1 Timootee 3:7 - New Testament

⁷ Pʋwɛɛ ɖɔɖɔ se mbá pɛtɛkɛ Yesu ŋgbɛyɛ taa ñɩma yɔ, palɩzɩ ɛ-yɔɔ aseɣɖe kɩbanɖɛ. Pɩtɛkɛ ḿbʋ́, pɛpɛŋɩɣ-ɩ tɛtɛ nɛ Satanɩ kaamʋʋ kɔɔ kɩkpa-ɩ.

1 Timootee 3:7 ပူးပေါင်းရင်းမြစ်များ

Maarkɩ 4:11

Peeɖe ecosi-wɛ se: «Ɛsɔ Kewiyaɣ tɔm wɛ mɛsaɣ tɛɛ. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ. Piyele lɛlaa yɔ, pɛfɛyɩ Ɛsɔ Kewiyaɣ taa. Panɩɣ tɔm ńdʋ́ lɛ, tɩkɛnɩ-wɛ aduwa.

Tʋma Labʋ 10:22

Pocosi-i se: «Sɔɔjanaa ñʋʋdʋ Kɔɔrnɛɛyɩ tiyini-ɖʋ. Ɛkɛ ɛyʋ kʋtʋʋzʋ, ɛñaŋ Ɛsɔ nɛ Yuda ñɩma tɩŋa lɩzɩɣ aseɣɖe kɩbanɖɛ ɛ-yɔɔ. Ɛsɔ tiyiyu nɔɔyʋ heyi-i se ɛya-ŋ nɛ ŋwolo ɛ-tɛ nɛ ŋheyi-i ña-taa tɔm.»

Tʋma Labʋ 22:12

Abalʋ nɔɔyʋ kɛwɛ peeɖe, payaɣ-ɩ se Anaanɩyaasɩ. Ɛɖɔŋ Ɛsɔ paɣtʋ yɔɔ camɩyɛ nɛ Yuda ñɩma tɩŋa lɩzɩɣ ɛ-yɔɔ aseɣɖe kɩbanɖɛ.

Tʋma Labʋ 6:3

Pʋ-yɔɔ lɛ, taabalaa! Ɩcɔna nɛ ɩlɩzɩ mɩ-taa abalaa kɩbama lɔŋsɩnɖaa lʋbɛ mbá Fezuu Kiɖeɖeu wɛ pɔ-yɔɔ yɔ nɛ ɖɩɖʋ-wɛ tʋmɩyɛ ńɖɩ́.

1 Kɔrɛntɩ 10:32

Mi-wezuu caɣʋ taa lɛ, itaayele nɛ pɩtɩŋnɩ mɩ-yɔɔ nɛ Yuda ñɩma yaa mbá pɛtɛkɛ Yuda ñɩma yɔ yaa Ɛsɔ ñɩma pa-taa nɔɔyʋ tɔlɩ nʋmɔʋ ŋgʋ́ ɛɖɔŋ yɔ kɩ-taa.

1 Kɔrɛntɩ 5:12

Pɩtɛkɛ ma pʋmʋnaa se mahʋʋnɩ mbá pɛtɛkɛ Yesu ŋgbɛyɛ taa ñɩma yɔ. Ɛsɔ kɔŋna hʋʋ mbá pɛtɛkɛ ɖɩ-taa ñɩma yɔ pɔ-tɔm. Ɛlɛ́, mbá pɛkɛ ŋgbɛyɛ taa ñɩma yɔ, ḿbá pʋwɛɛ se ɖɩhʋʋna. Pʋ-yɔɔ lɛ, ɩla ɛzɩ pamaʋ Ɛsɔtɔm Takayaɣ taa yɔ. Pamawa se: «Ɩɖɔɔnɩ ɛzaɣ́ʋ mɩ-hɛkʋ taa yɔ.»

2 Kɔrɛntɩ 6:3

Đɩcaɣ se nɔɔyʋ ɛtaapɩzɩ ɛkpɛzɩnɩ-ɖʋ tʋmɩyɛ nɖɩ́ ɖɩlakɩ yɔ ɖɩ-yɔɔ. Pʋ-yɔɔ ɖɩñakɩ pana se nɔɔyʋ ɛtaatɔlɩ Ɛsɔ nʋmɔʋ taa.

2 Kɔrɛntɩ 8:21

Ɛlɛ́, ɖɩcaɣ se ɖɩla mbʋ́ pʋmʋnaa se pala Kɩpaɣlʋ ɛsɩndaa nɛ mbʋ́ pʋmʋnaa se pala ɛyáa ɛsɩndaa ɖɔɖɔ yɔ.

Koloosi 4:5

Ɩɖɔmnɩ lɔŋsɩnɖɛ mbá pɛtɛkɛ Krɩstʋ ñɩma yɔ pɔ-cɔlɔ. Ɩtaayele alɩwaatʋ nɛ tɩɖɛɛ yem.

1 Tesalooniki 4:12

Pʋbʋ, ɩkɛɣ mbá pamʋnaa yɔ mbá pɛtɛkɛ Krɩstʋ ñɩma yɔ pɛ-ɛsɩndaa. Đɔɖɔ lɛ, ɩɩkɛɣnɩ nɔɔyʋ sʋʋtʋ.

1 Tesalooniki 5:22

Ɩkpa mɩ-tɩ nɛ paa kɩdɛkɛdɩm mbʋ́.

1 Timootee 3:6

Pɩtamʋnɩ se ɛkɛ ɛyʋ weyi ɛpɩsɩ Krɩstʋ tʋ nɛ piteleɖida yɔ. Pɩtɛkɛ ḿbʋ́, nabʋyʋ taa ɛkɔŋ ɛkpazɩ ɛ-tɩ nɛ Ɛsɔ hʋʋnɩ-ɩ nɛ ɛkʋ ɛ-tɔm ɛzɩ ɛkʋʋ Satanɩ ñɩndʋ yɔ.

1 Timootee 5:14

Pʋ-yɔɔ me-liu wɛɛ se paɖaɣnɩ walʋʋ nɛ palʋlɩ piya nɛ pɔcɔnɩ pa-ɖɩsɩ yɔɔ nɛ pataaha koyindinaa waɖɛ nɛ pɔyɔɔdɩ tɔm ɛzaɣ́tʋ.

1 Timootee 6:9

Ɛlɛ́, mbá pacaɣ se pɛkɛ ñɩm tɩnaa yɔ, pasʋʋ takʋʋ taa nɛ kaamʋʋ kpa-wɛ. Pe-liu wɛ kɩmɛlɛndʋ ndʋ́ tɩwɛɛkɩɣ-wɛ yɔ. Ńdʋ́ sʋzʋʋnɩ-wɛ asayʋʋ taa.

2 Timootee 2:26

nɛ pʋtɔma yɔ, palɩɩ eleeu weyi ɛkpa-wɛ se pala mbʋ́ e-liu wɛɛ yɔ ɛ-kaamʋʋ taa.

Tiiti 2:5

Pawɩlɩɣ-wɛ ɖɔɖɔ se pataawɛɛ ɛsɛ naɣnaɣ, ɛlɛ́, patɩlɩ pa-tɩ ɖɔkʋʋ. Pɛkɛ mɩzaɣ nɔɔ tʋmlaɖaa nɛ ɛyáa kɩbama nɛ pañaŋ pa-walaa se nɔɔyʋ ɛtaapɩzɩ ɛwɛɛkɩ Ɛsɔtɔm.

Tiiti 2:8

Ɛlɛ́, yɔɔdɩ tɔm kɩbandʋ ndʋ́ kawanaɣ nakɛyɛ fɛyɩ tɩ-yɔɔ yɔ nɛ fɛyɛ kpa ɖo-koyindinaa. Mbʋ́ pʋyɔɔ yɔ, paahikiɣ tɔm ɛzaɣ́tʋ ndʋ́ paayɔɔdɩ-ɖʋ yɔ.

3 Yohanɛɛsɩ 1:12

Piyele Demetriyuusi lɛ, ɛyáa tɩŋa lɩzɩɣ ɛ-yɔɔ aseɣɖe kɩbanɖɛ, halɩ toovenim tɔm maɣmaɣ lɩzɩɣ-ɖɩ ɖɔɖɔ. Đa ɖɔɖɔ, ɖɩlɩzɩɣ ɛ-aseɣɖe nɛ ŋna ɖɔɖɔ se ɖa-aseɣɖe ńɖɩ́, ɖɩkɛ toovenim.