1 Timootee 3:8 - New Testament

⁸ Pʋwɛɛ se mbá pɛkɛɣ tayɩyaa Yesu ŋgbɛyɛ taa yɔ, pɛkɛ ɛyáa kʋtʋʋzaa, pataawɛnɩ nɔsɩ naalɛ naalɛ. Pɩfɛyɩ se pɔñɔɔ sʋlʋm nɛ pɩkɩlɩ-wɛ yaa pomuli lɛlaa se pehiɣ kɛzɛɣa.

1 Timootee 3:8 ပူးပေါင်းရင်းမြစ်များ

Room 3:13

Pokuli pɔ-nɔsɩ yɔ, pʋwɛ ɛzɩ pɩlaʋ ŋgʋ́ pokuli kʋ-nɔɔ yɔ. Pa-nzʋlʋmɛɛ pepeɣziɣni ɛyáa. Tɔm ndʋ́ pɔyɔɔdʋʋ yɔ, tɩkʋʋ ɛyáa ɛzɩ ɖʋmaa sɔtʋ yɔ.

Filiipu 1:1

Ma Pɔɔlɩ, ma nɛ Timootee ɖɩkɛ Krɩstʋ Yesu tʋmlaɖaa. Ɖamaɣnɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ñɩma mɩ nɛ Krɩstʋ Yesu mɩ-kpɛndʋʋ yɔɔ nɛ ɩwɛɛ Filiipu tɛtʋ taa yɔ mɩtɩŋa payɩ. Đɩmaɣ-kɛ mɩ nɛ mɩ-ŋgbɛyɛ taa ñɩma yɔɔ cɔnɩyaa nɛ mbá pɛkɛ tayɩyaa ɖɩ-taa yɔ.

1 Timootee 3:12

Pʋwɛɛ se weyi ɛkɛ tayɩyʋ yɔ, ɛwɛnɩ halʋ kʋɖʋm koŋ. Pʋwɛɛ se ɛpɩzɩ ɛcɔnɩ e-piya nɛ ɛ-hɔʋ taa ñɩma lɛlaa pɔ-yɔɔ camɩyɛ.

1 Timootee 3:2

Pʋwɛɛ se weyi ɛlakɩ tʋmɩyɛ ńɖɩ́ yɔ, kawanaɣ nakɛyɛ ɛtaawɛɛ ɛ-yɔɔ. Ɛwɛnɩ halʋ kʋɖʋm koŋ, ɛ-ɛsɛ ekuli. Ɛkɛ ɛyʋ weyi ɛmaɣzɩɣ nɛ pʋcɔ ɛla pʋyʋ yɔ, ɛla mbʋ́ pʋmʋnaa yɔ, ɛmʋ agɔmaa camɩyɛ. Pʋwɛɛ se ɛtɩlɩ ɛzɩma mbʋ́ pawɩlɩɣ Ɛsɔtɔm yɔ.

1 Timootee 3:3

Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

1 Timootee 5:23

Paa ḿbʋ́, taatasɩ ñɔʋ lɩkpadaɣ ɖeke, ɛlɛ́, ñɔɔ sʋlʋm pazɩ. Mbʋ́ pʋyɔɔ yɔ, ŋwɛnɩ lotu kʋdɔŋ nɛ pɩɩlaɣzɩɣ-ŋ wɩʋ.

Tiiti 1:7

Mbʋ́ pʋyɔɔ yɔ, weyi ɛcɔŋnɩ Yesu ŋgbɛyɛ taa ñɩma yɔɔ yɔ, Ɛsɔ ɖʋnɩ-ɩ se ɛlabɩ-ɩ tʋmɩyɛ. Pʋ-yɔɔ lɛ, pɩtamʋnɩ se pana kawanaɣ nakɛyɛ ɛ-yɔɔ. Pɩfɛyɩ se ɛkpazɩ ɛ-tɩ yaa ɛkɛ pana tʋ yaa sʋlʋm kpaŋɩyʋ yaa weyi ɛwɛ helu helu yɔ yaa weyi emuluu ɛyáa se ehiɣ kɛzɛɣa yɔ.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Yakubu 3:10

samtʋ nɛ kpalʋʋ wɩlʋʋ palɩɣnɩ nɔɔ kʋɖʋmaɣ taa. Man-taabalaa! Pɩfɛyɩ se pʋwɛɛ ḿbʋ́.

1 Pɩyɛ 5:2

ɩcɔnɩ Krɩstʋ ñɩma mbá Ɛsɔ ɖʋzɩ mi-nesi taa yɔ pɔ-yɔɔ camɩyɛ ɛzɩ ninɖiɣyu cɔŋʋʋnɩ e-heŋ yɔɔ yɔ. Pɩtaakɛnɩ-mɩ kɩcɛyʋʋ. Ɛlɛ́, ɩcɔnɩ pɔ-yɔɔ camɩyɛ ɛzɩ Ɛsɔ liu wɛʋ yɔ. Ɩtaala ḿbʋ́ kɩhɛyʋʋ yɔɔ, ɛlɛ́, ɩla ḿbʋ́ nɛ mɩ-laŋɩyɛ tɩŋa pilim.