1 Timootee 2:7 - New Testament

⁷ Pʋ-yɔɔ palɩzɩ man-tɩ tɩŋa se mɛnkɛ Ɛsɔtɔm susiyu nɛ mɛntɛ mɛnkɛ Krɩstʋ tiyiyu. Mɔyɔɔdʋʋ toovenim, maacɛtɩɣ. Paɖʋ-m se mawɩlɩ mbá pɛtɛkɛ Yuda ñɩma yɔ toovenim nɛ lidaʋ pɔ-tɔm.

1 Timootee 2:7 ပူးပေါင်းရင်းမြစ်များ

Yohanɛɛsɩ 7:35

Ɛlɛ́, Yuda ñɩma pɔzʋʋ ɖama se: «Le ewoki nɛ ɖɩɩpɩzɩɣ se ɖɩna-ɩ? Yaa ewoki Yuda ñɩma mbá pamɩzɩ ɖama Grɛɛkɩ ñɩma ɛjaɖɛ taa yɔ pɛ-tɛ se ɛwɩlɩ-wɛ?

Tʋma Labʋ 14:27

Patalaa lɛ, pekpeɣli Krɩstʋ ŋgbɛyɛ taa ñɩma nɛ pɛkɛdɩ-wɛ mbʋ́ pɩtɩŋa Ɛsɔ tɩŋnɩ pɔ-yɔɔ nɛ ɛla yɔ nɛ ɛzɩma mbʋ́ ɛha mbá pɛtɛkɛ Yuda ñɩma yɔ waɖɛ nɛ pɛwɛnɩ lidaʋ Yesu yɔɔ yɔ.

Tʋma Labʋ 22:21

Peeɖe eheyi-m se: ‹Kʋyɩ! Mentiyiɣ-ŋ poliŋ, mbá pɛtɛkɛ Yuda ñɩma yɔ pɔ-cɔlɔ.› »

Tʋma Labʋ 26:20

Ɛlɛ́, Damaasɩ ñɩma manpazɩnɩ Ɛsɔtɔm susuu. Pʋwayɩ lɛ, monsusi-tʋ ɖɔɖɔ Yeruusalɛm ñɩma nɛ Yudee egeetiye taa ñɩma tɩŋa nɛ ajɛya lɛɛna taa ñɩma. Meheyi-wɛ se pɛlɛɣzɩ wɛtʋ nɛ papɩsɩnɩ Ɛsɔ yɔɔ nɛ pala mbʋ́ pɩwɩlɩɣ se toovenim pɛlɛɣzɩ wɛtʋ yɔ.

Tʋma Labʋ 9:15

Ɛlɛ́, Kɩpaɣlʋ heyi-i se: «Kʋyɩ ŋwolo, mbʋ́ pʋyɔɔ yɔ, malɩzɩnɩ-ɩ se pɩtɩŋnɩ ɛ-yɔɔ nɛ ajɛya lɛɛna taa ñɩma nɛ pa-awiya sɔsɔna nɛ Izrɛɛlɩ ñɩma pasɩm-m.

Room 1:9

Ɛsɔ weyi malakɩ ɛ-tʋmɩyɛ nɛ ma-lɩmaɣza tɩŋa nɛ monsusuu ɛ-Pɩyalʋ Laŋhɛzɩyɛ Tɔm yɔ, ɛnawa se mɛwɛɛ mamaɣzɩɣ mɩ-yɔɔ

Room 10:14

Ɛlɛ́, ɛzɩma papɩzɩɣ payaa-ɩ se ɛsɩnɩ-wɛ nɛ pɛfɛyɩnɩ lidaʋ ɛ-yɔɔ? Ɛzɩma papɩzɩɣ pɛwɛnɩ lidaʋ ɛ-yɔɔ nɛ patanɩɩ ɛ-tɔm nɔɔyʋ cɔlɔ? Ɛzɩma papɩzɩɣ panɩɩ ɛ-tɔm nɛ nɔɔyʋ tosusi-tʋ?

Room 11:13

Mbá mɩ ɩtɛkɛ Yuda ñɩma yɔ, mɩ mɔyɔɔdʋʋnɩ lɛɛlɛɛyɔ: ma lɛ Krɩstʋ tiyiyu weyi ɛlakɩ tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa yɔ. Pʋ-yɔɔ lɛ, mamaɣzɩɣ se man-tʋmɩyɛ wɛ wazaɣ siŋŋ.

Room 15:16

Ɛlabɩ-m-ɖɩ se mɛnkɛ Krɩstʋ Yesu tʋmlaɖʋ nɛ mansɩnɩ mbá pɛtɛkɛ Yuda ñɩma yɔ alɩwaatʋ ndʋ́ monsusuu-wɛ Laŋhɛzɩyɛ Tɔm ndʋ́ tɩlɩnɩ Ɛsɔ ɛnʋ ɛ-cɔlɔ yɔ. Mɛwɛ ɛzɩ cɔjɔ nɛ ḿbá ñɛwɛɛ ɛzɩ kɩlaʋ kpɩnɛ nɖɩ́ ɖɩkɛdɩnɩ Ɛsɔ nɛ e-Fezuu Kiɖeɖeu kɛzɩ-ɖɩ nɛ hɔɔlʋʋ nɛ ɖɩkɛ ɛ-ñɩnɖɛ yɔ.

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

1 Kɔrɛntɩ 9:1

Ma yɔ, mɛnfɛyɩ man-tɩ yɔɔ yaa we? Mɛntɛkɛ Krɩstʋ tiyiyu naa we? Mantana ɖa-Kɩpaɣlʋ Yesu yaa we? Ɩtɛkɛ Kɩpaɣlʋ tʋmɩyɛ nɖɩ́ malaba yɔ ɖɩ-kɛzɛɣa naa we?

2 Kɔrɛntɩ 11:31

Ɛsɔ weyi ɛkɛ Kɩpaɣlʋ Yesu Caa yɔ, ɛnawa se maacɛtɩɣ! Pasam-ɩ tam!

Galaatɩ 1:16

se ɛlɩzɩɣ ɛ-Pɩyalʋ ɛwɩlɩ-m nɛ meheyi mbá pɛtɛkɛ Yuda ñɩma yɔ ɛ-Pɩyalʋ ɛnʋ ɛ-tɔm lɛ, mɔntɔpɔzɩ nɔɔyʋ se ɛtasɩ-m tɔm natʋyʋ.

Galaatɩ 1:20

Ɛsɔ maɣmaɣ nawa se tɔm ndʋ́ meheyiɣ-mɩ yɔ tɩkɛ toovenim, maacɛtɩɣ-mɩ.

Galaatɩ 2:16

Đɩnawa se pɩtɛkɛ weyi ɛɖɔŋ paɣtʋ ńdʋ́ tɩ-yɔɔ yɔ lɛ kʋtʋʋzʋ Ɛsɔ ɛsɩndaa. Ɛlɛ́, weyi ɛwɛnɩ lidaʋ Krɩstʋ Yesu yɔɔ yɔ lɛ kʋtʋʋzʋ. Pʋ-yɔɔ ɖa ɖɔɖɔ ɖɩwɛnɩ lidaʋ ɛ-yɔɔ se pɩtɩŋnɩ kʋ-yɔɔ nɛ ɖɩkɛ kʋtʋʋzaa Ɛsɔ ɛsɩndaa. Ɛlɛ́, pɩtaakɛna se ɖɩɖɔŋ paɣtʋ yɔɔ yɔɔ. Mbʋ́ pʋyɔɔ yɔ, nɔɔyʋ ɛɛkɛɣ kʋtʋʋzʋ Ɛsɔ ɛsɩndaa se ɛɖɔŋ ɛ-paɣtʋ yɔɔ.

Galaatɩ 2:9

Yakubu nɛ Pɩyɛ nɛ Yohanɛɛsɩ mbá Krɩstʋ ñɩma kpakaɣ se pɛkɛ sɔsaa yɔ, peɖiɣzinaa se Ɛsɔ ɖʋzɩnɩ tʋmɩyɛ ńɖɩ́ me-nesi taa. Ḿbʋ́ labɩna nɛ paha ma nɛ Barnaabaasɩ nesi nɛ pɩwɩlɩ se ɖa nɛ wɛ ɖɩkpɛndaa ɖɩla nɔɔ kʋɖʋmaɣ. Ḿbʋ́ ɖatɩŋa ɖɩnɩnɩ ɖama nɛ ma nɛ Barnaabaasɩ ɖiwolo ɖɩla tʋmɩyɛ mbá pɛtɛkɛ Yuda ñɩma yɔ pɛ-hɛkʋ taa nɛ piyele ḿbá ñowolo Yuda ñɩma cɔlɔ.

Galaatɩ 3:9

Ɛzɩma mbʋ́ Abraham wɛnɩ lidaʋ Ɛsɔ yɔɔ nɛ Ɛsɔ ɛnʋ ɛwazɩ ɛ-yɔɔ yɔ, ḿbʋ́ ɖɔɖɔ ɛkɔŋ wazʋʋ mbá patɩŋa payɩ pɛwɛnɩ lidaʋ ɛ-yɔɔ yɔ pɔ-yɔɔ.

2 Timootee 1:11

Laŋhɛzɩyɛ Tɔm ńdʋ́, tɩ-taa Ɛsɔ ɖʋ-m se mɛnkɛ Yesu tiyiyu nɛ mɛntɛ mɛnkɛ wɩlɩyʋ nɛ mɛntɛ mɛnkɛ ti-susiyu.

2 Pɩyɛ 2:5

Ɛsɔ tohuuzi caánaʋ́ taa ñɩma yɔɔ ɖɔɖɔ: eyeba nɛ tɛʋ nɩɩ nɛ lɩm su kedeŋa kpeekpe nɛ pʋkʋ mbá paañaŋ-ɩ yɔ. Ɛyáa lutozo ɖeke koŋ ñʋʋ ɛyaba. Pa-taa lɛlʋ lɛ Nowee weyi eesusi ɛyáa se pala mbʋ́ pʋtʋʋzaa yɔ.