1 Timootee 1:11 - New Testament

¹¹ Tɔm kɩbandʋ ńdʋ́, tɩwɛ Laŋhɛzɩyɛ Tɔm ndʋ́ tɩkɛ koboyaɣ yɔ tɩ-taa. Ɛsɔ weyi ɛwɛ laŋhɛzɩyɛ taa yɔ, ɛɖʋzɩnɩ Laŋhɛzɩyɛ Tɔm ńdʋ́ me-nesi taa.

1 Timootee 1:11 ပူးပေါင်းရင်းမြစ်များ

Luka 2:14

«Pasa Ɛsɔ ɖooo ɛsɔdaa nɛ ɛ-laŋhɛzɩyɛ wɛɛ tataa ɛyáa mbá ɛsɔɔlɩ-wɛ yɔ pɔ-cɔlɔ.»

Room 2:16

Ḿbʋ́ kaɣnɩ lɩʋ kɩyakʋ ŋgʋ́ Ɛsɔ kɔŋ ɛyáa tɔm hʋnaʋ yɔ. Ɛtɩŋɩɣnɩ Krɩstʋ Yesu yɔɔ nɛ ɛhʋʋnɩ ɛyáa mbʋ́ pɩtɩŋa payɩ palabɩ mɛsaɣ tɛɛ yɔ pʋ-yɔɔ. Ḿbʋ́ wɛnɩ Laŋhɛzɩyɛ Tɔm ndʋ́ monsusuu yɔ tɩ-taa.

1 Kɔrɛntɩ 9:17

Yee ma-maɣmaɣ maasɔɔlɩna se malakɩ tʋmɩyɛ ńɖɩ́ yɔ, maaɖaŋaa se pɛhɛyɩ-m. Ɛlɛ́, ɛzɩma mbʋ́ paɖʋ-m-ɖɩ kʋɖʋʋ lɛ, pɩkɛnɩ-m kɩcɛyʋʋ se malabɩ-ɖɩ.

2 Kɔrɛntɩ 4:4

Laŋa kpɩzɩŋ tɩnaa mbá kedeŋa wiyaʋ kañadʋ huuzi pa-lɩmaɣza yɔɔ yɔ, ḿbá tɩwɛ cɩkpɛndʋʋ. Pɩlabɩ ḿbʋ́ se pataana ɛzɩma mbʋ́ Laŋhɛzɩyɛ Tɔm ñalɩmɩyɛ wɩlɩɣ Krɩstʋ koboyaɣ yɔ. Ɛnʋ lɛ Ɛsɔ lɛzʋʋ.

2 Kɔrɛntɩ 4:6

Mbʋ́ pʋyɔɔ yɔ, Ɛsɔ weyi ɛtɔm se: «Ñalɩmɩyɛ ɛñalɩ cɩkpɛndʋʋ taa» yɔ, ɛnʋ ɖɔɖɔ yebina nɛ ɛ-ñalɩmɩyɛ ñalɩ ɖa-laŋa taa. Ńɖɩ́ yekina se ɖɩtɩlɩ e-koboyaɣ ŋgá kañɩlɩsɩɣ Krɩstʋ ɛsɩndaa yɔ.

Galaatɩ 2:7

Ɛlɛ́, ñʋndɩnaa ḿbá, pa-maɣmaɣ peɖiɣzinaa se Ɛsɔ ɖʋnɩ-m tʋmɩyɛ ńɖɩ́ se mɔncɔɔ meheyi kɩtɛpɛlɩŋ Laŋhɛzɩyɛ Tɔm: ḿbá lɛ mbá pɛtɛkɛ Yuda ñɩma yɔ. Ḿbʋ́ ɖɔɖɔ ɛɛɖʋ Pɩyɛ se ɛcɔɔ nɛ eheyi-tʋ mbá paba kɛ Yuda ñɩma yɔ.

Efɛɛzɩ 1:12

se ɖɩsa e-koboyaɣ. Mbʋ́ pʋyɔɔ yɔ, ɖa lɛ mbá pata Krɩstʋ liu nɛ pʋcɔ ɛkɔɔ yɔ.

Efɛɛzɩ 1:6

Ɛlabɩ ḿbʋ́ se ɖɩsam-ɩ lootiye koboyaɣ ñɩnɖɛ nɖɩ́ ɛtɩŋnɩ ɛ-Pɩyalʋ kʋsɔɔlʋ yɔɔ nɛ ɛlabɩ-ɖʋ yɔ ɖɩ-yɔɔ.

Efɛɛzɩ 2:7

Ḿbʋ́ wɩlɩɣnɩ e-lootiye cee wayɩ. Ńɖɩ́ kɩlɩnɩ pɩtɩŋa payɩ. Đa nɛ Krɩstʋ Yesu ɖɛ-kpɛndʋʋ yɔɔ ɛkaɣ pɩzʋʋ nɛ ɛla camɩyɛ lakasɩ ńzɩ́.

Efɛɛzɩ 3:10

Yee ḿbʋ́, pɩkpaɣʋnɩ lɛɛlɛɛyɔ yɔ, pɩtɩŋɩɣnɩ Krɩstʋ ŋgbɛyɛ taa ñɩma yɔɔ nɛ ñʋndɩnaa nɛ ɛsɔdaa ɖoŋ tɩŋa patɩlɩ ɛzɩma mbʋ́ Ɛsɔ lɔŋsɩnɖɛ paɣlaa pɩtɩɩfɛyɩ yɔ.

Koloosi 1:25

Manpɩsɩ pa-tʋmlaɖʋ: Ɛsɔ ɖʋnɩ-m se malɩzɩ-mɩ ɛ-tɔm tɔbʋʋ siŋŋ.

1 Tesalooniki 2:4

Ɛlɛ́, ɖɩyɔɔdʋʋ tam ɛzɩ Ɛsɔ liu wɛʋ yɔ: ɛmaɣzɩ-ɖʋ nɛ pʋcɔ ɛ́ɖʋzɩ ɖe-nesi taa ɛ-Laŋhɛzɩyɛ Tɔm. Pɩtɛkɛ se ɖɩñɩnɩɣ se ɖɔ-tɔm ɛkɛdɩnɩ ɛyáa, ɛlɛ́, Ɛsɔ ɖɩñɩnɩɣ se tɩkɛdɩna, ɛnʋ naɣnɩ mbʋ́ pʋwɛ ɖa-laŋa taa yɔ.

1 Timootee 2:7

Pʋ-yɔɔ palɩzɩ man-tɩ tɩŋa se mɛnkɛ Ɛsɔtɔm susiyu nɛ mɛntɛ mɛnkɛ Krɩstʋ tiyiyu. Mɔyɔɔdʋʋ toovenim, maacɛtɩɣ. Paɖʋ-m se mawɩlɩ mbá pɛtɛkɛ Yuda ñɩma yɔ toovenim nɛ lidaʋ pɔ-tɔm.

1 Timootee 6:15

Alɩwaatʋ ndʋ́ Ɛsɔ ɖʋwa yɔ tɩtalɩɣ lɛ, eyele nɛ Krɩstʋ pɩsɩ ɛkɔɔ. Ɛnʋ lɛ Ɛsɔ weyi ɛwɛ laŋhɛzɩyɛ taa yɔ. E-ɖeke koŋ ɛcɔŋnɩnɩ pɩtɩŋa pʋ-yɔɔ. Ɛnʋ lɛ awiya taa Wiyaʋ nɛ kɩpaɣlaa taa Kɩpaɣlʋ.

1 Timootee 6:20

Man-taabalʋ Timootee, ɖɔkɩ mbʋ́ Ɛsɔ ɖʋzɩ ñe-nesi taa yɔ nesi naalɛ kpam. Taaɖʋ ñɔ-nɔɔ tɔm ndʋ́ tɩɩwazɩɣ pʋyʋ nɛ tiiyeki se ɛyʋ ɛtɩlɩ Ɛsɔ yɔ tɩ-taa. Koli tɔm hɔm mbʋ́ ɛyáa kpakɩɣ se pɩkɛ lɛɣtʋ yɔ.

2 Timootee 1:11

Laŋhɛzɩyɛ Tɔm ńdʋ́, tɩ-taa Ɛsɔ ɖʋ-m se mɛnkɛ Yesu tiyiyu nɛ mɛntɛ mɛnkɛ wɩlɩyʋ nɛ mɛntɛ mɛnkɛ ti-susiyu.

2 Timootee 1:14

Đɔkɩ pʋyʋ kɩbanʋ weyi Ɛsɔ tɩŋnɩ e-Fezuu Kiɖeɖeu ŋgʋ́ kɩwɛ ɖa-taa yɔ kʋ-yɔɔ nɛ ɛ́ɖʋzɩ ñe-nesi taa yɔ nesi naalɛ kpam.

2 Timootee 2:2

Tɔm ndʋ́ ŋnɩ mawɩlaɣ ɛyáa sakɩyɛ ɛsɩndaa yɔ, ɖʋzɩ-tʋ mbá ŋtaɣ-wɛ liu yɔ pe-nesi taa nɛ papɩzɩ pawɩlɩ-tʋ ɖɔɖɔ lɛlaa.

Tiiti 1:3

Alɩwaatʋ ndʋ́ ɛɖʋwa yɔ tɩtalaa lɛ, ɛtɩŋnɩ ɛ-tɔm yɔɔ nɛ ɛwɩlɩ wezuu ŋ́gʋ́. Me-nesi taa ɖa-ñʋʋ yaɖʋ Ɛsɔ ɖʋzɩ-tʋ nɛ ɛha-m nɔɔ se monsusi-tʋ.