1 Timootee 1:9 - New Testament

⁹ Pʋwɛɛ se ɖɩtɩlɩ se: pɩtɛkɛ mbá palakɩ mbʋ́ pʋtʋʋzaa yɔ paɖʋ paɣtʋ. Ɛlɛ́, mbá paaɖɔŋ tɩ-yɔɔ yɔ nɛ kaañamtʋ tɩnaa nɛ mbá pɛpɛŋɩɣ Ɛsɔ tɛtɛ yɔ nɛ kɩwɛɛkɩm laɖaa nɛ mbá paalakɩ mbʋ́ Ɛsɔ liu wɛɛ yɔ yaa paañaŋ ɛ-ñɩm yɔ nɛ mbá pakʋʋ pa-caanaa yaa po-ɖoonaa yɔ nɛ ɛyáa kʋyaa paɖʋ-tʋ.

1 Timootee 1:9 ပူးပေါင်းရင်းမြစ်များ

Maatiyee 10:21

Yesu tasɩ-wɛ heyuu se: «Alɩwaatʋ ńdʋ́ lɛ, ɛyáa kʋyʋʋ nɛ pawɩlɩ pa-ɖalaa yaa pe-newaa maɣmaɣ se pakʋ-wɛ. Caanaa ñalakɩ pe-piya ḿbʋ́ ɖɔɖɔ. Piya ńzɩ́, sɩsɩ kʋyɩ sɩ-ñɩma yɔɔ ɖɔɖɔ nɛ sɩla nɛ pakʋ-wɛ.

Room 1:30

Pɛwɛɛkɩɣ ɖama hɩla. Pɛkɛ Ɛsɔ koyindinaa, pa-paa fɛyɩnɩ nɔɔyʋ, paasɩɣ pa-tɩ pʋ-cɔlɔ, pakpazɩɣ pa-tɩ pɩtɩɩfɛyɩ. Pañɩnɩɣ nʋmɔŋ kɩfaŋ weyi patɩŋ nɛ pɛtɛzɩ kɩdɛkɛdɩm labʋ yɔ nɛ paañaŋ pa-ñɩma.

Room 4:13

Toovenim lɛ, pɩtɛkɛ paɣtʋ yɔɔ ɖɔm yɔɔ pɩtɩŋnaa nɛ Ɛsɔ heyi Abraham nɛ ɛ-sayɩnaa se pɔkɔŋ tɩɣyʋʋ kedeŋa kpeekpe. Ɛlɛ́, ɛwɛʋnɩ lidaʋ nɛ Ɛsɔ kpaɣ-ɩ se ɛkɛ kʋtʋʋzʋ yɔ, pʋ-yɔɔ pɩtɩŋnaa.

Room 5:20

Paɖʋ paɣtʋ lɛ, kɩwɛɛkɩm tɛzɩ ɖɔʋ. Ɛlɛ́, ɖenɖe kɩwɛɛkɩm tɛzɩ ɖɔʋ yɔ, lootiye ñɔɖɔwa nɛ pɩkɩlɩ.

Room 6:14

Pɩfɛyɩ se ɩtasɩ wɛʋ kɩwɛɛkɩm nesi taa, mbʋ́ pʋyɔɔ yɔ, paɣtʋ tatasɩ wɛnaʋ ɖoŋ mɩ-yɔɔ. Ɛlɛ́, Ɛsɔ lootiye ɖoŋ taa ɩwɛɛ.

Galaatɩ 3:19

Yee ḿbʋ́ lɛ, ɛbɛ yɔɔ Ɛsɔ ɖʋ paɣtʋ yɔ? Ɛɖʋ-tʋ se pɩtɩŋnɩ tɩ-yɔɔ nɛ ɛyáa tɩlɩ mbʋ́ pɩkɛ kɩwɛɛkɩm yɔ. Ɛɖʋ-tʋ ɖɔɖɔ se tɩwɛɛ ḿbʋ́ nɛ pʋkɔɔ pɩsɩɩnɩ alɩwaatʋ ndʋ́ palʋlɩ Abraham sayɩ weyi Ɛsɔ kaɖʋwa se ɛlakɩ-ɩ pʋyʋ yɔ. Paɣtʋ ńdʋ́ ɛcɛlɩ e-tiyiyaa. Paba ñatɩŋnɩ Mooyiizi yɔɔ nɛ powoni-tʋ ɛyáa.

Galaatɩ 5:18

Yee ɩlakɩ mbʋ́ Fezuu Kiɖeɖeu wɩlɩɣ-mɩ yɔ yɔ, pʋbʋ, paɣtʋ tatasɩ wɛnaʋ ɖoŋ mɩ-yɔɔ.

Galaatɩ 5:21

nɛ lɛlaa ñɩm yɔɔ ɛsɩyɛ ɖʋʋ nɛ sʋlʋm kpaŋʋʋ nɛ kazandʋ labʋ kadadayaɣ nɛ lakasɩ kɩdɛkɛdɩsɩ lɛɛsɩ ndɩ ndɩ ɖɔɖɔ. Maatɛm-mɩ heyuu nɛ lɛɛlɛɛyɔ mantasɩɣ-mɩ heyuu se: mbá patɩŋa payɩ palakɩ pɩtɛ lakasɩ ńzɩ́ yɔ, pa-taa nɔɔyʋ ɛɛkaɣ sʋʋ Ɛsɔ Kewiyaɣ taa kaʋ.

Galaatɩ 5:23

nɛ hɛɛɛ wɛtʋ nɛ tɩ ɖɔkʋʋ. Paɣtʋ tekizi pɩtɛ wɛtʋ ńdʋ́.

2 Tesalooniki 2:8

Peeɖe Kañadʋ lɩzɩɣ ɛ-tɩ nɛ pana-ɩ, ɛlɛ́, Kɩpaɣlʋ Yesu kɔŋ-ɩ kʋʋ nɛ ɛ-nɔɔ taa heɣlim mbʋ́ ehosuu ɛ-yɔɔ yɔ nɛ ɛnaŋ-ɩ nɛ ñalɩmɩyɛ nɖɩ́ ɛkɔŋna yɔ.

1 Timootee 4:7

Kizi tɔm ndʋ́ tɩtɛkɛ Ɛsɔ ñɩndʋ yɔ nɛ halaa akpadɩyaa mʋya wena aawazɩɣ pʋyʋ yɔ. Malɩsɩ ña-tɩ nɛ ŋcaɣ wezuu ɛzɩ Ɛsɔ liu wɛʋ yɔ.

1 Timootee 6:20

Man-taabalʋ Timootee, ɖɔkɩ mbʋ́ Ɛsɔ ɖʋzɩ ñe-nesi taa yɔ nesi naalɛ kpam. Taaɖʋ ñɔ-nɔɔ tɔm ndʋ́ tɩɩwazɩɣ pʋyʋ nɛ tiiyeki se ɛyʋ ɛtɩlɩ Ɛsɔ yɔ tɩ-taa. Koli tɔm hɔm mbʋ́ ɛyáa kpakɩɣ se pɩkɛ lɛɣtʋ yɔ.

2 Timootee 2:16

Taayɔɔdɩ tɔm ndʋ́ tɩɩwazɩɣ pʋyʋ nɛ tɩtɛkɛdɩnɩ Ɛsɔ yɔ, mbʋ́ pʋyɔɔ yɔ, mbá panɩɣnɩ-tʋ yɔ, pɛtɛzɩɣ-ɩ posinaʋ tam.

2 Timootee 3:2

Toovenim lɛ, ɛyáa kɔŋ nɩnaʋ pa-tɩ nɛ pɛ-ɛsɩyɛ sɛɛnɩ liidiye cazʋʋ nɛ pɛkɛ pɔpɔtɩnaa nɛ pakpazɩɣ pa-tɩ nɛ pɛwɛɛkɩɣ Ɛsɔ hɩɖɛ nɛ paañaŋ pa-ñɩma, paawɛɣ ɛsɩmɩyɛ, paañaŋ Ɛsɔ ñɩm.

Tiiti 1:10

Ɛyáa mbá paañaŋ nɛ peyiliɣ lɛlaa nɛ pa-kɩmɛlɛndʋ tɔm yɔ, pɔɖɔwa. Ɛlɛ́, Yuda ñɩma mbá papɩsɩ Krɩstʋ ñɩma yɔ, pɛ-hɛkʋ taa pakɩlɩ wɛʋ.

Tiiti 1:16

Pɔyɔɔdʋʋ se pasɩm Ɛsɔ, ɛlɛ́, pa-lakasɩ ɛɛwɩlɩɣ ḿbʋ́. Pɛwɛ sɔɔndʋ kpem, pɛkɛ kaañamtʋ tɩnaa, paapɩzɩɣ pala tʋmɩyɛ kɩbanɖɛ naɖɩyɛ.

Tiiti 1:6

pɩfɛyɩ se pana kawanaɣ nakɛyɛ Yesu ŋgbɛyɛ taa sɔsɔ yɔɔ. Pʋwɛɛ se ɛwɛnɩ halʋ kʋɖʋm koŋ nɛ e-piya ñam-ɩ. Pataasam-sɩ nɛ yem yem lakasɩ yaa kaañamtʋ.

Tiiti 3:3

Mbʋ́ pʋyɔɔ yɔ, ɖooo lɛ, ɖa ɖɔɖɔ ɖɩɩkɛ kɩmɛlɛmɩŋ nɛ kaañamtʋ tɩnaa, ɖiilebi nʋmɔʋ. Đɩɩwɛ ɛzɩ yomaa yɔ, mbʋ́ pʋyɔɔ yɔ, pɩɩkɛnɩ-ɖʋ kɩcɛyʋʋ se ɖɩla mbʋ́ mbʋ́ ɖe-liu wɛɛ yɔ nɛ mbʋ́ mbʋ́ pɩkɛdɩnɩ-ɖʋ yɔ. Đɩɩwɛ kañatʋ nɛ ɛsɛ naɣnaɣ pa-taa. Ɛyáa paɖaɣ-ɖʋ nɛ ɖɩpaɖɩɣ ɖama ɖɔɖɔ.

Ebree 11:31

Rahaabɩ kɛ halʋ weyi ɛpɛdaɣ ɛ-tɩ yɔ. Ɛlɛ́, ɛwɛnɩ lidaʋ Ɛsɔ yɔɔ nɛ ɛmʋ feŋiyaa nabɛyɛ camɩyɛ ɛ-tɛ. Pʋ-yɔɔ ɛ nɛ mbá paañaŋ Ɛsɔ yɔ pɛtɛkpɛndɩ sɩbʋ.

Ebree 12:16

Mɩ-taa nɔɔyʋ ɛtaala acɛyɛ yaa ɛtaakpaɣ Ɛsɔ ñɩm se pɩtɛkɛ pʋyʋ ɛzɩ Ezaayuu yɔ. Tam kʋɖʋm tɔɔnaɣ maɣmaɣ yɔɔ ɛɛpɛdɩ ɛ-sɔsɔtʋ.

1 Pɩyɛ 2:7

Mbá mɩ ɩwɛnɩ lidaʋ Kɩpaɣlʋ yɔɔ yɔ, ɖɩwɛ-mɩ wazaɣ siŋŋ. Piyele mbá pɛfɛyɩnɩ lidaʋ ɛ-yɔɔ yɔ, pʋwɛ-wɛ ɛzɩ pamaʋ Ɛsɔtɔm Takayaɣ taa yɔ. Pamawa se: «Pɩyɛ nɖɩ́ kuduyiŋ mayaa kpaɣaɣ pɔlɔ yɔ, ńɖɩ́ pɩsɩnɩ ɖɩkɩlɩ wazaɣ atɩŋa payɩ lɛɛlɛɛyɔ.»

1 Pɩyɛ 3:20

Ńzɩ́ lɛ mbá pataaña Ɛsɔ alɩwaatʋ ndʋ́ tɩ-taa Nowee sakaɣ kpɩyʋʋ sɔsɔʋ yɔ pa-kalɩzasɩ. Alɩwaatʋ ńdʋ́ tɩ-taa Ɛsɔ kɔɖɔkɩ ɛ-hɔyɛ. Ɛlɛ́, ɛyáa pazɩ yem kasʋnɩ kɩ-taa nɛ pɛwɛɛ lɩm yɔɔ nɛ pɩya pa-ñʋʋ. Paakpɛndɩ ɛyáa lutozo.

1 Pɩyɛ 4:18

Pʋwɛ ɛzɩ pamaʋ Ɛsɔtɔm Takayaɣ taa se: «Yee ɛyʋ kʋtʋʋzʋ ɛwɩɣnɩ ñʋʋ yabʋ hiɣu lɛ, ɛbɛ pʋkɔŋ tɛmnaʋ kpem ɛzaɣ́ʋ nɛ kɩwɛɛkɩm laɖʋ yɔ?»

Yuudi 1:15

se pahʋʋnɩ ɛyáa tɩŋa payɩ nɛ pakʋ mbá paañaŋ Ɛsɔ yɔ patɩŋa payɩ pɔ-tɔm. Pakʋʋ-tʋ ɛzaɣ́tʋ ndʋ́ tɩtɩŋa payɩ palabɩ Ɛsɔ yɔ tɩ-yɔɔ. Pakʋʋ ɖɔɖɔ kɩwɛɛkɩm laɖaa ḿbá tɔm ɛzaɣ́tʋ ndʋ́ tɩtɩŋa payɩ pɔyɔɔdɩ-ɩ yɔ tɩ-yɔɔ.»

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!