1 Timootee 4:6 - New Testament

⁶ Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

1 Timootee 4:6 ပူးပေါင်းရင်းမြစ်များ

Maatiyee 13:52

Peeɖe eheyi-wɛ se: «Pʋ-yɔɔ lɛ, paɣtʋ wɩlɩyʋ weyi ɛpɩsɩ Ɛsɔ Kewiyaɣ taa tʋmlaɖʋ yɔ, ɛwɛ ɛzɩ ñɩm tʋ weyi ɛlɩzɩɣ ɛ-ñɩm taa wondu kɩfatʋ nɛ kɩbɩndʋ yɔ.»

Luka 1:3

Pʋ-yɔɔ ma ɖɔɖɔ mañɩnaa nɛ mana mbʋ́ pɩtɩŋa payɩ pɩlaba ɖooo kiɖe tɛɛ ɖeyi ɖeyi yɔ lɛ, mana se ña ɖa-caa Tewofiili lɛ, pʋmʋnaa se mama-tʋ ti-lona taa nɛ mɛnkɛdɩ-ŋ.

Tʋma Labʋ 1:15

Nakʋyʋ wiye taabalaa kpeɣlaa ɛzɩ patɩɩkpeɣluu yɔ, paatalɩ ɛzɩ mɩnʋʋ nɛ nɩɩlɛ yɔ. Pɩkɛdaa lɛ, Pɩyɛ kʋyɩ ɛsɩŋ pɛ-hɛkʋ taa nɛ eheyi-wɛ se:

Tʋma Labʋ 20:31

Pʋ-yɔɔ lɛ, ɩcɔnɩ mɩ-tɩ yɔɔ nɛ ɩtɔzʋʋ se pɩnzɩ naadozo yɔ, menteyele mɩ-taa nɔɔyʋ paɣ́ʋ wɩsɩ nɛ ɖoó nɛ halɩ mentisi ɛsɩtɛɣlɩm.

Tʋma Labʋ 20:35

Mawɩlɩ-mɩ pɩtɩŋa pɩ-taa se ḿbʋ́ pʋwɛɛ se ɩla tʋmɩyɛ nɛ ɩsɩnɩ kʋñɔndɩnaa nɛ ɖatɩŋa ɖɩtɔzɩ tɔm ndʋ́ Kɩpaɣlʋ Yesu maɣmaɣ yɔɔdaa yɔ tɩ-yɔɔ. Ńdʋ́ lɛ se: ‹Ɛyʋ haʋ lɛlʋ pʋyʋ yɔ, pɩlakɩ-ɩ leleŋ pɩŋŋ nɛ pɩkɩlɩ ɛzɩ pahaʋ ɛ-maɣmaɣ yɔ.› »

Room 15:15

Paa ḿbʋ́ yɔ, mama-mɩ-tʋ kpayɩ ɖoli ɖoli se mɔntɔzɩ-mɩ mbʋ́ ɩɩtɛm kpɛlɩkʋʋ nɛ pɩɖɛɛ yɔ. Lootiye nɖɩ́ Ɛsɔ labɩ-m yɔ, ńɖɩ́ hanɩ-m waɖɛ se mama-mɩ ḿbʋ́.

1 Kɔrɛntɩ 4:17

Ḿbʋ́ yebina nɛ mentiyini-mɩ man-pɩɣa kʋsɔɔlaɣ Timootee weyi ɛkɛ ɛyʋ toovenim tʋ Kɩpaɣlʋ ɛsɩndaa yɔ. Ɛnʋ tɔzʋʋnɩ-mɩ ɛzɩma mbʋ́ mɔnɖɔŋ Krɩstʋ nʋmɔʋ taa me-wezuu caɣʋ taa yɔ, nɛ ɛzɩma mbʋ́ mawɩlɩɣ paa le Yesu aŋgba tɩŋa payɩ taa yɔ.

2 Kɔrɛntɩ 11:23

Pɛkɛ Krɩstʋ tʋmlaɖaa naa we? Tɔɔ! Mɔyɔɔdʋʋ ɛzɩ ma-ñʋʋ taa fɛyɩ yɔ. Mɛnkɛ Krɩstʋ tʋmlaɖʋ nɛ pɩkɩlɩ-wɛ. Mbʋ́ pʋyɔɔ yɔ, malabɩ tʋmɩyɛ nɛ pɩkɩlɩ-wɛ. Paɖʋ-m salaka tam sakɩyɛ nɛ pɩkɩlɩ-wɛ. Pamabɩ-m siŋŋ. Manpam coɖuu sɩm ɖɔɖɔ.

2 Kɔrɛntɩ 3:6

Eyeba ɖɔɖɔ se ɖɩkɛ nɔɔ haʋ kɩfam tʋmlaɖaa. Nɔɔ haʋ kɩfam ḿbʋ́, pɩtɛkɛ paɣtʋ ndʋ́ paamawa yɔ. Ɛlɛ́, pɩkɛ mbʋ́ pɩlɩnɩ Fezuu Kiɖeɖeu cɔlɔ yɔ. Mbʋ́ pʋyɔɔ yɔ, paɣtʋ yeki nɛ ɛyáa sɩkɩ. Ɛlɛ́, Fezuu Kiɖeɖeu ñahaɣ wezuu.

2 Kɔrɛntɩ 6:4

Ɛlɛ́, ɖɩtɩŋnɩ ɛzɩma mbʋ́ ɖɩɖɔkʋʋ ɖa-tɩ siŋŋ kʋñɔmɩŋ nɛ kɛtɛɖaɣ nɛ nɩɣzʋʋ pa-taa yɔ pʋ-yɔɔ nɛ ɖɩwɩlɩ se ɖɩkɛ Ɛsɔ tʋmlaɖaa.

Efɛɛzɩ 6:21

Pʋcɔ mɩ ɖɔɖɔ ɩtɩlɩ mbʋ́ mɛnkɛnaa nɛ mbʋ́ malakɩ yɔ lɛ, taabalʋ kʋsɔɔlʋ Ticiiki weyi ɛkɛ Kɩpaɣlʋ tʋmlaɖʋ nɛ ɛlakɩ mbʋ́ ɛɖʋwa yɔ, ɛkɔŋnɩ-mɩ kɛdʋʋ pɩtɩŋa payɩ.

Filiipu 2:20

Mbʋ́ pʋyɔɔ yɔ, mbá patɩŋa payɩ pamaɣzɩɣ mɩ-yɔɔ yɔ, pa-taa lɛ, ma nɛ e-ɖeke koŋ ɖɩwɛnɩnɩ lɩmaɣza kʋɖʋmɛɛ nɛ ɖɩñɩnɩɣ mɩ-kɛzɛɣa.

Filiipu 2:22

Piyele ɛnʋ lɛ, ɩtɛm sɩm ɛ-yɔɔ se ɛlakɩ mbʋ́ ɛɖʋwa se ɛlakɩ yɔ: ɛsɩnɩ-m nɛ ma nɛ ɩ ɖɩla tʋmɩyɛ ɛzɩ pɩɣa nɛ ka-caa yɔ nɛ Laŋhɛzɩyɛ Tɔm tɛzɩɣ cɔʋ.

Filiipu 3:16

Mbʋ́ pʋwɛɛ yɔ lɛ se: Ɛsɔ nʋmɔʋ ŋgʋ́ ɖɩɖɔŋ kɩ-taa yɔ, ɖɩwɛɛ kɩ-taa ḿbʋ́ nɛ pɩɖɛɛnɩ ɛsɩndaa.

Koloosi 2:19

Weyi ɛlakɩ ḿbʋ́ yɔ, ɛ nɛ Krɩstʋ pɛfɛyɩ ɖama taa. Ŋgʋ́, ɛ́lɛ́ lɛ tomnaɣ ñʋʋ. Ñʋʋ ŋ́gʋ́ kiyekina nɛ hola nɛ ɖɩtanɛ pɛkpɛndɩ ɖama nɛ papaɣlɩ ɛzɩ Ɛsɔ liu wɛʋ yɔ.

Koloosi 3:16

Iyele ɖɔɖɔ nɛ Krɩstʋ tɔm su mɩ-taa ɖo: ɩkpɛlɩkɩ ɖama nɛ ɩka ɖama ñʋŋ taa nɛ mɩ-lɔŋsɩnɖɛ tɩŋa. Itee hendu nɛ ɩsa Ɛsɔ nɛ mɩ-laŋɩyɛ tɩŋa pilim e-lootiye yɔɔ: ɩyaa keɣsi nɛ itee-i hendu ndʋ́ ndʋ́ e-Fezuu Kiɖeɖeu wɩlɩɣ-mɩ yɔ.

Koloosi 4:7

Piyele mɔn-tɔm lɛ, man-taabalʋ kʋsɔɔlʋ Ticiiki kɔŋnɩ-mɩ tɩtɩŋa payɩ kɛdʋʋ. Ma nɛ ɩ ɖɩlakɩ tʋmɩyɛ ɖa nɛ Kɩpaɣlʋ ɖɛ-kpɛndʋʋ yɔɔ. Ɛlakɩ mbʋ́ ɛɖʋwa yɔ.

1 Tesalooniki 3:2

nɛ piyele ɖitiyi ɖa-tʋmlaɖʋ Timootee. Ɛkɛ Ɛsɔ tʋmlaɖʋ nɛ esusuu Krɩstʋ Laŋhɛzɩyɛ Tɔm. Đitiyi-i mɩ-cɔlɔ se eyele nɛ ɩtɛzɩ pɩʋ nɛ pɩlabɩ-mɩ hʋnʋm mi-lidaʋ wɛnaʋ taa

1 Timootee 1:10

Paɖʋ-tʋ ɖɔɖɔ acɛyɛ laɖaa nɛ abalaa yaa halaa mbá pacaɣ ɖama yɔ nɛ yomaa pɛdɩyaa nɛ cɛtɩyaa nɛ mbá paalakɩ mbʋ́ poɖuwaa se palakɩ yɔ nɛ lakasɩ lɛɛsɩ nzɩ́ sɩtɩŋa payɩ sɩwɛɛkɩɣ tɔm kɩbandʋ ndʋ́ pawɩlɩɣ-ɖʋ yɔ sɩ-laɖaa.

1 Timootee 4:16

Ñaɣ pana ŋɖɔkɩ ña-tɩ nɛ ŋɖʋ ɛsɩyɛ mbʋ́ ŋwɩlɩɣ yɔ pʋ-yɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, ŋyakɩ ña nɛ mbá pewelesiɣni-ŋ yɔ mɩ-ñʋʋ.

1 Timootee 6:3

Yee nɔɔyʋ ɛwɩlɩɣ mbʋ́ pʋwɛnɩ ndɩ yɔ nɛ ɛɛɖɔŋ ɖa-Kɩpaɣlʋ Yesu Krɩstʋ tɔm kɩbandʋ nɛ ndʋ́ tiyeki se ɛyáa ɛɖɔ ɛzɩ Ɛsɔ liu wɛʋ yɔ pɔ-yɔɔ yɔ,

2 Timootee 1:6

Pʋ-yɔɔ mɔntɔzʋʋ-ŋ se ŋla nɛ kʋjɔʋ ŋgʋ́ Ɛsɔ labɩ-ŋ alɩwaatʋ ndʋ́ mantɩnɩ ñɔ-yɔɔ nesi yɔ, kɩpaɣlɩ camɩyɛ.

2 Timootee 3:10

Ña lɛ, ŋtɩŋ-m ma-wɩlʋʋ nɛ mɔn-ɖɔnɛ nɛ mbʋ́ manɖʋwa se malakɩ yɔ nɛ me-lidaʋ wɛnaʋ nɛ mɔ-hɔyɛ ɖɔkʋʋ nɛ mɔn-sɔɔlɩm nɛ man-tɩ ɖɔkʋʋ

2 Timootee 4:3

Mbʋ́ pʋyɔɔ yɔ, alɩwaatʋ natʋyʋ kaɣ kɔm nɛ pɩɖɛɛ ɛyáa nɛ tɔm kɩbandʋ ndʋ́ pawɩlɩɣ-wɛ yɔ. Ɛlɛ́, ɛzɩma mbʋ́ pa-nɩŋgbaaŋ taa puu lɛ, pɔkɔŋ ñɩnʋʋ wɩlɩyaa ndɩ ndɩ se paba eheyi-wɛ mbʋ́ pa-maɣmaɣ pe-liu wɛɛ kpem yɔ nɛ pewelesi.

Tiiti 2:1

Ña lɛ, wɩlɩ ɛzɩ pʋwɛʋ tɔm kɩbandʋ ndʋ́ pawɩlɩ-ŋ yɔ tɩ-taa yɔ.

1 Pɩyɛ 2:2

Ɛsɔtɔm ɛlabɩ-mɩ liu tam ɛzɩ hɩlɩm lakʋʋ piya ajamaa liu yɔ nɛ pɩtɩŋnɩ tɩ-yɔɔ nɛ ɩtɛzɩ pɩʋ nɛ pʋkɔɔ pɩya mɩ-ñʋʋ.

2 Yohanɛɛsɩ 1:9

Ɩtɩlɩ camɩyɛ se weyi ɛɖɛlɛsɩɣ niye nɛ ɛɛwɩlɩɣ Krɩstʋ tɔm tɩ-nasɩ taa yɔ, Ɛsɔ fɛyɩ ɛ-cɔlɔ. Weyi ɛ́lɛ́ wɩlɩɣ-tʋ tɩ-nasɩ taa yɔ, Ɛsɔ nɛ ɛ-Pɩyalʋ pɛwɛ ɛ-cɔlɔ.

Yuudi 1:5

Paa ɩtɛm sɩm tɔm ndʋ́ meheyiɣ-mɩ yɔ camɩyɛ yɔ, me-liu wɛɛ se mɔntɔzɩ-mɩ-tʋ. Ńdʋ́ lɛ se ɖooo lɔŋ Kɩpaɣlʋ yabɩ Izrɛɛlɩ ñɩma ñʋʋ Ejiptɩ ɛjaɖɛ taa. Ɛlɛ́, pʋwayɩ ɛkʋ pa-taa mbá pɛfɛyɩnɩ lidaʋ ɛ-yɔɔ yɔ.