1 Kɔrɛntɩ 9:10 - New Testament

¹⁰ ɖɔ-yɔɔ ɖeke ɛmaɣzɩɣ nɛ ɛyɔɔdʋʋ ḿbʋ́? Toovenim lɛ, ɖɔ-yɔɔ pama-tʋ. Pʋwɛɛ se weyi ɛhayɩɣ nɛ weyi ɛmakɩ mɩla yɔ, pataa liu se pɔkɔŋ hiɣu pe-ɖeɖe.

1 Kɔrɛntɩ 9:10 ပူးပေါင်းရင်းမြစ်များ

Maatiyee 24:22

Yee Ɛsɔ ɛtaamaɣzɩ nɛ ɛpasɩ kʋñɔŋ kɩyakɩŋ ɩnʋ ɩ-yɔɔ ɛyáa mbá ɛlɩzɩ-wɛ se pɛkɛ ɛ-ñɩma yɔ pɔ-yɔɔ yɔ, nɔɔyʋ taawɛnɩ ɛ-ɛsɛ.

Room 15:4

Tɔm ndʋ́ tɩtɩŋa payɩ pama Ɛsɔtɔm Takayaɣ taa ɖooo lɔŋ yɔ, pama-tʋ se tikuli ɖɛ-ɛsɛ nɛ ɖɩɖɔkɩ ɖɔ-hɔ nɛ tiyele pɩlabɩ-ɖʋ hʋnʋm nɛ ɖɩɖaŋ mbʋ́ Ɛsɔ ɖʋwa se ɛlakɩ yɔ.

1 Kɔrɛntɩ 3:9

Mbʋ́ pʋyɔɔ yɔ, ɖatɩŋa ɖɩkpɛndaa nɛ ɖɩlakɩ Ɛsɔ tʋmɩyɛ nɛ mɩ mɩwɛɛ ɛzɩ ɛ-hayɩm yɔ. Ɩwɛ ɖɔɖɔ ɛzɩ ɛ-ɖɩɣa yɔ.

2 Kɔrɛntɩ 4:15

Mɩ-yɔɔ pɩtɩŋa payɩ pɩlakɩ ḿbʋ́ se Ɛsɔ ɛtɩŋnɩ e-lootiye yɔɔ nɛ ɛya ɛyáa sakɩyɛ ñʋʋ. Ɛlakɩ ḿbʋ́ se mbá pasaŋ-ɩ se ɛ-hɩɖɛ ɛsɛɛ yɔ, pɛtɛzɩ ɖɔʋ.

2 Timootee 2:6

Đɔɖɔ lɛ, haɖʋ weyi ɛkaŋ ñʋʋ nɛ ɛhayɩ siŋŋ yɔ, ɛnʋ pʋwɛɛ se ɛcalɩ mʋ́ʋ e-ɖeɖe.