1 Timootee 4:13 - New Testament

¹³ Wɛɛ Ɛsɔtɔm kalʋʋ yɔɔ ɛyáa samaɣ taa nɛ ŋyele pɩlabɩ-wɛ hʋnʋm nɛ ŋwɩlɩ-wɛ-tʋ nɛ pʋkɔɔ pɩsɩɩnɩ alɩwaatʋ ndʋ́ mɔnkɔŋ yɔ.

1 Timootee 4:13 ပူးပေါင်းရင်းမြစ်များ

Yohanɛɛsɩ 5:39

Ɩtazɩɣ tɔm ndʋ́ pama Ɛsɔtɔm Takayaɣ taa yɔ tɩ-taa, mbʋ́ pʋyɔɔ yɔ, ɩmaɣzɩɣ se tɩhaɣ-mɩ wezuu maatɛŋ. Meheyiɣ-mɩ se ńdʋ́ lɩzɩɣnɩ ma-aseɣɖe!

Tʋma Labʋ 17:11

Peeɖe Yuda ñɩma lɩmaɣza kɛwɛ ɖeu nɛ pɩkɩlɩ Tesalooniki ñɩma, mbʋ́ pʋyɔɔ yɔ, paatisi Ɛsɔtɔm nɛ pa-laŋɩyɛ tɩŋa pilim. Paa ɖooye pañɩnaɣ Ɛsɔtɔm Takayaɣ taa se pana se tɔm ndʋ́ Pɔɔlɩ yɔɔdʋʋ yɔ, tɩkɛ toovenim na.

Tʋma Labʋ 6:4

Đa ɖɛwɛɣ Ɛsɔ sɛʋ yɔɔ nɛ ɖisusuu ɛ-tɔm.»

Room 12:8

Weyi ɛha ɛ́lɛ́ se ɛyɔɔdɩnɩ lɛlaa nɛ pɩlabɩ-wɛ hʋnʋm yɔ, pʋwɛɛ se ɛ́lɛ́ ɛla ḿbʋ́. Pʋwɛɛ se weyi ɛhaɣ ɛ-ñɩm yɔ, ɛha-pʋ nɛ ɛ-laŋɩyɛ tɩŋa. Weyi ɛcɔŋnɩ lɛlaa yɔɔ yɔ, ɛcɔnɩ pɔ-yɔɔ camɩyɛ. Weyi ɛsɩŋnɩ pɩlabɩmwaa yɔ, ɛ́lɛ́ ɛsɩnɩ-wɛ nɛ laŋhʋlʋmɩyɛ.

1 Kɔrɛntɩ 14:26

Taabalaa, ɛbɛ pʋwɛɛ se ɩla yɔ? Pʋwɛɛ se paa mɩ-taa weyi ɛwɛnɩ nabʋyʋ alɩwaatʋ ndʋ́ ikpeɣliɣ ɖama yɔ. Pɩpɩzaɣ se pɩkɛ hendu yaa tɔm natʋyʋ se ɛwɩlɩɣ yaa Ɛsɔ wɩlɩ-ɩ nabʋyʋ yaa ɛwɛnɩ tɔm natʋyʋ se ɛyɔɔdʋʋnɩ kʋnʋŋ ŋgʋ́ ɛyáa ɛɛnɩɣ yɔ kɩ-taa nɛ lɛlʋ ɖɛzɩɣ-tʋ. Ɛlɛ́, pʋwɛɛ se pɩtɩŋa payɩ pɩsɩnɩ lɛlaa nɛ papɩɩ pe-lidaʋ nʋmɔʋ taa.

1 Kɔrɛntɩ 14:3

Weyi ɛ́lɛ́ susuu tɔm ndʋ́ tɩlɩnɩ Ɛsɔ cɔlɔ yɔ, ɛyáa ɛyɔɔdʋʋnɩ se ɛsɩnɩ-wɛ nɛ papɩɩ pe-lidaʋ wɛnaʋ taa nɛ pɩlabɩ-wɛ hʋnʋm nɛ ɛhɛzɩ pa-laŋa.

1 Kɔrɛntɩ 14:6

Pʋ-yɔɔ lɛ, taabalaa, mɔnpɔzʋʋ-mɩ se: yee mɔnkɔm mɩ-tɛ nɛ mɔyɔɔdʋʋnɩ-mɩ kʋnʋmɩŋ weyi ɩɩnɩɣ yɔ nɛ menteheyi-mɩ tɔm ndʋ́ tɩɩwɛ mɛsaɣ tɛɛ yɔ tɩ-taa natʋyʋ yaa lɔŋsɩnɖɛ tɔm yaa tɔm ndʋ́ tɩlɩnɩ Ɛsɔ cɔlɔ yɔ yaa mantawɩlɩ-mɩ natʋyʋ lɛ, mawazɩ-mɩ we?

1 Timootee 4:16

Ñaɣ pana ŋɖɔkɩ ña-tɩ nɛ ŋɖʋ ɛsɩyɛ mbʋ́ ŋwɩlɩɣ yɔ pʋ-yɔɔ. Mbʋ́ pʋyɔɔ yɔ, yee ŋlabɩ ḿbʋ́ yɔ, ŋyakɩ ña nɛ mbá pewelesiɣni-ŋ yɔ mɩ-ñʋʋ.

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

2 Timootee 3:15

Toovenim lɛ, ŋsɩm tɔm ndʋ́ pama Ɛsɔtɔm Takayaɣ taa yɔ ɖooo ña-pɩjatʋ taa. Tɩpɩzɩɣ tɩha-ŋ lɔŋ weyi eyeki nɛ pɩtɩŋnɩ lidaʋ ŋgʋ́ ŋwɛnɩ Krɩstʋ Yesu yɔɔ yɔ kʋ-yɔɔ nɛ pɩya ña-ñʋʋ yɔ.

2 Timootee 4:2

paa nʋmɔʋ ɛwɛɛ yaa kɩfɛyɩ yɔ, susi ɛyáa Ɛsɔtɔm nɛ ŋñɩɣ tɩ-yɔɔ niye nɛ ŋla nɛ petisi-tʋ nɛ ŋkalɩ-wɛ nɛ ŋsazɩ-wɛ nɛ ŋɖɔkɩ ñɔ-hɔyɛ tam ña-wɩlʋʋ taa.

Tiiti 2:15

Tɔm ńdʋ́ tɩtɩŋa payɩ pʋwɛɛ se ŋheyi ɛyáa. Kpaɣ ña-abalɩtʋ tɩŋa payɩ nɛ ŋsazɩnɩ mbá pewelesiɣ ñɔ-tɔm yɔ yaa ŋkalɩnɩ-wɛ. Taayele pa-taa nɔɔyʋ pɛŋ-ŋ tɛtɛ.