1 Timootee 3:13 - New Testament

¹³ Mbʋ́ pʋyɔɔ yɔ, tayɩyaa mbá palakɩ pa-tʋmɩyɛ camɩyɛ yɔ, paɖʋʋ-wɛ hɩɖɛ, pa-laŋɩyɛ ɛɛmaɣnɩ pʋyʋ Ɛsɔ ɛsɩndaa. Mbʋ́ pʋyɔɔ yɔ, pɛwɛnɩ lidaʋ Krɩstʋ Yesu yɔɔ.

1 Timootee 3:13 ပူးပေါင်းရင်းမြစ်များ

Maatiyee 20:28

Halɩ Ɛyʋ Pɩyalʋ tɔkɔɔ se ɛyáa ɛlabɩ-ɩ tʋmɩyɛ. Ɛlɛ́, ɛkɔma se ɛlabɩ-wɛ tʋmɩyɛ nɛ ɛkpaɣ ɛ-maɣmaɣ ɛ-tɩ ɛhɛyɩ pɔ-yɔɔ nɛ puholi pa-taa sakɩyɛ.»

Maatiyee 25:21

Peeɖe ɛ-caa yɩɣyɩ-ɩ nɛ eheyi-i se: ‹Pʋwɛ ɖeu. Ŋkɛ tʋmlaɖʋ kɩbanʋ. Mɛncɛlɩ-ŋ mbʋ́ pʋwɛɛ ñɩɩɩ yɔ nɛ ŋɖɔkɩ-pʋ camɩyɛ nɛ ŋlabɩnɩ-pʋ mbʋ́ pʋpɔzʋʋ yɔ. Pʋ-yɔɔ lɛ, meyekini-ŋ mbʋ́ pʋɖɔwa pɩtɩɩfɛyɩ yɔ. Kɔɔ nɛ ma nɛ ŋ ɖɩwɛɛ laŋhʋlʋmɩyɛ taa.›

Luka 19:17

Ɛlɛ́, wiyaʋ heyi-i se: ‹Pʋwɛ ɖeu, ŋkɛ tʋmlaɖʋ kɩbanʋ. Đenɖe ŋlabɩ mbʋ́ pʋpɔzʋʋ yɔ cikpem taa yɔ, ŋtɔkɩ kewiyaɣ tɛtʋ hiu taa.›

Tʋma Labʋ 21:35

Patalɩ tendemee yɔɔ lɛ, pʋpɔzɩ se sɔɔjanaa ɛkpaɣ-ɩ ɛyáa samaɣ helu helu lakasɩ yɔɔ.

Tʋma Labʋ 6:15

Mbá patɩŋa paawɛ tɔm ɖɩhʋyɛ peeɖe yɔ, paakpɛzɩ ɛsɛ nɛ pɔcɔŋnɩ Etiyɛɛnɩ, nɛ pana ɛ-ɛsɩndaa. Ɛ-ɛsɩndaa kɛwɛ ɛzɩ Ɛsɔ tiyiyu nɔɔyʋ ɛsɩndaa yɔ.

Tʋma Labʋ 6:5

Peeɖe tɔm ńdʋ́ tɩlabɩ patɩŋa leleŋ nɛ palɩzɩ pa-taa abalaa lʋbɛ ɛzɩ peheyuu-wɛ yɔ. Ḿbá yɔ: Etiyɛɛnɩ, abalʋ ɛnʋ, ɛwɛnɩ lidaʋ Ɛsɔ yɔɔ siŋŋ nɛ ɛ́lɛ́ Fezuu Kiɖeɖeu wɛɛ ɛ-yɔɔ nɛ Filiipu nɛ Prokɔɔrɩ nɛ Nikaanɔɔrɩ nɛ Tiimɔɔ nɛ Parmenaasɩ nɛ Antɩyɔɔsɩ tʋ Niikolaa weyi ɛsɛɣaɣ Ɛsɔ ɛzɩ Yuda ñɩma nɛ pʋcɔ ɛpɩsɩ Yesu wayɩ tɩŋɩyʋ yɔ.

Tʋma Labʋ 6:8

Ɛsɔ kawazɩ Etiyɛɛnɩ yɔɔ nɛ ɛha-ɩ ɖoŋ nɛ ɛwɩlɩɣnɩ kawɩlɩsɩ nɛ ɛlakɩ hama lakasɩ sɔsɔsɩ ɛyáa hɛkʋ taa.

1 Kɔrɛntɩ 16:15

Taabalaa, ɩnawa se Stefanaasɩ nɛ ɛ-hɔʋ taa ñɩma pacalɩnɩ kɛʋ Krɩstʋ ñɩma Akayɩ egeetiye taa nɛ palakɩ Ɛsɔ ñɩma tʋmɩyɛ. Pʋ-yɔɔ mentendiɣ-mɩ se:

Filiipu 1:14

Đɔɖɔ lɛ, mbá pɛkɛ ɖa-taabalaa pa nɛ Kɩpaɣlʋ pɛ-kpɛndʋʋ yɔɔ yɔ, pa-taa sakɩyɛ nawa se mɛwɛ salaka taa lɛ, pɩlabɩ-wɛ hʋnʋm nɛ pɛtɛzɩɣ susuu Ɛsɔtɔm kaalɛyɩtʋ.

1 Tesalooniki 2:2

Ɩtɛm naʋ ɖɔɖɔ se pʋcɔ ɖɩtalɩ mɩ-tɛ lɛ, ɖɩɩlaba kʋñɔŋ siŋŋ nɛ patʋʋ-ɖʋ Filiipu tɛtʋ taa. Đɔɖɔ lɛ, ɛyáa cɛyaɣ-ɖʋ siŋŋ mɩ-tɛ. Paa ḿbʋ́ yɔ, Ɛsɔ yeba nɛ ɖisusi-mɩ ɛ-Laŋhɛzɩyɛ Tɔm kaalɛyɩtʋ.

1 Timootee 3:14

Mamaɣ-ŋ takayaɣ kanɛ, ɛlɛ́, mamaɣzɩɣ se mɔnkɔŋ ñɛ-tɛ alɩwaatʋ tʋnɛ tɩ-taa.

2 Timootee 2:1

Yee ḿbʋ́ ña man-pɩɣa lɛ, tɩŋnɩ lootiye nɖɩ́ palabɩ-ɖʋ ɖa nɛ Krɩstʋ Yesu ɖɛ-kpɛndʋʋ taa yɔ ɖɩ-yɔɔ nɛ ŋkpa ɖoŋ.

Ebree 6:10

Ɛsɔ lɛ weyi ɛhʋʋ tɔm nɛ toovenim yɔ. Ɛɛsɔʋ mɩ-camɩyɛ lakasɩ yɔɔ. Ɛɛsɔʋ ɖɔɖɔ sɔɔlɩm mbʋ́ ɩsɔɔlɩ-ɩ nɛ ɩtɩŋɩɣnɩ pʋ-yɔɔ nɛ ɩsɩŋnɩ ɛ-ñɩma yɔ pʋyɔɔ. Ḿbʋ́ ɖɔɖɔ ɩwɛɛ ɩlakɩ lɛɛlɛɛyɔ.