1 Timootee 1:16 - New Testament

¹⁶ Pʋ-yɔɔ ɛna man-pʋtɔdɩyɛ se ɛwɩlɩ-mɩ ɛzɩma mbʋ́ ɛɖɔkʋʋ ɛ-hɔyɛ kpem yɔ. Ɛlabɩ ḿbʋ́ se mbá patɩŋa payɩ pɔkɔŋ wɛnaʋ lidaʋ ɛ-yɔɔ nɛ pehiɣ wezuu maatɛŋ yɔ pana.

1 Timootee 1:16 ပူးပေါင်းရင်းမြစ်များ

Luka 15:10

Meheyiɣ-mɩ se ḿbʋ́ ɖɔɖɔ pʋwɛɛ: yee kɩwɛɛkɩm laɖʋ kʋɖʋm nɔɔyʋ ɛlɛɣzɩ wɛtʋ yɔ, Ɛsɔ tiyiyaa laŋa hʋlʋmʋʋ ɖeu.»

Luka 23:43

Ɛ́lɛ́ ñocosi-i se: «Toovenim lɛ, meheyiɣ-ŋ se sɔnɔ ɖeke lɛ, ma nɛ ŋ ɖiwoki Ɛsɔ cɔlɔ e-koboyaɣ taa.»

Luka 7:47

Pʋ-yɔɔ mankaɖɩɣ-ŋ se sɔɔlɩm sɔsɔm tʋmɩyɛ nɖɩ́ ɛlaba yɔ, ɖɩwɩlɩɣ se pɛtɛm-ɩ kpeɣu ɛ-kɩwɛɛkɩm sakɩyɛ mbʋ́ ɛlaba yɔ. Ɛlɛ́, weyi pekpeɣiɣ-i kɩwɛɛkɩm pazɩ yɔ, ɛwɛɣnɩ sɔɔlɩm pazɩ.»

Yohanɛɛsɩ 20:31

Piyele ndʋ́ tʋtʋ wɛ ka-taa yɔ, pama-tʋ se ɩwɛnɩ lidaʋ se Yesu lɛ Ɛsɔ Pɩyalʋ nɛ ɛtɛ ɛkɛ Weyi Ɛsɔ Lɩzaa Yɔ nɛ piyele pɩtɩŋnɩ ɛ-yɔɔ nɛ ihiɣ wezuu.

Yohanɛɛsɩ 3:36

Weyi ɛwɛnɩ lidaʋ Ɛsɔ Pɩyalʋ yɔɔ yɔ, ehiɣ wezuu maatɛŋ. Weyi ɛ́lɛ́ ɛɛñaŋ-ɩ yɔ, eehikiɣ-kʋ. Ɛlɛ́, Ɛsɔ pana wɛɣ-ɩ kpanaʋ yɔɔ.»

Yohanɛɛsɩ 5:24

Toovenim lɛ, meheyiɣ-mɩ se weyi ewelesiɣ mɔn-tɔm nɛ ɛwɛnɩ lidaʋ weyi etiyi-m yɔ ɛ-yɔɔ yɔ, ehiɣ wezuu maatɛŋ. Paahʋʋnɩ-ɩ. Ɛtɛm lɩʋ sɩm taa nɛ ehiɣ wezuu maatɛŋ.

Yohanɛɛsɩ 6:37

Ɛyáa mbá patɩŋa man-Caa cɛlɩɣ-m yɔ, pɔkɔŋ mɔn-cɔlɔ, maakiziɣ pa-taa nɔɔyʋ kaʋ.

Yohanɛɛsɩ 6:40

Ɩɩnaɣ mbʋ́ man-Caa liu wɛɛ yɔ: weyi ɛnaɣ ɛ-Pɩyalʋ ma nɛ ɛwɛnɩ lidaʋ mɔ-yɔɔ yɔ, ehikiɣ wezuu maatɛŋ. Menfeziɣ-i kɛtɛzaɣ kɩyakʋ wiye nɛ sɩm taa.»

Yohanɛɛsɩ 6:54

Weyi ɛtɔkɩ mon-tomnaɣ nɛ ɛñɔɔ man-calɩm yɔ, ɛtɛm hiɣu wezuu maatɛŋ. Mɔnkɔŋ-ɩ fezuu kɛtɛzaɣ kɩyakʋ wiye nɛ sɩm taa.

Tʋma Labʋ 13:39

Weyi ɛwɛnɩ lidaʋ ɛ-yɔɔ yɔ, peɖeziɣ-i Ɛsɔ ɛsɩndaa mbʋ́ pɩtɩŋa pɩ-taa Mooyiizi paɣtʋ ñaapɩzɩɣ tiɖezi-i yɔ.

Room 15:4

Tɔm ndʋ́ tɩtɩŋa payɩ pama Ɛsɔtɔm Takayaɣ taa ɖooo lɔŋ yɔ, pama-tʋ se tikuli ɖɛ-ɛsɛ nɛ ɖɩɖɔkɩ ɖɔ-hɔ nɛ tiyele pɩlabɩ-ɖʋ hʋnʋm nɛ ɖɩɖaŋ mbʋ́ Ɛsɔ ɖʋwa se ɛlakɩ yɔ.

Room 6:23

Kɩwɛɛkɩm kɩhɛyʋʋ lɛ sɩm. Ɛlɛ́, kʋjɔʋ ŋgʋ́ Ɛsɔ lakɩ-ɖʋ falaa yɔ lɛ wezuu maatɛŋ ŋgʋ́ ɖihiɣ ɖa nɛ ɖa-Kɩpaɣlʋ Krɩstʋ Yesu ɖɛ-kpɛndʋʋ taa yɔ.

1 Kɔrɛntɩ 7:25

Aɖamɛɛ tɔm lɛ, Kɩpaɣlʋ taɖʋ-m se meheyi-mɩ natʋyʋ. Weyi ma ɛlabɩ lootiye nɛ pʋmʋna se ɛyʋ ɛta-m liu yɔ, ma-maɣmaɣ ma-lɩmaɣza meheyiɣ-mɩ.

2 Kɔrɛntɩ 4:1

Ɛsɔ labɩnɩ-ɖʋ ɖeu nɛ ɛɖʋ-ɖʋ nɔɔ haʋ kɩfam tʋmɩyɛ ńɖɩ́. Pʋ-yɔɔ piitisiɣ ɖo-toma taa.

Efɛɛzɩ 1:12

se ɖɩsa e-koboyaɣ. Mbʋ́ pʋyɔɔ yɔ, ɖa lɛ mbá pata Krɩstʋ liu nɛ pʋcɔ ɛkɔɔ yɔ.

Efɛɛzɩ 1:6

Ɛlabɩ ḿbʋ́ se ɖɩsam-ɩ lootiye koboyaɣ ñɩnɖɛ nɖɩ́ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ yɔ ɖɩ-yɔɔ.

Efɛɛzɩ 2:7

Ḿbʋ́ wɩlɩɣnɩ e-lootiye cee wayɩ. Ńɖɩ́ kɩlɩnɩ pɩtɩŋa payɩ. Đa nɛ Krɩstʋ Yesu ɖɛ-kpɛndʋʋ yɔɔ ɛkaɣ pɩzʋʋ nɛ ɛla camɩyɛ lakasɩ ńzɩ́.

2 Tesalooniki 1:10

Puwiye ńɖɩ́ lɛ, ɛkɔŋ se pɩtɩŋnɩ ɛ-ñɩma yɔɔ nɛ ɛ-hɩɖɛ sɛɛ nɛ mbá pɛwɛnɩ lidaʋ ɛ-yɔɔ yɔ, patɩŋa payɩ payɩɣyɩ-ɩ. Ŋgʋ́, mɩ mitisi aseɣɖe nɖɩ́ ɖɩlɩzaa yɔ.

1 Timootee 1:13

Ŋgʋ́, maawɛɛkɩ ɛ-hɩɖɛ nɛ mɛwɛɛ ɛ-wayɩ kaŋ kaŋ nɛ mantʋʋ-ɩ ɖɔɖɔ. Ɛlɛ́, ɛna man-pʋtɔdɩyɛ, mbʋ́ pʋyɔɔ yɔ, mantaatɩlɩ mbʋ́ malakaɣ yɔ. Mbʋ́ pʋyɔɔ yɔ, mantaawɛnɩ lidaʋ ɛ-yɔɔ.

Ebree 7:25

Pʋ-yɔɔ ɛpɩzɩɣ ɛya mbá patɩŋɩɣnɩ ɛ-yɔɔ nɛ pañɩnɩɣ Ɛsɔ yɔ pa-ñʋʋ kpem. Mbʋ́ pʋyɔɔ yɔ, ɛwɛ wezuu tam nɛ etendiɣ Ɛsɔ pɔ-yɔɔ.

1 Pɩyɛ 3:20

Ńzɩ́ lɛ mbá pataaña Ɛsɔ alɩwaatʋ ndʋ́ tɩ-taa Nowee sakaɣ kpɩyʋʋ sɔsɔʋ yɔ pa-kalɩzasɩ. Alɩwaatʋ ńdʋ́ tɩ-taa Ɛsɔ kɔɖɔkɩ ɛ-hɔyɛ. Ɛlɛ́, ɛyáa pazɩ yem kasʋnɩ kɩ-taa nɛ pɛwɛɛ lɩm yɔɔ nɛ pɩya pa-ñʋʋ. Paakpɛndɩ ɛyáa lutozo.

2 Pɩyɛ 3:15

Ɩtɩlɩ se ɖa-Kɩpaɣlʋ hɔyɛ ɖɔkʋʋ haɣnɩ-mɩ waɖɛ se pɩya mɩ-ñʋʋ. Ḿbʋ́ Ɛsɔ ha ɖa-taabalʋ kʋsɔɔlʋ Pɔɔlɩ lɔŋsɩnɖɛ nɛ ɛma nɛ eheyi-mɩ ɖɔɖɔ.

2 Pɩyɛ 3:9

Nabɛyɛ maɣzɩɣ se Kɩpaɣlʋ tala lɔŋ mbʋ́ eheyi ɛyáa se ɛlakɩ yɔ. Ŋgʋ́ pɩtɛkɛ ḿbʋ́. Ɛlɛ́, mɩ-yɔɔ ɛ́ɖɔ́kɩ ɛ-hɔyɛ. Mbʋ́ pʋyɔɔ yɔ, ɛtɔsɔɔlɩ se nɔɔyʋ ɛtɛŋɛlɩ. Ɛlɛ́, ɛsɔɔlaa se ɛyáa tɩŋa payɩ ɛlɛɣzɩ wɛtʋ.