1 Timootee 2:2 - New Testament

² Ɩla ḿbʋ́ ɖɔɖɔ awiya nɛ ñʋndɩnaa patɩŋa payɩ pɔ-yɔɔ nɛ ɖɩpɩzɩ ɖɩcaɣ wezuu laŋhɛzɩyɛ taa fɛɛɛ nɛ ɖɩña Ɛsɔ camɩyɛ nɛ ɖɩla mbʋ́ pʋmʋnaa yɔ.

1 Timootee 2:2 ပူးပေါင်းရင်းမြစ်များ

Luka 1:6

Pe-wezuu caɣʋ wɛ ɖeu Ɛsɔ ɛsɩndaa nɛ pɔɖɔŋ Kɩpaɣlʋ paɣtʋ tɩŋa yɔɔ camɩyɛ, natʋyʋ fɛyɩ se paawanɩ-wɛ.

Luka 2:25

Alɩwaatʋ ńdʋ́ lɛ, abalʋ nɔɔyʋ wɛ Yeruusalɛm, payaɣ-ɩ se Siimeyɔɔ. Ɛɛkɛ ɛyʋ kʋtʋʋzʋ nɛ ɛlakɩ mbʋ́ Ɛsɔ liu wɛɛ yɔ. Ɛɛɖaŋ weyi ɛkɔŋ hɛzʋʋ Izrɛɛlɩ ñɩma laŋa yɔ. Fezuu Kiɖeɖeu kɛwɛ ɛ-cɔlɔ

Tʋma Labʋ 10:22

Pocosi-i se: «Sɔɔjanaa ñʋʋdʋ Kɔɔrnɛɛyɩ tiyini-ɖʋ. Ɛkɛ ɛyʋ kʋtʋʋzʋ, ɛñaŋ Ɛsɔ nɛ Yuda ñɩma tɩŋa lɩzɩɣ aseɣɖe kɩbanɖɛ ɛ-yɔɔ. Ɛsɔ tiyiyu nɔɔyʋ heyi-i se ɛya-ŋ nɛ ŋwolo ɛ-tɛ nɛ ŋheyi-i ña-taa tɔm.»

Tʋma Labʋ 24:16

Pʋ-yɔɔ mañakɩ pana se man-taa ɛwɛɛ ɖeu Ɛsɔ nɛ ɛyáa pɛ-ɛsɩndaa tam.

Room 12:18

Ɩñaɣ pana ɛzɩma mbʋ́ ɩpɩzɩɣ yɔ nɛ mɩ nɛ ɛyáa tɩŋa payɩ pʋwɛɛ leleŋ.

Filiipu 4:8

Taabalaa! Ndʋ́ mɛntɛzɩɣnɩ-mɩ yɔ lɛ se: ɩmaɣzɩ mbʋ́ pʋwɛ ɖeu nɛ pʋmʋna se pasam-pʋ yɔ pʋ-yɔɔ. Ḿbʋ́ yɔ: mbʋ́ pɩtɩŋa payɩ pɩkɛ toovenim yɔ nɛ mbʋ́ pʋmʋnaa se pañam-pʋ yɔ nɛ mbʋ́ pʋtʋʋzaa yɔ nɛ mbʋ́ pʋwɛ cɩɖɩcɩɖɩ yɔ nɛ mbʋ́ pʋmʋnaa se pɔsɔɔlɩ-pʋ yɔ nɛ mbʋ́ pʋmʋnaa se payɩɣyɩ-pʋ yɔ nɛ mbʋ́ pʋmʋnaa se palabɩ-pʋ yɔ nɛ mbʋ́ pʋbʋ mʋnaa se paɖʋ-pʋ hɩɖɛ yɔ. Ɩmaɣzɩ pʋ-yɔɔ camɩyɛ.

1 Tesalooniki 4:11

Ɩñaɣ pana nɛ ɩwɛɛ laŋhɛzɩyɛ taa fɛɛɛ nɛ ɩnɩɩnɩ mɩ-maɣmaɣ mɩ-tɔm nɛ ɩla tʋma nɛ mi-nesi ɛzɩ ɖɩtɛm-mɩ heyuu yɔ.

Ebree 12:14

Ɩñaɣ pana nɛ mɩ nɛ paa weyi mɩ-laŋa hɛnɩ ɖama nɛ ɩcaɣ wezuu ɛzɩ Ɛsɔ liu wɛʋ yɔ. Pɩtɛkɛ ḿbʋ́, ɛyʋ ɛɛpɩzɩɣ ɛna Kɩpaɣlʋ.