1 Kɔrɛntɩ 8:4 - New Testament

⁴ Lɛɛlɛɛyɔ, mancaɣ se mɔyɔɔdɩ kɩlaʋ nandʋ tɔɔʋ tɔm. Đɩnawa se agɔlɩma fɛyɩnɩ wazaɣ nakɛyɛ kedeŋa yɔɔ cɩnɛ. Đɩnawa ɖɔɖɔ se Ɛsɔ kʋɖʋm koŋ wɛna.

1 Kɔrɛntɩ 8:4 ပူးပေါင်းရင်းမြစ်များ

Maarkɩ 12:29

Peeɖe Yesu cosi-i se: «Paɣtʋ ndʋ́ tɩkɩlaa yɔ, ńdʋ́ yɔ: ‹Izrɛɛlɩ ñɩma mɩ, ɩtɩlɩ se ɖa-Kɩpaɣlʋ Ɛsɔ ɖeke koŋ kɛnɩnɩ Kɩpaɣlʋ.

Tʋma Labʋ 14:15

«Taabalaa, pɩlabɩ ɛzɩma nɛ ɩlakɩ ḿbʋ́? Đɩkɛ ɛyáa ɖɔɖɔ ɛzɩ mɩ yɔ. Ɛlɛ́, ɖɩkɔm se ɖiheyi-mɩ Laŋhɛzɩyɛ Tɔm nɛ iyele agɔlɩma wena aawazɩɣ pʋyʋ yɔ, a-kpɛyʋʋ nɛ ɩpɩsɩnɩ Ɛsɔ wezuu tʋ yɔɔ. Ɛnʋ labɩnɩ ɛsɔdaa nɛ tataa nɛ teŋgu nɛ mbʋ́ pɩtɩŋa payɩ pʋwɛ kedeŋa yɔɔ cɩnɛ yɔ.

Tʋma Labʋ 15:20

Ɛlɛ́, ɖɩma-wɛ takayaɣ nɛ ɖiheyi-wɛ se pataatɔɔ kɩlaʋ nandʋ, mbʋ́ pʋyɔɔ yɔ, tipisiɣ ɛyáa. Pataatɔɔ ɖɔɖɔ calɩm nɛ kpɩna wena pɛtɛcɛ a-liŋ tɛɛ yɔ. Pakpa pa-tɩ nɛ yem yem lakasɩ.

Tʋma Labʋ 19:26

Lɛɛlɛɛyɔ, mɩ-maɣmaɣ ɩnaɣ nɛ ɩnɩɣ nɛ mɩ-nɩŋgbaaŋ ndʋ́ mɩ-Pɔɔlɩ ɛnʋ ɛwɛɛ esusuu Efɛɛzɩ nɛ pɩkpɛndɩnɩ Aazii egeetiye hɔɔlɩŋ sakɩyɛ taa yɔ. Ńdʋ́ lɛ se agɔlɩma wena ɛyáa manɩ pe-nesi yɔ, atɛkɛ pʋyʋ kpem. Tɔm ńdʋ́ ɛcɛtɩɣnɩ ɛyáa sakɩyɛ nɛ paba tisiɣ-tʋ ɖɔɖɔ.

1 Kɔrɛntɩ 8:1

Lɛɛlɛɛyɔ, pʋcɔ ɖɩyɔɔdɩ kɩlaʋ nandʋ tɔm lɛ, meheyiɣ-mɩ se pɩkɛ toovenim se: «Đatɩŋa payɩ ɖɩsɩm lɛɣtʋ.» Ɛlɛ́, lɛɣtʋ ńdʋ́ tiyeki nɛ ɛyʋ kpazɩ ɛ-tɩ. Ŋgʋ́, sɔɔlɩm ñeyeki nɛ ɛyʋ tɛzɩ pɩʋ e-lidaʋ wɛnaʋ taa.

1 Kɔrɛntɩ 8:10

Mbʋ́ pʋyɔɔ yɔ, weyi ña ŋsɩm ḿbʋ́ yɔ, yee ŋcaɣ agɔlɩma naŋ nakʋyʋ tɛɛ nɛ ŋtɔkɩ kɩlaʋ nandʋ nɛ weyi ɛtapɩɩ Ɛsɔ nʋmɔʋ taa yɔ ɛna-ŋ yɔ, pɩɩlakɩ ɛ́lɛ́ ɖɔɖɔ se ɛtɔɔ-tʋ yaa we?

1 Kɔrɛntɩ 8:11

Peeɖe mbʋ́ ŋsɩma yɔ, pilesiɣ weyi ɛtapɩɩ Ɛsɔ nʋmɔʋ taa yɔ. Ŋgʋ́, ɛkɛ ña-taabalʋ weyi Krɩstʋ sɩbɩ ɛ-yɔɔ yɔ.

Galaatɩ 4:8

Đooo lɛ, ɩtaasɩ Ɛsɔ nɛ ɩkɛ agɔlɩma yomaa. Ŋgʋ́, atɛkɛ Ɛsɔ.

Efɛɛzɩ 4:6

Ɛsɔ kʋɖʋm koŋ wɛna: ɛnʋ lɛ Krɩstʋ ñɩma tɩŋa payɩ Caa. Ɛnʋ cɔŋnɩnɩ patɩŋa pɔ-yɔɔ nɛ ɛwɛɛ patɩŋa pa-taa nɛ ɛlakɩ tʋmɩyɛ patɩŋa pa-taa.

1 Timootee 1:17

Ɛyáa tɩŋa payɩ ɛsam-ɩ nɛ paɖʋ-ɩ hɩɖɛ tam. Mbʋ́ pʋyɔɔ yɔ, ɛnʋ lɛ Wiyaʋ sɔsɔ weyi e-kewiyaɣ tɔɔʋ fɛyɩ tɩnaɣ yɔ, ɛɛsɩkɩ, nɔɔyʋ ɛɛnaɣ-ɩ, e-ɖeke koŋ lɛ Ɛsɔ tam! Pɩla ḿbʋ́!

1 Timootee 2:5

Mbʋ́ pʋyɔɔ yɔ, Ɛsɔ kʋɖʋm koŋ wɛna nɛ ceyiyu kʋɖʋm koŋ ñɛwɛɛ Ɛsɔ ɛnʋ nɛ ɛyáa pɛ-hɛkʋ taa nɛ patɩŋɩɣnɩ ɛ-yɔɔ. Ɛnʋ lɛ Krɩstʋ Yesu.