1 Timootee 2:8 - New Testament

⁸ Pʋ-yɔɔ me-liu wɛɛ se abalaa ɛsɛɣ Ɛsɔ paa le lɛ, pakpazɩ pe-nesi ɛsɔdaa. Ɛlɛ́, kɩwɛɛkɩm nabʋyʋ ɛtaawɛɛ pɔ-yɔɔ. Nɔɔyʋ pana ɛtaakpanɩ lɛlʋ, you ɛtaawɛɛ ɖɔɖɔ.

1 Timootee 2:8 ပူးပေါင်းရင်းမြစ်များ

Maatiyee 21:21

Peeɖe ecosi-wɛ se: «Toovenim lɛ, mankaɖɩɣ-mɩ se yee ɩwɛnɩ lidaʋ Ɛsɔ yɔɔ nɛ ɩɩpʋtʋʋ yɔ, ɩpɩzɩɣ ɩla mbʋ́ malabɩ hiyuú ŋ́gʋ́ yɔ. Ɛlɛ́, pɩɩsɩɣnɩ pi-ɖeke, halɩ ɩpɩzaɣ se iheyi pʋʋ kʋnɛ se: ‹Kpɛzɩ peeɖe nɛ ŋwolo ŋtɔlɩ teŋgu taa› nɛ pɩla ḿbʋ́ ɖɔɖɔ.

Maatiyee 5:44

Ɛlɛ́, ma meheyiɣ-mɩ se: ɩsɔɔlɩ mi-koyindinaa nɛ ɩsɛɛ Ɛsɔ mbá pɛwɛ mɩ-wayɩ kaŋ kaŋ yɔ pɔ-yɔɔ

Maatiyee 6:12

Kpeɣ-ɖʋ ɖa-kɩwɛɛkɩm ɛzɩ ɖikpeɣu ɖɔɖɔ mbá payʋsɩnɩ-ɖʋ yɔ.

Luka 23:34

Ɛlɛ́, Yesu tɔ se: «Caa! Kpeɣ-wɛ pa-kɩwɛɛkɩm, patasɩ mbʋ́ palakɩ yɔ.» Alɩwaatʋ ńdʋ́ lɛ, paɖʋwaɣ miika se patayɩ ɖama e-wondu.

Luka 24:50

Pʋwayɩ lɛ, Yesu woni-wɛ Betaanii tɛtʋ cɔlɔ. Peeɖe ɛkpazɩ e-nesi nɛ ɛwazɩɣ pɔ-yɔɔ.

Yohanɛɛsɩ 4:21

Peeɖe Yesu heyi-i se: «Halʋ ña! Tisi se alɩwaatʋ natʋyʋ kɔŋ nɛ paatasɩɣ Caa Ɛsɔ tɛɛ luŋuu pʋʋ kʋnɛ kʋ-yɔɔ yaa Yeruusalɛm. Ɛlɛ́, poluŋuu ɛ-tɛɛ paa le.

Tʋma Labʋ 10:2

Ɛlakaɣ mbʋ́ Ɛsɔ liu wɛɛ yɔ nɛ ɛ nɛ ɛ-hɔʋ taa ñɩma tɩŋa payɩ pañaŋ Ɛsɔ. Ɛsɩŋaɣnɩ Yuda ñɩma kʋñɔndɩnaa siŋŋ nɛ ɛpaŋ Ɛsɔ sɛʋ.

Tʋma Labʋ 10:31

nɛ eheyi-m se: ‹Kɔɔrnɛɛyɩ! Ɛsɔ nɩ ñe-tenduu nɛ ɛna sɩnaʋ mbʋ́ ŋsɩŋnɩ kʋñɔndɩnaa yɔ.

Tʋma Labʋ 10:4

Peeɖe ɛcɔnɩ tiyiyu ɛnʋ nɛ sɔɔndʋ kpa-ɩ nɛ ɛpɔzɩ-ɩ se: «Kɩpaɣlʋ! Alaafɩya lɛ?» Ɛ́lɛ́ cosi-i se: «Ɛsɔ nɩ ñe-tenduu nɛ ɛna sɩnaʋ mbʋ́ ŋsɩnɩ kʋñɔndɩnaa yɔ, ɛɛsɔʋ ñɔ-yɔɔ.

Tʋma Labʋ 21:5

Ɛlɛ́, kpɩtaʋ ŋ́gʋ́ kʋkɔm kɩɖɛɛ lɛ, ɖɩɖaɣnɩ ɖa-nʋmɔʋ pazʋʋ. Đɩɖɛɣaɣ lɛ, pasɩɩ-ɖʋ patɩŋa, pa nɛ pa-halaa nɛ pe-piya nɛ palɩnɩ-ɖʋ tɛtʋ wayɩ. Peeɖe ɖiluŋ ɖa-nʋmbɔla yɔɔ teŋgu nɔɔ nɛ ɖɩsɛɛ Ɛsɔ.

Tʋma Labʋ 7:60

Peeɖe eluŋ ɛ-nɩmbɔla yɔɔ nɛ ɛma kubuka ɖoŋ se: «Kɩpaɣlʋ! Taakpaɣ pa-kɩwɛɛkɩm nɛ ŋlabɩnɩ tʋmɩyɛ!» Ɛtɛm yɔɔdʋʋ ḿbʋ́ lɛ, ɛhɛɛ.

1 Kɔrɛntɩ 1:2

Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ. Ɛya-mɩ se pɩtɩŋnɩ Krɩstʋ yɔɔ nɛ ɩcaɣ wezuu ɛzɩ pɩkɛdɩnaʋ-ɩ yɔ. Pɩtɩŋnɩ mɩ nɛ Krɩstʋ Yesu mɩ-kpɛndʋʋ yɔɔ nɛ ɩkɛ ɛ-ñɩma. Đɩmaɣ-kɛ mɩ nɛ mbá patɩŋa payɩ pɛwɛ paa le nɛ payaɣ ɖa-Kɩpaɣlʋ Yesu Krɩstʋ hɩɖɛ yɔ. Yesu Krɩstʋ lɛ pa-Kɩpaɣlʋ. Ɛnʋ ɖɔɖɔ lɛ ɖa-Kɩpaɣlʋ.

1 Kɔrɛntɩ 7:7

Ma me-liu kɛwɛɛ se ɛyáa tɩŋa payɩ ɛcaɣ ḿbʋ́ ɛzɩ ma yɔ. Ɛlɛ́, Ɛsɔ labɩ ɛyáa kʋjɔŋ ndɩ ndɩ. Paa weyi ɛ nɛ ɛ-ñɩŋgʋ.

2 Kɔrɛntɩ 2:14

Pʋwɛɛ se ɖɩsa Ɛsɔ se eyeba pɩtɩŋna ɖa nɛ Krɩstʋ ɖɛ-kpɛndʋʋ yɔɔ nɛ ɖɩwakɩ tam. Mbʋ́ pʋyɔɔ yɔ, eyeki se pɩtɩŋnɩ ɖɔ-yɔɔ nɛ ɛyáa sɩm-ɩ paa le ɛzɩ tɩlaaɖɩ sɔzɩŋ ñɛyʋʋ yɔ.

Filiipu 1:12

Taabalaa! Mancaɣ se ɩtɩlɩ se mbʋ́ pɩtalɩ-m yɔ, halɩ piyeba nɛ ɖɩtɛzɩɣ Laŋhɛzɩyɛ Tɔm susuu.

1 Tesalooniki 1:8

Mbʋ́ pʋyɔɔ yɔ, Kɩpaɣlʋ tɔm lɩnɩ mɩ-tɛ nɛ tɩcɔʋ ageeta ana a-taa. Ɛlɛ́, pɩtasɩɩnɩ a-taa ɖeke, tɩcɔ paa le nɛ ɛyáa na ɛzɩma mbʋ́ ɩwɛnɩ lidaʋ Ɛsɔ yɔɔ yɔ. Pʋ-yɔɔ lɛ, pɩtacazɩ pɔzʋʋ se ɖɩyɔɔdɩ ɖɔɖɔ.

1 Timootee 5:14

Pʋ-yɔɔ me-liu wɛɛ se paɖaɣnɩ walʋʋ nɛ palʋlɩ piya nɛ pɔcɔnɩ pa-ɖɩsɩ yɔɔ nɛ pataaha koyindinaa waɖɛ nɛ pɔyɔɔdɩ tɔm ɛzaɣ́tʋ.

Tiiti 3:8

Tɔm ńdʋ́, tʋmʋnaa se pataa-tʋ liu. Mancaɣ se ŋwɛɛ tɩ-yɔɔ ɖoŋ nɛ mbá pɛwɛnɩ lidaʋ Ɛsɔ yɔɔ yɔ, paka ñʋʋ nɛ pala tʋma kɩbana ɛzɩma mbʋ́ pʋpɔzʋʋ yɔ. Ŋnawa, ḿbʋ́ wɛnɩ ɖeu nɛ pʋwɛɛ ɛyáa wazaɣ.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Yakubu 4:8

Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.

1 Pɩyɛ 3:7

Mɩ walaa lɛ, ḿbʋ́ ɖɔɖɔ pʋwɛnɩ-mɩ: pʋwɛɛ se paa weyi ɛ́ɖɔ́kɩ ɛ-halʋ camɩyɛ. Ɩtɩlɩ se halaa fɛyɩ ɖoŋ ɛzɩ mɩ yɔ. Ɩɖʋ-wɛ hɩɖɛ, mbʋ́ pʋyɔɔ yɔ, wezuu ŋgʋ́ Ɛsɔ ha-mɩ falaa yɔ, mɩ nɛ wɛ ɛha-kʋ. Yee ɩlakɩ ḿbʋ́ yɔ, nabʋyʋ ɛɛcɛyɩɣ-mɩ mɩ-Ɛsɔ sɛʋ taa.