1 Timootee 6:4 - New Testament

⁴ pʋdʋ wɛ cɛjɛyɛ. Ɛtatɩlɩ nabʋyʋ kpem. Tɔm hɔm kʋdɔŋ kpa-ɩ nɛ ɛ nɛ lɛlaa poyou tɔm ndɩ ndɩ yɔɔ. Ḿbʋ́ kɔŋnɩnɩ ɛsɩsɛmɩyɛ nɛ pana nɛ tʋtʋ nɛ ɖama yɔɔ lɩmaɣza kɩdɛkɛdɛɛ ɖʋʋ.

1 Timootee 6:4 ပူးပေါင်းရင်းမြစ်များ

Tʋma Labʋ 15:2

Pɔyɔɔdɩ ḿbʋ́ lɛ, Pɔɔlɩ nɛ Barnaabaasɩ pekizini-wɛ-tʋ nɛ pa nɛ wɛ pɔhɔmnɩ ɖama tɔm pɩŋŋ. Peeɖe taabalaa tɔm se: yee ḿbʋ́, Pɔɔlɩ nɛ Barnaabaasɩ nɛ pa-taa nabɛyɛ powolo Yeruusalɛm, Krɩstʋ tiyiyaa nɛ ɛ-ŋgbɛyɛ taa sɔsaa pɔ-cɔlɔ nɛ pana-tʋ.

Tʋma Labʋ 18:15

Ɛlɛ́, ɖenɖe pɩkɛnɩ tɔm hɔm yem tɔm pee nɛ hɩla nɛ mɩ-maɣmaɣ mɩ-paɣtʋ pɔ-yɔɔ yɔ, mɩ-cɔlɔ lɛ. Maahʋʋ pɩtɛ tɔm ńdʋ́!»

Tʋma Labʋ 8:9

Abalʋ nɔɔyʋ kɛwɛ tɛtʋ ńdʋ́ tɩ-taa ɖooo lɔŋ, payaɣ-ɩ se Siimɔɔ. Ɛlakaɣ hama lakasɩ nɛ pɩɖɩɣzɩɣ Samaarɩɩ ñɩma nɛ ɛmaɣzɩɣ se ɛkɛ sɔsɔ nɔɔyʋ siŋŋ.

Room 12:16

Ɩnɩɩnɩ ɖama camɩyɛ mi-wezuu caɣʋ taa. Ɩtaakpazɩ mɩ-tɩ, ɛlɛ́, ɩmaɣzɩ mbʋ́ patakpaɣ payaa pʋyʋ yɔ pʋ-yɔɔ. Ɩtaakpaɣ mɩ-tɩ se ɩkɛ lɔŋsɩnɖaa.

Room 13:13

Đɩɖɔ camɩyɛ siɣsiɣ ɛzɩ pʋmʋnaʋ se ɛyʋ ɛɖɔ ñalɩmɩyɛ taa yɔ. Đɩɖɔkɩ ɖa-tɩ nɛ kujoŋjoŋ labʋ nɛ sʋlʋm kpaŋʋʋ nɛ acɛyɛ labʋ nɛ ɛzaɣ́tʋ labʋ nɛ you nɛ ɛsɩsɛmɩyɛ.

Room 14:1

Ɩmʋ weyi ɛwɛnɩ ɛjandʋ e-lidaʋ wɛnaʋ taa yɔ ɛ-tɔm, ɩtaakpɛzɩnɩ-ɩ.

Room 2:8

Ɛlɛ́, ɛ-pana kɔŋ kpanaʋ siŋŋ mbá pakaɖɩɣnɩ-ɩ nɛ paañaŋ mbʋ́ pɩkɛ toovenim nɛ panɩɣnɩ mbʋ́ pɩtatʋʋzɩ kpem yɔ.

1 Kɔrɛntɩ 11:16

Yee nɔɔyʋ liu ɛwɛɛ se ɛkpɛzɩɣnɩ tɔm tʋnɛ yɔ, ɖa ɖaalakɩ ḿbʋ́. Paalakɩ ḿbʋ́ ɖɔɖɔ Ɛsɔ aŋgba taa.

1 Kɔrɛntɩ 11:18

Kajalaɣ lɛ, manɩwa se alɩwaatʋ ndʋ́ ikpeɣliɣ ɖama yɔ, tayʋʋ wɛ mɩ-hɛkʋ taa. Peheyi-m-tʋ nɛ mamaɣzɩɣ se pɩkɛɣ toovenim.

1 Kɔrɛntɩ 3:18

Nɔɔyʋ ɛtaacɛtɩ ɛ-tɩ yem. Yee mɩ-taa nɔɔyʋ ɛmaɣzɩɣ se ɛwɛnɩ kedeŋa lɔŋsɩnɖɛ yɔ, pʋdʋ ɛpɩsɩ ɛzɩ kɩmɛlɛŋ yɔ. Peeɖe ɛkɛɣ lɔŋsɩnɖʋ toovenim taa.

1 Kɔrɛntɩ 3:3

Mbʋ́ pʋyɔɔ yɔ, mi-wezuu caɣʋ taa lɛ, ɩlakɩ ɛzɩ ɩɩwɛʋ yɔ. Alɩwaatʋ ndʋ́ ɛsɩsɛmɩyɛ nɛ you pɛwɛ mɩ-hɛkʋ taa yɔ, ɩfɛyɩ ɛzɩ ɩɩwɛʋ yɔ yaa we? Yaa mi-wezuu caɣʋ ñɛfɛyɩ ɖɔɖɔ ɛzɩ ɛyáa lɛlaa yɔ?

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

Galaatɩ 5:15

Ɛlɛ́, yee ɩwɛɛ nɛ ɩlakɩ ɛzɩ tɛtɛ kpɩna nɛ ɩpaŋ ɖama kela nɛ ɩnazɩɣ ɖama yɔ, pʋbʋ, ɩkpa mɩ-tɩ. Pɩtɛkɛ ḿbʋ́, ɩkɔŋ ɩtɛ mɩtɩŋa yem.

Galaatɩ 5:26

Đɩtaakpazɩ ɖa-tɩ, ɖɩɖɔkɩ ɖa-tɩ nɛ ɖa-pana ɛtaakpanɩ ɖama yaa ɖɩtaaɖʋ ɛsɩyɛ ɖama yɔɔ.

Galaatɩ 6:3

Yee nɔɔyʋ ɛmaɣzɩɣ se ɛ-wayɩ lɛ, nɔɔyʋ fɛyɩ nɛ pʋdʋ fɛyɩ wazaɣ nakɛyɛ yɔ, ɛcɛtɩ ɛ-maɣmaɣ ɛ-tɩ kpem.

Filiipu 1:15

Toovenim lɛ, pa-taa nabɛyɛ taa wɛnɩ-m nɛ posusuu Krɩstʋ tɔm nɛ ɛsɩsɛmɩyɛ. Ɛlɛ́, pa-taa lɛlaa ñosusaɣ-tʋ nɛ lɩmaɣza kɩbana. Paba lakɩ ḿbʋ́ nɛ sɔɔlɩm, mbʋ́ pʋyɔɔ yɔ, pɛtɛm naʋ se Ɛsɔ ɖʋnɩ-m cɩnɛ se malʋ Laŋhɛzɩyɛ Tɔm yɔɔ. Piyele kajalaɣ ñɩma yɔ, paasusuu Krɩstʋ tɔm nɛ lɩmaɣza kɩbana. Pañɩnɩɣ se pala mɔ-yɔɔ ɛsɩsɛmɩyɛ nɛ piyele mɛntɛzɩ labʋ kʋñɔŋ salaka taa.

Filiipu 2:14

Mbʋ́ pɩtɩŋa payɩ ɩlakɩ yɔ, ɩlabɩ-pʋ, ɛlɛ́, ɩtaamidi mi-liŋ tɛɛ nɛ ɩhɔŋnɩ ɖama tɔm.

Filiipu 2:3

Ɩtaala nabʋyʋ se ɩkɩlɩnɩ lɛlaa yaa ɩkʋndɩnɩ-pʋ falaa. Ɛlɛ́, iluzi mɩ-tɩ ɖama tɛɛ, paa weyi ɛkpaɣ lɛlaa se pakɩlɩ ɛ-maɣmaɣ.

Koloosi 2:18

Ɩtaayele nɛ mbá pawaɣnɩ se poluzuu pa-tɩ nɛ poluŋuu Ɛsɔ tiyiyaa tɛɛ yɔ, pa-taa nɔɔyʋ kʋ mɩ-tɔm. Mbʋ́ pʋyɔɔ yɔ, pakpakɩɣ po-ɖozee payaɣ pʋyʋ nɛ pakpazɩɣ pa-tɩ nɛ pa-maɣmaɣ pa-lɩmaɣza. Ŋgʋ́, akɛ ɛyáa lɩmaɣza yem.

2 Tesalooniki 2:4

Ɛkɔŋ kpazʋʋ ɛ-tɩ se ɛkɩlɩ mbʋ́ pɩtɩŋa payɩ ɛyáa kpakɩɣ se Ɛsɔ yɔ yaa poluŋuu pɩ-tɛɛ yɔ. Halɩ ewoki ɛsʋʋ Ɛsɔ ɖɩɣa taa nɛ ɛcaɣ se ɛ-maɣmaɣ lɛ Ɛsɔ.

1 Timootee 1:4

Heyi-wɛ ɖɔɖɔ se pataanɩɩnɩ mʋya nɛ pɔ-cɔzɔnaa hɩla wena afɛyɩ kalʋʋ yɔ pɔ-tɔm. Ḿbʋ́ lɩzɩɣnɩ puuyaɣ. Pɩɩsɩŋnɩ mbʋ́ Ɛsɔ ɖʋwa se ɛlakɩ yɔ se puwobini ɛsɩndaa. Ɛlɛ́, lidaʋ yɔɔ pɩtɩŋɩɣna nɛ puwobini ɛsɩndaa.

1 Timootee 1:7

Pacaɣ se pɛkɛ Mooyiizi paɣtʋ wɩlɩyaa sɔsaa. Ɛlɛ́, paanɩɣ tɔm ndʋ́ pa-maɣmaɣ pɔyɔɔdʋʋ yɔ yaa ndʋ́ tɩ-yɔɔ pɛwɛ ɖoŋ yɔ tɩ-tɔbʋʋ.

1 Timootee 3:6

Pɩtamʋnɩ se ɛkɛ ɛyʋ weyi ɛpɩsɩ Krɩstʋ tʋ nɛ piteleɖida yɔ. Pɩtɛkɛ ḿbʋ́, nabʋyʋ taa ɛkɔŋ ɛkpazɩ ɛ-tɩ nɛ Ɛsɔ hʋʋnɩ-ɩ nɛ ɛkʋ ɛ-tɔm ɛzɩ ɛkʋʋ Satanɩ ñɩndʋ yɔ.

2 Timootee 2:14

Tɔzɩ ɛyáa tɔm ńdʋ́ nɛ ŋheyi-wɛ Ɛsɔ ɛsɩndaa se pataayoo tɔm pee yɔɔ. Mbʋ́ pʋyɔɔ yɔ, you ŋ́gʋ́ kɩɩwazɩɣ pʋyʋ, ɛlɛ́, kʋɖʋzʋʋ mbá pewelesiɣ-kʋ yɔ.

2 Timootee 2:23

Ɛlɛ́, yele kɩmɛlɛndʋ tɔm nɛ ndʋ́ tɩɩwazɩɣ pʋyʋ yɔ pɔ-hɔm, mbʋ́ pʋyɔɔ yɔ, ŋna ɖeu se tɩkɔŋnɩ you.

2 Timootee 3:4

Palɩɣ ɛyáa wayɩ, pa-lɩmaɣza fɛyɩ, tɩ kpazʋʋ suni pa-taa. Ɛzɩ paasɔɔlɩ Ɛsɔ lɛ, peyeki pɔsɔɔlʋʋ mbʋ́ pɩkɛdɩnɩ-wɛ yɔ.

Tiiti 3:9

Ɛlɛ́, koli cɔzɔnaa hɩla wena afɛyɩ kalʋʋ yɔ a-tɔm, mbʋ́ pʋyɔɔ yɔ, tɩkɛ kɩmɛlɛndʋ. Koli ɖɔɖɔ you nɛ Mooyiizi paɣtʋ yɔɔ tɔm hɔm. Pɩfɛyɩ wazaɣ nakɛyɛ, pɩfɛyɩ kɛzɛɣa ɖɔɖɔ.

Yakubu 1:19

Man-taabalaa kʋsɔɔlaa! Ɩtɩlɩ se: pʋwɛɛ se paa weyi ɛɖaŋ kpam nɛ ewelesini lɛlaa. Đɔɖɔ lɛ, ɛtaakpedesi se ɛyɔɔdʋʋ, ɛ-pana ɛtaakpa yem yem.

2 Pɩyɛ 2:12

Ɛlɛ́, ḿbá lɛ, pɛwɛ ɛzɩ tɛtɛ kpɩna wena a-ñʋŋ taa fɛyɩ nɛ awɛɛ se pɔkɔŋ-yɛ kpaʋ nɛ pakʋ yɔ. Patʋʋ mbʋ́ paasɩŋ yɔ. Pa-maɣmaɣ pa-lakasɩ nzɩ́ sɩsʋzʋʋ ɛyáa asayʋʋ taa yɔ, ńzɩ́ kɔŋnɩ-wɛ ɖɔɖɔ sʋzʋʋ kɩ-taa.

2 Pɩyɛ 2:18

Pɔyɔɔdʋʋ camɩyɛ, ɛlɛ́ pɩkɛ kɩmɛlɛndʋ tɔm. Piteleɖida yɔ, nabɛyɛ lɩʋ ɛyáa mbá pelebi nʋmɔʋ yɔ pa-taa yɔ. Ḿbá cɛtɩm tɔm wɩlɩyaa peɣziɣ. Palakɩ yem yem lakasɩ nzɩ́ pa-maɣmaɣ pe-liu wɛɛ yɔ nɛ peyilini-wɛ.

Yuudi 1:10

Ɛlɛ́, ɛyáa ḿbá, mbʋ́ paasɩŋ yɔ, ḿbʋ́ patʋʋ. Mbʋ́ tɛtɛ kpɩna sɩma yɔ, pi-ɖeke pasɩma. Ḿbʋ́ yekina se pala asɛyʋʋ.

Yuudi 1:16

Ɛyáa ḿbá, pɔ-nɔsɩ taa ɛɛnɩɣ nɛ pɛwɛɛ patɩmɩɣ. Palakɩ kɩdɛkɛdɩm mbʋ́ pa-maɣmaɣ pe-liu wɛɛ yɔ. Pɔyɔɔdʋʋ tɔm camɩyɛ nɛ pepeɣziɣ ɛyáa nɛ pɔ-nɔɔ leleŋ se pehiɣ kɛzɛɣa.

Wɩlʋʋ 3:17

Pɔtɔŋ se pɛkɛ ñɩm tɩnaa, pehiɣ ñɩm nɛ nabʋyʋ ɛɛtɛɖɩɣ-wɛ. Ŋgʋ́, patatɩlɩ se pɛwɛ kɛtɛɖaɣ taa nɛ pɛwɛɛ pʋtɔdɩyɛ nɛ pɛkɛ kʋñɔndɩnaa nɛ payʋlʋmɩ nɛ pɛwɛɛ tombolo.