1 Timootee 1:20 - New Testament

²⁰ Pa-taa lɛ Imenee nɛ Alɛksandrɩ mbá mankpaɣ manɖʋzɩ Satanɩ nesi taa yɔ. Peeɖe panaɣ se pɩtamʋnɩ se pɛwɛɛkɩ Ɛsɔ hɩɖɛ.

1 Timootee 1:20 ပူးပေါင်းရင်းမြစ်များ

Maatiyee 18:17

Yee etetisi ɖɔɖɔ lɛ, ŋwolo ŋheyi ŋgbɛyɛ taa ñɩma nɛ pɔpɔzɩ-ɩ. Yee ɛtanɩɩnɩ paba lɛ, pʋbʋ, ŋkpaɣ-ɩ ɛzɩ weyi ɛɛñaŋ Ɛsɔ yɔ yaa kɩwɛɛkɩm laɖʋ nɔɔyʋ yɔ.

Tʋma Labʋ 13:45

Yuda ñɩma na ɛyáa samaɣ ḿbʋ́ lɛ, papazɩ ɛsɩsɛmɩyɛ labʋ Pɔɔlɩ yɔɔ nɛ patʋʋ-ɩ nɛ pɛkpɛzɩɣnɩ-ɩ.

Tʋma Labʋ 19:33

Peeɖe Yuda ñɩma nabɛyɛ lɩ ɛyáa samaɣ taa nɛ powolo pɛwɛɛtɩ weyi payaɣ se Alɛksandrɩ yɔ tɔm nɛ pɔhɔm-ɩ palɩzɩ ɛyáa tɩŋa ɛsɩndaa se ɛyɔɔdɩnɩ pɔ-nɔɔ. Pʋ-yɔɔ ɛ́lɛ́ kpazɩ nesi se paha-ɩ nʋmɔʋ nɛ ɛyɔɔdɩ.

1 Kɔrɛntɩ 11:32

Ɛlɛ́, Kɩpaɣlʋ hʋʋnɩ-ɖʋ nɛ ɛhɔŋ ɖa-nɩŋgbaŋʋʋ se ɛñɔɔzɩ-ɖʋ nɛ pataakɔɔ pakʋ mbá paañaŋ Krɩstʋ yɔ pɔ-tɔm nɛ pɩkpɛndɩnɩ-ɖʋ.

2 Kɔrɛntɩ 10:6

Đɩɖaŋ kpam se yee ɩtɛzɩ ñam nɛ pɩsɛɣ mɩ-taa nabɛyɛ yɔ, ɖɩhɔ pa-nɩŋgbaaŋ.

2 Kɔrɛntɩ 13:10

Pʋ-yɔɔ mamaɣ-mɩ takayaɣ alɩwaatʋ ndʋ́ mɛwɛ poliŋ yɔ se mɔnkɔm mantalɩ mɩ-hɛkʋ taa lɛ, mantaañazɩ-mɩ. Toovenim lɛ, Kɩpaɣlʋ ha-m ɖoŋ se mañazɩnɩ-mɩ nɛ mɔñɔɔzɩnɩ mɩ-ŋgbɛyɛ. Ɛlɛ́, ɛtaha-m-ɩ se mɔyɔkɩnɩ-ɖɩ.

2 Tesalooniki 3:15

Paa ḿbʋ́ yɔ, ɩtaakpaɣ-ɩ ɛzɩ mi-koyindu yɔ, ɛlɛ́, ɩkalɩ-ɩ ɛzɩ mɩ-taabalʋ yɔ.

1 Timootee 5:15

Mbʋ́ pʋyɔɔ yɔ, lelaa ḿbá, pa-taa nabɛyɛ tɛm yebu Ɛsɔ nʋmɔʋ nɛ patɩŋ Satanɩ wayɩ.

2 Timootee 2:14

Tɔzɩ ɛyáa tɔm ńdʋ́ nɛ ŋheyi-wɛ Ɛsɔ ɛsɩndaa se pataayoo tɔm pee yɔɔ. Mbʋ́ pʋyɔɔ yɔ, you ŋ́gʋ́ kɩɩwazɩɣ pʋyʋ, ɛlɛ́, kʋɖʋzʋʋ mbá pewelesiɣ-kʋ yɔ.

2 Timootee 2:17

Pɔ-tɔm kɔŋ wɛʋ ɛzɩ kɩcɩkpʋʋ ŋgʋ́ kʋsʋ sonzoowe yɔ. Pa-taa lɛ: Imenee nɛ Filɛɛtɩ

2 Timootee 3:2

Toovenim lɛ, ɛyáa kɔŋ nɩnaʋ pa-tɩ nɛ pɛ-ɛsɩyɛ sɛɛnɩ liidiye cazʋʋ nɛ pɛkɛ pɔpɔtɩnaa nɛ pakpazɩɣ pa-tɩ nɛ pɛwɛɛkɩɣ Ɛsɔ hɩɖɛ nɛ paañaŋ pa-ñɩma, paawɛɣ ɛsɩmɩyɛ, paañaŋ Ɛsɔ ñɩm.

Ebree 12:5

Ɩtaasɔɔ tɔm ndʋ́ Ɛsɔ heyi-mɩ ɛzɩ e-piya se pɩlabɩ-mɩ hʋnʋm yɔ tɩ-yɔɔ. Ńdʋ́ lɛ se: «Man-pɩɣa, Kɩpaɣlʋ ɛhɔŋ ña-nɩŋgbaŋʋʋ yɔ, pɩtaakɛnɩ-ŋ aleɣya. Pɩtaatisi ño-toma taa alɩwaatʋ ndʋ́ ɛkalɩɣ-ŋ yɔ.

Wɩlʋʋ 13:1

Pʋwayɩ lɛ, mana kpɩnɛ naɖɩyɛ, ɖɩlɩɣaɣnɩ teŋgu taa. Đɩñɔ hɩŋ hiu nɛ ɖɩwɛnɩ ñʋŋ lʋbɛ. Paa hɩlʋʋ ŋgʋ́ kʋ-nɔɔ taa nɛ awiya hulaɣ, pama paa ñʋʋ ŋgʋ́ kʋ-yɔɔ hɩla wena atʋʋ Ɛsɔ yɔ.

Wɩlʋʋ 3:19

Ma lɛ, mɔhɔŋ mbá patɩŋa payɩ mɔnsɔɔlɩ-wɛ yɔ pa-nɩŋgbaaŋ nɛ mansɩɣzɩ-wɛ lɔŋ. Pʋ-yɔɔ lɛ, pakpa pa-tɩ nɛ pɛlɛɣzɩ wɛtʋ.