1 Timootee 1:1 - New Testament

¹ Ma Pɔɔlɩ, ɖa-ñʋʋ yaɖʋ Ɛsɔ nɛ Krɩstʋ Yesu weyi ɖɩtaɣ liu yɔ pahanɩ-m nɔɔ se mɛnkɛ Krɩstʋ Yesu tiyiyu.

1 Timootee 1:1 ပူးပေါင်းရင်းမြစ်များ

Luka 1:47

Ma-laŋɩyɛ hʋlʋmɩnɩ-ɩ. Ɛnʋ lɛ Ɛsɔ weyi ɛyabɩ ma-ñʋʋ yɔ.

Luka 2:11

Ńdʋ́ lɛ se palʋlɩ-mɩ Ñʋʋ Yaɖʋ ɖoó anɛ a-taa Daaviidi tɛ Bɛtlɛhɛm. Ɛnʋ lɛ Kɩpaɣlʋ, ɛnʋ lɛ Weyi Ɛsɔ Lɩzaa Yɔ.

Tʋma Labʋ 9:15

Ɛlɛ́, Kɩpaɣlʋ heyi-i se: «Kʋyɩ ŋwolo, mbʋ́ pʋyɔɔ yɔ, malɩzɩnɩ-ɩ se pɩtɩŋnɩ ɛ-yɔɔ nɛ ajɛya lɛɛna taa ñɩma nɛ pa-awiya sɔsɔna nɛ Izrɛɛlɩ ñɩma pasɩm-m.

Room 1:1

Ma Krɩstʋ Yesu tʋmlaɖʋ Pɔɔlɩ, mamaɣnɩ-mɩ takayaɣ kanɛ, mɛnsɛ-mɩ. Ɛsɔ ya-m se mɛnkɛ Yesu tiyiyu nɛ ɛsɩ-m nɛ hɔɔlʋʋ se monsusi ɛ-Laŋhɛzɩyɛ Tɔm.

1 Kɔrɛntɩ 1:1

Ma Pɔɔlɩ lɛ, pɩkɛdɩnɩ Ɛsɔ nɛ ɛya-m se mɛnkɛ Krɩstʋ Yesu tiyiyu. Ma nɛ taabalʋ Sɔstɛɛnɩ ɖɩmaɣnɩ-mɩ takayaɣ kanɛ.

1 Kɔrɛntɩ 9:17

Yee ma-maɣmaɣ maasɔɔlɩna se malakɩ tʋmɩyɛ ńɖɩ́ yɔ, maaɖaŋaa se pɛhɛyɩ-m. Ɛlɛ́, ɛzɩma mbʋ́ paɖʋ-m-ɖɩ kʋɖʋʋ lɛ, pɩkɛnɩ-m kɩcɛyʋʋ se malabɩ-ɖɩ.

2 Kɔrɛntɩ 1:1

Ma Pɔɔlɩ weyi Ɛsɔ liu wɛɛ se mɛnkɛ Krɩstʋ Yesu tiyiyu yɔ nɛ taabalʋ Timootee ɖɩmaɣnɩ-mɩ takayaɣ kanɛ. Đɩmaɣ-kɛ mbá mɩ ɩkɛ Ɛsɔ ŋgbɛyɛ taa ñɩma Kɔrɛntɩ yɔ nɛ Ɛsɔ ñɩma lɛlaa mbá patɩŋa payɩ pɛwɛ Akayɩ egeetiye tɩŋa taa yɔ.

Galaatɩ 1:1

Ma Yesu tiyiyu Pɔɔlɩ nɛ man-taabalaa tɩŋa mbá pɛwɛ cɩnɛ yɔ, ɖɩmaɣnɩ Krɩstʋ aŋgba wena awɛ Galaatɩ egeetiye taa yɔ a-taa ñɩma takayaɣ kanɛ. Pɩtɛkɛ ɛyáa nabɛyɛ yaa ɛyʋ nɔɔyʋ lɩzɩnɩ-m se mɛnkɛ Yesu tiyiyu. Ɛlɛ́, Yesu Krɩstʋ weyi ɛsɩba nɛ Caa Ɛsɔ fezi-i yɔ, ɛ nɛ Caa Ɛsɔ ɛnʋ, palɩzɩnɩ-m.

Galaatɩ 1:11

Taabalaa! Mankaɖɩɣ-mɩ se Laŋhɛzɩyɛ Tɔm ndʋ́ monsusuu yɔ, tɩtalɩɩnɩ ɛyáa cɔlɔ.

Koloosi 1:27

E-liu wɛɛ se patɩlɩ ñɩm sɔsɔm mbʋ́ pʋwɛ mɛsaɣ tɛɛ nɛ posusuu pʋ-tɔm ajɛya kpeekpe taa yɔ. Ḿbʋ́ lɛ se: Krɩstʋ wɛ mɩ-cɔlɔ. Ɛnʋ yekina nɛ ɩɖaŋ se ɩkɔŋ sʋʋ Ɛsɔ koboyaɣ taa.

2 Tesalooniki 2:16

Toovenim lɛ, ɖa-Caa Ɛsɔ sɔɔlɩ-ɖʋ nɛ ɛtɩŋnɩ e-lootiye yɔɔ nɛ eyele ɖa-laŋa hɛɛ tam nɛ ɖɩɖaŋ mbʋ́ ɛɖʋwa se ɛhaɣ-ɖʋ yɔ kpam. Ɛ nɛ ɖa-Kɩpaɣlʋ Yesu Krɩstʋ maɣmaɣ

1 Timootee 1:12

Mansaŋ ɖa-Kɩpaɣlʋ Krɩstʋ Yesu weyi ɛha-m ɖoŋ se malabɩnɩ ɛ-tʋmɩyɛ yɔ. Mansaŋ-ɩ ɛzɩma mbʋ́ ɛnawa se malakɩ mbʋ́ pʋpɔzʋʋ yɔ nɛ ɛlɩzɩ-m se mɛnkɛ ɛ-tʋmlaɖʋ yɔ pʋ-yɔɔ.

1 Timootee 2:3

Ḿbʋ́ wɛnɩ ɖeu nɛ pɩkɛdɩnɩ ɖa-ñʋʋ yaɖʋ Ɛsɔ.

1 Timootee 2:7

Pʋ-yɔɔ palɩzɩ man-tɩ tɩŋa se mɛnkɛ Ɛsɔtɔm susiyu nɛ mɛntɛ mɛnkɛ Krɩstʋ tiyiyu. Mɔyɔɔdʋʋ toovenim, maacɛtɩɣ. Paɖʋ-m se mawɩlɩ mbá pɛtɛkɛ Yuda ñɩma yɔ toovenim nɛ lidaʋ pɔ-tɔm.

1 Timootee 4:10

Pʋ-yɔɔ ɖɩlakɩ tʋmɩyɛ sɩbʋ yɔɔ sɩbʋ yɔɔ nɛ ɖɩlʋkɩ. Mbʋ́ pʋyɔɔ yɔ, ɖɩtaɣ Ɛsɔ weyi ɛwɛ wezuu yɔ. Ɛkɛ ɛyáa tɩŋa payɩ ñʋʋ yaɖʋ, kɔzɩkɔzɩ mbá pɛwɛnɩ lidaʋ ɛ-yɔɔ yɔ.

Tiiti 1:3

Alɩwaatʋ ndʋ́ ɛɖʋwa yɔ tɩtalaa lɛ, ɛtɩŋnɩ ɛ-tɔm yɔɔ nɛ ɛwɩlɩ wezuu ŋ́gʋ́. Me-nesi taa ɖa-ñʋʋ yaɖʋ Ɛsɔ ɖʋzɩ-tʋ nɛ ɛha-m nɔɔ se monsusi-tʋ.

Tiiti 2:10

Pɩfɛyɩ ɖɔɖɔ se pesezi pa-ñɩm yɔɔ. Ɛlɛ́, pʋwɛɛ se pawɩlɩ pa-tɩ tam se pɛkɛ ɛyáa kɩbama nɛ toovenim tɩnaa. Peeɖe ɛyáa ɖʋʋ ɖa-ñʋʋ yaɖʋ Ɛsɔ tɔm ndʋ́ pawɩlɩɣ yɔ hɩɖɛ.

Tiiti 2:13

Ḿbʋ́ pʋwɛɛ se ɖɩla nɛ ɖɩɖaŋnɩ laŋhʋlʋmɩyɛ kɩyakʋ ŋgʋ́ ɖɩɖaŋaa yɔ. Ki-wiye Krɩstʋ Yesu weyi ɛkɛ ɖɛ-Ɛsɔ sɔsɔ nɛ ɖa-ñʋʋ yaɖʋ yɔ e-koboyaɣ lɩɣ.

Tiiti 3:4

Ɛlɛ́, alɩwaatʋ ndʋ́ ɖa-ñʋʋ yaɖʋ Ɛsɔ yeba nɛ ɛyáa na se ɛwɛ ɖeu nɛ ɛsɔɔlɩ-wɛ yɔ

Tiiti 3:6

Mbʋ́ pʋyɔɔ yɔ, Ɛsɔ tɩŋnɩ ɖa-ñʋʋ yaɖʋ Yesu Krɩstʋ yɔɔ nɛ ɛha-ɖʋ e-Fezuu Kiɖeɖeu nɛ pʋwɛɛ ɛzɩ ehuuzi-kʋ ɖɔ-yɔɔ kuhuuzuu kpem yɔ.

1 Pɩyɛ 1:21

Ɛ-yɔɔ pɩtɩŋnaa nɛ ɩwɛnɩ lidaʋ Ɛsɔ yɔɔ. Ɛsɔ ɛnʋ efezini-i nɛ ɛlɩɩnɩ sɩɖaa taa nɛ ɛha-ɩ koboyaɣ. Ḿbʋ́ yekina nɛ ɩwɛnɩ lidaʋ Ɛsɔ ɛnʋ ɛ-yɔɔ nɛ ɩtaa-ɩ liu.

1 Pɩyɛ 1:3

Đɩsa Ɛsɔ, ɛnʋ lɛ ɖa-Kɩpaɣlʋ Yesu Krɩstʋ Caa. Ɛna ɖa-pʋtɔdɩyɛ siŋŋ nɛ ɛtɩŋnɩ Yesu Krɩstʋ fem nɛ ɛlɩɩnɩ sɩɖaa taa yɔ pʋ-yɔɔ nɛ ɛha-ɖʋ wezuu kɩfalʋʋ. Mbʋ́ Ɛsɔ labɩ ḿbʋ́ yɔ, piyebina nɛ ɖɩtaɣ liu siŋŋ.

2 Pɩyɛ 1:1

Ma Siimɔɔ Pɩyɛ weyi ɛkɛ Yesu Krɩstʋ tʋmlaɖʋ nɛ e-tiyiyu yɔ, mamaɣnɩ takayaɣ kanɛ. Mamaɣ-kɛ mbá mɩ ɩwɛnɩ lidaʋ ɛ-yɔɔ ɖɔɖɔ ɛzɩ ɖa yɔ. Yesu Krɩstʋ weyi ɛkɛ ɖa-ñʋʋ yaɖʋ nɛ ɖɛ-Ɛsɔ yɔ, ɛtʋʋzaa yɔɔ eyebi se ɩwɛnɩ-kʋ. Lidaʋ ŋ́gʋ́, kɩkɛnɩ ɖatɩŋa payɩ pʋyʋ sɔsɔ.

1 Yohanɛɛsɩ 4:14

Đa lɛ, ɖɩnawa nɛ ɖɩlɩzɩɣ aseɣɖe se Caa Ɛsɔ tiyi ɛ-Pɩyalʋ kedeŋa yɔɔ se ɛya ɛyáa ñʋŋ.