1 Timootee 5:6 - New Testament

⁶ Ɛlɛ́, weyi ɛ́lɛ́ wɛɛ ɛlakɩ yem yem yɔ, paa ɛwɛ wezuu yɔ, ɛtɛm sɩbʋ.

1 Timootee 5:6 ပူးပေါင်းရင်းမြစ်များ

Maatiyee 8:22

Yesu cosi-i se: «Kɔɔ ŋtɩŋ-m, yele sɩɖaa nɛ pepi pa-sɩɖaa.»

Luka 12:19

Pʋwayɩ lɛ, meheyi man-tɩ se: lɛɛlɛɛyɔ mɛwɛnɩ ñɩm pɩŋŋ, pɩtalɩɣ-m pɩnzɩ sakɩyɛ. Mancakɩ mɛhɛzɩ nɛ mɔntɔɔ nɛ mɔñɔɔ nɛ mamayɩ amaya.›

Luka 15:13

Pɩtalabɩdɩ pʋyʋ lɛ, cikpelu ɛnʋ ekuu ɛ-ñɩm tɩŋa nɛ ɛɖɛɛ ɖooo ɛjaɖɛ naɖɩyɛ taa. Ɛtalɩ peeɖe lɛ, ɛpazɩ tɩkpayɩtʋ labʋ nɛ ɛwɛɛkɩ ɛ-ñɩm ḿbʋ́ pɩtɩŋa payɩ.

Luka 15:24

Mbʋ́ pʋyɔɔ yɔ, man-pɩyalʋ ɛnɛ, pʋwɛ ɛzɩ ɛsɩba nɛ efe yɔ. Eeleba nɛ manɖaɣnɩ-ɩ naʋ.› Peeɖe papazɩ kazandʋ tɔɔʋ.

Luka 15:32

Ɛlɛ́, pʋmʋnaa se ɖɩla kazandʋ nɛ laŋhʋlʋmɩyɛ. Mbʋ́ pʋyɔɔ yɔ, pʋwɛ ɛzɩ ñe-neu kasɩba nɛ efe yɔ, eeleba nɛ manɖaɣnɩ-ɩ naʋ.› »

Luka 16:19

Pʋwayɩ lɛ, Yesu tuu-wɛ eduuye se: «Abalʋ ñɩm tʋ nɔɔyʋ kɛwɛnɩ ḿbʋ́, esuu awiitokonaa ɖeu ñɩlɩ ñɩlɩ nɛ ɛtɔkɩ leleŋ leleŋ paa ɖooye.

Luka 7:25

Ɛlɛ́, ɛbɛ iwobi naʋ kpem? Nɔɔyʋ suni wondu kɩbandʋ nɛ ɛwɛɛ peeɖe naa we? Ŋgʋ́, mbá posuu ñɩɣlɩ́m wondu nɛ pɛwɛnɩ pɩtɩŋa yɔ, pɛwɛɣ awiya ɖɩsɩ taa.

Efɛɛzɩ 2:1

Mɩ lɛ, ɖooo lɛ, ɩɩsɩbɩ mɩ-kɩdɛkɛdɩm nɛ mɩ-kɩwɛɛkɩm pɔ-yɔɔ.

Efɛɛzɩ 2:5

Pʋ-yɔɔ efezi ɖa nɛ Krɩstʋ alɩwaatʋ ndʋ́ ɖɩɩsɩbɩ ɖa-kɩwɛɛkɩm yɔɔ ḿbʋ́ yɔ. Yee ḿbʋ́, lootiye yɔɔ ɛyabɩ mɩ-ñʋʋ.

Efɛɛzɩ 5:14

Pʋ-yɔɔ pɔtɔŋ se: «Weyi ña ŋɖou yɔ, fe, kʋyɩ nɛ sɩɖaa taa, Krɩstʋ ñalɩmɩyɛ ñalɩɣ ñɔ-yɔɔ.»

Koloosi 2:13

Đooo lɛ, ɩɩkɛ sɩɖaa mɩ-kɩwɛɛkɩm yɔɔ. Ɩɩkɛ ɖɔɖɔ sɩɖaa mbʋ́ pʋyɔɔ yɔ, pataapɛlɩ-mɩ. Ɛlɛ́, lɛɛlɛɛyɔ Ɛsɔ tɩŋnɩ Krɩstʋ yɔɔ nɛ ɛha-mɩ wezuu: ekpeɣ-ɖʋ ɖa-kɩwɛɛkɩm tɩŋa payɩ.

2 Timootee 3:6

Pa-taa nabɛyɛ sʋʋ ɖɩsɩ taa nɛ ponuutuu halaa mbá pɔ-tɔm fɛyɩ kaɖɛ nɛ kɩdɛkɛdɩm su pa-taa ɖo nɛ pe-liu wɛɛ paa ɛbɛ labʋ yɔ.

Yakubu 5:5

Mi-wezuu caɣʋ taa kedeŋa yɔɔ cɩnɛ lɛ, ɩwɛ leleŋ taa nɛ ɩcanɩɣ mɩ-tɩ. Ɩtɔɔ camɩyɛ nɛ ɩpaɣlɩ ɛzɩ kpɩna wena pɔkɔŋ kʋʋ se pɔtɔɔ yɔ.

Wɩlʋʋ 18:7

Ɩcɔzɩ-tʋ nɛ iyele tɩ-ɛsɛ ñɩŋ tam ɛzɩma mbʋ́ tɩkʋndaa nɛ tɩsʋʋ ajana taa yɔ! Mbʋ́ pʋyɔɔ yɔ, tɩmaɣzɩɣ tɩ-taa se: ‹Weyi ma mɛnkɛ abiɖe yɔ, mancaɣnɩ cɩnɛ. Mɛntɛkɛ lelu, maakaɣ caɣʋ leɣa nakɛyɛ kaʋ.›

Wɩlʋʋ 3:1

Ɛyʋ ɛnʋ ɛtasɩ-m heyuu se: «Ma Ɛsɔ tiyiyu weyi ɛcɔŋnɩ Saardɩ Krɩstʋ ŋgbɛyɛ taa ñɩma yɔɔ yɔ takayaɣ nɛ ŋheyi-i se: ‹Weyi ma mɛwɛnɩ Ɛsɔ feziŋ ɩnʋ ɩ-lʋbɛ nɛ tɩɩnzɩ ńzɩ́ sɩ-lʋbɛ yɔ, mɔntɔŋna se: mansɩm mbʋ́ ñɛ-ŋgbɛyɛ taa ñɩma lakɩ yɔ: pa-hɩɖɛ sɛwa se pɛwɛ wezuu, ɛlɛ́, pasɩba.