1 Kɔrɛntɩ 9:12 - New Testament

¹² Yee Ɛsɔtɔm susiyaa lɛlaa ɩwɛnɩ waɖɛ se pɔtɔɔ pɛ-Ɛsɔtɔm susuu yɔɔ lɛ, ɖɩfɛyɩnɩ waɖɛ nɛ pɩkɩlɩ-wɛ yaa we? Paa ḿbʋ́ yɔ, ɖɩtɔpɔzɩ-mɩ se ɩsɩnɩ-ɖʋ. Ɛlɛ́, ɖitisaa nɛ ɖɩla kʋñɔŋ pɩtɩŋa pɩ-taa se ɖa-lakasɩ nasɩyɩ ɛtaaɖɩɣ ɛyáa nʋmɔʋ se pataanɩɩ Krɩstʋ Laŋhɛzɩyɛ Tɔm.

1 Kɔrɛntɩ 9:12 ပူးပေါင်းရင်းမြစ်များ

Luka 11:52

Paɣtʋ wɩlɩyaa mɩ, pʋtɔɔ-mɩ! Mbʋ́ pʋyɔɔ yɔ, ɩkpɛ nɔnɔɔ ŋgá patɩŋɩɣna nɛ patɩlɩ Ɛsɔ yɔ ka-ñɩmɩyɛ. Ŋgʋ́, mɩ-maɣmaɣ ɩɩsʋʋ, ɛlɛ́ ɩɖɩkɩ mbá pe-liu wɛɛ se pasʋʋ yɔ nʋmɔʋ ɖɔɖɔ.»

Tʋma Labʋ 18:3

nɛ ɛ nɛ wɛ pɛwɛɛ nɛ palakɩ tʋmɩyɛ. Mbʋ́ pʋyɔɔ yɔ, paakɛ kɩɖanɖɩŋ laɖaa ɖɔɖɔ ɛzɩ ɛnʋ yɔ.

Room 15:22

Tɔm ńdʋ́ ti-susuu wɛna pɩlaɣzɩɣ-m nɛ mɔntɔkɔmda mɩ-tɛ.

1 Kɔrɛntɩ 13:7

Etisiɣ pɩtɩŋa payɩ, ɛwɛnɩ lidaʋ pɩtɩŋa pɩ-taa, ɛtaɣ liu se pɩtɩŋa payɩ pʋkɔŋ labʋ, ɛɖɔkʋʋ ɛ-tɩ pɩtɩŋa pɩ-taa.

1 Kɔrɛntɩ 6:7

Yee tɔm natʋyʋ ɛtɩɩwɛ mɩ-hɛkʋ taa se pahʋʋ-tʋ yɔ, pɩwɩlɩɣ se ɩtɛm tɔlʋʋ kpem. Pɩlabɩ ɛzɩma ɩɩpɩzɩɣ se ɩɖɔkɩ mɩ-tɩ alɩwaatʋ ndʋ́ nɔɔyʋ lakɩ-mɩ kɩdɛkɛdɩm yaa ɛmɩlɩ mɩ-pʋyʋ yɔ?

1 Kɔrɛntɩ 9:14

Ḿbʋ́ ɖɔɖɔ Kɩpaɣlʋ ɖʋwa se mbá posusuu Laŋhɛzɩyɛ Tɔm yɔ, pɩtɩŋnɩ mbá posusuu-wɛ-tʋ yɔ pɔ-yɔɔ nɛ pehiɣ pɔtɔɔ.

1 Kɔrɛntɩ 9:15

Paa ḿbʋ́ yɔ, mɔntɔpɔzɩ nɔɔyʋ pʋyʋ. Ndʋ́ mamawa yɔ, mantama se ɩha-m pʋyʋ. Mbʋ́ pʋyɔɔ yɔ, pɩkɩlɩ wee wee se mansɩ ɛzɩ maasʋlʋmɩ nɔɔyʋ pʋyʋ yɔ: nɔɔyʋ ɛɛkaɣ wɛɛkʋʋ mbʋ́ malabɩ falaa nɛ mankʋndʋʋnɩ-pʋ yɔ.

1 Kɔrɛntɩ 9:16

Ŋgʋ́, Laŋhɛzɩyɛ Tɔm susuu tɛkɛnɩ-m mbʋ́ mankʋndʋʋna yɔ. Mbʋ́ pʋyɔɔ yɔ, Ɛsɔ ɖʋnɩ-m se monsusi-tʋ. Yee montosusi-tʋ yɔ, eyeki nɛ pɩnɩ-m siŋŋ.

1 Kɔrɛntɩ 9:18

Man-kɩhɛyʋʋ lɛ ŋgʋ́ yɔ? Ŋ́gʋ́ lɛ waɖɛ nɖɩ́ pɩha-m se monsusuu Laŋhɛzɩyɛ Tɔm falaa yɔ. Maapɔzʋʋ nɔɔyʋ se ɛlabɩ-m mbʋ́ pʋmʋnaa se palabɩ-m tɩ-yɔɔ yɔ.

1 Kɔrɛntɩ 9:2

Paa lɛlaa ɛtakpaɣ-m se mɛnkɛ Krɩstʋ tiyiyu yɔ, pʋwɛɛ se mɩ mɩkpaɣ-m se mɛnkɛ-ɩ. Mbʋ́ pʋyɔɔ yɔ, mɩ nɛ Kɩpaɣlʋ mɩ-kpɛndʋʋ taa lɛ, mɩ lɛ mbʋ́ pɩwɩlɩɣ toovenim se malabɩ Krɩstʋ tiyiyu tʋmɩyɛ yɔ.

2 Kɔrɛntɩ 11:12

Mbʋ́ malakɩ yɔ, mɛwɛɣ pɩ-labʋ yɔɔ se manɖɩɣ nʋmɔʋ mbá pañɩnɩɣ se pehiɣ mbʋ́ paawana nɛ pakʋndɩ se pa-tʋmɩyɛ labʋ wɛ ɛzɩ ɖa-ñɩnɖɛ yɔ.

2 Kɔrɛntɩ 11:20

Mbʋ́ pʋyɔɔ yɔ, itisiɣ se mbá pɛcɛtɩɣ se pɛkɛ Krɩstʋ tiyiyaa yɔ, palabɩ-mɩ ɛzɩ yomaa yɔ yaa pɔtɔɔ mɩ-yɔɔ yaa pɛcɛtɩ-mɩ yaa peniɣzi-mɩ yaa pɛcɛbɩ-mɩ kadanzɩ.

2 Kɔrɛntɩ 2:12

Alɩwaatʋ ndʋ́ mantalɩ Trowaasɩ se monsusuu Krɩstʋ Laŋhɛzɩyɛ Tɔm yɔ, Kɩpaɣlʋ kaha-m nʋmɔʋ.

2 Kɔrɛntɩ 6:3

Đɩcaɣ se nɔɔyʋ ɛtaapɩzɩ ɛkpɛzɩnɩ-ɖʋ tʋmɩyɛ nɖɩ́ ɖɩlakɩ yɔ ɖɩ-yɔɔ. Pʋ-yɔɔ ɖɩñakɩ pana se nɔɔyʋ ɛtaatɔlɩ Ɛsɔ nʋmɔʋ taa.