1 Timootee 5:17 - New Testament

¹⁷ Yesu ŋgbɛyɛ taa sɔsaa mbá pɔcɔŋnɩ ɛ-ŋgbɛyɛ taa ñɩma yɔɔ camɩyɛ yɔ, pʋwɛɛ se panɩɩnɩ-wɛ siŋŋ. Kɔzɩkɔzɩ mbá pañakɩ pana nɛ peheyiɣ ɛyáa Ɛsɔtɔm nɛ pawɩlɩɣ-tʋ yɔ.

1 Timootee 5:17 ပူးပေါင်းရင်းမြစ်များ

Ebree 13:17

Ɩña mɩ-ñʋndɩnaa nɛ itisi mɩ-tɩ pɛ-tɛɛ. Mbʋ́ pʋyɔɔ yɔ, ḿbá cɔŋnɩnɩ mi-ciyamnaa yɔɔ. Ḿbá kɔŋnɩ Ɛsɔ heyuu ɛzɩma mbʋ́ pɔcɔnɩ mɩ-yɔɔ yɔ. Yee ɩñaŋ-wɛ yɔ, palakɩ pa-tʋmɩyɛ nɛ laŋhʋlʋmɩyɛ. Ɛlɛ́, yee ɩtañam-wɛ yɔ, palakɩ-ɖɩ nɛ hɔpɩsɩyɛ nɛ pɩɩwazɩɣ-mɩ pʋyʋ.

Galaatɩ 6:6

Weyi pawɩlɩɣ Ɛsɔtɔm yɔ, pʋwɛɛ se ɛsɩnɩ weyi ɛwɩlɩɣ-ɩ yɔ nɛ ñɩm mbʋ́ ɛwɛna yɔ.

Luka 10:7

Ɩsʋ ka-taa lɛ, ɩcaɣ peeɖe nɛ paha-mɩ mbʋ́ lɛ, ɩtɔɔ nɛ ɩñɔɔ. Mbʋ́ pʋyɔɔ yɔ, ḿbʋ́ pʋmʋnaa se pɛhɛyɩ tʋmlaɖʋ ɛ-tʋmɩyɛ yɔɔ. Ɩtaacɔɔ ɖɩsɩ tɩŋa taa yem yem.

Ebree 13:7

Ɩtɔzɩ mɩ-ñʋndɩnaa mbá paasusi-mɩ Ɛsɔtɔm yɔ pɔ-yɔɔ. Ɩcɔnɩ ɛzɩma mbʋ́ pacaɣ wezuu nɛ pʋkɔɔ pɩsɩɩnɩ pa-sɩm wiye yɔ nɛ ɩwɛnɩ lidaʋ Ɛsɔ yɔɔ ɛzɩ ḿbá yɔ.

2 Timootee 2:6

Đɔɖɔ lɛ, haɖʋ weyi ɛkaŋ ñʋʋ nɛ ɛhayɩ siŋŋ yɔ, ɛnʋ pʋwɛɛ se ɛcalɩ mʋ́ʋ e-ɖeɖe.

Filiipu 2:29

Pʋ-yɔɔ lɛ, ɩmʋ-ɩ nɛ laŋhʋlʋmɩyɛ siŋŋ mɩ nɛ Kɩpaɣlʋ mɩ-kpɛndʋʋ taa. Pʋwɛɛ se ɩña ɛyáa mbá patɩŋa payɩ pɛwɛ ɖɔɖɔ ɛzɩ ɛnʋ yɔ.

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

Tʋma Labʋ 28:10

Pʋ-yɔɔ ɛyáa ɖʋ-ɖʋ hɩɖɛ siŋŋ, ɖɩcaɣaɣ se ɖɩsʋʋ mɛlɛ lɛɛkʋ nɛ ɖɩɖɛɛ lɛ, paha-ɖʋ mbʋ́ pɩtɩŋa pʋpɔzʋʋ-ɖʋ ɖa-nʋmɔʋ ɖɔm taa yɔ.

2 Kɔrɛntɩ 6:1

Yee ḿbʋ́, mbá ɖa ɖa nɛ Ɛsɔ ɖɩlakɩ tʋmɩyɛ yɔ, ɖɩsazɩɣ-mɩ se ɩtaawɛɛkɩ lootiye nɖɩ́ ɛlabɩ-mɩ yɔ yem.

Room 16:12

Ɩsɛɛ Triifɛɛnɩ nɛ Triifoozi. Pɛkɛ halaa mbá palakɩ Kɩpaɣlʋ tʋmɩyɛ yɔ. Ɩsɛɛ man-taabalʋ kʋsɔɔlʋ halʋ ñɩnʋ Pɛɛrzidii weyi ɛlabɩ Kɩpaɣlʋ tʋmɩyɛ siŋŋ yɔ.

Room 15:27

Pa-maɣmaɣ paɖʋna se palakɩ ḿbʋ́. Toovenim lɛ, pɩɩwɛɛ se pala ḿbʋ́. Mbʋ́ pʋyɔɔ yɔ, Yeruusalɛm Yesu ŋgbɛyɛ taa ñɩma mbá pɛkɛ Yuda ñɩma yɔ, pawɩlɩ mbá pɛtɛkɛ Yuda ñɩma yɔ mbʋ́ pasɩm Ɛsɔ nʋmɔʋ taa yɔ. Pʋ-yɔɔ lɛ, pʋwɛɛ ɖɔɖɔ se mbá pɛtɛkɛ Yuda ñɩma yɔ, paba ɛsɩnɩ-wɛ nɛ pa-maɣmaɣ pa-ñɩm.

Filiipu 4:3

Piyele weyi ña ŋkɛ man-taabalʋ siŋŋ tʋmɩyɛ taa yɔ, mentendiɣ-ŋ ɖɔɖɔ se ŋsɩnɩ-wɛ. Mbʋ́ pʋyɔɔ yɔ, ma nɛ wɛ ɖɩlʋbɩnɩ Laŋhɛzɩyɛ Tɔm yɔɔ nɛ pɩkpɛndɩnɩ Klemaɣ nɛ taabalaa lɛlaa mbá pa-hɩla wɛ wezuu takayaɣ taa yɔ patɩŋa payɩ.

1 Kɔrɛntɩ 16:16

iluzi mɩ-tɩ pa nɛ mbá patɩŋa payɩ palakɩ tʋmɩyɛ ńɖɩ́ yɔ pɛ-tɛɛ.

Tʋma Labʋ 11:30

Pala ḿbʋ́ ɖɔɖɔ nɛ pakpaɣ mbʋ́ pahawa yɔ nɛ paɖʋzɩ Barnaabaasɩ nɛ Sɔɔlɩ pe-nesi taa se powoni pɛcɛlɩ Yudee Krɩstʋ ŋgbɛyɛ taa sɔsaa.

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

1 Timootee 4:16

Ñaɣ pana ŋɖɔkɩ ña-tɩ nɛ ŋɖʋ ɛsɩyɛ mbʋ́ ŋwɩlɩɣ yɔ pʋ-yɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, ŋyakɩ ña nɛ mbá pewelesiɣni-ŋ yɔ mɩ-ñʋʋ.

1 Timootee 3:5

Mbʋ́ pʋyɔɔ yɔ, yee ɛyʋ ɛɛpɩzɩɣ ɛ-maɣmaɣ ɛ-hɔʋ taa ñɩma yɔɔ cɔnaʋ lɛ, ɛzɩma ɛpɩzɩɣ ɛcɔnɩ Ɛsɔ ŋgbɛyɛ taa ñɩma yɔɔ yɔ?

Filiipu 2:16

Miheyiɣni-wɛ tɔm ndʋ́ tɩhaɣ wezuu yɔ. Ḿbʋ́ yekina nɛ mankʋndɩ puwiye nɖɩ́ Krɩstʋ lɩzɩɣ ɛ-tɩ nɛ ɛwɩlɩ yɔ. Ḿbʋ́ wɩlɩɣnɩ toovenim se tʋmɩyɛ nɖɩ́ mañaɣ pana nɛ mala yɔ, ɖɩtɛkɛ falaa ñɩnɖɛ.

Maatiyee 24:25

Iwelesi camɩyɛ nɛ ɩnɩɩ, meheyi-mɩ se ɩñɔɔzɩ mɩ-tɩ pʋcɔ pʋkɔɔ pɩla ḿbʋ́.

Ebree 13:24

Ɩsɛɛ mɩ-ñʋndɩnaa nɛ Ɛsɔ ñɩma patɩŋa payɩ. Itaalii taabalaa sɛ-mɩ.

1 Timootee 4:10

Pʋ-yɔɔ ɖɩlakɩ tʋmɩyɛ sɩbʋ yɔɔ sɩbʋ yɔɔ nɛ ɖɩlʋkɩ. Mbʋ́ pʋyɔɔ yɔ, ɖɩtaɣ Ɛsɔ weyi ɛwɛ wezuu yɔ. Ɛkɛ ɛyáa tɩŋa payɩ ñʋʋ yaɖʋ, kɔzɩkɔzɩ mbá pɛwɛnɩ lidaʋ ɛ-yɔɔ yɔ.

1 Kɔrɛntɩ 15:10

Ɛlɛ́, Ɛsɔ lootiye yɔɔ lɛ, mɛnkɛ mbʋ́ mɛnkɛnaa yɔ. Lootiye nɖɩ́ ɛlabɩ-m yɔ, ɖɩwɛnɩ kɛzɛɣa. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ Krɩstʋ tiyiyaa lɛlaa tɩŋa payɩ. Pɩtɛkɛ mon-ɖoŋ malabɩnaa, ɛlɛ́, lootiye nɖɩ́ ɛlabɩ-m yɔ ɖɩ-yɔɔ malabɩ-ɖɩ.

Tʋma Labʋ 20:35

Mawɩlɩ-mɩ pɩtɩŋa pɩ-taa se ḿbʋ́ pʋwɛɛ se ɩla tʋmɩyɛ nɛ ɩsɩnɩ kʋñɔndɩnaa nɛ ɖatɩŋa ɖɩtɔzɩ tɔm ndʋ́ Kɩpaɣlʋ Yesu maɣmaɣ yɔɔdaa yɔ tɩ-yɔɔ. Ńdʋ́ lɛ se: ‹Ɛyʋ haʋ lɛlʋ pʋyʋ yɔ, pɩlakɩ-ɩ leleŋ pɩŋŋ nɛ pɩkɩlɩ ɛzɩ pahaʋ ɛ-maɣmaɣ yɔ.› »

Yohanɛɛsɩ 4:38

Mentiyi-mɩ nɛ iwolo ɩkʋ hayɩm mbʋ́ pɩ-taa ɩtala tʋmɩyɛ kaʋ yɔ. Ḿbʋ́ lɛlaa labɩ tʋmɩyɛ nɛ mɩ mɩtɔɔ po-soŋaɣ yɔɔ.»

Luka 12:42

Ɛlɛ́, ɛpɩsɩnɩ-ɩ se: «Akɛ tʋmlaɖʋ kɩbanʋ weyi ɛwɛ lɛɣtʋ yɔ? Ɛnʋ lɛ weyi ɛ-caa yekini-i ɖɩɣa se ɛcɔŋnɩ kɔ-yɔɔ nɛ ɛcɛlɩɣ tʋmlaɖaa lɛlaa tɔɔnaɣ alɩwaatʋ ndʋ́ pʋmʋnaa yɔ.

1 Timootee 5:3

Đʋ lelaa mbá pɛfɛyɩnɩ nɔɔyʋ kpem yɔ hɩɖɛ.

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

1 Timootee 4:14

Taaniɣzi kʋjɔʋ ŋgʋ́ Fezuu Kiɖeɖeu labɩ-ŋ yɔ. Kɩlabɩ-ŋ-kʋ alɩwaatʋ ndʋ́ paayɔɔdɩ ñɔ-yɔɔ tɔm ndʋ́ tɩlɩnɩ Ɛsɔ cɔlɔ nɛ sɔsaa tɩnɩ ñɔ-yɔɔ nesi yɔ.

1 Timootee 5:19

Yee nɔɔyʋ ɛkʋyɩ Yesu ŋgbɛyɛ taa sɔsɔ nɔɔyʋ yɔɔ e-ɖeke se ɛlabɩ pʋyʋ yɔ, taanɩnɩ-ɩ. Pʋwɛɛ se ŋnɩɩ aseɣɖe tɩnaa naalɛ yaa naadozo nɔsɩ taa nɛ pʋcɔ ŋtisi.