1 Timootee 5:22 - New Testament

²² Taakpedesi se ŋtɩnɩɣ nɔɔyʋ yɔɔ nesi. Mbʋ́ pʋyɔɔ yɔ, yee ɛlabɩ kɩwɛɛkɩm nabʋyʋ yɔ, pʋwɛ ɛzɩ ŋtɩnɩ ɛ-yɔɔ yɔ. Pʋ-yɔɔ lɛ, wɛɛ cɩɖɩcɩɖɩ ḿbʋ́.

1 Timootee 5:22 ပူးပေါင်းရင်းမြစ်များ

Tʋma Labʋ 13:3

Pɛtɛm nɔɔ hɔkʋʋ nɛ pɛsɛɛ Ɛsɔ lɛ, patɩnɩ pɔ-yɔɔ nesi nɛ peyebi-wɛ nɛ pɛɖɛɛ.

Tʋma Labʋ 18:6

Ɛlɛ́, paba ñakʋyʋʋ ɛ-yɔɔ nɛ patʋʋ-ɩ. Pʋ-yɔɔ ekpizi-wɛ e-wondu yɔɔ mʋzʋʋ nɛ pɩwɩlɩ se ɛkɔɔlɩ-wɛ nɛ eyebi-wɛ nɛ pa-sʋʋtʋ nɛ eheyi-wɛ se: «Yee ɩkɔm ile yɔ, ɩtɩlɩ ɖeu se mɩ-maɣmaɣ mɩ-cɔlɔ pɩlɩnaa, pɩtatasɩ kɛʋ ma-ñɩndʋ. Pɩkpaɣʋnɩ lɛɛlɛɛyɔ yɔ, mɛnkɛɣnɩ mbá pɛtɛkɛ Yuda ñɩma yɔ pɔ-yɔɔ.»

Tʋma Labʋ 20:26

Pʋ-yɔɔ mankaɖɩɣ-mɩ sɔnɔ kɩyakʋ kʋnɛ se: yee mɩ-taa nɔɔyʋ eleba yɔ, ma-ñɩndʋ natʋyʋ fɛyɩ pɩ-taa.

Tʋma Labʋ 6:6

Pɛtɛm-wɛ lɩzʋʋ ḿbʋ́ lɛ, powoni-wɛ tiyiyaa ḿbá pɔ-cɔlɔ nɛ paba sɛɛ pɔ-yɔɔ Ɛsɔ nɛ patɩnɩ pɔ-yɔɔ nesi.

Efɛɛzɩ 5:11

Ɩtaaɖʋ mi-nesi mbá palakɩ wazaɣ fɛyɩ tʋmɩyɛ cɩkpɛndʋʋ tɛɛ yɔ pa-tʋma taa. Ɛlɛ́, ikuli a-yɔɔ ñammm.

1 Timootee 3:10

Pʋwɛɛ se pacalɩ-wɛ maɣzʋʋ nɛ yee patana kawanaɣ nakɛyɛ pɔ-yɔɔ lɛ, peyebi-wɛ nɛ pɛkɛ tayɩyaa.

1 Timootee 3:2

Pʋwɛɛ se weyi ɛlakɩ tʋmɩyɛ ńɖɩ́ yɔ, kawanaɣ nakɛyɛ ɛtaawɛɛ ɛ-yɔɔ. Ɛwɛnɩ halʋ kʋɖʋm koŋ, ɛ-ɛsɛ ekuli. Ɛkɛ ɛyʋ weyi ɛmaɣzɩɣ nɛ pʋcɔ ɛla pʋyʋ yɔ, ɛla mbʋ́ pʋmʋnaa yɔ, ɛmʋ agɔmaa camɩyɛ. Pʋwɛɛ se ɛtɩlɩ ɛzɩma mbʋ́ pawɩlɩɣ Ɛsɔtɔm yɔ.

1 Timootee 3:6

Pɩtamʋnɩ se ɛkɛ ɛyʋ weyi ɛpɩsɩ Krɩstʋ tʋ nɛ piteleɖida yɔ. Pɩtɛkɛ ḿbʋ́, nabʋyʋ taa ɛkɔŋ ɛkpazɩ ɛ-tɩ nɛ Ɛsɔ hʋʋnɩ-ɩ nɛ ɛkʋ ɛ-tɔm ɛzɩ ɛkʋʋ Satanɩ ñɩndʋ yɔ.

1 Timootee 4:12

Taayele se nɔɔyʋ ɛpɛŋ-ŋ tɛtɛ se ŋkɛ evebu. Ɛlɛ́, pʋwɛɛ se ŋwɩlɩ mbá pɛwɛnɩ lidaʋ Krɩstʋ yɔɔ yɔ nʋmɔʋ nɛ ñɔ-yɔɔdaɣ nɛ ñɔ-ɖɔnɛ nɛ ñɔ-sɔɔlɩm nɛ ñe-lidaʋ wɛnaʋ nɛ ña-cɩɖɩcɩɖɩ wɛtʋ.

1 Timootee 4:14

Taaniɣzi kʋjɔʋ ŋgʋ́ Fezuu Kiɖeɖeu labɩ-ŋ yɔ. Kɩlabɩ-ŋ-kʋ alɩwaatʋ ndʋ́ paayɔɔdɩ ñɔ-yɔɔ tɔm ndʋ́ tɩlɩnɩ Ɛsɔ cɔlɔ nɛ sɔsaa tɩnɩ ñɔ-yɔɔ nesi yɔ.

2 Timootee 1:6

Pʋ-yɔɔ mɔntɔzʋʋ-ŋ se ŋla nɛ kʋjɔʋ ŋgʋ́ Ɛsɔ labɩ-ŋ alɩwaatʋ ndʋ́ mantɩnɩ ñɔ-yɔɔ nesi yɔ, kɩpaɣlɩ camɩyɛ.

2 Timootee 2:2

Tɔm ndʋ́ ŋnɩ mawɩlaɣ ɛyáa sakɩyɛ ɛsɩndaa yɔ, ɖʋzɩ-tʋ mbá ŋtaɣ-wɛ liu yɔ pe-nesi taa nɛ papɩzɩ pawɩlɩ-tʋ ɖɔɖɔ lɛlaa.

Ebree 6:2

nɛ lɩm sɔʋ sɔnzɩ ndɩ ndɩ labʋ nɛ ɛyáa yɔɔ nesi tɩnʋʋ nɛ sɩɖaa fem nɛ tɔm hʋʋ maatɛŋ, pɔ-tɔm.

2 Yohanɛɛsɩ 1:11

Yee nɔɔyʋ ɛsɛ-ɩ yɔ, pɩwɩlɩɣ se ɛ nɛ pʋdʋ palakɩnɩ ɛ-ɛzaɣ́tʋ tʋmɩyɛ.

Wɩlʋʋ 18:4

Peeɖe mantasɩ nɩʋ nɔɔ lɛɛka nɛ ɛsɔdaa se: «Ma-ñɩma! Ɩlɩɩ tɩ-taa nɛ ɩtaakɔɔ ɩɖʋ mi-nesi tɩ-kɩwɛɛkɩm taa. Kʋñɔmɩŋ weyi ɩkɔŋ-tʋ talʋʋ yɔ, ɩ-taa nakʋyʋ ɩtaatalɩ-mɩ.