1 Timootee 1:4 - New Testament

⁴ Heyi-wɛ ɖɔɖɔ se pataanɩɩnɩ mʋya nɛ pɔ-cɔzɔnaa hɩla wena afɛyɩ kalʋʋ yɔ pɔ-tɔm. Ḿbʋ́ lɩzɩɣnɩ puuyaɣ. Pɩɩsɩŋnɩ mbʋ́ Ɛsɔ ɖʋwa se ɛlakɩ yɔ se puwobini ɛsɩndaa. Ɛlɛ́, lidaʋ yɔɔ pɩtɩŋɩɣna nɛ puwobini ɛsɩndaa.

1 Timootee 1:4 ပူးပေါင်းရင်းမြစ်များ

2 Kɔrɛntɩ 1:12

Mbʋ́ ɖɩkʋndʋʋna yɔ lɛ se: ɖɩnaɣ ɖa-taa se ɖe-wezuu caɣʋ kedeŋa yɔɔ cɩnɛ, kɔzɩkɔzɩ mɩ-ɛsɩndaa lɛ, ɖɩwɛ yayɩ nɛ ɖɩyɔɔdʋʋ toovenim. Ɛsɔ cɔlɔ pɩlɩnɩ pɩtɩŋa. Pɩtɛkɛ ɛyáa lɔŋsɩnɖɛ yɔɔ pɩtɩŋnaa. Ɛlɛ́, Ɛsɔ lootiye yɔɔ pɩtɩŋnaa.

Efɛɛzɩ 3:2

Paa pɩɩla ɛzɩma, ɩnɩ lootiye nɖɩ́ Ɛsɔ labɩ-m nɛ ɛɖʋ-m se mala tʋmɩyɛ mɩ-hɛkʋ taa yɔ ɖɩ-tɔm.

1 Timootee 3:16

Toovenim lɛ, tɔm ndʋ́ tɩɩwɛ mɛsaɣ tɛɛ nɛ Ɛsɔ wɩlɩ-ɖʋ-tʋ nɛ ɖɩtɩŋɩɣnɩ tɩ-yɔɔ nɛ ɖɩlakɩ mbʋ́ e-liu wɛɛ yɔ, tɩpaɣlaa kámaɣ́ fɛyɩ! Ńdʋ́ lɛ se: weyi ɛwɛ ɛsɔdaa yɔ, etiba nɛ ɛpɩsɩ ɛyʋ. Fezuu Kiɖeɖeu wɩlaa se ɛtʋʋzaa, Ɛsɔ tiyiyaa na-ɩ. Posusi ɛ-tɔm paa le, ɛyáa sakɩyɛ wɛnɩ lidaʋ ɛ-yɔɔ, Ɛsɔ kpazɩ-ɩ koboyaɣ taa.

1 Timootee 4:7

Kizi tɔm ndʋ́ tɩtɛkɛ Ɛsɔ ñɩndʋ yɔ nɛ halaa akpadɩyaa mʋya wena aawazɩɣ pʋyʋ yɔ. Malɩsɩ ña-tɩ nɛ ŋcaɣ wezuu ɛzɩ Ɛsɔ liu wɛʋ yɔ.

1 Timootee 6:11

Weyi ña ŋkɛ Ɛsɔ ɛyʋ yɔ, koli pɩtɛ lakasɩ ńzɩ́. Ñɩnɩ mbʋ́ pʋtʋʋzaa yɔ nɛ ŋñɩnɩ ɖɔɖɔ se ŋla mbʋ́ Ɛsɔ liu wɛɛ yɔ. Ñaɣ pana nɛ ŋwɛnɩ lidaʋ Ɛsɔ yɔɔ ḿbʋ́ nɛ ŋsɔɔlɩ ɛyáa nɛ ŋɖɔkɩ ña-tɩ nɛ ŋwɛɛ leleŋ.

1 Timootee 6:20

Man-taabalʋ Timootee, ɖɔkɩ mbʋ́ Ɛsɔ ɖʋzɩ ñe-nesi taa yɔ nesi naalɛ kpam. Taaɖʋ ñɔ-nɔɔ tɔm ndʋ́ tɩɩwazɩɣ pʋyʋ nɛ tiiyeki se ɛyʋ ɛtɩlɩ Ɛsɔ yɔ tɩ-taa. Koli tɔm hɔm mbʋ́ ɛyáa kpakɩɣ se pɩkɛ lɛɣtʋ yɔ.

2 Timootee 2:14

Tɔzɩ ɛyáa tɔm ńdʋ́ nɛ ŋheyi-wɛ Ɛsɔ ɛsɩndaa se pataayoo tɔm pee yɔɔ. Mbʋ́ pʋyɔɔ yɔ, you ŋ́gʋ́ kɩɩwazɩɣ pʋyʋ, ɛlɛ́, kʋɖʋzʋʋ mbá pewelesiɣ-kʋ yɔ.

2 Timootee 2:22

Se ɛzaɣ́tʋ ndʋ́ evebiya nɛ pɛlaa pe-liu wɛɛ kpem se pala yɔ. Ña nɛ mbá pasaŋ Kɩpaɣlʋ nɛ laŋa kɩbana yɔ, ɩñɩnɩ mbʋ́ pʋtʋʋzaa yɔ nɛ ɩwɛnɩ lidaʋ nɛ ɩsɔɔlɩ lɛlaa nɛ ɩñɩnɩ laŋhɛzɩyɛ.

2 Timootee 2:23

Ɛlɛ́, yele kɩmɛlɛndʋ tɔm nɛ ndʋ́ tɩɩwazɩɣ pʋyʋ yɔ pɔ-hɔm, mbʋ́ pʋyɔɔ yɔ, ŋna ɖeu se tɩkɔŋnɩ you.

2 Timootee 4:4

Pɔkɔŋ nɩnaʋ mʋya welesuu yem. Ŋgʋ́, pɔtɔʋ pa-nɩŋgbaaŋ taa se pataawelesi toovenim tɔm.

Tiiti 1:1

Ma Pɔɔlɩ weyi ɛkɛ Ɛsɔ tʋmlaɖʋ nɛ Yesu Krɩstʋ tiyiyu yɔ, mamaɣnɩ takayaɣ kanɛ. Paɖʋ-m se mala nɛ mbá Ɛsɔ lɩzaa yɔ, pɛwɛnɩ lidaʋ nɛ mawɩlɩ-wɛ nɛ patɩlɩ toovenim nɛ pacaɣ wezuu ɛzɩ Ɛsɔ liu wɛʋ yɔ.

Tiiti 1:14

nɛ paatasɩɣ nɩnaʋ Yuda ñɩma mʋya nɛ paɣtʋ ndʋ́ ɛyáa mbá paha toovenim siɣ́ye yɔ paɖʋwa yɔ.

Tiiti 3:9

Ɛlɛ́, koli cɔzɔnaa hɩla wena afɛyɩ kalʋʋ yɔ a-tɔm, mbʋ́ pʋyɔɔ yɔ, tɩkɛ kɩmɛlɛndʋ. Koli ɖɔɖɔ you nɛ Mooyiizi paɣtʋ yɔɔ tɔm hɔm. Pɩfɛyɩ wazaɣ nakɛyɛ, pɩfɛyɩ kɛzɛɣa ɖɔɖɔ.

Ebree 13:9

Ɛyáa lɩzɩ tɔm ndɩ ndɩ nɛ pawɩlɩɣ. Pʋ-yɔɔ lɛ, itaayele nɛ pepeɣzi-mɩ nɛ tʋ. Mbʋ́ pʋyɔɔ yɔ, pʋwɛ ɖeu se pɩtɩŋnɩ Ɛsɔ lootiye yɔɔ nɛ ɛyʋ kpa ɖoŋ. Ɛlɛ́, pɩtaatɩŋnɩ tɔɔnaɣ paɣtʋ yɔɔ. Mbá pɔɖɔm paɣtʋ ńdʋ́ tɩ-yɔɔ yɔ, pɩtawazɩ-wɛ pʋyʋ.

2 Pɩyɛ 1:16

Toovenim lɛ, pɩtɛkɛ mʋya wena ɛyáa maɣzɩɣ nɛ pamʋyʋʋ yɔ a-yɔɔ ɖɩtɩŋnaa nɛ ɖɩkɛdɩ-mɩ ɛzɩma mbʋ́ ɖa-Kɩpaɣlʋ Yesu Krɩstʋ kɔŋnɩ ɖoŋ yɔ. Mbʋ́ pʋyɔɔ yɔ, ɖa-maɣmaɣ ɖɩna e-koboyaɣ nɛ ɖɛ-ɛsɛ.