1 Timootee 3:3 - New Testament

³ Pɩtamʋnɩ se ɛkɛ sʋlʋm kpaŋɩyʋ, ɛtaawɛɛ helu helu. Ɛlɛ́, pʋwɛɛ se ɛwɛɛ leleŋ, ɛtaakɛ tɔm cayʋ, ɛtaawɛɛ liidiye laɣzaɣ.

1 Timootee 3:3 ပူးပေါင်းရင်းမြစ်များ

Maatiyee 21:13

Ɛlɛ́, eheyi mbá pɛwɛ peeɖe yɔ se: «Ɛsɔ yɔɔdaa nɛ pama ɛ-Tɔm Takayaɣ taa se: ‹Man-ɖɩɣa kɛɣnɩ Ɛsɔ ɖɩsɛyɛ.› Ŋgʋ́, mɩ mɩpɩsɩ-kɛ mɩ́láa ñɩŋga.»

Tʋma Labʋ 20:33

Nɔɔyʋ liidiye yaa e-sika yaa e-wondu talabɩ-m liu.

Room 16:18

Mbʋ́ pʋyɔɔ yɔ, pɩtɛ ɛyáa ḿbá, paalakɩ ɖa-Kɩpaɣlʋ Krɩstʋ tʋmɩyɛ. Ɛlɛ́, pe-hiliŋ taa ɖeke pɔcɔŋna nɛ palakɩ nɔɔ leleŋ nɛ pɛcɛtɩɣnɩ mbá patasɩmdɩ pʋyʋ yɔ.

Efɛɛzɩ 5:18

Ɩtaañɔɔ sʋlʋm nɛ pʋkʋ-mɩ: pɩkɛ yem yem lakasɩ. Ɛlɛ́, iyele nɛ Fezuu Kiɖeɖeu wɛɛ mɩ-cɔlɔ kpaagbaa kpem.

1 Tesalooniki 5:14

Taabalaa! Đɩsazɩɣ-mɩ se ɩka fendinaa ñʋŋ taa nɛ ɩtasɩ lɛɣtʋ mbá pitibi po-toma taa yɔ. Ɩsɩnɩ ajamaa nɛ ɩɖɔkɩ mɩ-hɔ nɛ paa weyi.

1 Timootee 3:8

Pʋwɛɛ se mbá pɛkɛɣ tayɩyaa Yesu ŋgbɛyɛ taa yɔ, pɛkɛ ɛyáa kʋtʋʋzaa, pataawɛnɩ nɔsɩ naalɛ naalɛ. Pɩfɛyɩ se pɔñɔɔ sʋlʋm nɛ pɩkɩlɩ-wɛ yaa pomuli lɛlaa se pehiɣ kɛzɛɣa.

2 Timootee 3:2

Toovenim lɛ, ɛyáa kɔŋ nɩnaʋ pa-tɩ nɛ pɛ-ɛsɩyɛ sɛɛnɩ liidiye cazʋʋ nɛ pɛkɛ pɔpɔtɩnaa nɛ pakpazɩɣ pa-tɩ nɛ pɛwɛɛkɩɣ Ɛsɔ hɩɖɛ nɛ paañaŋ pa-ñɩma, paawɛɣ ɛsɩmɩyɛ, paañaŋ Ɛsɔ ñɩm.

Tiiti 1:11

Pʋwɛɛ se ŋɖɩɣ-wɛ nʋmɔʋ nɛ pataapɩzɩ pɔyɔɔdɩ. Mbʋ́ pʋyɔɔ yɔ, poyozuu hɔŋ taa ɛyáa tɩŋa payɩ nɛ pawɩlɩɣ mbʋ́ pɩtamʋna yɔ se pehiɣ kɛzɛɣa.

Tiiti 1:7

Mbʋ́ pʋyɔɔ yɔ, weyi ɛcɔŋnɩ Yesu ŋgbɛyɛ taa ñɩma yɔɔ yɔ, Ɛsɔ ɖʋnɩ-ɩ se ɛlabɩ-ɩ tʋmɩyɛ. Pʋ-yɔɔ lɛ, pɩtamʋnɩ se pana kawanaɣ nakɛyɛ ɛ-yɔɔ. Pɩfɛyɩ se ɛkpazɩ ɛ-tɩ yaa ɛkɛ pana tʋ yaa sʋlʋm kpaŋɩyʋ yaa weyi ɛwɛ helu helu yɔ yaa weyi emuluu ɛyáa se ehiɣ kɛzɛɣa yɔ.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Tiiti 3:2

Pataawɛɛkɩ nɔɔyʋ hɩɖɛ, pataacaa tɔm. Ɛlɛ́, pʋwɛɛ se pɔ́ɖɔ́kɩ pɔ-hɔ nɛ pa nɛ lɛlaa pʋwɛɛ leleŋ tam.

Ebree 13:5

Ɩtaawɛnɩ liidiye laɣzaɣ mi-wezuu caɣʋ taa. Mɩ-laŋa ɛhʋlʋmɩnɩ ñɩm mbʋ́ ɩwɛnɩ lɛɛlɛɛyɔ yɔ, mbʋ́ pʋyɔɔ yɔ, Ɛsɔ maɣmaɣ yɔɔdaa se: «Maakaɣ-ŋ lɔʋ, maahaɣ-ŋ siɣ́ye kaʋ.»

Yakubu 4:1

You nɛ lʋbɩyɛ palɩnɩ le mɩ-hɛkʋ taa? Mbʋ́ ɩsɔɔlɩ labʋ kpem nɛ pʋwɛɛ mɩ-taa nɛ piseɣtiɣ-mɩ yɔ, pʋ-cɔlɔ pɩlɩnaa.

1 Pɩyɛ 5:2

ɩcɔnɩ Krɩstʋ ñɩma mbá Ɛsɔ ɖʋzɩ mi-nesi taa yɔ pɔ-yɔɔ camɩyɛ ɛzɩ ninɖiɣyu cɔŋʋʋnɩ e-heŋ yɔɔ yɔ. Pɩtaakɛnɩ-mɩ kɩcɛyʋʋ. Ɛlɛ́, ɩcɔnɩ pɔ-yɔɔ camɩyɛ ɛzɩ Ɛsɔ liu wɛʋ yɔ. Ɩtaala ḿbʋ́ kɩhɛyʋʋ yɔɔ, ɛlɛ́, ɩla ḿbʋ́ nɛ mɩ-laŋɩyɛ tɩŋa pilim.

2 Pɩyɛ 2:3

Liidiye laɣzaɣ yɔɔ lɛ, pɔkɔŋ-mɩ cɛtʋʋ nɛ pɔ-nɔɔ leleŋ nɛ pɔhɔɔzɩ mi-nesi taa. Ɛlɛ́, Ɛsɔ weyi ɛhʋʋnɩ ɛyáa yɔ, ɛpazɩ pɔ-tɔm kʋʋ ɖooo lɔŋ. Ɛtɔyɩtʋʋ-wɛ alɩwaatʋ pazɩ taa.

Yuudi 1:11

Pɩya-wɛ! Mbʋ́ pʋyɔɔ yɔ, patɩŋ nʋmɔʋ ŋgʋ́ Kayɛnɩ tɩŋaa yɔ. Liidiye yɔɔ lɛ, pakpaɣ pa-tɩ pasʋzɩ nʋmɔʋ kilebuu taa ɛzɩ Balaam yɔ. Pɛtɛŋɛlaa kpem, mbʋ́ pʋyɔɔ yɔ, pakʋyɩ Ɛsɔ yɔɔ ɛzɩ Kooree kalabʋ yɔ.

Wɩlʋʋ 1:9

Ma mɩ-taabalʋ Yohanɛɛsɩ lɛ, ma nɛ mɩ ɖɩtɔkɩnɩ kʋñɔŋ nɛ kewiyaɣ nɛ ɖɩñakɩ pana ɖa nɛ Yesu ɖɛ-kpɛndʋʋ taa. Monsusi Ɛsɔtɔm nɛ malɩzɩ Yesu aseɣɖe yɔɔ pɛkɛzɩ-m tɛtʋ ɛjaɖɛ nɖɩ́ lɩm cɔ-ɖɩ pɩta nɛ payaɣ-ɖɩ se Patmoosi yɔ ɖɩ-taa.