1 Kɔrɛntɩ 8:9 - New Testament

⁹ Paa ḿbʋ́ yɔ, ɩkpa mɩ-tɩ se waɖɛ nɖɩ́ pɩha-mɩ se ɩtɔɔ kɩlaʋ nandʋ yɔ, ɖitaayele nɛ mbá patapɩɩ Ɛsɔ nʋmɔʋ taa yɔ, pa-taa nɔɔyʋ tɔlɩ.

1 Kɔrɛntɩ 8:9 ပူးပေါင်းရင်းမြစ်များ

Maatiyee 18:10

Yesu tasɩ ɛ-tɔmkpɛlɩkɩyaa paɣ́ʋ se: «Ɩɖɔkɩ mɩ-tɩ nɛ ɩtaapɛŋ mbá pɛwɛnɩ lidaʋ mɔ-yɔɔ nɛ patakpaɣ-wɛ payaa pʋyʋ yɔ pa-taa nɔɔyʋ tɛtɛ. Toovenim lɛ, mankaɖɩɣ-mɩ se: man-Caa weyi ɛwɛ ɛsɔdaa yɔ, e-tiyiyaa mbá pɔcɔŋnɩ pɔ-yɔɔ yɔ, pɛwɛ ɛ-cɔlɔ tam. [

Room 15:1

Mbá ɖa ɖɩwɛ ɖoŋ ɖe-lidaʋ wɛnaʋ taa yɔ, pʋwɛɛ se ɖɩkʋ ɖɔ-hɔ mbá pɛkɛ ajamaa pe-lidaʋ wɛnaʋ taa yɔ pɔ-tɔm taa, ɖɩtaanɩɩnɩ ɖe-liu ñɩm.

1 Kɔrɛntɩ 10:24

Nɔɔyʋ ɛtaañɩnɩ ɛ-maɣmaɣ ɛ-kɛzɛɣa. Ɛlɛ́, ɛñɩnɩ lɛlaa ñɩŋga.

1 Kɔrɛntɩ 10:28

Ɛlɛ́, yee nɔɔyʋ eheyi-mɩ se: «Nandʋ tʋnɛ tɩkɛ kɩlaʋ nandʋ» yɔ, weyi eheyi-mɩ ḿbʋ́ yɔ ɛ-yɔɔ lɛ, ɩtaatɔɔ. Pɩtɛkɛ ḿbʋ́, piliɣtiɣ-i.

1 Kɔrɛntɩ 10:29

Pʋ-yɔɔ lɛ, pɩtɛkɛ ɛzɩma mbʋ́ piiliɣti-mɩ yɔ pʋ-yɔɔ mɔyɔɔdʋʋ cɩnɛ. Ɛlɛ́, ɛzɩma mbʋ́ piiliɣti lɛlʋ yɔ pʋ-yɔɔ mɔyɔɔdʋʋ. Paa ḿbʋ́ yɔ, nɔɔyʋ lɩmaɣza ɛɛpɩzɩɣ pɩɖɩɣ nʋmɔʋ ŋgʋ́ pɩha-m se mala pʋyʋ yɔ.

1 Kɔrɛntɩ 10:32

Mi-wezuu caɣʋ taa lɛ, itaayele nɛ pɩtɩŋnɩ mɩ-yɔɔ nɛ Yuda ñɩma yaa mbá pɛtɛkɛ Yuda ñɩma yɔ yaa Ɛsɔ ñɩma pa-taa nɔɔyʋ tɔlɩ nʋmɔʋ ŋgʋ́ ɛɖɔŋ yɔ kɩ-taa.

1 Kɔrɛntɩ 8:10

Mbʋ́ pʋyɔɔ yɔ, weyi ña ŋsɩm ḿbʋ́ yɔ, yee ŋcaɣ agɔlɩma naŋ nakʋyʋ tɛɛ nɛ ŋtɔkɩ kɩlaʋ nandʋ nɛ weyi ɛtapɩɩ Ɛsɔ nʋmɔʋ taa yɔ ɛna-ŋ yɔ, pɩɩlakɩ ɛ́lɛ́ ɖɔɖɔ se ɛtɔɔ-tʋ yaa we?

1 Kɔrɛntɩ 8:12

Yee ɩyʋsʋʋnɩ mɩ-taabalaa mbá patapɩɩ Ɛsɔ nʋmɔʋ taa yɔ ḿbʋ́ nɛ piliɣtiɣ pa-lɩmaɣza yɔ, Krɩstʋ maɣmaɣ ɩyʋsɩnaa.

1 Kɔrɛntɩ 9:22

Ma nɛ mbá pɛkɛ ajamaa pe-lidaʋ wɛnaʋ taa yɔ ɖɩwɛɣ lɛ, mɛwɛ ɛzɩ ḿbá ɖɔɖɔ yɔ se manpɩzɩ mansɩnɩ-wɛ nɛ pɛwɛnɩ lidaʋ siŋŋ Krɩstʋ yɔɔ. Pʋ-yɔɔ manpɩsɩ man-tɩ ɛzɩ paa weyi yɔ se paa pɩɩla ɛzɩma yɔ, manpɩzɩ mansɩnɩ nabɛyɛ nɛ Ɛsɔ ya pa-ñʋʋ.

2 Kɔrɛntɩ 11:21

Ɩcɔnɩ ɩna ɛzɩma mbʋ́ pɩkpaɣ-m fɛyɛ kpem se mɔyɔɔdɩ se ɖɩɩkɛ ajamaa yɔɔ ɖɩtanazɩ-mɩ ḿbʋ́ yɔ! Paa ḿbʋ́ yɔ, yee pɩcɩbɩ nɔɔyʋ nɛ ɛkʋndɩnɩ nabʋyʋ yɔ, ma ɖɔɖɔ mankʋndʋʋnɩ-pʋ. Mɔyɔɔdʋʋ ɛzɩ kɩmɛlɛŋ yɔ.

2 Kɔrɛntɩ 11:29

Yee nɔɔyʋ ɛwɛnɩ ɛjandʋ Ɛsɔ nʋmɔʋ taa yɔ, pʋwɛ ɛzɩ mɛwɛnɩ tɩ-taa yɔ. Yee nɔɔyʋ ɛtɔlɩ Ɛsɔ nʋmɔʋ taa yɔ, pɩcɛyɩɣ-m ɖɔɖɔ siŋŋ.

2 Kɔrɛntɩ 6:3

Đɩcaɣ se nɔɔyʋ ɛtaapɩzɩ ɛkpɛzɩnɩ-ɖʋ tʋmɩyɛ nɖɩ́ ɖɩlakɩ yɔ ɖɩ-yɔɔ. Pʋ-yɔɔ ɖɩñakɩ pana se nɔɔyʋ ɛtaatɔlɩ Ɛsɔ nʋmɔʋ taa.

Galaatɩ 5:13

Taabalaa! Mɩ lɛ, Ɛsɔ ya-mɩ se ɩwɛɛ mɩ-tɩ yɔɔ. Paa ḿbʋ́, pɩtaha-mɩ waɖɛ se ɩla mbʋ́ mɩ-maɣmaɣ mi-liu wɛɛ yɔ mi-wezuu caɣʋ taa. Ɛlɛ́, ɩsɔɔlɩ ɖama nɛ piyele ɩsɩnɩ ɖama camɩyɛ.

Koloosi 2:8

Ɩkpa mɩ-tɩ ɖeu nɛ nabɛyɛ ɛtaacɛtɩ-mɩ nɛ pa-maɣmaɣ pɔ-lɔŋsɩnɖɛ tɔm. Cɛtɩm tɔm ńdʋ́, tɩɩwazɩɣ pʋyʋ. Ɛyáa sɔnzɩ nɛ kedeŋa yɔɔ cɩnɛ ɖoŋ pɔ-cɔlɔ tɩlɩnaa. Tɩtɛkɛ Krɩstʋ ñɩndʋ.

1 Pɩyɛ 2:16

Ɩwɛɛ ɛzɩ ɛyáa mbá pɛwɛ pa-tɩ yɔɔ yɔ. Ɩtaawanɩ mɩ-tɩ yɔɔ wɛʋ ḿbʋ́ nɛ ɩla ɛzaɣ́tʋ, ɛlɛ́, pʋwɛɛ se ɩwɛɛ ɛzɩ Ɛsɔ yomaa yɔ.

2 Pɩyɛ 2:19

Peheyiɣ-wɛ se pɔkɔŋ pa-tɩ yɔɔ wɛʋ. Ŋgʋ́, pa-maɣmaɣ pɛkɛ kɩwɛɛkɩm mbʋ́ puwokini-wɛ sɩm taa yɔ pu-yomaa. Mbʋ́ pʋyɔɔ yɔ, ɛyʋ kɛ mbʋ́ pʋwɛnɩ ɖoŋ ɛ-yɔɔ yɔ pu-yom.

Wɩlʋʋ 2:14

Ɛlɛ́, man-taa wɛnɩ-wɛ natʋyʋ: pɛ-tɛ ɛyáa nabɛyɛ tisiɣ tɔm ndʋ́ Balaam wɩlaɣ yɔ. Balaam wɩlaɣ Balaakɩ ɛzɩma mbʋ́ ɛɛla nɛ Izrɛɛlɩ ñɩma tɔɔ kɩlaʋ nandʋ nɛ pala acɛyɛ nɛ piyele pɔtɔlɩ Ɛsɔ nʋmɔʋ taa yɔ.