1 Timootee 3:16 - New Testament

¹⁶ Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Timootee 3:16 ပူးပေါင်းရင်းမြစ်များ

Maatiyee 1:23

«Ɩnaɣ, pɛlɛ nɔɔyʋ kɔŋ haɣʋ nɛ ɛlʋlɩ pɩɣa nɛ payaa-kɛ se Emaanʋyɛɛlɩ.» Pʋ-tɔbʋʋ se Ɛsɔ wɛ ɖɔ-cɔlɔ.

Maatiyee 13:11

Yesu cosi-wɛ se: «Ɛsɔ taha-wɛ lɛɣtʋ se panɩɩ e-Kewiyaɣ tɔm ndʋ́ tɩwɛ mɛsaɣ tɛɛ yɔ, tɩ-tɔbʋʋ yɔɔ mɔyɔɔdʋʋnɩ-wɛ ḿbʋ́. Ɛlɛ́, mɩ lɛ, ɛha-mɩ lɛɣtʋ se ɩnɩɩ tɩ-tɔbʋʋ.

Maatiyee 28:2

Kpaagbaa ḿbʋ́ lɛ, tɛtʋ ñamsɩ siŋŋ nɛ Kɩpaɣlʋ tiyiyu nɔɔyʋ lɩɩnɩ ɛsɔdaa nɛ etii epilisi pɩlaʋ nɔɔ pɩyɛ nɛ ɛsɩɩ kɩjaʋ nɛ ɛcaɣ ɖɩ-yɔɔ.

Maatiyee 3:16

Yohanɛɛsɩ tɩtɛm Yesu labʋ sɔnzɩ ńzɩ́ lɛ, Yesu lɩɣnɩ lɩm taa. Peeɖe ɛsɔdaa tʋlaa nɛ ɛna Fezuu Kiɖeɖeu lɩ ɛzɩ halikuku yɔ nɛ kitiki Yesu ɛnʋ ɛ-yɔɔ

Maatiyee 4:11

Peeɖe Satanɩ yebi-i. Pʋwayɩ lɛ, Ɛsɔ tiyiyaa wolo Yesu cɔlɔ nɛ pasɩnɩ-ɩ.

Maarkɩ 1:13

Ɛcaɣ peeɖe kɩyakɩŋ nɩɩnaza nɛ Satanɩ wolo ɛ-cɔlɔ nɛ ɛtakɩɣ-ɩ. Tɛtɛ kpɩna hɛkʋ taa ɛɛwɛɛ nɛ Ɛsɔ tiyiyaa wolo ɛ-cɔlɔ nɛ pasɩŋnɩ-ɩ.

Maarkɩ 16:19

Kɩpaɣlʋ Yesu tɛm ɛ-tɔmkpɛlɩkɩyaa yɔɔdɩnaʋ ḿbʋ́ lɛ, pɩkpazɩ-ɩ ɛsɔdaa yem nɛ ɛcaɣ Ɛsɔ cɔlɔ lone kɩbanɖɛ taa.

Maarkɩ 16:5

Pasʋ pɩlaʋ taa lɛ, pamaɣnɩ evebu nɔɔyʋ caɣ pa-nɩwaŋ yɔɔ. Esu toko sɔsɔʋ kʋhʋlʋmʋʋ nakʋyʋ waaa, ɛlɛ́ sɔɔndʋ kpa-wɛ.

Luka 2:32

Ɛnʋ lɛ ñalɩmɩyɛ nɖɩ́ ɖɩwɩlɩɣ ajɛya kpeekpe nʋmɔʋ yɔ. Ɛnʋ yekina nɛ patɩŋa pasɩm-ŋ nɛ Izrɛɛlɩ ñɩma hɩɖɛ sɛɛ.»

Luka 20:44

Daaviidi maɣmaɣ ñayaɣ Weyi Ɛsɔ Lɩzaa Yɔ se Kɩpaɣlʋ. Ɛzɩma ɛtasɩɣ kɛʋ Daaviidi ɛnʋ ɛ-sayɩ ɖɔɖɔ yɔ?»

Luka 22:43

Peeɖe Ɛsɔ tiyiyu nɔɔyʋ lɩ ɛ-yɔɔ nɛ ɛsɔzɩ-ɩ ɖoŋ.

Luka 24:4

Ɛlɛ́, pɩɖɩɣzɩ-wɛ siŋŋ. Kpaagbaa ḿbʋ́ lɛ, abalaa naalɛ nabɛyɛ tɩlɩʋ pɔ-yɔɔ. Posu wondu, nɛ tɩñɩlɩzɩɣ pelu pelu.

Luka 24:51

Ɛwazaɣ pɔ-yɔɔ ḿbʋ́ lɛ, pʋkʋsɩ-ɩ pɔ-cɔlɔ peeɖe yem nɛ pɩkpazɩ-ɩ ɛsɔdaa.

Yohanɛɛsɩ 1:14

Weyi payaɣ se Tɔm yɔ, ɛpɩsɩ ɛyʋ nɛ ɛkɔɔ ɛwɛɛ ɖɛ-hɛkʋ taa. Ɛkɛ lootiye tʋ siŋŋ nɛ ɛtɛ ɛkɛ toovenim tʋ siŋŋ. Đɩna e-koboyaɣ, kɛwɛ ɛzɩ Caa Pɩyalʋ ɛgbamɩyɛ ñɩŋga yɔ.

Yohanɛɛsɩ 13:3

Yesu kɛtɛm naʋ se Caa Ɛsɔ cɔlɔ ɛlɩnaa nɛ ɛ-cɔlɔ ɛkɔŋ pɩsʋʋ. Ɛnawa ɖɔɖɔ se ɛɖʋzɩ e-nesi taa pɩtɩŋa payɩ.

Yohanɛɛsɩ 15:26

Sɩnɩyʋ kaɣ kɔm: ɛnʋ lɛ toovenim Fezuu ŋgʋ́ kɩlɩɣnɩ Caa cɔlɔ yɔ. Caa cɛlɩɣnɩ-m-kʋ nɛ mentiyini-mɩ, ŋ́gʋ́ kɔŋnɩ lɩzʋʋ ma-aseɣɖe.

Yohanɛɛsɩ 16:28

Caa cɔlɔ malɩnaa nɛ mɔnkɔɔ kedeŋa yɔɔ. Lɛɛlɛɛyɔ, mankʋyʋʋ kɔ-yɔɔ nɛ manpɩsɩ ɛ-cɔlɔ.»

Yohanɛɛsɩ 17:5

Pʋ-yɔɔ lɛ, Caa! Lɛɛlɛɛyɔ, mɔnpɔzʋʋ-ŋ se ŋyele nɛ ma-hɩɖɛ sɛɛ ñɔ-cɔlɔ ɛzɩ ɖɩɩsɛʋ nɛ pʋcɔ ŋla kedeŋa yɔ.

Yohanɛɛsɩ 20:12

Ɛcɔnaa lɛ, ɛna Ɛsɔ tiyiyaa naalɛ nabɛyɛ, posu wondu kʋhʋlʋmʋtʋ nɛ pacaɣ ɖenɖe paahɛzɩ Yesu yɔ: lɛlʋ ɛ-ñʋʋ ɖeɖe nɛ lɛlʋ ɛ-naŋgbanzɩ ɖeɖe.

Yohanɛɛsɩ 6:62

Yee ḿbʋ́ lɛ, ɛzɩma pɩkaɣ labʋ alɩwaatʋ ndʋ́ ɩnaɣ Ɛyʋ Pɩyalʋ kitiɣ ɛkpa ɖenɖe ɛɛwɛɛ yɔ?

Tʋma Labʋ 1:19

Yeruusalɛm ñɩma tɩŋa nɩ tɔm ńdʋ́ lɛ, payaa tɛtʋ ńdʋ́ nɛ pɛ-tɛ taa se: ‹Akɩlɩdama.› Pʋ-tɔbʋʋ se calɩm tɛtʋ.

Tʋma Labʋ 10:34

Kɔɔrnɛɛyɩ yɔɔdɩ ḿbʋ́ lɛ, Pɩyɛ tɔ se: «Toovenim lɛ, lɛɛlɛɛyɔ manawa se Ɛsɔ tɔsɔɔlɩ nabɛyɛ nɛ eyele lɛlaa:

Tʋma Labʋ 14:27

Patalaa lɛ, pekpeɣli Krɩstʋ ŋgbɛyɛ taa ñɩma nɛ pɛkɛdɩ-wɛ mbʋ́ pɩtɩŋa Ɛsɔ tɩŋnɩ pɔ-yɔɔ nɛ ɛla yɔ nɛ ɛzɩma mbʋ́ ɛha mbá pɛtɛkɛ Yuda ñɩma yɔ waɖɛ nɛ pɛwɛnɩ lidaʋ Yesu yɔɔ yɔ.

Tʋma Labʋ 20:28

Fezuu Kiɖeɖeu lɩzɩnɩ-mɩ se ɩkɛ sɔsaa nɛ ɩcɔnɩ Krɩstʋ ŋgbɛyɛ taa ñɩma yɔɔ. Pʋ-yɔɔ meheyiɣ-mɩ se ɩcɔnɩ mɩ-maɣmaɣ mɩ-tɩ yɔɔ camɩyɛ nɛ ɩcɔnɩ ɖɔɖɔ mbá pɛwɛ ɖɩ-taa yɔ patɩŋa pɔ-yɔɔ ɛzɩ ninɖiɣyu cɔŋʋʋnɩ e-heŋ yɔɔ yɔ. Ɛsɔ tɩŋnɩnɩ ɛ-maɣmaɣ ɛ-Pɩyalʋ calɩm yɔɔ nɛ ɛpɩsɩ-wɛ ɛ-ñɩma.

Room 10:12

Pʋ-yɔɔ lɛ, tayʋʋ nabʋyʋ fɛyɩ Yuda ñɩma nɛ mbá pɛtɛkɛ Yuda ñɩma yɔ pɛ-hɛkʋ taa: patɩŋa pa-Kɩpaɣlʋ kʋɖʋm, ɛhaɣ ɛ-ñɩm mbá payaɣ-ɩ se ɛsɩnɩ-wɛ yɔ patɩŋa.

Room 10:18

Ḿbʋ́ mɔnpɔzʋʋ se: Yuda ñɩma tanɩɩ tɔm ńdʋ́ yaa we? Panɩ-tʋ. Ḿbʋ́ pama Ɛsɔtɔm Takayaɣ taa se: «Ɛyáa nɩ pa-taŋ paa le kedeŋa yɔɔ, nɛ halɩ ndʋ́ pɔyɔɔdaa yɔ, tɩtalɩ ɖooo kedeŋa tɩnaɣ yɔɔ.»

Room 16:25

Đɩsa Ɛsɔ, mbʋ́ pʋyɔɔ yɔ, ɛpɩzɩɣ ɛha-mɩ ɖoŋ nɛ ɩɖɔkɩ mɩ-tɩ ɛ-nʋmɔʋ taa. Pʋwɛ ɛzɩ paɖʋʋ Laŋhɛzɩyɛ Tɔm ndʋ́ monsusuu nɛ mɛnkɛdɩɣ ɛyáa Yesu Krɩstʋ tɔm yɔ tɩ-taa yɔ. Tɩ-taa ɛwɩlɩ-ɖʋ mbʋ́ pɩɩwɛ mɛsaɣ tɛɛ nɛ ɛtaawɩlɩ-pʋ ɛyáa ɖooo ɛzɩ ɛlabʋ kedeŋa yɔ.

Room 16:26

Lɛɛlɛɛyɔ pɩtɩŋnɩ tɔm ndʋ́ náyaa mawa yɔ tɩ-yɔɔ nɛ pukuli tɩ-yɔɔ nɛ kedeŋa yɔɔ ɛyáa kpeekpe tɩlɩ-tʋ ɛzɩ ɛnʋ Ɛsɔ weyi ɛwɛ tam yɔ ɛɖʋʋ yɔ. Pɩlabɩ ḿbʋ́ se pɛwɛnɩ lidaʋ Ɛsɔ yɔɔ nɛ pañam-ɩ.

Room 3:4

Toovenim lɛ, pɩtɛkɛ ḿbʋ́! Pʋwɛɛ se paa weyi ɛtɩlɩ se paa ɛyáa tɩŋa ɛcɛtɩɣ yɔ, Ɛsɔ ñɛkɛ toovenim tʋ. Pʋwɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Pʋwɛɛ se patɩlɩ-ŋ se ŋkɛ toovenim tʋ ñɔ-yɔɔdaɣ taa, nɛ yee pahʋʋnɩ-ŋ yɔ, ŋwakɩ.»

Room 8:3

Ɛsɔ labɩ mbʋ́ Mooyiizi paɣtʋ tapɩzɩɣ yɔ. Mbʋ́ pʋyɔɔ yɔ, wɛtʋ ndʋ́ tɩ-taa ɛyʋ wɛɛ yɔ, tiyebina nɛ paɣtʋ ńdʋ́ tɩfɛyɩ ɖoŋ: Ɛsɔ tɩŋnɩ ɛ-Pɩyalʋ weyi etiyi kedeŋa yɔɔ nɛ ɛwɛnɩ tomnaɣ ɛzɩ kɩwɛɛkɩm laɖaa ɖa yɔ ɛ-yɔɔ nɛ palaa-ɩ nɛ ɛkɔ pʋ-ñʋʋ.

Room 9:5

Pɛkɛ Abraham nɛ Izaakɩ nɛ Yakɔɔbʋ pa-sayɩnaa. Đɩkpaɣ Krɩstʋ ɛsɛ yɔɔ yɔ, ɛkɛ pe-liɖe taa tʋ. Ŋgʋ́, ɛnʋ lɛ Ɛsɔ weyi ɛkɩlɩ pɩtɩŋa payɩ yɔ. Pasam-ɩ tam. Pɩla ḿbʋ́!

1 Kɔrɛntɩ 15:47

Tɛtʋ pamanɩ kajalaɣ ɛyʋ nɛ ɛkɛ kedeŋa yɔɔ ñɩnʋ. Naalɛ tʋ yɔ, ɛ́lɛ́ ñalɩnɩ ɛsɔdaa.

1 Kɔrɛntɩ 2:7

Ɛsɔ lɔŋsɩnɖɛ nɖɩ́ ɖɩɩwɛ ɛyáa mɛsaɣ tɛɛ yɔ, ɖɩ-tɔm ɖisusuu. Tɩ-taa wɛ cukaŋ. Pʋcɔ Ɛsɔ la kedeŋa lɛ, ɛɛɖʋwa se pɩtɩŋnɩ ɖɩ-yɔɔ nɛ ɖɩwɛɛ e-koboyaɣ taa.

2 Kɔrɛntɩ 1:19

Mbʋ́ pʋyɔɔ yɔ, Ɛsɔ Pɩyalʋ Krɩstʋ Yesu weyi ma nɛ Silaasɩ nɛ Timootee ɖisusi ɛ-tɔm mɩ-hɛkʋ taa yɔ, ɛtɔyɔɔdɩ nɔsɩ naalɛ tɔm kʋɖʋmtʋ yɔɔ. Ɛlɛ́, mbʋ́ pɩkɛ toovenim yɔ «Ɛɛ» ɖeke ɛtɔŋ.

Galaatɩ 2:8

Mbʋ́ pʋyɔɔ yɔ, Ɛsɔ yeba nɛ manpɩsɩ Yesu tiyiyu nɛ etiyi-m mbá pɛtɛkɛ Yuda ñɩma yɔ pɔ-cɔlɔ ɖɔɖɔ ɛzɩ etiyuu Pɩyɛ Yuda ñɩma cɔlɔ yɔ.

Galaatɩ 4:4

Ɛlɛ́, alɩwaatʋ talaa lɛ, Ɛsɔ yele nɛ pɩtɩŋnɩ halʋ nɔɔyʋ yɔɔ nɛ palʋlɩ Ɛsɔ ɛnʋ ɛ-Pɩyalʋ nɛ Yuda ñɩma paɣtʋ wɛnɩ ɖoŋ ɛ́lɛ́ yɔɔ

Efɛɛzɩ 1:9

Pɩkɛdɩnɩ-ɩ nɛ eyele nɛ ɖɩtɩlɩ mbʋ́ ɛɛɖʋwa se ɛlakɩ nɛ pʋwɛɛ mɛsaɣ tɛɛ yɔ. Ɛ nɛ Krɩstʋ pɛ-kpɛndʋʋ taa ɛɛɖʋwa se ɛlakɩ-pʋ.

Efɛɛzɩ 6:19

Itendi-i ɖɔɖɔ mɔ-yɔɔ se eyele nɛ monkuli mɔ-nɔɔ lɛ, mantɩlɩ ndʋ́ maawɩlɩnɩ kaalɛyɩtʋ mbʋ́ pʋwɛ mɛsaɣ tɛɛ Laŋhɛzɩyɛ Tɔm taa yɔ.

Koloosi 1:23

Yee toovenim taa ɩwɛnɩ lidaʋ ḿbʋ́ nɛ ɩkpa ɖoŋ siŋŋ nɛ itelesi mɩ-ɖaŋʋʋ yɔ, pɩlakɩ ḿbʋ́. Đaŋʋʋ ḿbʋ́, Laŋhɛzɩyɛ Tɔm ndʋ́ ɩnɩwa yɔ, tɩ-yɔɔ pɩtɩŋnaa nɛ ɩɖaŋ. Ńdʋ́ posusi kedeŋa kpeekpe yɔɔ nɛ ma Pɔɔlɩ manpɩsɩ tɩ-tʋmlaɖʋ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

Koloosi 1:6

Laŋhɛzɩyɛ Tɔm ńdʋ́, tɩtalɩ mɩ-tɛ ɛzɩ tɩcɔʋ kedeŋa kpeekpe yɔɔ ɛyáa cɔlɔ nɛ tɩlabɩ-wɛ tʋmɩyɛ siŋŋ yɔ. Ḿbʋ́ ɖɔɖɔ tɩlabɩ-mɩ tʋmɩyɛ kpaɣ ɖooo kɩyakʋ ŋgʋ́ ɩnɩ Ɛsɔ lootiye tɔm nɛ ɩtɩlɩ-ɖɩ kpem yɔ.

Koloosi 2:2

Malʋkɩ ḿbʋ́ se pɩlabɩ-wɛ hʋnʋm nɛ pɔsɔɔlɩ ɖama camɩyɛ nɛ papɩsɩ ɛyʋ kʋɖʋm nɛ piyele pɛtɛzɩ wɛnaʋ lɛɣtʋ. Pʋbʋ, patɩlɩɣ mbʋ́ Ɛsɔ kɛmɛsaa yɔ: ḿbʋ́ lɛ Krɩstʋ.

2 Tesalooniki 1:10

Puwiye ńɖɩ́ lɛ, ɛkɔŋ se pɩtɩŋnɩ ɛ-ñɩma yɔɔ nɛ ɛ-hɩɖɛ sɛɛ nɛ mbá pɛwɛnɩ lidaʋ ɛ-yɔɔ yɔ, patɩŋa payɩ payɩɣyɩ-ɩ. Ŋgʋ́, mɩ mitisi aseɣɖe nɖɩ́ ɖɩlɩzaa yɔ.

2 Tesalooniki 2:7

Ɛ-kañatʋ lakasɩ nzɩ́ sɩwɛ mɛsaɣ tɛɛ yɔ, sɩtɛm pazʋʋ. Ɛlɛ́, pʋwɛɛ se weyi ɛɖɔkɩ-ɩ yɔ, pakʋsɩ-ɩ nɛ pʋcɔ sɩtalɩ.

1 Timootee 3:9

Pʋwɛɛ se pɔ́ɖɔ́kɩ lidaʋ tɔm ndʋ́ Ɛsɔ lɩzaa ɛwɩlɩ ɛ-ñɩma yɔ. Ɛlɛ́, pa-lɩmaɣza ɛtaacɛyɩ-wɛ pe-wezuu caɣʋ taa.

Ebree 1:3

Ɛnʋ wɩlɩɣnɩ Ɛsɔ koboyaɣ. Ɛnʋ ɖɔɖɔ lɛ mbʋ́ Ɛsɔ kɛnaa kpem yɔ. Ɛnʋ yekina se pɩtɩŋnɩ ɛ-tɔm ndʋ́ tɩwɛ ɖoŋ yɔ tɩ-yɔɔ nɛ mbʋ́ pɩtɩŋa payɩ pʋwɛ kedeŋa yɔɔ yɔ, pʋwɛɛ tam. Ɛtɛm ɛyáa kɩwɛɛkɩm ñalʋʋ cɩɖɩcɩɖɩ lɛ, ɛkpa ɛsɔdaa nɛ ɛcaɣ Ɛsɔ Caabiyuu cɔlɔ lone kɩbanɖɛ taa.

Ebree 12:2

Đɩkɛzɩ ɛsɛ nɛ Yesu yɔɔ: ɛnʋ sɩnɩ ɖe-lidaʋ kiɖe, ɛnʋ kɔŋnɩ-kʋ tɛzʋʋ. Etisaa nɛ pakam-ɩ kaamaŋkaɣ yɔɔ nɛ ɛsɩ. Ɛlɛ́, fɛyɛ takpa-ɩ nɛ kaamaŋkaɣ yɔɔ sɩm ḿbʋ́, mbʋ́ pʋyɔɔ yɔ, ɛnawa se ɛkɔŋ wɛʋ laŋhʋlʋmɩyɛ taa. Lɛɛlɛɛyɔ, ɛcaɣ Ɛsɔ kewiyaɣ kpelaɣ cɔlɔ lone kɩbanɖɛ taa.

Ebree 7:7

Ŋgʋ́, paa weyi ɛsɩm ḿbʋ́ se sɔsɔ wazɩɣnɩ pɩɣa yɔɔ.

Ebree 8:1

Tɔm ndʋ́ meheyiɣ-mɩ yɔ, tɩ-taa ndʋ́ tɩkɩlɩ wazaɣ yɔ lɛ se: ɖɩwɛnɩ cɔjɔ sɔsɔ nɔɔyʋ. Ɛcaɣ Ɛsɔ Đoŋ Tɩŋa Tʋ kewiyaɣ kpelaɣ cɔlɔ lone kɩbanɖɛ taa ɛsɔdaa.

1 Pɩyɛ 1:12

Ɛsɔ wɩlɩ-wɛ kpayɩ se tɔm ndʋ́ posusaɣ yɔ, pɩtɛkɛ pa-tɩ posusaɣ-tʋ. Ɛlɛ́, mɩ posusaɣ-tʋ. Lɛɛlɛɛyɔ, Laŋhɛzɩyɛ Tɔm susiyaa heyi-mɩ-tʋ. Fezuu Kiɖeɖeu ŋgʋ́ kɩlɩnɩ ɛsɔdaa yɔ, ki-ɖoŋ paba heyini-mɩ-tʋ. Halɩ Ɛsɔ tiyiyaa maɣmaɣ ñɩnaɣ se patɩlɩ-tʋ.

1 Pɩyɛ 1:20

Ɛsɔ kalɩzɩ-ɩ ɖooo lɔŋ nɛ pʋcɔ ɛla kedeŋa. Ɛlɩzɩ-ɩ nɛ ɛkɔɔ kɛtɛzaɣ alɩwaatʋ tʋnɛ tɩ-taa nɛ pʋwazɩ-mɩ.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Pɩyɛ 3:18

Toovenim lɛ, Krɩstʋ maɣmaɣ sɩbɩ ɛyáa kɩwɛɛkɩm yɔɔ kpaagbaa sɩbʋ. Ɛnʋ weyi ɛtʋʋzaa yɔ, ɛsɩbɩ mbá ɖa ɖɩtatʋʋzɩ yɔ ɖɔ-yɔɔ se ɛpɩzɩ ewoni-ɖʋ Ɛsɔ cɔlɔ. Pakʋ-ɩ nɛ ɛsɩ ɛzɩ ɛyáa sɩkʋʋ yɔ. Ɛlɛ́, Fezuu Kiɖeɖeu fezi-i.

1 Pɩyɛ 3:22

Ɛnʋ kpanɩ ɛsɔdaa nɛ ɛcaɣ Ɛsɔ cɔlɔ lone kɩbanɖɛ taa. E-nesi taa Ɛsɔ ɖʋzɩ e-tiyiyaa nɛ mbʋ́ pɩtɩŋa payɩ pʋwɛnɩ ɖoŋ ɛsɔdaa yɔ.

1 Yohanɛɛsɩ 1:2

Wezuu ŋ́gʋ́, pɩlɩzɩ-kʋ nɛ pɩwɩlɩ-ɖʋ nɛ ɖɩna-kʋ yɔɔ ɖɩlɩzɩɣ kɩ-aseɣɖe. Ŋ́gʋ́ lɛ wezuu maatɛŋ ŋgʋ́ kɩwɛ Caa Ɛsɔ cɔlɔ yɔ. Kʋ-tɔm ɖɩkɛdɩɣ-mɩ.

1 Yohanɛɛsɩ 3:5

Ŋgʋ́, ɩnawa se Yesu Krɩstʋ kɔm kedeŋa yɔɔ se ɛlɩzɩ ɛyáa pa-kɩwɛɛkɩm taa, ɛtala kɩwɛɛkɩm nabʋyʋ.

1 Yohanɛɛsɩ 3:8

Weyi ɛ́lɛ́ ñɛwɛɛ nɛ ɛlakɩ kɩwɛɛkɩm yɔ, ɛkɛ eleeu ñɩnʋ. Mbʋ́ pʋyɔɔ yɔ, ɛnʋ wɛna nɛ ɛlakɩ kɩwɛɛkɩm ɖooo ɛzɩ Ɛsɔ labʋ kedeŋa yɔ. Pʋ-yɔɔ Ɛsɔ Pɩyalʋ kɔm kedeŋa yɔɔ se ɛwɛɛkɩ mbʋ́ eleeu ɛnʋ ɛlaba yɔ.

Wɩlʋʋ 17:5

Pama e-kiɖe taa hɩɖɛ naɖɩyɛ. Paanɩɣ ɖɩ-tɔbʋʋ, ńɖɩ́ lɛ se: «Babilooni tɛtʋ sɔsɔtʋ, halaa mbá pɛpɛdɩɣ pa-tɩ yɔ nɛ kedeŋa yɔɔ azuluma po-ɖoo.»

Wɩlʋʋ 17:7

Ɛlɛ́, Ɛsɔ tiyiyu pɔzɩ-m se: «Pɩlabɩ ɛzɩma nɛ pɩɖɩɣzɩɣ-ŋ ḿbʋ́? Malɩzɩɣ-ŋ halʋ nɛ kpɩnɛ nɖɩ́ ɖɩwɛnɩ ñʋŋ lʋbɛ nɛ hɩŋ hiu nɛ ɛcaɣ-ɖɩ yɔ pɛ-mɛsaɣ tɛɛ tɔm tɔbʋʋ.

Wɩlʋʋ 7:9

Pʋwayɩ mantasɩ cɔnaʋ lɛ, manaɣ ɛyáa samaɣ nakɛyɛ, kɔɖɔwa pɩtɩɩfɛyɩ, kɛfɛyɩ kalʋʋ: ajɛya kpeekpe nɛ cejewee tɩŋa taa ɛyáa nɛ samaɣ tɩŋa nɛ kʋnʋmɩŋ tɩŋa. Pasɩŋ kewiyaɣ kpelaɣ nɛ Heɣa pɛ-ɛsɩndaa. Posu tokonaa kʋhʋlʋmaa waa waa nɛ pɔ́ɖɔ́kɩ paatʋ pe-nesi taa