1 Timootee 4:16 - New Testament

¹⁶ Ñaɣ pana ŋɖɔkɩ ña-tɩ nɛ ŋɖʋ ɛsɩyɛ mbʋ́ ŋwɩlɩɣ yɔ pʋ-yɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, ŋyakɩ ña nɛ mbá pewelesiɣni-ŋ yɔ mɩ-ñʋʋ.

1 Timootee 4:16 ပူးပေါင်းရင်းမြစ်များ

Maarkɩ 13:9

«Mɩ lɛ, ɩkpa mɩ-tɩ camɩyɛ. Pɔkɔŋ-mɩ luu agbazɛɛ Ɛsɔ ɖɩsɛyɛ ndɩ ndɩ taa nɛ powoni-mɩ tɔm ɖɩhʋyɛ. Payaɣ-mɩ ajɛya ñʋndɩnaa nɛ awiya sɔsɔna pɔ-cɔlɔ mɔ-yɔɔ nɛ ɩkɛ ma-aseɣɖe tɩnaa pɔ-cɔlɔ.

Luka 21:34

Pʋwayɩ lɛ, Yesu tasɩ-wɛ heyuu se: «Ɩkpa mɩ-tɩ camɩyɛ, ɩɩtaanɩɩnɩ yem yem labʋ nɛ sʋlʋm kpaŋʋʋ nɛ kedeŋa lɩmaɣza wena akʋʋ ɛyáa yɔ. Pɩtɛkɛ ḿbʋ́, tɔm hʋʋ kɩyakʋ kɔŋ kutudi-mɩ

Tʋma Labʋ 26:22

Ɛlɛ́, Ɛsɔ huuzi mɔ-yɔɔ nɛ pʋkɔɔ pɩtalɩnɩ sɔnɔ nɛ mɛwɛɛ malɩzɩɣ sɔsaa nɛ piya patɩŋa payɩ tɔm ndʋ́ náyaa nɛ Mooyiizi pɔyɔɔdaa se tɩkɔŋ labʋ kpem yɔ tɩ-aseɣɖe. Maayɔɔdʋʋ natʋyʋ nɛ pɩtasɩnɩ-tʋ.

Tʋma Labʋ 6:4

Đa ɖɛwɛɣ Ɛsɔ sɛʋ yɔɔ nɛ ɖisusuu ɛ-tɔm.»

Room 11:14

Malakɩ ḿbʋ́ se pʋtɔmaɣ yɔ, me-liɖe taa ñɩma kaatɛzɩ wɛʋ ɛsɩsɛmɩyɛ nɛ pɩya pa-taa nabɛyɛ ñʋʋ.

Room 16:17

Man-taabalaa, meheyiɣ-mɩ se ɩkpa mɩ-tɩ nɛ mbá paatisiɣ tɔm ndʋ́ pawɩlɩ-mɩ yɔ nɛ pawɩlɩɣ-mɩ ndʋ́ tɩwɛnɩ ndɩ yɔ. Ḿbá cɛyɩɣnɩ Ɛsɔ ñɩma pe-lidaʋ wɛnaʋ taa nɛ patayɩɣ-wɛ. Ɩtaañɔtɩnɩ-wɛ.

Room 2:7

ɛhaɣ mbá pañakɩ pana se pala camɩyɛ yɔ wezuu maatɛŋ. Palakɩ ḿbʋ́ se ɛha-wɛ e-koboyaɣ nɛ ɛɖʋ-wɛ hɩɖɛ nɛ ɛha-wɛ mbʋ́ pɩɩɖazɩɣ yɔ.

1 Kɔrɛntɩ 1:21

Toovenim lɛ, kedeŋa ñɩma nɛ pɔ-lɔŋsɩnɖɛ patapɩzɩ patɩlɩ Ɛsɔ. Mbʋ́ pʋyɔɔ yɔ, ɛnʋ sɔɔlɩnɩ ḿbʋ́ ɛ-lɔŋsɩnɖɛ taa. Ɛlɛ́, ɛɖʋwa se ɛyakɩ mbá pɛwɛnɩ lidaʋ tɔm ndʋ́ ɖisusuu-wɛ yɔ tɩ-yɔɔ yɔ pa-ñʋʋ. Ŋgʋ́, tɔm ńdʋ́ tɩwɛ lɛlaa ɛzɩ kɩmɛlɛndʋ tɔm yɔ.

1 Kɔrɛntɩ 9:22

Ma nɛ mbá pɛkɛ ajamaa pe-lidaʋ wɛnaʋ taa yɔ ɖɩwɛɣ lɛ, mɛwɛ ɛzɩ ḿbá ɖɔɖɔ yɔ se manpɩzɩ mansɩnɩ-wɛ nɛ pɛwɛnɩ lidaʋ siŋŋ Krɩstʋ yɔɔ. Pʋ-yɔɔ manpɩsɩ man-tɩ ɛzɩ paa weyi yɔ se paa pɩɩla ɛzɩma yɔ, manpɩzɩ mansɩnɩ nabɛyɛ nɛ Ɛsɔ ya pa-ñʋʋ.

1 Kɔrɛntɩ 9:27

Mɛwɛɛ mankʋʋ man-tɩ se manpɩzɩ mɔnɖɔkɩ man-tɩ siŋŋ nɛ pɩtaakɔɔ pɩɖɩɣnɩ weyi ma monsusi lɛlaa Ɛsɔtɔm yɔ.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Koloosi 4:17

Iheyi Arciipu se ɛ́ɖɔ́kɩ ɛ-tɩ nɛ tʋmɩyɛ nɖɩ́ etisaa nɛ Kɩpaɣlʋ ɖʋzɩ e-nesi taa yɔ nɛ ɛpɩzɩ ɛlabɩ-ɖɩ.

1 Tesalooniki 2:16

Paɖɩkɩ-ɖʋ nʋmɔʋ se ɖitaasusi mbá pɛtɛkɛ Yuda ñɩma yɔ ñʋʋ yabʋ tɔm. Ḿbʋ́ pɛwɛɛ pɛtɛzɩɣ kɩwɛɛkɩm labʋ. Ɛlɛ́, Ɛsɔ pana tɛmnɩ-wɛ kpanaʋ.

1 Timootee 1:3

Ɛzɩ maaheyuu-ŋ alɩwaatʋ ndʋ́ mɛnɖɛɣaɣ Masedonii se ŋcaɣ Efɛɛzɩ yɔ, caɣ ḿbʋ́. Peeɖe ŋheyiɣ ɛyáa mbá pɛwɛ peeɖe nɛ pawɩlɩɣ tɔm ndʋ́ tɩwɛ ndɩ nɛ ɖa-ñɩndʋ yɔ se pasɩɩ tɩnaɣ.

1 Timootee 4:15

Pʋwɛɛ se ŋha ña-tɩ pilim nɛ ŋla tʋmɩyɛ ńɖɩ́ nɛ ɛyáa tɩŋa na ɛzɩma mbʋ́ ŋwokini ɛsɩndaa yɔ.

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

2 Timootee 2:10

Pʋ-yɔɔ mentisaa se manɩɩ wɩzasɩ ńzɩ́ sɩtɩŋa nɛ pʋwazɩ mbá Ɛsɔ lɩzaa yɔ. Ḿbʋ́ yekina nɛ paba pɩzɩ pehiɣ ñʋʋ yabʋ mbʋ́ pʋwɛ Krɩstʋ Yesu cɔlɔ yɔ nɛ koboyaɣ maatɛŋ.

2 Timootee 3:14

Piyele ña lɛ, ɖɔkɩ mbʋ́ ŋkpɛlɩkaa nɛ ŋwɛnɩ lidaʋ pʋ-yɔɔ yɔ nesi naalɛ kpam. Mbʋ́ pʋyɔɔ yɔ, ŋsɩm weyi ɛkpɛlɩkɩ-ŋ-pʋ yɔ.

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

Tiiti 1:9

Pʋwɛɛ se ɛ́ɖɔ́kɩ tɔm kɩbandʋ ndʋ́ ɖɩwɩlɩɣ yɔ nesi naalɛ kpam. Tɩmʋnaa se pɛwɛnɩ lidaʋ tɩ-yɔɔ. Tɩ-yɔɔ ɛtɩŋɩɣna nɛ ɛsazɩ ɛ-taabalaa nɛ ɛwɩlɩ mbá paatisiɣ ɛ-tɔm yɔ ɖenɖe pucoɖi-wɛ yɔ.

Tiiti 2:15

Tɔm ńdʋ́ tɩtɩŋa payɩ pʋwɛɛ se ŋheyi ɛyáa. Kpaɣ ña-abalɩtʋ tɩŋa payɩ nɛ ŋsazɩnɩ mbá pewelesiɣ ñɔ-tɔm yɔ yaa ŋkalɩnɩ-wɛ. Taayele pa-taa nɔɔyʋ pɛŋ-ŋ tɛtɛ.

Tiiti 2:7

Pʋwɛɛ se ña-maɣmaɣ ŋlakɩ tʋma kɩbana tam nɛ ŋwɩlɩɣnɩ-wɛ. Taakɛ cɛtɩyʋ ña-wɩlʋʋ taa, taawɩlɩ pʋ-yɔɔ pʋ-yɔɔ yem.

Fileemɔɔ 1:19

Ma-maɣmaɣ mamaɣnɩ se: ma Pɔɔlɩ mɔnkɔŋ-ŋ-ɖɩ hɛyʋʋ. Ŋgʋ́, pɩfɛyɩ se mɔntɔzɩ-ŋ kʋtɔzʋʋ se ŋtɔɔ-m kɩmɩyɛ ɖɔɖɔ. Ńɖɩ́ lɛ ña-maɣmaɣ ñe-wezuu.

Ebree 12:15

Ɩcɔnɩ ɖama yɔɔ camɩyɛ nɛ mɩ-taa nɔɔyʋ ɛtaakɔɔ ɛha lootiye nɖɩ́ Ɛsɔ labɩ-mɩ yɔ siɣ́ye. Mɩ-taa nɔɔyʋ ɛtaawɛɛ ɛzɩ tɩʋ ñaŋ ñɩŋgʋ ŋgʋ́ kɩwɛɛ nɛ kʋ-sɔtʋ ɖɛɣ ɛyáa sakɩyɛ nɛ tɩwɛɛkɩɣ-wɛ yɔ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

Yakubu 5:20

Ɩtɩlɩ se: yee mɩ-taa nɔɔyʋ eleba toovenim nʋmɔʋ nɛ nɔɔyʋ hɔm-ɩ nɛ ɛpɩsɩnɩ-ɩ kɩ-taa yɔ, ɛlɩzɩ-ɩ nɛ sɩm taa. Đɔɖɔ lɛ, lakasɩ ńzɩ́ sɩlakɩ nɛ Ɛsɔ kpeɣ ɛyáa kɩwɛɛkɩm sakɩyɛ.