1 Timootee 6:5 - New Testament

⁵ Pʋkɔŋnɩ ɖɔɖɔ you kaatɛŋa ɛyáa mbá pɛfɛyɩnɩ lɩmaɣza kɩbana nɛ patatasɩ sɩm toovenim yɔ. Pamaɣzɩɣ se yee ɛyʋ ɛñɩtaa ɛɖɔŋ Ɛsɔ nʋmɔʋ taa yɔ, pɩkɛɣnɩ-ɩ waɖɛ se ehiɣ liidiye.

1 Timootee 6:5 ပူးပေါင်းရင်းမြစ်များ

Maatiyee 12:33

Yesu tasɩ-wɛ heyuu se: «Yee tɩʋ ɛkɛ kɩbaŋgʋ yɔ, kʋlʋlʋʋ pee kɩbana. Yee kɩkɛ ɛzaɣ́ʋ yɔ, kʋlʋlʋʋ pee azaɣ́a: pasɩŋ paa tɩʋ ŋgʋ́ nɛ ki-pee.

Maatiyee 21:13

Ɛlɛ́, eheyi mbá pɛwɛ peeɖe yɔ se: «Ɛsɔ yɔɔdaa nɛ pama ɛ-Tɔm Takayaɣ taa se: ‹Man-ɖɩɣa kɛɣnɩ Ɛsɔ ɖɩsɛyɛ.› Ŋgʋ́, mɩ mɩpɩsɩ-kɛ mɩ́láa ñɩŋga.»

Maatiyee 23:13

Pʋwayɩ lɛ, Yesu kɛzɩ ɛ-tɩ nɛ paɣtʋ wɩlɩyaa nɛ Farɩsɩ ñɩma pɔ-yɔɔ nɛ eheyi-wɛ se: «Tɛɛ nɛ pʋ-yɔɔ ñɩma mɩ, pʋtɔɔ-mɩ! Mbʋ́ pʋyɔɔ yɔ, ɩɖɩkɩ ɛyáa nʋmɔʋ se pataasʋʋ Ɛsɔ Kewiyaɣ taa. Ŋgʋ́, mɩ-maɣmaɣ ɩɩsʋʋ, ɛlɛ́, iiyeki ɖɔɖɔ mbá pe-liu wɛ sʋʋ yɔ se paba ɛsʋʋ. [

1 Kɔrɛntɩ 11:16

Yee nɔɔyʋ liu ɛwɛɛ se ɛkpɛzɩɣnɩ tɔm tʋnɛ yɔ, ɖa ɖaalakɩ ḿbʋ́. Paalakɩ ḿbʋ́ ɖɔɖɔ Ɛsɔ aŋgba taa.

2 Tesalooniki 3:6

Taabalaa! Đɩkaŋ mɩ-ñʋʋ taa nɛ ɖa-Kɩpaɣlʋ Yesu Krɩstʋ nɔɔ se ɩtaañɔtɩnɩ taabalaa mbá palakɩ fendu nɛ paaɖɔŋ tɔm ndʋ́ ɖɩwɩlɩ-mɩ nɛ itisi yɔ tɩ-yɔɔ yɔ pa-taa nɔɔyʋ.

1 Timootee 1:6

Nabɛyɛ kizi sɔɔlɩm tɔm ńdʋ́ nɛ pɛ-ɛsɛ sɛɛnɩ tɔm ndʋ́ tɩɩwazɩɣ pʋyʋ kpem yɔ tɩ-yɔɔdʋʋ.

1 Timootee 3:3

Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

1 Timootee 3:8

Pʋwɛɛ se mbá pɛkɛɣ tayɩyaa Yesu ŋgbɛyɛ taa yɔ, pɛkɛ ɛyáa kʋtʋʋzaa, pataawɛnɩ nɔsɩ naalɛ naalɛ. Pɩfɛyɩ se pɔñɔɔ sʋlʋm nɛ pɩkɩlɩ-wɛ yaa pomuli lɛlaa se pehiɣ kɛzɛɣa.

1 Timootee 4:7

Kizi tɔm ndʋ́ tɩtɛkɛ Ɛsɔ ñɩndʋ yɔ nɛ halaa akpadɩyaa mʋya wena aawazɩɣ pʋyʋ yɔ. Malɩsɩ ña-tɩ nɛ ŋcaɣ wezuu ɛzɩ Ɛsɔ liu wɛʋ yɔ.

1 Timootee 4:8

Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

1 Timootee 6:6

Toovenim lɛ, Ɛsɔ nʋmɔʋ taa ɖɔm kɛnɩ ɛyʋ waɖɛ siŋŋ se ehiɣ kɛzɛɣa. Ɛlɛ́, pʋwɛɛ se ɛ-laŋɩyɛ ɛhʋlʋmɩnɩ mbʋ́ ɛwɛna yɔ.

2 Timootee 3:5

Pɔkɔŋ wɛʋ ɛsɛ yɔɔ ɛzɩ mbá pɔɖɔŋ lidaʋ nʋmɔʋ taa yɔ, naze lɛ, pekiziɣ se ɖoŋ nɩɩyɩ fɛyɩ kɩ-taa. Se pɩtɛ ɛyáa ḿbá!

2 Timootee 3:8

Ɛzɩma mbʋ́ Yaanɛɛsɩ nɛ Yambrɛɛsɩ paakʋyɩ Mooyiizi yɔɔ yɔ, ḿbʋ́ ɖɔɖɔ ɛyáa ḿbá pakʋyʋʋ mbʋ́ pɩkɛ toovenim yɔ pʋ-yɔɔ. Pɛkɛ mbá pa-ñʋŋ taa wɛɛkaa yɔ. Ɛsɔ takɩɣ-wɛ pe-lidaʋ wɛnaʋ taa se ɛna lɛ, paahɔzʋʋ pʋyʋ:

Tiiti 1:11

Pʋwɛɛ se ŋɖɩɣ-wɛ nʋmɔʋ nɛ pataapɩzɩ pɔyɔɔdɩ. Mbʋ́ pʋyɔɔ yɔ, poyozuu hɔŋ taa ɛyáa tɩŋa payɩ nɛ pawɩlɩɣ mbʋ́ pɩtamʋna yɔ se pehiɣ kɛzɛɣa.

2 Pɩyɛ 2:15

Peyebi nʋmɔʋ kɩbaŋgʋ tɩŋʋʋ nɛ pele. Patɩŋ Bosɔɔrɩ pɩyalʋ Balaam weyi ɛɛsɔɔlɩ mbʋ́ pɩtatʋʋzɩ yɔ labʋ se ehiɣ liidiye yɔ ɛ-wayɩ.

2 Pɩyɛ 2:3

Liidiye laɣzaɣ yɔɔ lɛ, pɔkɔŋ-mɩ cɛtʋʋ nɛ pɔ-nɔɔ leleŋ nɛ pɔhɔɔzɩ mi-nesi taa. Ɛlɛ́, Ɛsɔ weyi ɛhʋʋnɩ ɛyáa yɔ, ɛpazɩ pɔ-tɔm kʋʋ ɖooo lɔŋ. Ɛtɔyɩtʋʋ-wɛ alɩwaatʋ pazɩ taa.

Yuudi 1:11

Pɩya-wɛ! Mbʋ́ pʋyɔɔ yɔ, patɩŋ nʋmɔʋ ŋgʋ́ Kayɛnɩ tɩŋaa yɔ. Liidiye yɔɔ lɛ, pakpaɣ pa-tɩ pasʋzɩ nʋmɔʋ kilebuu taa ɛzɩ Balaam yɔ. Pɛtɛŋɛlaa kpem, mbʋ́ pʋyɔɔ yɔ, pakʋyɩ Ɛsɔ yɔɔ ɛzɩ Kooree kalabʋ yɔ.

Wɩlʋʋ 18:13

Pɛpɛdaɣ ɖɔɖɔ mbʋ́ pacanɩɣnɩ ɖozi yɔ nɛ tɩlaaɖɩnaa ndɩ ndɩ nɛ tɩlaaɖɩ ŋgʋ́ pɔhɔkɩ yɔ nɛ kɔyɛ nɖɩ́ payaɣ se miiri yɔ nɛ sʋlʋm nɛ num nɛ mʋlʋm nɛ mɩla nɛ naŋ nɛ heŋ nɛ kpaŋnaŋ nɛ lɔɔɖa wena kpaŋnaŋ hɔŋ yɔ nɛ yomaa nɛ ɛyáa lɛlaa.

Wɩlʋʋ 18:3

Mbʋ́ pʋyɔɔ yɔ, ajɛya kpeekpe taa ɛyáa ñɔ tɩ-acɛyɛ sʋlʋm nɛ pʋkʋʋ-wɛ. Tɩ nɛ kedeŋa yɔɔ awiya palabɩ acɛyɛ nɛ kɔ-yɔɔ tadɩyɛ laɖaa hiɣ ñɩm tɩ-ajana kadadaɣyaɣ yɔɔ.»