1 Timootee 2:1 - New Testament

¹ Lɛɛlɛɛyɔ, mbʋ́ mancalɩɣ ɛyáa heyuu yɔ lɛ se: pɛsɛɛ Ɛsɔ nɛ petendi-i nɛ pasam-ɩ ɛyáa kpeekpe yɔɔ.

1 Timootee 2:1 ပူးပေါင်းရင်းမြစ်များ

Tʋma Labʋ 17:30

Ɛsɔ ɛɛtasɩɣ kpaɣʋ mbʋ́ ɛyáa kalabɩ ɖooo lɔŋ nɛ patatɩlɩ yɔ nɛ ɛlabɩnɩ tʋmɩyɛ. Ɛlɛ́, lɛɛlɛɛyɔ eheyiɣ patɩŋa payɩ paa le se pɛlɛɣzɩ wɛtʋ.

Room 1:8

Kajalaɣ lɛ, mantɩŋɩɣnɩ Yesu Krɩstʋ yɔɔ nɛ mansaŋ Ɛsɔ mɩtɩŋa payɩ mɩ-yɔɔ. Mbʋ́ pʋyɔɔ yɔ, pɔyɔɔdʋʋ lidaʋ ŋgʋ́ ɩwɛnɩ yɔ kʋ-tɔm kedeŋa kpeekpe yɔɔ.

Room 6:17

Ɛlɛ́, ɖɩsa Ɛsɔ. Mbʋ́ pʋyɔɔ yɔ, mbá mɩ ɩɩkɛ kɩwɛɛkɩm yomaa yɔ, lɛɛlɛɛyɔ, ɩmʋ tɔm ndʋ́ pawɩlɩ-mɩ yɔ nesi naalɛ nɛ ɩɖɔŋ tɩ-yɔɔ.

1 Kɔrɛntɩ 15:3

Tɔm ndʋ́ maanɩwa nɛ mentisi nɛ tɩkɩlɩ wazaɣ yɔ, ńdʋ́ meheyi-mɩ. Ńdʋ́ lɛ se: ɖa-kɩwɛɛkɩm yɔɔ Krɩstʋ sɩba. Ḿbʋ́ pama Ɛsɔtɔm Takayaɣ taa ɖooo lɔŋ.

2 Kɔrɛntɩ 8:6

Ɛzɩma mbʋ́ Tiiti kapazɩ liidiye mʋ́ʋ mɩ-tɛ yɔ, pʋ-yɔɔ ɖitendi-i se ɛñaɣ pana ɛpɩsɩ mɩ-tɛ peeɖe nɛ ɛtɛzɩ sɔɔlɩm tʋmɩyɛ ńɖɩ́ ɛzɩ ɛɛpazʋʋ-ɖɩ yɔ.

Efɛɛzɩ 3:13

Pʋ-yɔɔ meheyiɣ-mɩ se pitaatisi mi-toma taa kʋñɔmɩŋ weyi mɔntɔkɩ mɩ-yɔɔ yɔ ɩ-yɔɔ. Ɛlɛ́, ɩkʋndɩnɩ-ɩ.

Efɛɛzɩ 5:20

Ɩsa Caa Ɛsɔ alɩwaatʋ kpeekpe pɩtɩŋa pɩ-taa ɖa-Kɩpaɣlʋ Yesu Krɩstʋ hɩɖɛ taa.

Efɛɛzɩ 6:18

Đɔɖɔ lɛ, ɩtɩŋnɩ Fezuu Kiɖeɖeu yɔɔ nɛ ɩsɛɛ-ɩ nɛ itendi-i alɩwaatʋ tɩŋa pɩtɩŋa pɩ-taa. Ɩtaaɖoo pʋ-yɔɔ, ɩñaɣ pana nɛ itendi-i ɛ-ñɩma tɩŋa yɔɔ.

Filiipu 1:3

Alɩwaatʋ ndʋ́ tɩtɩŋa payɩ mɔntɔzʋʋ mɩ-yɔɔ yɔ, mansaŋ Ɛsɔ mɩ-yɔɔ.

Filiipu 4:6

Ɩtaanɩɣzɩ kaʋ. Ɛlɛ́, paa mbʋ́ pɩ-taa lɛ, ɩtɩŋnɩ Ɛsɔ sɛʋ nɛ e-tenduu pɔ-yɔɔ nɛ ɛpɔzɩ-ɩ nɛ ɛsɩmɩyɛ mbʋ́ pɩtɩŋa pɩtɛɖɩɣ-mɩ yɔ.

1 Tesalooniki 3:12

Kɩpaɣlʋ eyele nɛ ɩtɛzɩ ɖama sɔɔlʋʋ nɛ ɩtɛzɩ ɖɔɖɔ lɛlaa tɩŋa payɩ sɔɔlʋʋ ɛzɩ ɖɩsɔɔlʋʋ-mɩ yɔ.

2 Tesalooniki 1:3

Taabalaa! Pʋwɛɛ se ɖɩsa Ɛsɔ mɩ-yɔɔ tam. Pʋmʋna ḿbʋ́, mbʋ́ pʋyɔɔ yɔ, ɩwɛɛ ɩtɛzɩɣ lidaʋ wɛnaʋ nɛ mɩtɩŋa payɩ ɩtɛzɩɣ ɖama sɔɔlʋʋ.

1 Timootee 2:4

E-liu wɛɛ se pɩya ɛyáa tɩŋa payɩ ñʋʋ nɛ patɩlɩ toovenim.

1 Timootee 5:5

Lelu weyi ɛwɛ e-ɖeke kpem nɛ ɛfɛyɩnɩ nɔɔyʋ se ɛcɔnɩ ɛ-yɔɔ yɔ, ɛtaɣ Ɛsɔ liu nɛ ɛwɛɣ-ɩ sɛʋ yɔɔ nɛ etendiɣ-i wɩsɩ nɛ ɖoó.

2 Timootee 2:24

Ŋgʋ́, pɩfɛyɩ se Kɩpaɣlʋ tʋmlaɖʋ nɛ nɔɔyʋ poyoo. Pʋwɛɛ se ɛla ɛyáa tɩŋa mbʋ́ pʋwɛ ɖeu yɔ nɛ ɛpɩzɩ ɛwɩlɩɣ tɔm nɛ ɛɖɔkʋʋ ɛ-hɔyɛ.

Tiiti 2:11

Mbʋ́ pʋyɔɔ yɔ, Ɛsɔ yeba nɛ ɛyáa na e-lootiye. Đɩ-taa patɩŋa payɩ pa-ñʋʋ yabʋ lɩɣna.

Tiiti 3:2

Pataawɛɛkɩ nɔɔyʋ hɩɖɛ, pataacaa tɔm. Ɛlɛ́, pʋwɛɛ se pɔ́ɖɔ́kɩ pɔ-hɔ nɛ pa nɛ lɛlaa pʋwɛɛ leleŋ tam.

Ebree 6:11

Ɛlɛ́, ɖe-liu wɛɛ se paa mɩ-taa weyi lɛ, ɛñaɣ pana ḿbʋ́ siŋŋ nɛ pʋkɔɔ pɩsɩɩnɩ ɛ-kɛtɛzaɣ kɩyakʋ wiye. Yee ɩlabɩ ḿbʋ́ yɔ, ihikiɣ mbʋ́ ɩɖaŋaa yɔ.

Yakubu 5:16

Pʋ-yɔɔ meheyiɣ-mɩ se iheyi ɖama mɩ-kɩwɛɛkɩm nɛ itendi Ɛsɔ ɖama yɔɔ nɛ mɩ-yɔɔ cɛ. Weyi ɛtʋʋzɩ Ɛsɔ ɛsɩndaa yɔ, yee ɛsɛ Ɛsɔ nɛ ɛ-laŋɩyɛ tɩŋa yɔ, ɛ-Ɛsɔ sɛʋ wɛɣ ɖoŋ pɩtɩɩfɛyɩ.