1 Timootee 4:8 - New Testament

⁸ Yee nɔɔyʋ ɛmalɩsɩɣ e-tomnaɣ nɛ nabʋyʋ yɔ, pʋwɛ waɣzaɣ pazɩ yem. Ɛlɛ́, yee ɛcaɣ wezuu ɛzɩ Ɛsɔ liu wɛʋ yɔ yɔ, pʋwɛ waɣzaɣ pɩtɩŋa pɩ-taa. Mbʋ́ pʋyɔɔ yɔ, pɩhaɣ-ɖʋ lɛɛlɛɛyɔ wezuu nɛ cee wayɩ ñɩŋgʋ.

1 Timootee 4:8 ပူးပေါင်းရင်းမြစ်များ

Maatiyee 12:32

Weyi ɛyɔɔdʋʋ Ɛyʋ Pɩyalʋ ma tɔm ɛzaɣ́tʋ yɔ, Ɛsɔ kpeɣiɣ-i. Ɛlɛ́, weyi ɛyɔɔdʋʋ Fezuu Kiɖeɖeu tɔm ɛzaɣ́tʋ yɔ, Ɛsɔ eekpeɣiɣ pʋdʋ sɔnɔ nɛ cee.»

Maatiyee 19:29

Mbá peyebi pa-ɖɩsɩ yaa pa-ɖalaa yaa pɔ-kɔɔnaa yaa pa-caanaa yaa po-ɖoonaa yaa pe-piya yaa pa-hayɩm mɔ-yɔɔ yɔ, pɔkɔŋ wɛnaʋ mbʋ́ mbʋ́ paawɛna yɔ tam mɩnʋʋ nɛ pɛtɛ pehiɣ wezuu maatɛŋ.

Maatiyee 6:33

Ɩcalɩnɩ ñɩnʋʋ Ɛsɔ Kewiyaɣ nɛ mbʋ́ e-liu wɛɛ yɔ nɛ ɛtɛzɩ-mɩ haʋ mbʋ́ pɩtɛɖɩɣ-mɩ yɔ pɩtɩŋa payɩ.

Maarkɩ 10:30

ɛkɔŋ wɛnaʋ mbʋ́ mbʋ́ ɛɛwɛna yɔ pɩ-tam mɩnʋʋ kpaɣnɩ nɔɔnɔɔ ɛjaɖɛ yɔɔ cɩnɛ. Ɛkɔŋ wɛnaʋ ɖɩsɩ, ɖalaa, kɔɔnaa, ɖoonaa, piya nɛ hayɩm sakɩyɛ. Đɔɖɔ lɛ, ɛyáa wɛɣ ɛ-wayɩ kaŋ kaŋ kedeŋa yɔɔ cɩnɛ. Piyele alɩwaatʋ ndʋ́ tɩkɔŋ yɔ tɩ-taa lɛ, ɛkɔŋ hiɣu wezuu maatɛŋ.»

Luka 5:38

Pɛŋ weyi ɩtɔtɔɔ yɔ, ɩ-taa posuu.

Room 8:28

Đɩsɩm ḿbʋ́ se Ɛsɔ lakɩ tʋmɩyɛ pɩtɩŋa pɩ-taa se pʋwazɩ mbá pɔsɔɔlɩ-ɩ yɔ. Ḿbá lɛ mbá ɛya-wɛ ɛzɩ ɛɖʋʋ yɔ.

1 Kɔrɛntɩ 3:22

paa ma Pɔɔlɩ yaa Apoloosi yaa Pɩyɛ. Paa kedeŋa yaa wezuu yaa sɩm yaa mbʋ́ pʋwɛ sɔnɔ yaa mbʋ́ pʋkɔŋ yɔ yɔ, pɩtɩŋa payɩ pɩkɛ mɩ-ñɩm ɖɔɖɔ.

1 Kɔrɛntɩ 8:8

Ŋgʋ́, pɩtɛkɛ tɔɔnaɣ nakɛyɛ tɔɔʋ yekina nɛ ɖɩpɩsɩ ɛyáa kɩbama Ɛsɔ ɛsɩndaa. Paa ɖɩtɔɔ-kɛ yaa ɖɩtɔtɔɔ-kɛ yɔ, pɩɩsɔzʋʋ-ɖʋ pʋyʋ.

1 Timootee 4:7

Kizi tɔm ndʋ́ tɩtɛkɛ Ɛsɔ ñɩndʋ yɔ nɛ halaa akpadɩyaa mʋya wena aawazɩɣ pʋyʋ yɔ. Malɩsɩ ña-tɩ nɛ ŋcaɣ wezuu ɛzɩ Ɛsɔ liu wɛʋ yɔ.

1 Timootee 6:3

Yee nɔɔyʋ ɛwɩlɩɣ mbʋ́ pʋwɛnɩ ndɩ yɔ nɛ ɛɛɖɔŋ ɖa-Kɩpaɣlʋ Yesu Krɩstʋ tɔm kɩbandʋ nɛ ndʋ́ tiyeki se ɛyáa ɛɖɔ ɛzɩ Ɛsɔ liu wɛʋ yɔ pɔ-yɔɔ yɔ,

1 Timootee 6:5

Pʋkɔŋnɩ ɖɔɖɔ you kaatɛŋa ɛyáa mbá pɛfɛyɩnɩ lɩmaɣza kɩbana nɛ patatasɩ sɩm toovenim yɔ. Pamaɣzɩɣ se yee ɛyʋ ɛñɩtaa ɛɖɔŋ Ɛsɔ nʋmɔʋ taa yɔ, pɩkɛɣnɩ-ɩ waɖɛ se ehiɣ liidiye.

1 Timootee 6:6

Toovenim lɛ, Ɛsɔ nʋmɔʋ taa ɖɔm kɛnɩ ɛyʋ waɖɛ siŋŋ se ehiɣ kɛzɛɣa. Ɛlɛ́, pʋwɛɛ se ɛ-laŋɩyɛ ɛhʋlʋmɩnɩ mbʋ́ ɛwɛna yɔ.

2 Timootee 3:5

Pɔkɔŋ wɛʋ ɛsɛ yɔɔ ɛzɩ mbá pɔɖɔŋ lidaʋ nʋmɔʋ taa yɔ, naze lɛ, pekiziɣ se ɖoŋ nɩɩyɩ fɛyɩ kɩ-taa. Se pɩtɛ ɛyáa ḿbá!

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

1 Yohanɛɛsɩ 2:25

Mbʋ́ Yesu Krɩstʋ ɖʋwa se ɛhaɣ-ɖʋ yɔ lɛ: wezuu maatɛŋ.

Wɩlʋʋ 3:12

‹Weyi ɛwakɩ yɔ, meyeki nɛ ɛkɛ mɛ-Ɛsɔ ɖɩɣa taa sisika, ɛɛtasɩɣ lɩʋ. Mamaɣ ɛ-yɔɔ mɛ-Ɛsɔ ɛnʋ ɛ-hɩɖɛ nɛ ɛ-tɛtʋ ñɩnɖɛ: ńdʋ́ʋ́ lɛ Yeruusalɛm kɩfalʋʋ ŋgʋ́ kɩlɩɣnɩ ɛsɔdaa mɛ-Ɛsɔ cɔlɔ nɛ kitiki yɔ. Mamaɣ ɛ-yɔɔ ɖɔɖɔ ma-hɩɖɛ kɩfaɖɛ.

Wɩlʋʋ 3:21

‹Weyi ɛwakɩ yɔ, meyeki nɛ ma nɛ ɩ ɖɩcaɣ men-kewiyaɣ kpelaɣ yɔɔ ɛzɩ ma mawabʋ nɛ ma nɛ man-Caa ɖɩcaɣ ɛ-ñɩŋga yɔɔ yɔ.