1 Timootee 1:5 - New Testament

⁵ Ŋheyiɣ-wɛ ḿbʋ́ se pɛwɛnɩ sɔɔlɩm mbʋ́ pɩlɩnɩ hɔyɛ kɩbanɖɛ nɛ lɩmaɣza kɩbana nɛ lidaʋ siŋŋ pa-taa yɔ.

1 Timootee 1:5 ပူးပေါင်းရင်းမြစ်များ

Maatiyee 12:35

Ɛyʋ kɩbanʋ yɔɔdʋʋ tɔm kɩbandʋ ndʋ́ tɩhaɣ ɛ-taa yɔ. Piyele ɛzaɣ́ʋ ñɔyɔɔdʋʋ tɔm ɛzaɣ́tʋ ndʋ́ tɩhaɣ ɛ́lɛ́ taa yɔ.

Maatiyee 5:8

Mbá pa-taa wɛ cɩɖɩcɩɖɩ yɔ, pehiɣ pa-tɩ! Mbʋ́ pʋyɔɔ yɔ, pɔkɔŋ Ɛsɔ naʋ.

Tʋma Labʋ 15:9

Ɛtɔsɔɔlɩ Yuda ñɩma ɖa nɛ pɩkɩlɩ-wɛ, mbʋ́ pʋyɔɔ yɔ, mbá patɩŋa payɩ pɛwɛnɩ lidaʋ ɛ-yɔɔ yɔ, ɛñalɩ pa-kɩwɛɛkɩm.

Tʋma Labʋ 23:1

Peeɖe Pɔɔlɩ kʋsɩ ɛsɛ nɛ ɛcɔnɩ tɔm hʋyaa ḿbá pɩŋŋ nɛ ɛtɔ se: «Man-taabalaa mɩ! Me-wezuu caɣʋ taa lɛ, man-taa wɛ ɖeu Ɛsɔ ɛsɩndaa halɩ nɛ sɔnɔ.»

Tʋma Labʋ 24:16

Pʋ-yɔɔ mañakɩ pana se man-taa ɛwɛɛ ɖeu Ɛsɔ nɛ ɛyáa pɛ-ɛsɩndaa tam.

Room 10:4

Mbʋ́ pʋyɔɔ yɔ, Krɩstʋ yɔɔ paɣtʋ tatasɩ wɛnaʋ ɖoŋ se mbá patɩŋa payɩ pɛwɛnɩ lidaʋ Ɛsɔ yɔɔ yɔ, papɩsɩ kʋtʋʋzaa ɛ-ɛsɩndaa.

Room 12:9

Pʋwɛɛ se ɩsɔɔlɩ ɛyáa nɛ mɩ-laŋɩyɛ tɩŋa pilim. Ikizi mbʋ́ pɩfɛyɩ ɖeu yɔ kpem. Mɩ-ɛsɩyɛ ɛsɛɛnɩ mbʋ́ pʋwɛ ɖeu yɔ.

Room 14:15

Yee ŋpɩsɩ ña-taabalʋ hɔyɛ nɛ tɔɔnaɣ ŋgá ŋtɔkɩ yɔ yɔ, pɩwɩlɩɣ se ŋtɔɖɔ sɔɔlɩm nʋmɔʋ taa. Taatɩŋnɩ tɔɔnaɣ ŋgá ŋtɔkɩ yɔ kɔ-yɔɔ nɛ ŋɖʋzɩ weyi Krɩstʋ sɩbɩ ɛ-yɔɔ yɔ.

Room 9:1

Mɔyɔɔdʋʋ toovenim, mɛnkɛ Krɩstʋ tʋ, maacɛtɩɣ. Fezuu Kiɖeɖeu wɩlɩɣ-m se pɩkɛ toovenim, ma-laŋɩyɛ ɛɛmaɣ:

1 Kɔrɛntɩ 13:1

Meheyiɣ-mɩ se: paa maapɩzaɣ se mɔyɔɔdɩ ɛyáa kʋnʋmɩŋ nɛ pɩkpɛndɩnɩ Ɛsɔ tiyiyaa ñɩŋ nɛ yee maasɔɔlʋʋ ɛyáa yɔ, mɛwɛ ɛzɩ suye yaa ŋgbanɛ nɖɩ́ pamakɩ nɛ ɖiwiɣ yem yɔ.

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

Galaatɩ 5:22

Ɛlɛ́, mbʋ́ Fezuu Kiɖeɖeu ñahaɣ yɔ lɛ: sɔɔlɩm nɛ laŋhʋlʋmɩyɛ nɛ laŋhɛzɩyɛ nɛ hɔyɛ ɖɔkʋʋ nɛ ɖeu labʋ nɛ camɩyɛ lakasɩ nɛ mbʋ́ ɛyʋ ɖʋwa se ɛlakɩ yɔ pʋ-yɔɔ labʋ

Galaatɩ 5:6

Yee ɖa nɛ Krɩstʋ Yesu ɖɩkpɛndaa yɔ, paa pɛpɛlɩ-ɖʋ yaa pɛtɛpɛlɩ-ɖʋ yɔ, pɩfɛyɩnɩ wazaɣ nakɛyɛ: mbʋ́ pʋwɛ wazaɣ yɔ lɛ lidaʋ ŋgʋ́ ɖɩwɛnɩ ɛ-yɔɔ nɛ kiyeki se ɖɩsɔɔlɩ ɖama yɔ.

1 Timootee 1:18

Man-pɩɣa Timootee, manɖʋzʋʋ tɔm ndʋ́ mamaɣ takayaɣ kanɛ ka-taa yɔ ñe-nesi taa ɛzɩ paayɔɔdʋʋ tɔm ndʋ́ tɩlɩnɩ Ɛsɔ cɔlɔ yɔ ñɔ-yɔɔ yɔ. Pʋwɛɛ se ŋtɩŋnɩ tɩ-yɔɔ nɛ ŋlʋ lʋbɩyɛ nɖɩ́ ɖɩmʋnaa yɔ

1 Timootee 1:19

nɛ ŋwɛnɩ lidaʋ Ɛsɔ yɔɔ ḿbʋ́ nɛ ña-lɩmaɣza caɣ a-ɖeɖe. Nabɛyɛ lɩmaɣza taacaɣ a-ɖeɖe nɛ pa-laŋa wɛɛ kpɩzɩŋ nɛ lidaʋ ŋgʋ́ paawɛna yɔ kɩla asayʋʋ.

1 Timootee 3:9

Pʋwɛɛ se pɔ́ɖɔ́kɩ lidaʋ tɔm ndʋ́ Ɛsɔ lɩzaa ɛwɩlɩ ɛ-ñɩma yɔ. Ɛlɛ́, pa-lɩmaɣza ɛtaacɛyɩ-wɛ pe-wezuu caɣʋ taa.

2 Timootee 1:3

Mansaŋ Ɛsɔ se malakɩ ɛ-tʋmɩyɛ nɛ laŋɩyɛ kɩbanɖɛ ɛzɩ mɔn-cɔzɔnaa kalabʋ yɔ. Paa wɩsɩ yaa ɖoó yaa alɩwaatʋ ndʋ́ mɛnsɛɣ-ɩ yɔ, mansaŋ-ɩ ñɔ-yɔɔ.

2 Timootee 1:5

Mɔntɔzʋʋ ɖɔɖɔ ɛzɩma mbʋ́ ŋwɛnɩ lidaʋ Ɛsɔ yɔɔ nɛ tɛɛ nɛ pʋ-yɔɔ lɩmaɣza fɛyɩ kɩ-taa yɔ. Lidaʋ ŋ́gʋ́, ñe-neze Loyisi kacalɩnɩ-kʋ wɛnaʋ, ɛ́lɛ́ wayɩ lɛ, ño-ɖoo Eniisi nɛ lɛɛlɛɛyɔ manaɣʋ yɔ, pɩtalɩnɩ-ŋ.

2 Timootee 2:22

Se ɛzaɣ́tʋ ndʋ́ evebiya nɛ pɛlaa pe-liu wɛɛ kpem se pala yɔ. Ña nɛ mbá pasaŋ Kɩpaɣlʋ nɛ laŋa kɩbana yɔ, ɩñɩnɩ mbʋ́ pʋtʋʋzaa yɔ nɛ ɩwɛnɩ lidaʋ nɛ ɩsɔɔlɩ lɛlaa nɛ ɩñɩnɩ laŋhɛzɩyɛ.

Tiiti 1:15

Mbá pɛwɛ cɩɖɩcɩɖɩ yɔ, panaɣ pɩtɩŋa payɩ se pʋwɛ cɩɖɩcɩɖɩ. Ɛlɛ́, mbá pɛfɛyɩ cɩɖɩcɩɖɩ nɛ paañaŋ Krɩstʋ yɔ, nabʋyʋ fɛyɩ-wɛ cɩɖɩcɩɖɩ. Mbʋ́ pʋyɔɔ yɔ, ɛzaɣ́tʋ pisi pɛ-lɛɣtʋ nɛ pa-lɩmaɣza fɛyɩ a-ɖeɖe.

Ebree 10:22

Pʋ-yɔɔ lɛ, ɖɩñɔtɩnɩ Ɛsɔ nɛ laŋa kɩbana nɛ lidaʋ wɛnaʋ siŋŋ. Đɔɖɔ lɛ, ɖa-taa ɛwɛɛ cɩɖɩcɩɖɩ nɛ pɔsɔ-ɖʋ lɩm mbʋ́ pʋwɛ cɩɖɩcɩɖɩ yɔ.

Ebree 13:18

Ɩsɛɣ Ɛsɔ ɖɔ-yɔɔ tam. Mbʋ́ pʋyɔɔ yɔ, ɖɩnawa se ɖa-taa wɛ ɖeu. Đe-liu wɛɛ se ɖɩɖɔ ɖɔnɛ kɩbanɖɛ pɩtɩŋa pɩ-taa.

Ebree 9:14

Yee ḿbʋ́ pʋwɛɛ lɛ, ɛzɩma Krɩstʋ calɩm mbʋ́ pɩkɩlɩ ɖoŋ yɔ, pɩɩpɩzɩɣ pɩñalɩ ɛyáa kɩwɛɛkɩm! Fezuu Kiɖeɖeu ŋgʋ́ kɩwɛ tam yɔ, kɩ-yɔɔ pɩtɩŋnaa nɛ ɛha ɛ-maɣmaɣ ɛ-tɩ Ɛsɔ se palaa-ɩ nɛ pɩkɛnɩ kɩlaʋ kɩbaŋgʋ siŋŋ. Kɩlaʋ ŋ́gʋ́ kɩñalɩɣnɩ lakasɩ nzɩ́ sɩɩwazɩɣ pʋyʋ yɔ ɖa-taa se ɖɩpɩzɩ ɖɩla Ɛsɔ wezuu tʋ tʋmɩyɛ.

Yakubu 4:8

Ɩkpɩtɩnɩ Ɛsɔ nɛ ɛ́lɛ́ kpɩtɩnɩ-mɩ. Kɩwɛɛkɩm laɖaa mɩ! Ɩlɩzɩ mi-nesi pʋ-tɔm taa. Nɔsɩ naalɛ tɩnaa mɩ! Iyele mɩ-lɩmaɣza kɩdɛkɛdɛɛ.

1 Pɩyɛ 1:22

Lɛɛlɛɛyɔ, ɩɖɔŋ toovenim tɔm yɔɔ nɛ ɩwɛɛ cɩɖɩcɩɖɩ Ɛsɔ ɛsɩndaa se ɩpɩzɩ ɩsɔɔlɩ Krɩstʋ ñɩma lɛlaa nɛ toovenim. Pʋ-yɔɔ lɛ, ɩtɛzɩ ɖama sɔɔlʋʋ nɛ mɩ-laŋɩyɛ tɩŋa pilim.

1 Pɩyɛ 3:16

icosi-wɛ nɛ nɔɔ kɩbaŋga nɛ ñamtʋ. Mɩ-taa ɛwɛɛ ɖeu nɛ fɛyɛ kpa mbá pakʋyʋʋ mɩ-yɔɔ nɛ pɛwɛɛkɩɣ mɩ-hɩla se mɩ nɛ Krɩstʋ ɩkpɛndaa yɔ.

1 Pɩyɛ 3:21

Pʋnɛ pɩtɩŋa payɩ pʋwɛ ɛzɩ lɩm sɔʋ sɔnzɩ nzɩ́ palabɩ-mɩ nɛ sɩya mɩ-ñʋʋ lɛɛlɛɛyɔ yɔ. Patalabɩ-mɩ-sɩ se sɩñalɩ mɩ-yɔɔ azuluma. Ɛlɛ́, sɩ-yɔɔ ɩtɩŋɩɣna nɛ itendi Ɛsɔ se eyele nɛ mɩ-taa wɛɛ ɖeu. Yesu Krɩstʋ fem yɔɔ Ɛsɔ tɩŋɩɣna nɛ ɛya mɩ-ñʋʋ.

1 Pɩyɛ 4:8

Mbʋ́ pʋwɛɛ kpem se ɩla yɔ lɛ se ɩsɔɔlɩ ɖama siŋŋ. Mbʋ́ pʋyɔɔ yɔ, sɔɔlɩm hɛzɩɣ kɩwɛɛkɩm sakɩyɛ.

2 Pɩyɛ 1:7

Ɩsɔzɩ Ɛsɔ ñam yɔɔ Krɩstʋ ñɩma sɔɔlʋʋ nɛ Krɩstʋ ñɩma sɔɔlʋʋ yɔɔ ɛyáa kpeekpe sɔɔlʋʋ.

1 Yohanɛɛsɩ 3:10

Ɩna mbʋ́ pɩwɩlɩɣ kaŋŋ se ɛyʋ kɛ Ɛsɔ pɩɣa yaa eleeu ñɩŋga yɔ: yee nɔɔyʋ ɛlabɩ mbʋ́ pɩtatʋʋzɩ yɔ yaa ɛtɔsɔɔlɩ lɛlaa yɔ, ɛtɛkɛ Ɛsɔ pɩɣa.

1 Yohanɛɛsɩ 3:23

Ɛ-paɣtʋ ńdʋ́ lɛ se: ɖɩwɛnɩ lidaʋ ɛ-Pɩyalʋ Yesu Krɩstʋ yɔɔ nɛ ɖɩsɔɔlɩ ɖama ɛzɩ ɛ́lɛ́ ɖʋʋ-ɖʋ se ɖɩla yɔ.

1 Yohanɛɛsɩ 3:3

Weyi ɛtaɣ-ɩ liu ḿbʋ́ yɔ, ɛñɔɔzʋʋ ɛ-tɩ nɛ ɛwɛɛ cɩɖɩcɩɖɩ ɛzɩ Yesu Krɩstʋ ɛnʋ ɛwɛʋ yɔ.