1 Timootee 5:8 - New Testament

⁸ Yee nɔɔyʋ ɛɛcɔŋnɩ ɛ-ñɩma yɔɔ, kɔzɩkɔzɩ ɛ-maɣmaɣ ɛ-hɔʋ taa ñɩma yɔɔ yɔ, pɩwɩlɩɣ se ɛlɔ lidaʋ ŋgʋ́ ɛwɛnɩ Krɩstʋ yɔɔ yɔ. Weyi ɛfɛyɩnɩ lidaʋ Krɩstʋ yɔɔ yɔ, ɛ́lɛ́ ñakɩlɩ-ɩ wee wee.

1 Timootee 5:8 ပူးပေါင်းရင်းမြစ်များ

Maatiyee 18:17

Yee etetisi ɖɔɖɔ lɛ, ŋwolo ŋheyi ŋgbɛyɛ taa ñɩma nɛ pɔpɔzɩ-ɩ. Yee ɛtanɩɩnɩ paba lɛ, pʋbʋ, ŋkpaɣ-ɩ ɛzɩ weyi ɛɛñaŋ Ɛsɔ yɔ yaa kɩwɛɛkɩm laɖʋ nɔɔyʋ yɔ.

Maatiyee 7:11

Mbá mɩ ɩkɛ azaɣ́a yɔ, itekizi haʋ mi-piya mbʋ́ pʋwɛ ɖeu yɔ nɛ pɩcandɩnɩ mɩ-Caa Ɛsɔ weyi ɛwɛ ɛsɔdaa yɔ? Ɛhaɣ mbʋ́ pʋwɛ ɖeu yɔ mbá paba sʋlʋmʋʋ-ɩ yɔ.

Yohanɛɛsɩ 15:22

Yee mantaakɔɔ nɛ mɔyɔɔdɩnɩ-wɛ yɔ, pataakʋ pɔ-tɔm se palakɩ kɩwɛɛkɩm. Ɛlɛ́, lɛɛlɛɛyɔ, pɛfɛyɩnɩ natʋyʋ se paaɖezini pa-tɩ pa-kɩwɛɛkɩm yɔɔ.

1 Kɔrɛntɩ 6:6

Đenɖe ɛzɩ pɩɩla ḿbʋ́ lɛ, powokini pɔ-tɔm mbá pɛfɛyɩnɩ lidaʋ Krɩstʋ yɔɔ yɔ pɔ-cɔlɔ se pahʋʋ-wɛ-tʋ.

2 Kɔrɛntɩ 12:14

Mɔñɔɔzɩ man-tɩ se mɔnkɔɔ mɩ-tɛ tozo ɖeɖe. Mantalɩɣ yɔ, maapɔzʋʋ mɩ-taa nɔɔyʋ se ɛsɩnɩ-m. Mbʋ́ pʋyɔɔ yɔ, pɩtɛkɛ mɩ-ñɩm mañɩnɩɣ, ɛlɛ́, mɩ-maɣmaɣ mañɩnɩɣ. Toovenim lɛ, pɩtɛkɛ piya cazɩɣna se sɩcalɩ sɩ-ñɩma, ɛlɛ́, ñɩma cazɩɣna se pacalɩ pe-piya.

2 Kɔrɛntɩ 6:15

Ɛzɩma Krɩstʋ nɛ Eleeu papɩzɩɣ panɩɩnɩ ɖama? Yaa ɛbɛ Krɩstʋ tʋ nɛ weyi ɛtɛkɛ Krɩstʋ tʋ yɔ papɩzɩɣ pakaa?

Galaatɩ 6:10

Pʋ-yɔɔ lɛ, yee pɩha-ɖʋ waɖɛ yɔ, ɖɩsɩnɩ ɛyáa tɩŋa, kɔzɩkɔzɩ mbá pɛwɛnɩ lidaʋ Krɩstʋ yɔɔ yɔ.

2 Timootee 2:12

Yee ɖɩɖɔkɩ ɖa-tɩ ḿbʋ́ kpam yɔ, ɖa nɛ ɩ ɖɩkɔŋnɩ tɔɔʋ kewiyaɣ ɖɔɖɔ. Yee ɖikizi-i yɔ, ɛkɔŋ-ɖʋ kizuu ɖɔɖɔ.

2 Timootee 3:5

Pɔkɔŋ wɛʋ ɛsɛ yɔɔ ɛzɩ mbá pɔɖɔŋ lidaʋ nʋmɔʋ taa yɔ, naze lɛ, pekiziɣ se ɖoŋ nɩɩyɩ fɛyɩ kɩ-taa. Se pɩtɛ ɛyáa ḿbá!

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

2 Pɩyɛ 2:1

Ɛzɩma mbʋ́ mbá pɛcɛtaɣ se pɛkɛ mbá posusuu tɔm ndʋ́ tɩlɩnɩ Ɛsɔ cɔlɔ yɔ paasʋ Ɛsɔ ñɩma taa yɔ, ḿbʋ́ ɖɔɖɔ mbá pawɩlɩɣ ɛyáa cɛtɩm tɔm yɔ pɔkɔŋ mɩ-hɛkʋ taa sʋʋ mɛsaɣ tɛɛ. Pɔkɔŋ pawɩlɩ-mɩ tɔm ɛzaɣ́tʋ ndʋ́ tilesiɣ ɛyáa yɔ. Halɩ pɔkɔŋ kizuu ɖa-Wɩlɩyʋ sɔsɔ weyi ɛyabɩ pa-ñʋʋ yɔ. Pʋ-yɔɔ pɩtɩŋɩɣna nɛ asayʋʋ nakʋyʋ tudi-wɛ.

Yuudi 1:4

Mɔyɔɔdʋʋ ḿbʋ́, mbʋ́ pʋyɔɔ yɔ, mbá paañaŋ Ɛsɔ yɔ pa-taa nabɛyɛ sʋ mɩ-hɛkʋ taa mɛsaɣ tɛɛ. Papɩsɩɣ ɖɛ-Ɛsɔ lootiye tɔm kiŋgila nɛ yaayala se peɖezini pa-acɛyɛ lakasɩ pe-wezuu caɣʋ taa. Pɔlɔʋ Yesu Krɩstʋ weyi e-ɖeke koŋ ɛkɛ ɖa-Wɩlɩyʋ nɛ ɖa-Kɩpaɣlʋ nɛ ɛcɔŋnɩ pɩtɩŋa pʋ-yɔɔ yɔ. Đooo lɔŋ pama ɛzɩma mbʋ́ pakʋʋ pɔ-tɔm yɔ.

Wɩlʋʋ 2:13

Mansɩm ɖenɖe ñɛ-ŋgbɛyɛ taa ñɩma wɛɛ yɔ: peeɖe Satanɩ kewiyaɣ kpelaɣ wɛɛ. Pɔɖɔkɩ ma-hɩɖɛ kpam nɛ pɔtɔlɔ lidaʋ ŋgʋ́ pɛwɛnɩ mɔ-yɔɔ yɔ, halɩ pɩkpɛndɩnɩ kɩyakɩŋ weyi ɩ-taa pakʋ ma-aseɣɖe tʋ Antiipaa yɔ. Ɛlakaɣ mbʋ́ ɛɖʋwa yɔ. Đenɖe Satanɩ wɛɛ yɔ, peeɖe pɩtɩŋa payɩ pɩɩlaba ḿbʋ́.

Wɩlʋʋ 3:8

Mansɩm mbʋ́ ñɛ-ŋgbɛyɛ taa ñɩma lakɩ yɔ. Na: mantʋlɩ nɔnɔɔ ŋgá nɔɔyʋ ɛɛpɩzɩɣ ɛɖɩɣ yɔ ñɛ-ɛsɩndaa. Mbʋ́ pʋyɔɔ yɔ, pɛwɛnɩ ɖoŋ pazɩ, ɛlɛ́, pɔɖɔkɩ mɔn-tɔm nɛ pɛtɛkpɛzɩ se patasɩm-m.