1 Timootee 1:2 - New Testament

² Timootee, ña mamaɣ takayaɣ kanɛ. Ña lɛ man-pɩɣa siŋŋ, mbʋ́ pʋyɔɔ yɔ, ña ɖɔɖɔ ŋwɛnɩ lidaʋ ɛ-yɔɔ. Mɛnsɛ-ŋ: Caa Ɛsɔ nɛ ɖa-Kɩpaɣlʋ Krɩstʋ Yesu palabɩ-ŋ lootiye nɛ pana ña-pʋtɔdɩyɛ nɛ pɛhɛzɩ ña-laŋɩyɛ.

1 Timootee 1:2 ပူးပေါင်းရင်းမြစ်များ

Room 1:7

Room ñɩma mbá mɩ Ɛsɔ sɔɔlɩ-mɩ siŋŋ nɛ ɛ́yáa-mɩ se ɩkɛ ɛ-ñɩma yɔ, mɩtɩŋa payɩ mamaɣ takayaɣ kanɛ. Đa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa!

Galaatɩ 1:3

Mɛnsɛ-mɩ: ɖa-Caa Ɛsɔ nɛ Kɩpaɣlʋ Yesu Krɩstʋ palabɩ-mɩ lootiye nɛ pɛhɛzɩ mɩ-laŋa.

1 Tesalooniki 3:2

nɛ piyele ɖitiyi ɖa-tʋmlaɖʋ Timootee. Ɛkɛ Ɛsɔ tʋmlaɖʋ nɛ esusuu Krɩstʋ Laŋhɛzɩyɛ Tɔm. Đitiyi-i mɩ-cɔlɔ se eyele nɛ ɩtɛzɩ pɩʋ nɛ pɩlabɩ-mɩ hʋnʋm mi-lidaʋ wɛnaʋ taa

1 Timootee 1:12

Mansaŋ ɖa-Kɩpaɣlʋ Krɩstʋ Yesu weyi ɛha-m ɖoŋ se malabɩnɩ ɛ-tʋmɩyɛ yɔ. Mansaŋ-ɩ ɛzɩma mbʋ́ ɛnawa se malakɩ mbʋ́ pʋpɔzʋʋ yɔ nɛ ɛlɩzɩ-m se mɛnkɛ ɛ-tʋmlaɖʋ yɔ pʋ-yɔɔ.

1 Timootee 1:18

Man-pɩɣa Timootee, manɖʋzʋʋ tɔm ndʋ́ mamaɣ takayaɣ kanɛ ka-taa yɔ ñe-nesi taa ɛzɩ paayɔɔdʋʋ tɔm ndʋ́ tɩlɩnɩ Ɛsɔ cɔlɔ yɔ ñɔ-yɔɔ yɔ. Pʋwɛɛ se ŋtɩŋnɩ tɩ-yɔɔ nɛ ŋlʋ lʋbɩyɛ nɖɩ́ ɖɩmʋnaa yɔ

1 Timootee 6:20

Man-taabalʋ Timootee, ɖɔkɩ mbʋ́ Ɛsɔ ɖʋzɩ ñe-nesi taa yɔ nesi naalɛ kpam. Taaɖʋ ñɔ-nɔɔ tɔm ndʋ́ tɩɩwazɩɣ pʋyʋ nɛ tiiyeki se ɛyʋ ɛtɩlɩ Ɛsɔ yɔ tɩ-taa. Koli tɔm hɔm mbʋ́ ɛyáa kpakɩɣ se pɩkɛ lɛɣtʋ yɔ.

2 Timootee 1:2

Timootee, man-pɩɣa kʋsɔɔlaɣ! Ña mamaɣ takayaɣ kanɛ. Mɛnsɛ-ŋ: Caa Ɛsɔ nɛ ɖa-Kɩpaɣlʋ Krɩstʋ Yesu palabɩ-ŋ lootiye nɛ pana ña-pʋtɔdɩyɛ nɛ pɛhɛzɩ ña-laŋɩyɛ.

2 Timootee 2:1

Yee ḿbʋ́ ña man-pɩɣa lɛ, tɩŋnɩ lootiye nɖɩ́ palabɩ-ɖʋ ɖa nɛ Krɩstʋ Yesu ɖɛ-kpɛndʋʋ taa yɔ ɖɩ-yɔɔ nɛ ŋkpa ɖoŋ.

Tiiti 1:4

Tiiti weyi ña ŋkɛ man-pɩɣa mbʋ́ pʋyɔɔ yɔ ŋwɛnɩ lidaʋ ɛzɩ ma yɔ, ña mamaɣ takayaɣ kanɛ, mɛnsɛ-ŋ: Caa Ɛsɔ nɛ ɖa-ñʋʋ yaɖʋ Krɩstʋ Yesu palabɩ-ŋ lootiye nɛ pɛhɛzɩ ña-laŋɩyɛ.

Tiiti 2:2

Heyi abalaa akpadɩyaa se pɛ-ɛsɛ ekuli. Pɛkɛ ɛyáa mbá pamʋnaa se paɖʋ-wɛ hɩɖɛ yɔ nɛ mbá pamaɣzɩɣ pa-ñʋŋ taa nɛ pʋcɔ pala pʋyʋ yɔ. Pɛwɛnɩ lidaʋ Krɩstʋ yɔɔ ɛzɩ pʋmʋnaʋ yɔ nɛ pɔsɔɔlɩ lɛlaa siŋŋ nɛ pɔ́ɖɔ́kɩ ḿbʋ́ kpam.

Tiiti 3:15

Mbá patɩŋa payɩ pɛwɛ mɔn-cɔlɔ yɔ, pɛsɛ-ŋ. Sɛɛ mbá pɛwɛnɩ lidaʋ Krɩstʋ yɔɔ nɛ pɔsɔɔlɩ-ɖʋ yɔ. Ɛsɔ ɛla mɩtɩŋa payɩ lootiye.

1 Pɩyɛ 1:2

Caa Ɛsɔ kalɩzɩ-mɩ ɛzɩ ɛɛɖʋʋ yɔ se ɩkɛ ɛ-ñɩma. E-Fezuu Kiɖeɖeu ɖoŋ yebina nɛ ɩkɛ ḿbʋ́ nɛ ɩña Yesu Krɩstʋ. Mbʋ́ pʋyɔɔ yɔ, ɛ-calɩm pɔsɔ-mɩ se ɩpɩzɩ ɩwɛɛ cɩɖɩcɩɖɩ Ɛsɔ ɛsɩndaa. Mɛnsɛ-mɩ: Caa Ɛsɔ ɛtɛzɩ-mɩ labʋ lootiye nɛ ɛtɛzɩ mɩ-laŋa hɛzʋʋ.

2 Yohanɛɛsɩ 1:3

Caa Ɛsɔ nɛ ɛ-Pɩyalʋ Yesu Krɩstʋ, pɔkɔŋ-ɖʋ labʋ lootiye nɛ pana ɖa-pʋtɔdɩyɛ nɛ pɛhɛzɩ ɖa-laŋa toovenim nɛ sɔɔlɩm pa-taa.

3 Yohanɛɛsɩ 1:4

Yee manɩwa se men-piya ɖɔŋ toovenim nʋmɔʋ taa yɔ, man-taa hʋlʋmʋʋ pɩtɩɩfɛyɩ. Nabʋyʋ fɛyɩ se pɩkɛdɩɣnɩ-m nɛ pɩkɩlɩ ḿbʋ́.

Yuudi 1:2

Mɛnsɛ-mɩ: Ɛsɔ ɛna mɩ-pʋtɔdɩyɛ siŋŋ nɛ ɛhɛzɩ mɩ-laŋa niɣ niɣ nɛ ɛsɔɔlɩ-mɩ siŋŋ.