1 Timootee 3:2 - New Testament

² Pʋwɛɛ se weyi ɛlakɩ tʋmɩyɛ ńɖɩ́ yɔ, kawanaɣ nakɛyɛ ɛtaawɛɛ ɛ-yɔɔ. Ɛwɛnɩ halʋ kʋɖʋm koŋ, ɛ-ɛsɛ ekuli. Ɛkɛ ɛyʋ weyi ɛmaɣzɩɣ nɛ pʋcɔ ɛla pʋyʋ yɔ, ɛla mbʋ́ pʋmʋnaa yɔ, ɛmʋ agɔmaa camɩyɛ. Pʋwɛɛ se ɛtɩlɩ ɛzɩma mbʋ́ pawɩlɩɣ Ɛsɔtɔm yɔ.

1 Timootee 3:2 ပူးပေါင်းရင်းမြစ်များ

Luka 1:6

Pe-wezuu caɣʋ wɛ ɖeu Ɛsɔ ɛsɩndaa nɛ pɔɖɔŋ Kɩpaɣlʋ paɣtʋ tɩŋa yɔɔ camɩyɛ, natʋyʋ fɛyɩ se paawanɩ-wɛ.

Luka 2:36

Náyʋ halɩñɩnʋ nɔɔyʋ kɛwɛ Ɛsɔ ɖɩɣa taa peeɖe ɖɔɖɔ. Payaɣ-ɩ se Ana. Ɛkɛ Asɛɛrɩ liɖe taa tʋ Fanʋyɛɛlɩ pɛlɛ, ɛkpadɩyɩ koŋgonoo. Abalʋ weyi ɛɛcɛbɩ ɛ-pɩsatʋ yɔ, ɛ nɛ ɩ pacaɣ pɩnzɩ lʋbɛ lɛ, ɛ́lɛ́ ɖɛɛ ɛsɩ.

Room 12:13

Ɩsɩnɩ mɩ-taabalaa Ɛsɔ ñɩma mbá pɛwɛ kʋñɔŋ taa yɔ. Ɩmʋ mbá pɔkɔŋ mɩ-tɛ yɔ camɩyɛ.

Filiipu 2:15

Ɩla ḿbʋ́ nɛ pataana kawanaɣ nakɛyɛ mɩ-yɔɔ nɛ ɩwɛɛ cɩɖɩcɩɖɩ nɛ ɩkɛ Ɛsɔ piya nzɩ́ paanaɣ sɩ-yɔɔ kɩwɛɛkɩm nabʋyʋ yɔ kedeŋa yɔɔ cɩnɛ ɛyáa azaɣ́a nɛ kɩtatʋʋzɩŋ pɛ-hɛkʋ taa. Mɩ lɛ ñalɩmɩyɛ pɛ-hɛkʋ taa ɛzɩ ɛsɔdaa tɩɩnzɩ yɔ.

1 Timootee 3:12

Pʋwɛɛ se weyi ɛkɛ tayɩyʋ yɔ, ɛwɛnɩ halʋ kʋɖʋm koŋ. Pʋwɛɛ se ɛpɩzɩ ɛcɔnɩ e-piya nɛ ɛ-hɔʋ taa ñɩma lɛlaa pɔ-yɔɔ camɩyɛ.

1 Timootee 3:8

Pʋwɛɛ se mbá pɛkɛɣ tayɩyaa Yesu ŋgbɛyɛ taa yɔ, pɛkɛ ɛyáa kʋtʋʋzaa, pataawɛnɩ nɔsɩ naalɛ naalɛ. Pɩfɛyɩ se pɔñɔɔ sʋlʋm nɛ pɩkɩlɩ-wɛ yaa pomuli lɛlaa se pehiɣ kɛzɛɣa.

1 Timootee 4:3

Pɩtɛ ɛyáa ḿbá pɔtɔŋnɩ se pataakpaɣ halaa, pataatɔɔ tɔɔnasɩ nasɩyɩ. Ŋgʋ́, Ɛsɔ labɩ-sɩ se pɔtɔɔ-sɩ. Mbá pɛwɛnɩ lidaʋ Krɩstʋ yɔɔ nɛ patɩlɩ mbʋ́ pɩkɛ toovenim yɔ, papɩzɩɣ pɔtɔɔ-sɩ nɛ pasa Ɛsɔ sɩ-yɔɔ.

1 Timootee 5:10

Pʋwɛɛ ɖɔɖɔ se ɛyáa ɛlɩzɩ ɛ-aseɣɖe se ɛcɔnɩ e-piya yɔɔ ɖeu nɛ ɛmʋ mbá powokaɣ ɛ-tɛ yɔ camɩyɛ nɛ ɛkɔ Ɛsɔ ñɩma naŋgbanzɩ lɩm nɛ ɛsɩnɩ kʋñɔndɩnaa nɛ ɛ-ɛsɩyɛ sɛɛnɩ mbʋ́ mbʋ́ pʋwɛ ɖeu yɔ pɩtɩŋa payɩ.

1 Timootee 5:22

Taakpedesi se ŋtɩnɩɣ nɔɔyʋ yɔɔ nesi. Mbʋ́ pʋyɔɔ yɔ, yee ɛlabɩ kɩwɛɛkɩm nabʋyʋ yɔ, pʋwɛ ɛzɩ ŋtɩnɩ ɛ-yɔɔ yɔ. Pʋ-yɔɔ lɛ, wɛɛ cɩɖɩcɩɖɩ ḿbʋ́.

1 Timootee 5:9

Pʋcɔ pama lelu nɔɔyʋ hɩɖɛ lelitu takayaɣ taa lɛ, pʋwɛɛ se ɛwɛnɩ pɩnzɩ nɩɩnʋwa nɛ hiu nɛ pɩkpaɣ pɩɖɛɛ. Pʋwɛɛ ɖɔɖɔ se pɩkɛnɩ weyi ɛɛwalɩ abalʋ kʋɖʋm koŋ yɔ.

2 Timootee 2:24

Ŋgʋ́, pɩfɛyɩ se Kɩpaɣlʋ tʋmlaɖʋ nɛ nɔɔyʋ poyoo. Pʋwɛɛ se ɛla ɛyáa tɩŋa mbʋ́ pʋwɛ ɖeu yɔ nɛ ɛpɩzɩ ɛwɩlɩɣ tɔm nɛ ɛɖɔkʋʋ ɛ-hɔyɛ.

Tiiti 2:2

Heyi abalaa akpadɩyaa se pɛ-ɛsɛ ekuli. Pɛkɛ ɛyáa mbá pamʋnaa se paɖʋ-wɛ hɩɖɛ yɔ nɛ mbá pamaɣzɩɣ pa-ñʋŋ taa nɛ pʋcɔ pala pʋyʋ yɔ. Pɛwɛnɩ lidaʋ Krɩstʋ yɔɔ ɛzɩ pʋmʋnaʋ yɔ nɛ pɔsɔɔlɩ lɛlaa siŋŋ nɛ pɔ́ɖɔ́kɩ ḿbʋ́ kpam.

Ebree 13:2

Ɩtaasɔɔ ɛyáa mʋ́ʋ yɔɔ. Mbʋ́ pʋyɔɔ yɔ, nabɛyɛ mʋwaɣ ɛyáa nɛ pɔkɔɔ pamʋ Ɛsɔ tiyiyaa nabɛyɛ pɛ-tɛ nɛ patatɩlɩ.

Ebree 3:14

Mbʋ́ pʋyɔɔ yɔ, yee ɖɩɖɔkɩ lidaʋ ŋgʋ́ ɖɩɩwɛna kajalaɣ taa yɔ nesi naalɛ kpam nɛ pʋkɔɔ pɩsɩɩnɩ kɛtɛzaɣ alɩwaatʋ yɔ, pʋbʋ, ɖa nɛ Krɩstʋ ɖɩwɛna wezuu.

1 Pɩyɛ 4:7

Pɩtɩŋa payɩ pɩwɩzɩ tɛm. Pʋ-yɔɔ lɛ, ɩɖɔkɩ mɩ-tɩ nɛ ɩcaɣnɩ mɩ-ɛsɛ nɛ ɩpɩzɩ ɩsɛɛ Ɛsɔ.

1 Pɩyɛ 4:9

Ɩmʋ ɛyáa mbá pɔkɔŋ mɩ-tɛ yɔ camɩyɛ. Ɩtaamʋ-wɛ nɛ miduu.

1 Pɩyɛ 5:8

Ɩcaɣnɩ mɩ-ɛsɛ! Ɩwɛɛ kpekpeka! Mi-koyindu Satanɩ wɛɛ ɛcɔʋ. Ɛñɩnɩɣ se ɛkpa nɔɔyʋ ɛzɩ ñɔɔsɩ wɩɣʋ tɔɔyʋʋ nɛ kɩmakɩ kubusi nɛ kɩñɩnɩɣ pʋyʋ se kʋtɔɔ yɔ.