1 Timootee 6:2 - New Testament

² Yom weyi ɛ-caa kɛ Krɩstʋ tʋ yɔ, pʋwɛɛ se yom ɛnʋ, ɛtaaniɣzi-i se ɛkɛ ɛ-taabalʋ yɔ, ɛ nɛ ɩ pɛwɛ kɩmaŋ. Ɛlɛ́, pʋwɛɛ se ɛlabɩ-ɩ tʋmɩyɛ camɩyɛ. Mbʋ́ pʋyɔɔ yɔ, weyi ɛlakɩ-ɩ tʋmɩyɛ ńɖɩ́ yɔ, ɛkɛ Krɩstʋ tʋ nɛ taabalʋ kʋsɔɔlʋ. Tɔm ndʋ́ meheyi-ŋ lɛɛlɛɛyɔ yɔ, pʋwɛɛ se ŋwɩlɩ-tʋ ɛyáa nɛ ŋsazɩnɩ-wɛ.

1 Timootee 6:2 ပူးပေါင်းရင်းမြစ်များ

Maatiyee 23:8

Mɩ lɛ, mɩ-taa nɔɔyʋ ɛtaayele nɛ payaa-ɩ se: ‹Wɩlɩyʋ.› Mbʋ́ pʋyɔɔ yɔ, mɩtɩŋa payɩ ɩkɛ ɛyáa kʋɖʋmaa, men-ɖeke koŋ lɛ mɩ-Wɩlɩyʋ.

Maatiyee 25:40

Wiyaʋ kaɣ-wɛ cosuu se: ‹Toovenim lɛ, mankaɖɩɣ-mɩ se: alɩwaatʋ ndʋ́ ɩlabɩ-pʋ mɛ-ɛyáa mbá patakpaɣ-wɛ payaa pʋyʋ yɔ pa-taa nɔɔyʋ yɔ, man-tɩ tɩŋa ɩlaba.›

Maatiyee 6:24

Yesu tasɩ-wɛ heyuu se: «Nɔɔyʋ ɛɛpɩzɩɣ ɛla caanaa naalɛ tʋma. Yee ɛlakɩ ḿbʋ́ yɔ, ɛpaɖɩɣ lɛlʋ nɛ ɛsɔɔlɩ lɛlʋ. Yaa pʋtɔma, ɛnɩɣnɩ lɛlʋ nɛ eyele lɛlʋ. Ḿbʋ́ ɖɔɖɔ pʋwɛɛ: ɩɩpɩzɩɣ ɩsa Ɛsɔ nɛ ɩtɛ ɩwɛnɩ liidiye laɣzaɣ.»

Tʋma Labʋ 1:15

Nakʋyʋ wiye taabalaa kpeɣlaa ɛzɩ patɩɩkpeɣluu yɔ, paatalɩ ɛzɩ mɩnʋʋ nɛ nɩɩlɛ yɔ. Pɩkɛdaa lɛ, Pɩyɛ kʋyɩ ɛsɩŋ pɛ-hɛkʋ taa nɛ eheyi-wɛ se:

Room 11:17

Izrɛɛlɩ ñɩma wɛ ɛzɩ somuu ŋgʋ́ pɔsɔwa nɛ pɛsɛtɩ ki-pilinzi nasɩyɩ yɔ. Weyi ña ŋtɛkɛ Yuda tʋ yɔ, ŋwɛ ɛzɩ somuu ŋgʋ́ kʋñɔ tɛyɛ yɔɔ yem yɔ ki-piliŋa. Pɛsɛtɩ-kɛ nɛ pɔsɔ ŋgʋ́ pɔsɔ kʋsɔʋ yɔ ki-pilinzi nzɩ́ pɛsɛtaa yɔ si-lone taa: lɛɛlɛɛyɔ, ŋtɔkɩ ɖɔɖɔ liɖe nɖɩ́ ɖɩcalɩɣ-kʋ yɔ ɖɩ-yɔɔ.

Room 8:29

Mbʋ́ pʋyɔɔ yɔ, mbá ɛɛlɩzɩ ɖooo lɔŋ yɔ ɛɛɖʋwa se eyeki nɛ pɛwɛɛ ɛzɩ ɛ-Pɩyalʋ yɔ, nɛ ɛ-Pɩyalʋ ɛnʋ, ɛkɛ Ɛsɔ ñɩma ɖalʋ. Pɔɖɔ sakɩyɛ.

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

Efɛɛzɩ 1:1

Ma Pɔɔlɩ weyi pɩkɛdɩnɩ Ɛsɔ nɛ eyele se mɛnkɛ Krɩstʋ Yesu tiyiyu yɔ, mamaɣnɩ takayaɣ kanɛ. Ɛsɔ ñɩma mbá mɩ ɩwɛ Efɛɛzɩ nɛ ɩtɩŋɩɣ Krɩstʋ Yesu nʋmɔʋ yɔ mamaɣ-kɛ.

Efɛɛzɩ 1:15

Ḿbʋ́ yebina nɛ kpaɣ kɩyakʋ ŋgʋ́ manɩ lidaʋ ŋgʋ́ ɩwɛnɩ Kɩpaɣlʋ Yesu yɔɔ yɔ nɛ sɔɔlɩm mbʋ́ ɩsɔɔlɩ Ɛsɔ ñɩma tɩŋa yɔ pɔ-tɔm lɛ,

Efɛɛzɩ 3:6

Ńdʋ́ lɛ se: mbá pɛtɛkɛ Yuda ñɩma yɔ nɛ Yuda ñɩma, pɛkɛ tomnaɣ kʋɖʋmaɣ pilinzi. Ñɩm kʋɖʋmʋm Ɛsɔ ñɔɔzaa nɛ ɛsɩɩ-wɛ. Ñɩm kʋɖʋmʋm ɖɔɖɔ ɛɖʋwa se ɛhaɣ-wɛ pa nɛ Krɩstʋ Yesu pɛ-kpɛndʋʋ taa. Laŋhɛzɩyɛ Tɔm yɔɔ ɛtɩŋnaa nɛ ɛla ḿbʋ́.

Koloosi 1:2

ɖɩmaɣnɩ takayaɣ kanɛ taabalaa Ɛsɔ ñɩma mbá mɩ ɩwɛ Koloosi nɛ ɩtɩŋɩɣ Krɩstʋ nʋmɔʋ ɛzɩ pʋpɔzʋʋ mɩ nɛ ɩ mɩ-kpɛndʋʋ yɔɔ yɔ. Đɩsɛ-mɩ: ɖa-Caa Ɛsɔ ɛlabɩ-mɩ lootiye nɛ ɛhɛzɩ mɩ-laŋa!

Koloosi 1:4

Toovenim lɛ, pɔyɔɔdɩ ɛzɩma mbʋ́ ɩwɛnɩ lidaʋ Krɩstʋ Yesu yɔɔ yɔ nɛ ɛzɩma mbʋ́ ɩsɔɔlɩ Ɛsɔ ñɩma tɩŋa payɩ yɔ pʋ-tɔm nɛ ɖɩnɩɩ.

Koloosi 4:1

Mɩ caanaa lɛ, ɩtɔzɩ se mɩ ɖɔɖɔ ɩwɛnɩ Caa nɔɔyʋ ɛsɔdaa. Pʋ-yɔɔ lɛ, ɩla mi-yomaa mbʋ́ pʋtʋʋzaa nɛ pɩtɛ pʋmʋna yɔ.

2 Tesalooniki 1:3

Taabalaa! Pʋwɛɛ se ɖɩsa Ɛsɔ mɩ-yɔɔ tam. Pʋmʋna ḿbʋ́, mbʋ́ pʋyɔɔ yɔ, ɩwɛɛ ɩtɛzɩɣ lidaʋ wɛnaʋ nɛ mɩtɩŋa payɩ ɩtɛzɩɣ ɖama sɔɔlʋʋ.

1 Timootee 4:11

Ḿbʋ́ pʋwɛɛ se ŋheyi ɛyáa nɛ ŋwɩlɩ-wɛ.

1 Timootee 5:1

Yee ña nɛ akpadɩyʋ nɔɔyʋ ɩwɛɛ yɔ, taakpɩɣdɩ-ɩ, ɛlɛ́, yɔɔdɩnɩ-ɩ ɛzɩ ña-caa yɔ. Kpaɣ evebiya ɛzɩ ña-ñɩma yɔ.

Tiiti 2:1

Ña lɛ, wɩlɩ ɛzɩ pʋwɛʋ tɔm kɩbandʋ ndʋ́ pawɩlɩ-ŋ yɔ tɩ-taa yɔ.

Tiiti 2:15

Tɔm ńdʋ́ tɩtɩŋa payɩ pʋwɛɛ se ŋheyi ɛyáa. Kpaɣ ña-abalɩtʋ tɩŋa payɩ nɛ ŋsazɩnɩ mbá pewelesiɣ ñɔ-tɔm yɔ yaa ŋkalɩnɩ-wɛ. Taayele pa-taa nɔɔyʋ pɛŋ-ŋ tɛtɛ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 3:1

Pʋ-yɔɔ lɛ, taabalaa Ɛsɔ ñɩma mbá mɩ ɛya-mɩ ɖɔɖɔ yɔ, ɩcɔnɩ Yesu weyi Ɛsɔ tiyaa se ɛkɛ cɔjɔnaa ñʋʋdʋ yɔ. Ɛ-tɔm ɖiheyiɣ ɛyáa, ɛ-yɔɔ ɖɩwɛnɩ lidaʋ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

1 Pɩyɛ 5:1

Lɛɛlɛɛyɔ, mɔyɔɔdʋʋnɩ mɩ-taa mbá pɛkɛ Krɩstʋ ŋgbɛyɛ taa sɔsaa yɔ. Ma ɖɔɖɔ mɛnkɛ ɖɩ-taa sɔsɔ. Mananɩ mɛ-ɛsɛ kʋñɔŋ ŋgʋ́ Krɩstʋ tɔwaa yɔ. Ɛsɔ kɔŋ-m haʋ ɖɔɖɔ koboyaɣ ŋgá ɛkɔŋ lɩzʋʋ nɛ ɛwɩlɩ-ɖʋ yɔ. Pʋ-yɔɔ meheyiɣ-mɩ se:

2 Pɩyɛ 2:10

Kɔzɩkɔzɩ mbá panɩɣnɩ kɩdɛkɛdɩm labʋ ɛzɩ pa-maɣmaɣ pe-liu wɛʋ yɔ nɛ patakpaɣ Ɛsɔ ɖoŋ payaa pʋyʋ yɔ. Cɛtɩm tɔm wɩlɩyaa mbá meheyi-mɩ pɔ-tɔm yɔ, paacazɩɣ nɔɔyʋ taʋ, pɛkɛ agaɣya tɩnaa. Paañaŋ ɖoŋ ndɩ ndɩ weyi ɩwɛ ɛsɔdaa yɔ kpem nɛ patʋʋ-ɩ.

Yuudi 1:8

Ɛyáa mbá pɛwɛ mɩ-hɛkʋ taa yɔ, ḿbʋ́ ɖɔɖɔ palakɩ. Poɖozuu ɖozee wena ayeki se pala acɛyɛ nɛ apisiɣ-wɛ yɔ. Patakpaɣ Ɛsɔ ɖoŋ payaa pʋyʋ. Patʋʋ ɖoŋ ndɩ ndɩ weyi ɩwɛ ɛsɔdaa yɔ.