1 Timootee 1:3 - New Testament

³ Ɛzɩ maaheyuu-ŋ alɩwaatʋ ndʋ́ mɛnɖɛɣaɣ Masedonii se ŋcaɣ Efɛɛzɩ yɔ, caɣ ḿbʋ́. Peeɖe ŋheyiɣ ɛyáa mbá pɛwɛ peeɖe nɛ pawɩlɩɣ tɔm ndʋ́ tɩwɛ ndɩ nɛ ɖa-ñɩndʋ yɔ se pasɩɩ tɩnaɣ.

1 Timootee 1:3 ပူးပေါင်းရင်းမြစ်များ

Tʋma Labʋ 18:19

Pɔkɔm patalɩ Efɛɛzɩ tɛtʋ taa lɛ, Pɔɔlɩ yebi-wɛ nɛ ewolo Yuda ñɩma cɔlɔ pɛ-Ɛsɔ ɖɩsɛyɛ taa nɛ ɛ nɛ wɛ palakɩ lɩmaɣza Yesu tɔm yɔɔ.

Tʋma Labʋ 18:21

Ɛkʋyɩ pɔ-cɔlɔ se ɛɖɛɣ lɛ, eheyi-wɛ se: «Yee Ɛsɔ etisaa yɔ, manpɩsɩɣ mɩ-cɔlɔ.» Ɛtɛm-wɛ heyuu ḿbʋ́ lɛ, ɛsʋʋ mɛlɛ peeɖe nɛ ɛɖɛɛ.

Room 15:26

Mbʋ́ pʋyɔɔ yɔ, Yesu aŋgba wena awɛ Masedonii nɛ Akayɩ yɔ, a-taa ñɩma ɖʋwa se pɔcɔʋ nabʋyʋ nɛ pasɩnɩ kʋñɔndɩnaa mbá pɛwɛ Yeruusalɛm Ɛsɔ ñɩma taa yɔ.

Room 16:17

Man-taabalaa, meheyiɣ-mɩ se ɩkpa mɩ-tɩ nɛ mbá paatisiɣ tɔm ndʋ́ pawɩlɩ-mɩ yɔ nɛ pawɩlɩɣ-mɩ ndʋ́ tɩwɛnɩ ndɩ yɔ. Ḿbá cɛyɩɣnɩ Ɛsɔ ñɩma pe-lidaʋ wɛnaʋ taa nɛ patayɩɣ-wɛ. Ɩtaañɔtɩnɩ-wɛ.

2 Kɔrɛntɩ 11:4

Mbʋ́ pʋyɔɔ yɔ, yee nɔɔyʋ ɛkɔm esusi-mɩ Yesu tɔm nɛ tɩwɛnɩ ndɩ nɛ ndʋ́ ɖiisusi-mɩ yɔ yaa ɛkɛdɩ-mɩ Fezuu ŋgʋ́ kɩwɛnɩ ndɩ nɛ ŋgʋ́ ɩɩmʋwa yɔ kʋ-tɔm yaa ɛkɛdɩ-mɩ Laŋhɛzɩyɛ Tɔm ndʋ́ tɩwɛnɩ ndɩ nɛ ndʋ́ paaheyi-mɩ nɛ itisi yɔ yɔ, itisiɣ yem kitisu.

Efɛɛzɩ 4:14

Ḿbʋ́ yekina nɛ ɖɩɩtasɩɣ kɛʋ piya nzɩ́ pawɩlɩɣ-sɩ nɛ sɩɩsɩŋ mbʋ́ sɩla nɛ peyiliɣ-sɩ nɛ pʋcɔzʋʋ-sɩ yem yem yɔ.

Filiipu 2:24

Kɩpaɣlʋ yɔɔ lɛ, mantaɣ liu se ma-maɣmaɣ mɔnkɔŋ ɖɔɖɔ alɩwaatʋ tʋnɛ tɩ-taa nɛ mana-mɩ.

1 Timootee 4:11

Ḿbʋ́ pʋwɛɛ se ŋheyi ɛyáa nɛ ŋwɩlɩ-wɛ.

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

1 Timootee 5:7

Ḿbʋ́ pʋwɛɛ se ŋheyi-wɛ nɛ nɔɔyʋ ɛtaana ɛzaɣ́tʋ natʋyʋ nɛ ɛwanɩ-wɛ.

1 Timootee 6:10

Mbʋ́ pʋyɔɔ yɔ, liidiye laɣzaɣ sʋzʋʋ ɛyʋ ɛzaɣ́tʋ tɩŋa taa. Liidiye laɣzaɣ kakpa nabɛyɛ nɛ pele lidaʋ nʋmɔʋ nɛ pa-maɣmaɣ pasʋzɩ pa-tɩ wɩzasɩ ndɩ ndɩ taa.

1 Timootee 6:17

Ñɩm tɩnaa lɛ, heyi-wɛ se pataakpazɩ pa-tɩ. Pataataa pa-ñɩm, mbʋ́ pʋyɔɔ yɔ, pɩɩwɛɣ tam. Ɛlɛ́, pataa Ɛsɔ weyi ɛhaɣ-ɖʋ pɩtɩŋa payɩ sakɩyɛ se ɖa-laŋa ɛhʋlʋmɩnɩ-pʋ yɔ.

1 Timootee 6:3

Yee nɔɔyʋ ɛwɩlɩɣ mbʋ́ pʋwɛnɩ ndɩ yɔ nɛ ɛɛɖɔŋ ɖa-Kɩpaɣlʋ Yesu Krɩstʋ tɔm kɩbandʋ nɛ ndʋ́ tiyeki se ɛyáa ɛɖɔ ɛzɩ Ɛsɔ liu wɛʋ yɔ pɔ-yɔɔ yɔ,

2 Timootee 1:18

Pʋ-yɔɔ lɛ, Kɩpaɣlʋ eyele nɛ Ɛsɔ na ɛ-pʋtɔdɩyɛ kɩyakʋ ŋgʋ́ ɛɖʋwa yɔ. Ŋsɩm ɖɔɖɔ tʋma wena atɩŋa payɩ ɛlabɩ-m Efɛɛzɩ yɔ nɛ pɩkɩlɩ lɛlaa tɩŋa.

2 Yohanɛɛsɩ 1:7

Meheyiɣ-mɩ ḿbʋ́, mbʋ́ pʋyɔɔ yɔ, cɛtɩyaa sakɩyɛ lɩ kedeŋa yɔɔ nɛ paakaɖɩɣ kpayɩ se toovenim Yesu Krɩstʋ pɩsɩ ɛyʋ nɛ ɛkɔɔ kɔ-yɔɔ. Yee nɔɔyʋ ɛlakɩ ḿbʋ́ yɔ, pʋdʋ kɛ cɛtɩyʋ nɛ ɛtɛ ɛkɛ Krɩstʋ koyindu.

Wɩlʋʋ 2:14

Ɛlɛ́, man-taa wɛnɩ-wɛ natʋyʋ: pɛ-tɛ ɛyáa nabɛyɛ tisiɣ tɔm ndʋ́ Balaam wɩlaɣ yɔ. Balaam wɩlaɣ Balaakɩ ɛzɩma mbʋ́ ɛɛla nɛ Izrɛɛlɩ ñɩma tɔɔ kɩlaʋ nandʋ nɛ pala acɛyɛ nɛ piyele pɔtɔlɩ Ɛsɔ nʋmɔʋ taa yɔ.

Wɩlʋʋ 2:20

Ɛlɛ́, ndʋ́ man-taa wɛnɩ-mɩ yɔ lɛ se: iyeki halʋ weyi payaɣ se Yezaabɛɛlɩ nɛ ɛtɔŋ se ɛkɛ náyʋ yɔ. Ŋgʋ́, ɛwɩlɩɣ nɛ eyiliɣ man-tʋmlaɖaa se pala acɛyɛ nɛ pɔtɔɔ kɩlaʋ nandʋ.