1 Timootee 1:10 - New Testament

¹⁰ Paɖʋ-tʋ ɖɔɖɔ acɛyɛ laɖaa nɛ abalaa yaa halaa mbá pacaɣ ɖama yɔ nɛ yomaa pɛdɩyaa nɛ cɛtɩyaa nɛ mbá paalakɩ mbʋ́ poɖuwaa se palakɩ yɔ nɛ lakasɩ lɛɛsɩ nzɩ́ sɩtɩŋa payɩ sɩwɛɛkɩɣ tɔm kɩbandʋ ndʋ́ pawɩlɩɣ-ɖʋ yɔ sɩ-laɖaa.

1 Timootee 1:10 ပူးပေါင်းရင်းမြစ်များ

Yohanɛɛsɩ 8:44

Mɩ-caa lɛ eleeu. Mbʋ́ e-liu wɛɛ yɔ, ḿbʋ́ ɩsɔɔlɩ labʋ. Ɛkɛ ɛyáa kʋyʋ ɖooo kiɖe tɛɛ. Ɛɛɖɔŋ toovenim nʋmɔʋ taa, mbʋ́ pʋyɔɔ yɔ, toovenim ḿbʋ́, pɩfɛyɩ ɛ-taa. Ɛkʋyʋʋ cɛtʋʋ lɛ, ɛyɔɔdʋʋ ɛzɩ ɛ-maɣmaɣ ɛwɛʋ yɔ: ɛkɛ cɛtɩyʋ, ɛ-cɔlɔ cɛtɩm lɩɣna.

Room 1:26

Pʋ-yɔɔ Ɛsɔ yebi-wɛ nɛ pañɩnɩɣ kpem se pala mbʋ́ pʋɖʋʋ ɛyáa fɛyɛ yɔ: halaa yebi pa-walaa cɔlɔ sʋʋ nɛ panɩɣnɩ ɖama caʋ.

1 Timootee 4:6

Yee ŋwɩlɩɣ ña-taabalaa tɔm ńdʋ́ yɔ, ŋkɛɣ Krɩstʋ Yesu tʋmlaɖʋ kɩbanʋ. Ḿbʋ́ wɩlɩɣna se ŋyeki nɛ lidaʋ tɔm sʋʋnɩ-ŋ nɛ ŋɖɔŋ camɩyɛ tɔm kɩbandʋ ndʋ́ pɛkpɛlɩkɩ-ŋ yɔ tɩ-yɔɔ.

1 Timootee 6:3

Yee nɔɔyʋ ɛwɩlɩɣ mbʋ́ pʋwɛnɩ ndɩ yɔ nɛ ɛɛɖɔŋ ɖa-Kɩpaɣlʋ Yesu Krɩstʋ tɔm kɩbandʋ nɛ ndʋ́ tiyeki se ɛyáa ɛɖɔ ɛzɩ Ɛsɔ liu wɛʋ yɔ pɔ-yɔɔ yɔ,

2 Timootee 1:13

Yele nɛ toovenim tɔm ndʋ́ meheyi-ŋ yɔ, tɩkɛnɩ ña-nʋmɔʋ lidaʋ wɛnaʋ nɛ sɔɔlɩm mbá ŋwɛnɩ ña nɛ Krɩstʋ Yesu mɩ-kpɛndʋʋ taa yɔ pa-taa.

2 Timootee 4:3

Mbʋ́ pʋyɔɔ yɔ, alɩwaatʋ natʋyʋ kaɣ kɔm nɛ pɩɖɛɛ ɛyáa nɛ tɔm kɩbandʋ ndʋ́ pawɩlɩɣ-wɛ yɔ. Ɛlɛ́, ɛzɩma mbʋ́ pa-nɩŋgbaaŋ taa puu lɛ, pɔkɔŋ ñɩnʋʋ wɩlɩyaa ndɩ ndɩ se paba eheyi-wɛ mbʋ́ pa-maɣmaɣ pe-liu wɛɛ kpem yɔ nɛ pewelesi.

Tiiti 1:13

Tɔm ndʋ́ ɛyɔɔdʋʋ yɔ, tɩkɛ toovenim. Pʋ-yɔɔ pʋwɛɛ se ŋkalɩ-wɛ siŋŋ. Peeɖe pɛwɛɣnɩ lidaʋ kɩbaŋgʋ

Tiiti 1:9

Pʋwɛɛ se ɛ́ɖɔ́kɩ tɔm kɩbandʋ ndʋ́ ɖɩwɩlɩɣ yɔ nesi naalɛ kpam. Tɩmʋnaa se pɛwɛnɩ lidaʋ tɩ-yɔɔ. Tɩ-yɔɔ ɛtɩŋɩɣna nɛ ɛsazɩ ɛ-taabalaa nɛ ɛwɩlɩ mbá paatisiɣ ɛ-tɔm yɔ ɖenɖe pucoɖi-wɛ yɔ.

Ebree 13:4

Pʋwɛɛ se ɛyáa tɩŋa payɩ ɛɖʋ halɩkpaɣyɛ hɩɖɛ. Abalʋ ɛsʋnɩ ɛ-halʋ ɖeke nɛ halʋ ɖɔɖɔ ḿbʋ́. Mbʋ́ pʋyɔɔ yɔ, Ɛsɔ kɔŋ hʋnaʋ hayitu nɛ acɛyɛ pa-laɖaa.

Yuudi 1:7

Ɩtɔzɩ ɖɔɖɔ se Sodom tɛtʋ nɛ Gomɔɔrɩ ñɩndʋ nɛ ndʋ́ ndʋ́ tɩñɔtɩnɩ-tʋ yɔ, tɩ-taa ñɩma kalaba ɖɔɖɔ ɛzɩ Ɛsɔ tiyiyaa ḿbá yɔ. Palakaɣ acɛyɛ, halɩ pañɩnɩɣ se pala mbʋ́ pɩfɛyɩ ɛyáa ñɩndʋ taa kpem yɔ. Pʋ-yɔɔ Ɛsɔ hɔm pa-nɩŋgbaaŋ nɛ ɛɖʋ-wɛ miŋ weyi eeɖeŋ kaʋ yɔ ɛ-taa. Ɛlabɩ ḿbʋ́ se ɛyáa tɩŋa ɛna nɛ pakpa pa-tɩ.

Wɩlʋʋ 18:13

Pɛpɛdaɣ ɖɔɖɔ mbʋ́ pacanɩɣnɩ ɖozi yɔ nɛ tɩlaaɖɩnaa ndɩ ndɩ nɛ tɩlaaɖɩ ŋgʋ́ pɔhɔkɩ yɔ nɛ kɔyɛ nɖɩ́ payaɣ se miiri yɔ nɛ sʋlʋm nɛ num nɛ mʋlʋm nɛ mɩla nɛ naŋ nɛ heŋ nɛ kpaŋnaŋ nɛ lɔɔɖa wena kpaŋnaŋ hɔŋ yɔ nɛ yomaa nɛ ɛyáa lɛlaa.

Wɩlʋʋ 21:27

Azuluma pʋyʋ yaa weyi ɛlakɩ kʋsɔɔtʋ yɔ yaa weyi ɛcɛtɩɣ yɔ, ɛɛkaɣ sʋʋ tɛtʋ ńdʋ́ tɩ-taa. Ɛlɛ́, mbá pama pa-hɩla wezuu takayaɣ ŋgá kɛkɛ Heɣa ñɩŋga yɔ ka-taa yɔ, pe-ɖeke koŋ pasʋʋna.

Wɩlʋʋ 21:8

Piyele sɔɔndʋ tɩnaa nɛ mbá paañaŋ Ɛsɔ yɔ nɛ kʋsɔɔtʋ tɩnaa nɛ ɛyáa kʋyaa nɛ acɛyɛ laɖaa nɛ fadɩŋ laɖaa nɛ agɔlɩma layaa nɛ cɛtɩyaa tɩŋa payɩ pe-ɖeɖe lɛ miŋ sɔsɔŋ weyi ɛ-taa nɛ tɩm nɛ ɛmʋʋ siŋŋ yɔ ɛ-taa: ḿbʋ́ lɛ sɩm naalɛ ñɩmbʋ.»

Wɩlʋʋ 22:15

Piyele kʋsɔɔtʋ laɖaa nɛ fadɩŋ laɖaa nɛ acɛyɛ laɖaa nɛ ɛyáa kʋyaa nɛ agɔlɩma layaa nɛ mbá pɔsɔɔlɩ cɛtʋʋ nɛ pɛcɛtɩɣ ɛyáa yɔ, paba ñɛwɛɣnɩ tɩ-wayɩ!