1 Timootee 3:11 - New Testament

¹¹ Pʋwɛɛ se pa-halaa ɛkɛ ɖɔɖɔ ɛyáa kʋtʋʋzaa. Pataayɔɔdʋʋ ɛyáa tɔm, pɛ-ɛsɛ ekuli nɛ pala paa ɛbɛ ɛzɩ pʋpɔzʋʋ yɔ.

1 Timootee 3:11 ပူးပေါင်းရင်းမြစ်များ

Maatiyee 4:1

Pʋwayɩ lɛ, Fezuu Kiɖeɖeu tolisi Yesu nɛ kiwoni-i lakʋ taa se Satanɩ ɛtakɩ-ɩ.

Yohanɛɛsɩ 6:70

Ɛlɛ́ Yesu pɔzɩ-wɛ se: «Pɩtɛkɛ malɩzɩnɩ mi-hiu nɛ naalɛ yaa we? Ŋgʋ́, mɩ-taa lɛlʋ kɛ eleeu!»

Room 1:29

Ḿbʋ́ suni pa-taa ɖo. Ḿbʋ́ lɛ: mbʋ́ pɩtatʋʋzɩ yɔ pɩtɩŋa nɛ kɩdɛkɛdɩm nɛ ɛsɛ naɣnaɣ nɛ kañatʋ nɛ ɛsɩsɛmɩyɛ nɛ ɛyáa kʋʋ nɛ eyoziye nɛ ɛyáa cɛtʋʋ nɛ ɛzaɣ́tʋ nɛ ɛyáa tɔm yɔɔdʋʋ.

1 Timootee 1:12

Mansaŋ ɖa-Kɩpaɣlʋ Krɩstʋ Yesu weyi ɛha-m ɖoŋ se malabɩnɩ ɛ-tʋmɩyɛ yɔ. Mansaŋ-ɩ ɛzɩma mbʋ́ ɛnawa se malakɩ mbʋ́ pʋpɔzʋʋ yɔ nɛ ɛlɩzɩ-m se mɛnkɛ ɛ-tʋmlaɖʋ yɔ pʋ-yɔɔ.

1 Timootee 3:2

Pʋwɛɛ se weyi ɛlakɩ tʋmɩyɛ ńɖɩ́ yɔ, kawanaɣ nakɛyɛ ɛtaawɛɛ ɛ-yɔɔ. Ɛwɛnɩ halʋ kʋɖʋm koŋ, ɛ-ɛsɛ ekuli. Ɛkɛ ɛyʋ weyi ɛmaɣzɩɣ nɛ pʋcɔ ɛla pʋyʋ yɔ, ɛla mbʋ́ pʋmʋnaa yɔ, ɛmʋ agɔmaa camɩyɛ. Pʋwɛɛ se ɛtɩlɩ ɛzɩma mbʋ́ pawɩlɩɣ Ɛsɔtɔm yɔ.

1 Timootee 6:2

Yom weyi ɛ-caa kɛ Krɩstʋ tʋ yɔ, pʋwɛɛ se yom ɛnʋ, ɛtaaniɣzi-i se ɛkɛ ɛ-taabalʋ yɔ, ɛ nɛ ɩ pɛwɛ kɩmaŋ. Ɛlɛ́, pʋwɛɛ se ɛlabɩ-ɩ tʋmɩyɛ camɩyɛ. Mbʋ́ pʋyɔɔ yɔ, weyi ɛlakɩ-ɩ tʋmɩyɛ ńɖɩ́ yɔ, ɛkɛ Krɩstʋ tʋ nɛ taabalʋ kʋsɔɔlʋ. Tɔm ndʋ́ meheyi-ŋ lɛɛlɛɛyɔ yɔ, pʋwɛɛ se ŋwɩlɩ-tʋ ɛyáa nɛ ŋsazɩnɩ-wɛ.

2 Timootee 3:3

Pa-paa ɛɛwɛɣnɩ pʋyʋ, paasɩŋ pʋtɔdɩyɛ, pɛwɛɛkɩɣ ɛyáa hɩla, paasɩŋ pa-tɩ ɖɔkʋʋ, pɛwɛɣ ñaŋ nɛ pɛkɛ mbʋ́ pʋwɛ ɖeu yɔ pu-koyindinaa.

2 Timootee 4:5

Piyele ña lɛ, ɖɔkɩ ña-tɩ camɩyɛ pɩtɩŋa pɩ-taa. Tisi nɛ ŋtɔɔ kʋñɔŋ, la Laŋhɛzɩyɛ Tɔm susuu tʋmɩyɛ, la tʋmɩyɛ nɖɩ́ Ɛsɔ ɖʋ-ŋ yɔ ɖɩtɩŋa.

Tiiti 2:3

Halaa akpadɩyaa lɛ, heyi paba se pacaɣ wezuu ɛzɩ pʋmʋnaʋ se Ɛsɔ ñɩma ɛcaɣ yɔ. Pɩtamʋnɩ se pɛwɛɛkɩɣ ɛyáa hɩla yaa pɛkɛ sʋlʋm yomaa. Ɛlɛ́, pʋwɛɛ se patasɩ ɛyáa tɔm kɩbandʋ.

Tiiti 3:2

Pataawɛɛkɩ nɔɔyʋ hɩɖɛ, pataacaa tɔm. Ɛlɛ́, pʋwɛɛ se pɔ́ɖɔ́kɩ pɔ-hɔ nɛ pa nɛ lɛlaa pʋwɛɛ leleŋ tam.

1 Pɩyɛ 5:8

Ɩcaɣnɩ mɩ-ɛsɛ! Ɩwɛɛ kpekpeka! Mi-koyindu Satanɩ wɛɛ ɛcɔʋ. Ɛñɩnɩɣ se ɛkpa nɔɔyʋ ɛzɩ ñɔɔsɩ wɩɣʋ tɔɔyʋʋ nɛ kɩmakɩ kubusi nɛ kɩñɩnɩɣ pʋyʋ se kʋtɔɔ yɔ.