɩ-lɩmaɣza sʋʋ pa-taa nɛ pɩɖɩɣ-tʋ nʋmɔʋ nɛ paawɛɣnɩ kɛzɛɣa.

Luka 12:21

Peeɖe Yesu tasɩ yɔɔdʋʋ se: «Ḿbʋ́ ɖɔɖɔ pʋwɛnɩ weyi ɛcazɩɣ kedeŋa yɔɔ cɩnɛ ñɩm nɛ ɛsɩɣ ɛ-tɩ yɔ. Ɛtɛkɛ ñɩm tʋ Ɛsɔ ɛsɩndaa.»

Luka 21:35

ɛzɩ pɔlɔɔʋ piyuu yɔ. Mbʋ́ pʋyɔɔ yɔ, tɔm hʋʋ wiye lɛ, pahʋʋnɩ kedeŋa kpeekpe yɔɔ ɛyáa tɩŋa.

Tʋma Labʋ 8:20

Ɛlɛ́, Pɩyɛ pɩsɩnɩ-ɩ se: «Ña nɛ ñe-liidiye ɩla asayʋʋ! Mbʋ́ pʋyɔɔ yɔ, ŋmaɣzɩɣ se papɩzɩɣ paya Ɛsɔ kʋjɔʋ nɛ liidiye.

Efɛɛzɩ 4:22

Yee ḿbʋ́, pʋwɛɛ se iyele mɩ-wɛtʋ kɩbɩndʋ nɛ mi-wezuu caɣʋ kɩbɩm, mbʋ́ pʋyɔɔ yɔ, ḿbá cɛtɩɣnɩ-mɩ nɛ paɖʋzʋʋ-mɩ.

1 Timootee 1:9

Pʋwɛɛ se ɖɩtɩlɩ se: pɩtɛkɛ mbá palakɩ mbʋ́ pʋtʋʋzaa yɔ paɖʋ paɣtʋ. Ɛlɛ́, mbá paaɖɔŋ tɩ-yɔɔ yɔ nɛ kaañamtʋ tɩnaa nɛ mbá pɛpɛŋɩɣ Ɛsɔ tɛtɛ yɔ nɛ kɩwɛɛkɩm laɖaa nɛ mbá paalakɩ mbʋ́ Ɛsɔ liu wɛɛ yɔ yaa paañaŋ ɛ-ñɩm yɔ nɛ mbá pakʋʋ pa-caanaa yaa po-ɖoonaa yɔ nɛ ɛyáa kʋyaa paɖʋ-tʋ.

1 Timootee 3:7

Pʋwɛɛ ɖɔɖɔ se mbá pɛtɛkɛ Yesu ŋgbɛyɛ taa ñɩma yɔ, palɩzɩ ɛ-yɔɔ aseɣɖe kɩbanɖɛ. Pɩtɛkɛ ḿbʋ́, pɛpɛŋɩɣ-ɩ tɛtɛ nɛ Satanɩ kaamʋʋ kɔɔ kɩkpa-ɩ.

1 Timootee 6:10

Mbʋ́ pʋyɔɔ yɔ, liidiye laɣzaɣ sʋzʋʋ ɛyʋ ɛzaɣ́tʋ tɩŋa taa. Liidiye laɣzaɣ kakpa nabɛyɛ nɛ pele lidaʋ nʋmɔʋ nɛ pa-maɣmaɣ pasʋzɩ pa-tɩ wɩzasɩ ndɩ ndɩ taa.

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

2 Timootee 2:26

nɛ pʋtɔma yɔ, palɩɩ eleeu weyi ɛkpa-wɛ se pala mbʋ́ e-liu wɛɛ yɔ ɛ-kaamʋʋ taa.

Tiiti 2:12

Eyebi ḿbʋ́ se ɛwɩlɩnɩ-ɖʋ se ɖiyele mbʋ́ e-liu fɛyɩ yɔ pɩ-labʋ nɛ kedeŋa yɔɔ ñɩm sɔɔlʋʋ. Peeɖe ɖɩɖɔkʋʋ ɖa-tɩ nɛ ɖɩcaɣ wezuu ŋgʋ́ kʋtʋʋzaa nɛ kɩkɛdɩnɩ Ɛsɔ ɛnʋ yɔ.

2 Pɩyɛ 2:3

Liidiye laɣzaɣ yɔɔ lɛ, pɔkɔŋ-mɩ cɛtʋʋ nɛ pɔ-nɔɔ leleŋ nɛ pɔhɔɔzɩ mi-nesi taa. Ɛlɛ́, Ɛsɔ weyi ɛhʋʋnɩ ɛyáa yɔ, ɛpazɩ pɔ-tɔm kʋʋ ɖooo lɔŋ. Ɛtɔyɩtʋʋ-wɛ alɩwaatʋ pazɩ taa.

Yuudi 1:11

Pɩya-wɛ! Mbʋ́ pʋyɔɔ yɔ, patɩŋ nʋmɔʋ ŋgʋ́ Kayɛnɩ tɩŋaa yɔ. Liidiye yɔɔ lɛ, pakpaɣ pa-tɩ pasʋzɩ nʋmɔʋ kilebuu taa ɛzɩ Balaam yɔ. Pɛtɛŋɛlaa kpem, mbʋ́ pʋyɔɔ yɔ, pakʋyɩ Ɛsɔ yɔɔ ɛzɩ Kooree kalabʋ yɔ.