1 Timootee 5:1 - New Testament

¹ Yee ña nɛ akpadɩyʋ nɔɔyʋ ɩwɛɛ yɔ, taakpɩɣdɩ-ɩ, ɛlɛ́, yɔɔdɩnɩ-ɩ ɛzɩ ña-caa yɔ. Kpaɣ evebiya ɛzɩ ña-ñɩma yɔ.

1 Timootee 5:1 ပူးပေါင်းရင်းမြစ်များ

Maatiyee 23:8

Mɩ lɛ, mɩ-taa nɔɔyʋ ɛtaayele nɛ payaa-ɩ se: ‹Wɩlɩyʋ.› Mbʋ́ pʋyɔɔ yɔ, mɩtɩŋa payɩ ɩkɛ ɛyáa kʋɖʋmaa, men-ɖeke koŋ lɛ mɩ-Wɩlɩyʋ.

Tʋma Labʋ 14:23

Paa Krɩstʋ ŋgbɛyɛ nɖɩ́ ɖɩ-taa lɛ, Pɔɔlɩ nɛ Barnaabaasɩ palɩzaɣ nabɛyɛ se pɛkɛnɩ sɔsaa. Palɩzɩɣ-wɛ ḿbʋ́ lɛ, pa nɛ wɛ pɔhɔkɩ nɔɔ nɛ pɛsɛɛ Kɩpaɣlʋ Ɛsɔ. Pʋwayɩ lɛ, paɖʋzɩ-wɛ e-nesi taa, mbʋ́ pʋyɔɔ yɔ, ɛ-yɔɔ pɛwɛnɩ lidaʋ.

Tʋma Labʋ 15:4

Patalɩ Yeruusalɛm lɛ, peeɖe Krɩstʋ ŋgbɛyɛ taa ñɩma nɛ pɔ-sɔsaa nɛ tiyiyaa ḿbá pamʋ-wɛ. Ɛlɛ́, pɛkɛdɩ Yeruusalɛm ñɩma ḿbá mbʋ́ Ɛsɔ katɩŋnɩ pɔ-yɔɔ nɛ ɛla yɔ pɩtɩŋa payɩ.

Tʋma Labʋ 15:6

Tiyiyaa ḿbá nɛ ŋgbɛyɛ taa sɔsaa panɩ tɔm ńdʋ́ lɛ, pekpeɣli ɖama nɛ pamaɣzɩ tɩ-yɔɔ.

Tʋma Labʋ 20:17

Pɔɔlɩ talɩ Miilɛɛ lɛ, etiyi Efɛɛzɩ se payaa Krɩstʋ ŋgbɛyɛ taa sɔsaa.

Room 13:7

Ɩhɛyɩ paa weyi mbʋ́ pʋwɛɛ se ɩhɛyɩ-ɩ yɔ. Ɩhɛyɩ lambuu mʋyaa pa-lambuu nɛ ɩhɛyɩ tikee mʋyaa paba tikee. Ɩña weyi pʋmʋnaa se ɩñam-ɩ yɔ nɛ ɩɖʋ hɩɖɛ weyi pʋmʋnaa se ɩɖʋ-ɩ-ɖɩ yɔ.

Galaatɩ 6:1

Taabalaa! Mbá mɩ Fezuu Kiɖeɖeu wɛ mɩ-cɔlɔ yɔ, yee nɔɔyʋ ɛlakɩ kɩwɛɛkɩm nabʋyʋ nɛ ɩna-ɩ yɔ, ɩlabɩ-ɩ hɛɛɛ nɛ ɩsɩnɩ-ɩ nɛ ɩwɩlɩ-ɩ nʋmɔʋ kɩbaŋgʋ. Ɛlɛ́, meheyiɣ mɩ-taa paa anɩ se ɛcɔnɩ ɛ-maɣmaɣ ɛ-tɩ yɔɔ camɩyɛ nɛ pɩtaakɔɔ pɩtakɩ-ɩ.

1 Timootee 5:17

Yesu ŋgbɛyɛ taa sɔsaa mbá pɔcɔŋnɩ ɛ-ŋgbɛyɛ taa ñɩma yɔɔ camɩyɛ yɔ, pʋwɛɛ se panɩɩnɩ-wɛ siŋŋ. Kɔzɩkɔzɩ mbá pañakɩ pana nɛ peheyiɣ ɛyáa Ɛsɔtɔm nɛ pawɩlɩɣ-tʋ yɔ.

1 Timootee 5:2

Kpaɣ ɖɔɖɔ halaa akpadɩyaa ɛzɩ ño-ɖoonaa yɔ nɛ asayaa ɛzɩ ñɛ-ɛyáa yɔ. Taawɛnɩ lɩmaɣza kɩdɛkɛdɛɛ pa-taa nɔɔyʋ yɔɔ.

Tiiti 2:2

Heyi abalaa akpadɩyaa se pɛ-ɛsɛ ekuli. Pɛkɛ ɛyáa mbá pamʋnaa se paɖʋ-wɛ hɩɖɛ yɔ nɛ mbá pamaɣzɩɣ pa-ñʋŋ taa nɛ pʋcɔ pala pʋyʋ yɔ. Pɛwɛnɩ lidaʋ Krɩstʋ yɔɔ ɛzɩ pʋmʋnaʋ yɔ nɛ pɔsɔɔlɩ lɛlaa siŋŋ nɛ pɔ́ɖɔ́kɩ ḿbʋ́ kpam.

Tiiti 2:6

Piyele evebiya lɛ, heyi paba se patɩlɩ pa-tɩ ɖɔkʋʋ ɖɔɖɔ.

Yakubu 3:17

Ɛlɛ́, weyi ɛwɛɣnɩ lɔŋ weyi ɛlɩnɩ Ɛsɔ cɔlɔ yɔ, kajalaɣ lɛ, ɛ-taa wɛ cɩɖɩcɩɖɩ. Nabʋlɛ lɛ, ɛɛcaɣ tɔm, ɛwɛ hɛɛ, ɛnɩɣnɩ ɛyáa nɛ ɛnaɣ pa-pʋtɔdɩyɛ siŋŋ nɛ ɛlakɩ tʋma kɩbana, ɛɛlakɩ tɛ yɔɔ tɛ yɔɔ, ɛɛlakɩ tɛɛ nɛ pʋ-yɔɔ lakasɩ ɖɔɖɔ.

Yakubu 5:14

Pɩwɩɣ mɩ-taa nɔɔyʋ yaa we? Pʋdʋ ɛ́yáa Krɩstʋ ŋgbɛyɛ taa sɔsaa nɛ powolo petendi Ɛsɔ ɛ-yɔɔ nɛ pasayɩ-ɩ num Kɩpaɣlʋ hɩɖɛ taa.

1 Pɩyɛ 5:1

Lɛɛlɛɛyɔ, mɔyɔɔdʋʋnɩ mɩ-taa mbá pɛkɛ Krɩstʋ ŋgbɛyɛ taa sɔsaa yɔ. Ma ɖɔɖɔ mɛnkɛ ɖɩ-taa sɔsɔ. Mananɩ mɛ-ɛsɛ kʋñɔŋ ŋgʋ́ Krɩstʋ tɔwaa yɔ. Ɛsɔ kɔŋ-m haʋ ɖɔɖɔ koboyaɣ ŋgá ɛkɔŋ lɩzʋʋ nɛ ɛwɩlɩ-ɖʋ yɔ. Pʋ-yɔɔ meheyiɣ-mɩ se:

2 Yohanɛɛsɩ 1:1

Đo-ɖoo weyi ña Ɛsɔ lɩzɩ-ŋ yɔ, ma Krɩstʋ ŋgbɛyɛ taa sɔsɔ, mamaɣnɩ ña nɛ ñe-piya takayaɣ kanɛ. Mɔnsɔɔlɩ-mɩ toovenim taa. Ɛlɛ́, pɩtɛkɛ men-ɖeke mɔnsɔɔlɩnɩ-mɩ, mbá patɩŋa payɩ pasɩm toovenim tɔm yɔ, pɔsɔɔlɩ-mɩ ɖɔɖɔ.

3 Yohanɛɛsɩ 1:1

Weyi ma mɛnkɛ Krɩstʋ ŋgbɛyɛ taa sɔsɔ yɔ, mamaɣnɩ mɛ-ɛgbaɣdʋ Gayuusi weyi ña mɔnsɔɔlɩ toovenim taa yɔ takayaɣ kanɛ, mɛnsɛ-ŋ.

Wɩlʋʋ 4:4

Kewiyaɣ kpelisi nɩɩlɛ nɛ naanza kɔcɔ kewiyaɣ kpelaɣ ŋ́gá nɛ sɩta nɛ sɔsaa nɩɩlɛ nɛ naanza nabɛyɛ caɣ sɩ-yɔɔ. Posu wondu kʋhʋlʋmʋtʋ nɛ paba sika hulasi.